sweet'spice

最近去咗間細細地嘅拉麵店試咗佢哋嘅香辣海鮮拉麵 🍜🌶️，喺一堆連鎖店中間真係幾搶眼👀。我係午餐時間入去，差唔多爆場，成間店坐滿晒人 😮‍💨。我叫咗少辣版本，辣味唔算強，啱晒我呢啲唔太食得辣嘅人 😅。海鮮方面有魷魚🦑同蝦🦐，味道OK啦～唔算驚喜但都唔差。不過面嘅份量就真係唔多，如果你係大胃王或者好肚餓，建議加碗飯🍚，唔係可能唔夠飽。最失望係佢冇餐飲配🥲，如果有杯凍飲配埋就完美晒啦～整體嚟講，雖然有啲小缺點，但呢碗拉麵都算值得一試 👍！…查看更多

海鮮韓式拌飯🇰🇷🍚🦑如果您正在尋找一種健康又美味的韓國傳統料理，海鮮韓式拌飯絕對是您不可錯過的佳餚。這道料理的獨特之處在於，它不僅融合了新鮮的海鮮、豐富的蔬菜🧅和軟糯的米飯，還具有健康的食材搭配和清爽醇厚的口感，讓您在享受美食的同時也能獲得豐富的營養和健康益處。👍🏻👍🏻當您品嚐這道菜式時，您會瞬間被那鮮美的海鮮味道所迷住，而加入的蔬菜更為其口感增添豐富的層次。此外，🍙米飯的軟糯口感與海鮮和蔬菜的口感形成了完美的平衡，讓您享受到美味的同時也感受到了👅👅食物的細膩之處。而其清新醇厚的🫗醬汁調味更是讓人回味無窮，讓您在品嚐時完全沉浸在美味的世界中。如果您還沒有嘗試過海鮮韓式拌飯，不妨去尋找一家韓式餐廳，品嚐一下這道美味的韓國料理。我相信您會被它的美味和健康屬性所吸引，享受到美食帶來的愉悅和滿足。#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食 …查看更多

何文田都算係一個唔太多餐廳選擇既地方🤓今次嚟到何文田 😚咁啱見到一間韓國餐廳 ，就入去試吓啦👻🧊炸芝士豬扒飯 $ 57 8.5/10豬扒熱辣辣 😍外皮金黃但又唔會太厚粉 ✨🫶🏻預先切開左一件件 ，入面啲芝士會流出嚟 🧀套餐會包左飯 🍚醃蘿蔔 ，同湯 🍲醃蘿蔔唔會太酸 👍🏻夾埋啲炸豬扒一齊食就會冇咁油 ，味道清新啲 🫰🏻湯既味道正常唔太咸 ！整體嚟講味道幾好食 ，但食哂成個餐有啲濟🤣人均消費💵： $60-70性格比： 9/10好食程度😋：8.5/10回頭指數💓：8.5/10 …查看更多

經常要係何文田食飯，係領展下嘅何廣真選擇少之有少，今次就去愛民個邊發掘，估唔到何文田都有貼地食店燒汁牛肉飯牛肉汁濃濃 十分香🤤🤤份量都十分足夠對於鍾意食牛嘅我覺得依個價錢很不錯仲有學生優惠🤭難怪有咁多學生食海鮮韓式拌飯相對牛肉飯 依個比較輕食似食沙津多過食飯入面嘅海鮮有蝦仁 蟹柳等 其他食唔出🤣對於大食嘅我嚟講 食完都仲有點餓 我自己就不推薦喇🌚佢除咗叫拉麵外 都會提供海帶湯湯都不過不失 唔似味精湯的🤭 我覺得都幾好味嘅！…查看更多

一大清早就要跑跳走趕，以美式咖啡配上好味牛角飽，成就了一個豐富的早餐，所以中午時……尚未餓，特選香辣惹味的東西，一開胃口。點選了韓食，所以特別選了BBQ辣豬肉飯，預期食一餐辣・肉・飯。開動雙筷時，發現有紫菜湯，🥰竟然有不少紫菜，仲有濃郁的胡椒味。wow...至於辣・肉・飯：有醃蘿蔔，開心死了，平日韓食時，最愛叫醃蘿蔔與菠菜，真心見到店長做菜用心。而BBQ辣豬肉分量超多，一口一口不定，BTW怕辣或小辣的朋友請不要試，因為你會飲大量水🤣。我就食得勁開心。飯量亦多，忘了叫少飯，我認……飯食唔到咁多。藉得再試，下次要食辣豬肉雜錦飯。…查看更多

Lunchtime同同事食咗個煙三文魚拌飯配海帶湯，因為本人鍾意食三文魚🍣，味道有少少辣🌶，加上沙律菜🥗、蟹籽🦀、紫菜、青瓜🥒，感覺好清新，係一個好好既輕盈午餐！😃👍🏻…查看更多

係呢度同大家講，劣食不可一，不可再。食飯時間入到去餐廳見坐唔到一半人，但依然抱住試下食新野既心態同fd入去。午餐種類唔多人但全部都唔平，50蚊以上。跟手諗住叫左個特色雜錦飯（海鮮）（$57），但估唔到咁細間餐廳都要自己出去嗌，而啲員工係到行行企企。不過都算了，諗住呢個價位唔會差得去邊，佢個所謂海鮮係一灘沙律醬入面加左蟹子同埋蟹柳，同埋細到幾乎睇唔到既蝦。我個祟韓fd叫左個炸雞飯，啲粉又厚又硬，佢最後食左3分1就放棄唔食。仲有個所謂既湯其實係鹽水，最好食應該係佢碗白飯。最後食完無嘔已經算係咁，永久 blacklist…查看更多

作為街坊，好想知愛民邨Sweet Spice 唔知係咪轉左老闆，點解可以難食左咁多？$73 泡菜粉絲粉炒牛肉飯，無泡菜係裡面，仲要燶到苦左？粉線同肉都燶到有黑點！個湯又咸到苦🤭同一個飯，之前明明好食到驚為天人咁，點解今日係貼錢買難受Feel ?之前其他鄰居都有提過佢地水準下降，今日一試，真係超級唔掂，無心做既不如讓比其他人？我下面既相，係全部都無食過，買返來就打開就影，唔係我食剩既，真係好難頂加恐怖！如果無轉老闆，好想你留意下食物質素！…查看更多

員工態度奇差，嘢食不如期望午飯時段諗住入去食個飯之後再去何文田行下，叫咗個炸雞飯，心諗叫得炸雞就算唔係即炸都應該係熱既雞塊比我，本身對食唔係一個好高要求嘅人但見到員工咁嘅態度就把幾火想上嚟寫過負食評。好聲又唔該講可唔可以換熱既炸雞比我，點知呀姐係正我面前轉身叫人叮叮佢？下唔係呀化？我問佢有冇唔係放咁耐凍哂果啲？佢話我地岩岩炸完啲雞就係咁。嘩真係幾好野呀佢！結果唔洗諗就唔食轉身走，我只想係新年又撞正流感高峰時期想食啲暖野入肚，無諗過遇到咁既人咁既野食。好希望打呢個食評唔係淨係話人地唔好，仲想話比大家知服務態度都係入餐廳食野重要既一環PS 本身呢間野真韓國人老闆態度好好，但請番黎既員工差到咁，利申我以前間唔使成日黎…查看更多

宜家嘅屋村再唔係只得茶記，魚蛋粉呢啲地道嘢食，今次黎到愛民村嘅sweet's spice，由韓國人主理，家庭式經營，真正韓式。天氣酷熱，胃口不算太好，所以揀咗泡菜粉絲炒牛肉，刺激一下味蕾。果然冇揀錯，泡菜酸辣非常開胃，即叫即炒熱辣辣，絕對唔係預先炒定一盤，套餐仲有海帶湯同涼菜，非常滿足涼菜剛好可以中和泡菜嘅酸辣牛肉同配菜比例啱啱好，但係就稍嫌牛肉太碎。$69食到正宗韓式料理屋村都可以有好嘢食支持小店，一定會再幫襯…查看更多

愛民邨想搵間餐廳食午餐，都唔係好多選擇。見到呢間韓國小店，就入去試下啦。點左個韓式辣雞飯，甜酸汁，仲會跟一碗海帶湯，一碟小蘿蔔，一碗白飯。炸雞飯都算穩穩陣陣之選，每次食都覺得好好味。間唔中仲會回味好想返去再食。小店老闆應該係韓國人，次次都好有手尾，幫大家收拾碗筷。…查看更多

午餐時候都會坐滿，佢地既泡菜炒豬肉同炸雞都好好食，泡菜炒豬肉相當夠入味，不過就會有點油。炸雞有好多種口味，甜酸辣都有。每一個餐都有一個湯。餐廳環境同碗碟都好乾淨。…查看更多

lunch time又呢度呢間平價美味韓國餐廳食野， 今次晏少少佢有拌飯可以叫，就試下佢!😍 (都係由學生優惠大家記得出示學生證)佢d lunch set會有個湯! (海帶湯)喺佢個玻璃廚櫃睇住佢搭啲配料落個碗度， 夾咗幾多下 (芽菜，青瓜。。)， 所以成個飯唔會覺得好齋，有好多料伴住食。👍味道方面， 我覺得佢啲醬汁唔夠，個飯唔係好夠味，佢又冇得畀客人額外加醬汁。 (e.g. 辣醬) 🤔 好在佢啲牛肉都幾夠味，可以伴住食。 😂 不過搞到成個飯嘅感覺有啲乾。不過整體嚟講，價錢平， 嘢食唔差，都算係幾好。下次再試下其他嘢!😂…查看更多

lunch 係愛民發現e韓國食店， 鋪面細細但係好多人幫襯。可能因為價錢唔係好貴，大約平均45左右一個餐。佢餐牌上有分學生價😍😍 學生價錢會平幾蚊。 所以記得出示學生證!佢啲set冇包飲品的， 不過佢有(檸檬)水提供， 可以自己去裝水! 好似快餐嘅形式，先付款後取餐。食物方面 ，我今次叫咗甜辣炸雞飯佢有分芝麻醬甜酸醬同甜辣醬。個餐會跟一個海帶湯， 如果想要一小碟醃蘿蔔做前菜，可以問姐姐有冇。(有d姐姐會主動俾的!)佢嘅份量啱啱好， 如果大食啲嘅朋友可能會好快餓。🤔 我今次叫嘅甜辣雞，醬汁做得好特別， 甜得呢食到最後會有辣味，幾過癮， 仲好啱送飯。😂 而且炸雞唔會有好厚嘅炸粉皮， 細細件雞肉，方便一啖一件，再加多半啖飯! 總結： 雖然餐廳空間比較迫夾， 不宜逗留太耐， 同埋感覺上成個餐冇蔬菜。🤔🤔 但價錢平得嚟又好味! 服務效率好快，以快餐形式都主動幫客人安排座位。整體感覺良好! 可以encores 試下其他餐。…查看更多

系附近返工，食市既選擇唔多，最鍾意就係黎宜間食，因為又平又食得飽。有時口痕想食韓國炸雞都會黎宜度。佢地仲有辣泡菜炒豬肉都好好食，夠哂入味！而且佢係一早整好左少少食材所以岀餐都好快。…查看更多