SUN HARU

营业中

休息中

晚上，我和老婆到九龍佐敦的SUN HARU餐廳享用晚餐，這裡專門提供韓國料理，位於白加士街附近。餐廳的環境非常吸引人，牆上滿佈美麗的韓國風格壁畫，讓人感受到濃厚的文化氛圍。其中一幅巨大的劉在錫畫像特別引人注目，展現了老闆對店鋪佈置的用心和熱情。我們選擇了二人套餐，首先上桌的是半隻蜂蜜芥末口味的亞之媽炸雞，外酥內嫩，醬汁甜中帶點微辣，十分美味。接著是烤牛肉炒粉絲，牛肉鮮嫩，粉絲吸收了醬汁的香氣，口感滑順。此外，傳統的雜錦紫菜包飯也讓我們驚喜，裡面包裹著各種新鮮食材，色彩鮮豔，味道一絕。前菜的選擇也很不錯，搭配忌廉鮮奶和韓國檸七，讓整體的用餐體驗更加圓滿。除了二人套餐，我們還點了一人便當套餐，內含韓國粉絲、烤牛肉和雜錦小食。韓國粉絲的口感特別彈牙，搭配烤牛肉的鮮美，讓人回味無窮。雜錦小食則提供了多種不同的風味，讓我們在享用的同時能夠嘗試不同的口感和味道。最後，我們以樂天錫蘭檸茶作為飲品，清爽的口感為這頓豐盛的晚餐畫上完美的句號。總體而言，SUN HARU不僅提供了美味的韓國料理，還讓我們享受了一個充滿藝術氛圍的用餐環境，絕對值得再次光臨。

同朋友喺西九龍出嚟之後都唔知食咩好，之後就見到呢間新開嘅韓餐評價唔錯，而且好抵食，就過來試下啦！二人餐真係超值！人均一百就食得超豐富，食物質素都幾好👍韓式炸雞🐔我好鐘意蜂蜜芥末味！包住醬料嘅炸雞真係又邪惡又好食😋烤牛肉炒粉絲🐮韓餐經典，朋友推介，真係好食😋泡菜餅🍕泡菜餅必點呀！泡菜味濃，餅煎得好香，我好鍾意💕海帶湯🥣怕上火，所以叫咗海帶湯，超多海帶❤️ 裡面仲有啲蛤蜊，整碗湯變得鮮甜好好味。喺高鐵站出嚟，食完呢頓美味嘅韓餐，之後再去逛街真係太好啦！

Sun Haru係我喜歡佢嘅一間食店，皆因性價比高，起菜快又好味，原來最近響佐敦開咗分店，睇吓係咪同我去開嘅旺角店一樣咁好食先我都係叫咗二人套餐，因為套餐全部嘅嘢我都鍾意食，所以諗都唔使諗。我飲蜆肉海帶湯，蜆肉好新鮮，清清地暖暖肚，食埋前菜就開晒胃套餐有半隻炸雞，份量一啲都唔少，今日選咗蜂蜜芥末味，炸雞新鮮熱辣，脆粉薄薄一層，一啲都唔油膩，肉汁非常豐富，雞肉亦都香滑，圓圈撈匀蜜糖芥末汁，已經係好豐富嘅口感，做得好好跟住又海鮮煎餅，微微焦嘅餅底已經係好香口，同樣地煎餅一啲都唔油膩，有幾款海鮮料，好味之餘亦都增加咬口嘅不同層次，點少少韓式辣醬就更加跟住有我最愛嘅韓式雜菜炒粉絲（烤牛肉），烤牛肉厚薄適中又入味，非常之有咬口，粉絲彈牙又有豐富嘅醬汁，雜菜令到粉絲好爽口，但係蔥粒同埋芝麻佈滿成碟粉絲，又香又滋味！呢個時候飲埋杯蜂蜜檸檬茶，真係爽到痹，雖然係蜂蜜，但係杯檸檬茶唔算太甜，好啱飲，二人套餐只係二百幾蚊，真係抵到爛

SUN HARU 佐敦分店新開張啦全店外賣九折！堂食免加一👏🏻今晚收工就過咗嚟買外賣🥡叫咗兩個套餐$150都唔使！真係好抵食👍🏻一人炸雞餐 $78烤雞叫左芝士炸雞😋即叫即炸！皮脆肉嫩配韓國粉絲！份量好足仲跟有前菜+飲品一人便當套餐 $78紫菜包飯便當 🍱+ 烤牛肉 +雜錦小食+前菜 擺盤精美！紫菜包飯跟有醃蘿蔔、火腿、青瓜、甘筍材料豐富！配上秘製嘅芥末豉油更添口感想食高性價比的韓國菜來💕SUN HARU 📍佐敦白加士街83號地舖

今日約咗舊同事食飯，去咗佐敦一間新開嘅韓國料理「SUN HARU」，餐廳而家做緊新張優惠全單九折👍🏻呢度嘅二人餐非常抵食，人均只係百零蚊，套餐包括炸雞、兩款主食同兩杯飲品，我地嗌咗個二人餐再加兩款食物，人均都唔超過$200，性價比高👍🏻原味炸雞必食👍🏻套裝包括半隻無骨炸雞，我地揀咗原味，雞皮炸得酥脆香口，入口鬆化脆卜卜，雞肉嫩滑juicy啖啖肉，份量足一份已經有十多件，絕對物超所值😋辣豬肉炒粉絲炒粉絲可以揀牛或豬，同事仔唔食牛所以就揀咗辣豬肉，豬肉係肥瘦相間嘅豚腩片仲帶有脆骨部份，已經預先調味，食落辣辣地，炒粉絲口感煙煙韌韌，加上椰菜同紅蘿蔔絲口感更加豐富傳統雜錦紫菜包飯飯卷裏面加入多款食材，有青瓜、紅蘿蔔、雞蛋、火腿同蘿蔔乾，多重口感，爽脆清新，正宗韓國風味😋芝士泡菜煎餅推介👍🏻泡菜餅兩面煎香，外脆內軟，質感軟熟味道酸酸辣辣，上面鋪滿一層芝士，芝士呈半溶狀態，入口除咗能夠感受到芝士濃郁嘅香味，亦感受到泡菜酸爽嘅口感，比一般泡菜餅更加好食👍🏻軟滑豆腐海鮮湯即叫即制上枱時仲滾緊架，裏面加入咗多種不同嘅海鮮，有鮮蝦、魷魚圈、青口、蜆肉、雞蛋、洋蔥、翠玉瓜同泡菜，當然唔少得嫩豆腐啦😆豆腐入口

行過佐敦見到間新開企理嘅韓國店，見到一人便當$78 抵食.店員姐姐好熱情介紹我用外賣QR code 有優惠飯卷好食牛肉鮮味煎蛋都好好食整體感覺唔錯，下次會約埋同事一齊再買。

今日同朋友黎到佐敦新開的韓國小食店sun haru 新張優惠，性價比高！點了一個二人餐：亞之媽炸雞（蜂蜜芥末口味） 炸雞外皮酥脆，肉質鮮嫩多汁，蜂蜜芥末醬的甜辣比例恰到好處，既開胃又不會過於膩口。半隻的份量對兩人分享來說非常合適。 烤牛肉炒粉絲 烤牛肉醃製入味，搭配洋蔥和芝麻的香氣，口感軟嫩；炒粉絲則帶有淡淡的醬油香，粉絲彈牙且配料豐富，是經典的韓式風味。 傳統雜錦紫菜包飯 包飯的餡料新鮮，搭配醃蘿蔔和菠菜，簡單卻有層次感。 海帶湯 湯甜清爽，暖胃又解膩。 另外，單點小食推薦肉鬆芝士雞蛋卷：雞蛋卷口感綿密，內餡的芝士拉絲效果十足，肉鬆的鹹香增添了風味，值得一試。 韓國餃子：外皮煎得微脆，內餡以粉絲和蔬菜為主，沾上韓式辣醬更顯地道。 黃金帶子：帶子鮮甜，外層裹上輕薄麵衣油炸，搭配美乃滋醬，口感豐富。 從主菜到湯品都能感受到韓式料理的特色。環境舒適，上菜速度也快，會想再次光顧嘗試其他菜式！

🌸二人套餐. ＄241🍀亞之媽炸雞半隻•甜辣🌟🌟🌟🌟🌟炸雞炸得好香脆，粉漿不是太厚身，雞肉超Juice而且好嫩滑，甜辣味道適中。🍀烤牛肉炒粉絲🌟🌟🌟🌟🌟炒韓國粉絲帶點煙靭，烤牛肉牛味濃郁，還有包菜一起吃。🍀傳統雜錦紫菜包飯🌟🌟🌟🌟🌟紫菜包飯好好味，有雞蛋火腿甘筍青瓜等等嘅餡料，包飯軟硬適中，配埋醬汁非常惹味。🍀前菜🌟🌟🌟🌟🌟麻油黑木耳，麻油夠香木耳脆口泡菜，辣到適中🍀C02蜂蜜柚子茶 +$8淡淡蜂蜜味道，微微柚子味道，可以解一解油膩。🍀D04 藍莓乳酸梳打 +$8淡淡藍莓味，可以中和一下油膩感覺。

烤牛肉炒粉絲，牛肉與粉絲味道十分融合，沒有喧賓奪主，這道菜色香味全。不過，味道都顯保守，但十分適合想要享受家常風味的食客😆蜂蜜芥末炸雞外脆外表，看起來好誘人🤣酥脆口感與回甘的蜂蜜相得益彰，讓人感受到一種獨特的風味。醬汁呈甜甜的蜂蜜，辛辣感略淡薄，不過口味因人而異～整體也OK😆傳統雜錦紫菜包飯作為小點心，這份雜錦紫菜包飯充滿了傳統風味，餡料口感多樣！😆以上是二人套餐，包飲品。總體來說，作為下午茶份量我覺得是一餐幾完整和剛剛好的餐，但如果晚市份量上可以更多～期待能再多一點 sorpresa！😆😆但環境十分舒適，而且安靜，十分寫意與非常適合閒聊的餐廳～

今晚去咗SUN HARU 食晚餐，呢一間係佐敦嘅新開分店，店舖牆身油上咗韓國電視劇主題嘅畫，幾有特色。我哋Order咗個二人餐。炸雞半隻：賣相吸引，炸雞嘅外皮金黃酥脆，雞肉鮮嫩，牛油蜜糖味，油脂感同甜味交融，甜而不膩。另一款係塗上咗蜂蜜芥末醬，脆香得嚟同芥末嘅惹味辛辣對比絕妙，令人喜愛！韓國烤牛肉炒粉絲：牛肉非常入味，炒粉絲吸收咗牛肉嘅肉汁同調味料，味道濃郁，入口爽滑彈牙，配合埋椰菜同蘿蔔絲，正！傳統雜錦紫菜包飯：色彩繽紛，內餡豐富，含酸黃瓜，青瓜，火腿，紅蘿蔔，蛋，再有芝麻點綴，味道配合得恰到好處。正宗嘅韓國家常餐，份量非常足，下次再試其他菜式。

經過看到是新開張餐廳 見到有炸雞 湯飯 飯卷 韓食價錢也蠻相宜的 還要免收加一 剛好是晚餐時間 便主餐廳一探究竟二人餐$228牛油蜜糖炸雞新鮮炸起 熱度十足 無骨炸雞啖啖肉 外皮酥脆 也能保持肉汁juicy韓式芝士卷蛋蛋香十足 內裡加了芝士所以入口很juicy 加上蕃茄汁及沙律醬 酸酸甜甜的辣泡菜腩肉湯跟飯天氣涼涼 喝口熱湯 相當溫暖泡菜味香濃 微辣 豆腐豆香滑嫩 腩肉很肥美 怕辣的話混入飯吃會降低辣度非常飽肚鳳梨青檸梳打 +$8甜度剛好 入口新清 解膩不錯

今日去咗呢間韓國餐廳食晚餐。店舖嘅牆上面畫有韓國電視劇“魷魚遊戲”為主題嘅圖畫，都幾有特色。叫咗個二人套餐，$228。有炸雞半隻，烤牛肉炒韓國粉絲，同埋傳統雜錦紫菜包飯。炸雞賣相幾吸引，點咗蜜糖芥末味同埋牛油蜜糖味。兩款味道都唔錯，炸雞皮好脆，帶啲蜜糖嘅甜味，但係啲肉就有少少“鞋”身。牛肉粉絲好入味，啲牛肉片好腍身，粉絲爽，仲有啲蔬菜絲伴住，好好食。雜錦紫菜包飯就好似日本啲壽司咁，有黃瓜，青瓜，火腿，蛋，味道調教得幾好，仲有芝麻嘅香味。餐飲就有汽水或者係錫蘭紅茶選擇。

SUN HARU 今日我同朋友去品嚐到幾道美味的韓國菜式於Sun Haru，分別是蜆肉海帶湯、亞之媽炸雞、韓式烤牛肉雜菜炒粉絲、海鮮煎餅、雜錦紫菜包飯、樂天錫蘭檸茶、韓國檸七。這間韓國餐廳食物質素好，價錢唔貴，仲冇加一，餐廳地方寬闊，裝修得舒適溫馨，枱凳擺放整齊，令人坐得舒服，店員服務態度又好，來這裏食真不錯。⭐️亞之媽炸雞半隻亞之媽炸雞，分量不少有半隻，我哋選咗蜂蜜芥末的味道，蜂蜜芥末結合了甜味和微酸的口感，蜂蜜的甜味與芥末的微辣和酸味相互平衡，帶來豐富的層次感，炸雞外皮酥脆，內裡多汁，蜂蜜芥末醬則增添了風味，口感既香甜又帶點刺激，好味好食，不錯嘅韓式炸雞食品。⭐️韓式烤牛肉雜菜炒粉絲韓式烤牛肉雜菜炒粉絲是一道非常受歡迎的韓國料理，味道鮮美、口感多樣，甜鹹適中，香氣濃郁。烤牛肉經過醃製和烹調，肉質鮮味柔軟多汁，雜菜紅蘿蔔、菠菜、香蔥保持脆嫩，增添清爽口感，粉絲炒得令口感Q彈滑順，層次豐富。⭐️海鮮煎餅海鮮煎餅的味道非常豐富和鮮味，海鮮嘅鮮蝦、魷魚、蛤蜊帶來的鲜味是煎餅的主要風味，煎餅的外層金黄酥脆，内里則保持柔軟，加入葱花，增添清新的香氣，搭配埋辣醬，令食落這個煎餅有一絲辛辣的刺激感。⭐️雜

呢日嚟咗呢間喺佐敦嘅韓式餐廳諗住簡單快脆食個 quick lunch🤣呢度有好多款「超值套餐精選」、「午市套餐」、「一人套餐」等可以選擇，咁揀咗 $62「韓國白冷麵・小雞胸肉・需要芥末醋｜檸水・熱・走甜」🤣「韓國白冷麵・小雞胸肉」：喺韓國🇰🇷真係食過唔少「韓國🇰🇷水冷麵」因為真係好好味（特別係《平壤冷麵》不過香港冇乜地方有得食）🤩；呢間餐廳嘅麵條少少煙韌彈牙，仲竟然加咗糖沁蛋又可以揀加雞胸肉，個湯就只係微冷唔係冰冷🥶，應該好適合香港人嘅胃口，相信喺韓國🇰🇷都好難搵到咁樣嘅水冷麵🍜「檸水・熱・走甜」：熱辣辣大大杯簡簡單單 🤣$28「韓國餃子🥟」：外皮炸到脆卜卜，裏邊嘅餡料應該有豬肉洋蔥等，香口幾好食🤣依家仲有九折㖭🤣

SUN HARU (佐敦)佐敦白加士街83號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：一人炸雞餐 $78牛油蜜糖炸雞：炸雞外皮金黃酥脆，散發著誘人的香氣，肉質鮮嫩多汁，咬下去時肉汁瞬間流出，特製的牛油蜜糖醬料，甜中帶鹹，完美地包裹住每一塊炸雞，蜜糖的香甜與牛油的濃郁相互交融，十分滋味！😄😄😄牛肉大醬湯跟飯：大醬湯湯底濃郁，色澤誘人，新鮮的牛肉經過慢火熬煮，肉質軟嫩，散發著誘人的香氣，湯中還加入了時蔬，增添了清脆的口感，讓整道菜更加健康！👍👍👍跟餐前菜：隨餐附有泡菜一小碟，色彩鮮豔，酸辣可口，蔬菜經過醃製，保留了脆爽的口感，讓人開胃！😍😍😍跟餐飲品：我選了可樂，可樂的甜味與微微的酸味相互交融，搭配炸雞和牛肉大醬湯一流！😋😋😋