影片
喺荃湾突然间心血来潮想食糖水，揾个地方坐低同朋友倾吓偈。去路德围行吓睇吓有冇新发现。行行吓见到呢间Sweetheart入边坐满人，想必一定系好正先会咁多人，所以就入去试一试佢。🍉小西瓜山见佢餐牌上面写住一台只限叫一个，好似好珍贵咁所以就叫左佢。上到嚟真系觉得非常惊讶，因为座山好大，而且下便仲有半个大西瓜（真系大，唔系平时一个人都食到一个𠮶啲小西瓜）上面系一座冰山，用西瓜牛奶刨出嚟嘅，清清地唔系好甜，非常消暑解渴。座山入边下物会有唔同嘅配料，例如有椰果，布甸，凉粉，小丸子等。好似寻宝咁非常过瘾。本身以为佢下便就系一个西瓜俾我哋慢慢挖。但系佢都非常之有诚意，佢将啲西瓜肉挖晒做一个个小波波，方便客人进食。虽然呢座西瓜山等咗好耐同埋都唔系平，但系见到佢咁足料又咁有诚意真系值回票价。🥥椰皇全宝基本问每一台都会叫椰皇，我哋都唔例外。呢个椰皇全部入边有好多好多种唔同嘅配料，多到我喺呢度都不能尽录。食落有各种唔同嘅口感，而且椰皇椰奶嘅味道非常浓郁，非常推荐。🥭芒果捞水晶粉最后我哋仲叫多咗一个甜品😂两个人食咗三个。呢款虽然好多地方都有得食，但系我觉得呢一间系最足料嘅。总括而言，呢一间我觉得性价比非常之高，而且食物质素都好出色。推荐大家去开荃湾可以试吓🥹
继续阅读