影片
年三十晚要返工，放工买外卖寿司🍣做晚餐！金钟呢间高档啲超级市场内嘅寿司档一向唔错，去到系6点几，仲有几多寿司选择，店员刚好贴紧减价促销，我逛完一轮超市再返来，所有寿司都贴咗减价贴纸！拣了两款就去比钱！如果在外食嘅，档口有即弃筷子可以取用！返到屋企，搭车有点摇散咗摆盘！包装企理！卖相几好杂锦寿司（$78）呢款平实啲！寿司款式大路啲！三文鱼（3件）唔算肥美，三文鱼几滑唔腥！帆立贝（3件）细细件，淋身软身唔腥花之恋（2件）沙律酱比赛多，三文鱼比三文鱼寿司肥，厚切嫩滑，蟹籽卜卜脆，好味！加州卷（2件）卖相唔错，材料蟹柳、牛油果🥑、青瓜、甜蛋，材料好多！饭松软，蟹籽卜卜脆！好味Delux Sushi set($142)呢个豪华版种类多啲！每款一件！最后先减价！虾🦐：加了三粒三文鱼籽，咸香好味！虾肉几厚爽口唔腥好味鱿鱼🦑：加了紫苏叶香，墨鱼弹牙，好味帆立贝🐚：细细件，淋身软身唔腥海胆：颜色好深，表面少少溶溶地，卖相一般，甘香好味三文鱼子：散散地，三文鱼籽好似宝石💎好靓，咸香好味！葱吞拿鱼蓉：比较哑色，好多青葱，鱼蓉凝固了口感唔够肥美！一般八爪鱼🐙：有咬口略干！一般肥髀食：三文鱼腩：鳗鱼：吞拿鱼：白身鱼：北寄贝：寿司水准唔错，款式有贵有平，特价了仲抵食！外带寿司都有好水准
继续阅读
晚餐只买左一碗沙律，当然唔够喉啦！顺道买埋刺身返屋企食！三文鱼腩非常肥美，鱼油十足，入口幼滑，但实在太肥了，食左3块已好油腻。油甘鱼刺身十分新鲜，沾少许豉油已可提鲜，鱼味又香浓郁，系略嫌唔够肥！呢个晚餐实在太丰富啦！
继续阅读
虽然系某超级市场既分支,但系总系觉得呢度既鱼生水准系几好其实好唔好食,看看有无光泽,脂肪分布都略知一二,呢度既三文鱼无记错买一盒都要2百几蚊(1磅多少少),但系入口软滑,鱼脂丰富,鱼味浓厚,实在唔系1旧水一磅既风味,贵一点也值油甘鱼也是鱼味充足,AFTERTASTE强烈,亦算肥美
继续阅读
印象中一众超市的鱼生寿司, 只系得 city'super, 黄埔花园吉之岛或 Sogo 的叫做比较见得0下人, 其他的未食过又无兴趣食, 今日都系因为又落雨 , 要留肚食 dinner buffet, 又唔想去 salad 部睇人变脸 (详见 http://www.openrice.com/restaurant/commentdetail.htm?commentid=1913560), 先0黎了呢边买个明太子饭团 (好似 $20 each) 及鳗鱼手卷 (好似 $18 each), 再同同事 share 食一盒三文鱼卷物 + 鳗鱼青瓜卷物 ($42).饭团及手卷的紫菜有块胶包住, 又干又脆口, 不错; d 饭黏黏湿湿的, 无醋味, 淡口得很, 几难啃; 饭团内的明太子几少0下, 加上好淡口, 又系好难啃. 手卷鳗鱼就比较易入口, 虽然味道都好淡, 但至少有 d 鱼味及鱼脂吧.而卷物就一样淡口, 紫菜好腍, 不过要0黎真系纯粹为饱肚, 算吧.我都知呢篇食评无乜参考价值, 不过既然好日都唔食超市寿司, 加上好快就会摆脱金钟的无啖好食, 唔争在写一篇俾佢, 还掂免得过都唔会再0系度买的!
继续阅读