SUN HARU

营业中

休息中

肥牛嫩豆腐大醬湯（不辣） 🍲大醬湯材料足，湯底帶微甜味噌香，唔辣但好暖胃，有少少似日式嘅麵豉湯~❣️肥牛片片薄入口即溶，脂香突出，嫩豆腐軟滑，吸滿咗湯底精華，一餐食完感覺特別滿足！配上白飯一齊食最正熱蜂蜜生姜茶☕️飲完非常暖身，薑味輕柔，飲落喉嚨都舒服，適合怕辣想飲啲健康熱飲嘅朋友半隻亞之媽無骨炸雞（蜂蜜芥末+牛油蜜糖口味） 🍗無骨炸雞件件大粒、外皮炸到金黃脆卜卜，肉質嫩滑多汁，唔會乾柴~蜂蜜芥末醬入口先甜後辣，味道層次分明；牛油蜜糖則偏向鹹甜，牛油香同蜜糖味交織，十分邪惡。一盒可以試兩款唔同口味唔會悶，每啖都係邪惡又幸福🥳蜂蜜檸檬茶少甜少冰，非常清新止渴，幫你中和炸雞嘅油膩感，非常match!

石鍋拌飯（烤牛肉版） 石鍋拌飯一上枱已經香氣四溢，拌飯色彩繽紛、有紅蘿蔔、菠菜、芽菜、泡菜等多款蔬菜，配上煎到香口嘅牛肉片，襯托住煙韌米飯，拌勻後鍋巴特別有嚼勁，濃濃芝麻油香，入口層次豐富🤩烤牛肉味道醬汁滲入肉片，冇渣只剩肉汁同牛味，非常下飯蜂蜜紅棗茶☕️生理期啱啱過～估唔到可以有紅棗飲！熱飲少甜清新，生津又好解油膩，飲完十分舒服，仲可以補血！韓國水冷麵拼糖心蛋（炸雞．蜂蜜芥末） 🍜水冷麵一入口冰涼彈牙，湯底微酸開胃，麵條煙韌唔易斷(⁎⁍̴̛ᴗ⁍̴̛⁎)糖心蛋溏心流心帶鹹香，一咬爆漿佢仲配咗三舊炸雞🍗外皮脆口，選用蜂蜜芥末醬，甜中帶微微辛辣，好惹味🥳

喺佐敦嚟咗呢間韓式餐廳諗住快快脆脆簡簡單單食個午餐🤣呢度有好多款「特選套餐」同埋「午市套餐」可以選擇，咁揀咗 $72「一人水冷麵配雜錦炸物餐」，仲揀咗「小雞胸肉｜不要芥末」，再加 $8「檸檬無糖可樂」🤣「雜錦炸物」一共有三件，全部炸得幾香口🤣「韓國水冷麵配小雞胸肉」：喺韓國🇰🇷真係食過唔少「韓國🇰🇷水冷麵」因為真係好好味（特別係《平壤冷麵》不過香港冇乜地方有得食）🤩；呢間餐廳嘅麵條少少煙韌彈牙少少凍🍜，小雞胸肉啖啖肉🤣，仲有一隻雞蛋可以食🤣「檸檬無糖可樂」：大熱天時凍冰冰嘅檸檬可樂就梗係好飲啦🤣

自己一個唔知食咩，見到佢幾的骰，又唔會太嘈，而且餐牌超友好，有一人套餐，啱晒自己一個人。所以我就叫咗一人便當套餐（$78）揀咗紫菜包飯便當＋芝士炸雞＋雜錦小食，仲有菜菜，嘢飲叫左蜂蜜紅棗。有咁多款餸，感覺好豐富見到都開心，而且每樣小食都有少少，可以試到唔同款式，唔會話一個人試唔到好多嘢。肉鬆芯士雞蛋卷（4件）（$38）另外，想食肉鬆，而且好肚餓就再叫多個蛋捲，$38好抵食！佐敦來講，呢個價錢叫做性價比幾高，而且好啱一個人，唔使點諗

一直好好奇，一到lunch time呢間韓國餐廳就好多人，今日忍唔住去試吓😝叫咗呢個一人炸雞餐，仲有泡菜五花腩炒飯，78蚊仲有蜆肉海帶湯，可以揀湯或者嘢飲，佢個餐仲有好多其他主食可以叫，仲有韓國炒粉絲想試吓，不過留返下次😝個炸雞叫咗甜辣味，醬料非常惹味😋炸雞皮唔會太厚👏🏻肉質幾Juicy，喺佐敦嚟講quality算唔錯😆泡菜炒飯唔會太鹹，仲有隻煎蛋😝五花腩數量都幾多😋啱晒我呢啲追求蛋白質💪🏻

想食韓國嘢但係又唔想行返落去尖沙咀喺佐敦就揀了這間韓國餐廳餐廳免加一見到本月特價二人餐179有炸雞有飯卷仲有炒粉絲，都幾抵食韓式小店，雖然舖面只得十多張枱，但環境乾淨上面嘅壁畫竟然係畫上去當晚我同朋友揀咗本月特價二人套餐，$179有半隻甜辣亞之媽炸雞、烤牛肉炒粉絲同傳統雜錦紫菜包飯，兩杯飲品主菜炸雞夠熱辣辣、外皮脆卜卜，甜辣醬唔會過膩，雞肉咬落軟嫩多汁，有韓式餐廳水準。好鍾意佢有啲蔬菜同埋 酸蘿蔔令到成件事都好fresh烤牛肉炒粉絲，唔會過咸或油膩。有一些蔬菜 同埋牛肉流心芝士條內脆外遠可以做到拉絲， 覺得食韓國嘢芝士係不能少因為朋友想食蛋捲但係又唔想叫曬成份，所以就叫咗個蛋捲餐盒蛋捲好重蛋香味，微帶甜， 裏面仲有少少流心 食落好滑餐盒仲有一啲炒牛肉底仲有一啲翠玉瓜感覺真係啖啖肉餐廳 款式夠多、味道有驚喜。店員服務友善，相約朋友或輕鬆食餐韓國菜，SUN HARU都係唔錯之選。下次會想食埋其他款式嘅炸雞

今次同朋友去SUN HARU試咗佢哋嘅 「二人套餐A」($238)，整體體驗相當唔錯，性價比高，值得一讚！🐔招牌無骨炸雞拼盤炸雞炸得金黃香脆，外皮夠薄夠脆，入面雞肉依然保持嫩滑多汁，食落啖啖肉，唔使吐骨😋蜂蜜芥末醬汁配炸雞簡直係絕配！蜂蜜嘅微甜中和咗芥末，令炸雞味道更豐富，食落更開胃🧀芝士辣炒年糕年糕煙韌有咬口，辣度適中 最正係啲芝士多到可以拉絲，濃郁嘅芝士香加埋微辣，好惹味！配埋雞蛋同大量蔬菜，好豐富😆🍙雜錦紫菜包飯飯粒軟硬適中，入面包住多種餡料，口感又腍又爽～🥚肉鬆芝士蛋捲呢個配搭幾有創意！鹹香嘅肉鬆加半溶嘅芝士，鹹甜交織，口感好特別🍊蜂蜜柚子茶（跟餐+$5）酸甜平衡，柚子清香突出，飯後飲非常解膩🍍鳳梨青檸桃打 （跟餐+$8）味道清新有層次，鳳梨嘅香甜、青檸嘅酸香同桃嘅果味融合得幾好

周五同朋友隨便入咗間餐廳！7點幾已經坐滿人！咁味道應該唔會太差啦！我哋嗌咗嗰二人套餐A：✨ 招牌無骨炸雞拼盤（牛油蜜糖味）👍 好似有六種口味可以揀，我哋揀咗牛油蜜糖味！因為同朋友傾計傾得太投入，冇趁熱食！食嗰陣已經唔係特別酥脆，不過炸雞嘅肉汁keep到！雞肉都嫩滑，整體都係幾好食！✨ 芝士辣炒年糕 👍 冇諗到呢個小食咁好食！年糕糯糯唧唧，有口感，仲好掛汁！表面鋪滿水牛芝士，仲有少少泡菜同洋蔥增添口感！🌶️✨ 芝士肉鬆蛋卷 芝士加肉鬆，邊個唔鍾意？蛋卷嫩滑火候啱啱好，唔會煎過火！✨ 雜錦紫菜包飯 份量唔少！中間有青瓜、胡蘿蔔🥕、腌蘿蔔、蛋、火腿等等…飲品叫咗藍莓乳酪蘇打🫐同蜂蜜檸檬茶🍯🍋！

【📍佐敦｜一個人都可以盡興】午餐只係$53起就已經有主食、前菜同飲品，便當、豆腐湯、炒粉絲等不同韓式料理都有得揀，絕對係窮人恩物！！.🐨一人炸雞餐 $78推薦度：⭐️⭐️⭐️⭐️對於小編呢啲咁為食嘅人嚟講，梗係試佢哋嘅一人餐啦🤣比起午餐就係額外多一份可選口味嘅炸雞！！👇🏻👇🏻👇🏻.🐨蜂蜜芥末炸雞炸雞真心一定要食🐥賣相唔算好好，但係做到炸皮夠脆，入邊保持到肉嫩同埋肉汁！！一碟有四大件，非常飽肚滿足～原味都已經好正，蜂蜜芥末有少少甜味同埋攻鼻，味道唔算好出同埋好搶口，食到一半點埋個醬食就更加惹味，更有風味啦✈️.🐨泡菜五花腩炒飯泡菜五花腩炒飯一上枱，令我最驚喜嘅就係上面嘅太陽蛋，絕對勝過好多香港茶餐廳，煎到少少脆口、蛋白熟嘅、蛋黃保持到流心🍳整體炒飯以泡菜味為主少少辣，炒飯炒到粒粒分明，唔會十分乾身亦唔會好爛，係岩岩好煙韌得嚟保持到濕潤感！另外仲有大量嘅五花腩，增加咗油香，口感味道都更加豐富！.仲有🐨前菜嘅泡菜同埋韓國飲品🐨樂天錫蘭檸茶添～——☼——☼——☼——☼——☼——SUN HARU📍地址：佐敦白加士街83號地舖🐨推薦度：😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡

最近我同朋友去咗一間位於佐敦嘅韓式餐廳，我哋叫咗二人套餐B，整體嚟講都幾有水準，等我同大家介紹一下。招脾無骨炸雞拼盤呢個炸雞拼盤真係夠晒脆，外皮炸得金黃香口，內裡都仲係嫩滑 juicy，啖啖肉感。牛油蜜糖牛油香味撲鼻，再加埋啲蜜糖嘅甜味，完美 balance。呢個配搭有啲似韓式炸雞嗰種甜甜鹹鹹嘅感覺，幾特別！ 部隊火鍋火鍋係呢餐嘅主角，配料算係幾豐富，有腸仔、午餐肉、泡菜同埋啲腸仔，湯底辣辣地好開胃。韓式辣炒年糕年糕嘅口感彈牙，辣度啱啱好，唔會猛辣到頂唔順，如果你鍾意食韓式嘢，呢個應該唔會令你失望。 蜆肉海帶湯呢個味道清淡，食完辣嘢飲返口都算舒服。芝士薯條薯條炸到金黃酥脆，表面鋪滿芝士，好邪惡嘅一個side dish。係正宗嗰種炸薯條feel。芝士控應該會好滿足。

✳️今日去咗佐敦白加士街83號地舖「SUN HARU」試吓佢哋嘅韓式料理！鋪頭唔算好大，但裝修簡潔有韓風feel，lunch time去都幾多打工仔幫襯～ 🍗 **一人炸雞餐（$86）** 份量比想像中足料！炸雞揀咗 **蜂蜜芥末醬**，外皮脆卜卜，咬落去肉汁爆出嚟💦 醬汁甜中帶微辣，好開胃！不過得4件略嫌唔夠喉，如果多1-2件就perfect喇～ 🍲 **牛肉大醬湯跟飯** 湯底濃郁得嚟唔會過鹹，牛肉片算嫩，仲有豆腐同翠玉瓜，撈飯食好正！不過如果多返少少牛肉就更加抵食。 🥤 **凍檸檬可樂** 正常發揮，可樂夠氣，檸檬片有兩塊，解膩一流！ 性價比唔錯嘅一人餐，尤其炸雞有水準！服務態度ok，上菜速度夠快，經過佐敦可以encore～

一人雞套餐### 牛油蜜糖炸雞牛油蜜糖炸雞是一道令人垂涎的美食，將香脆的炸雞與濃郁的牛油和甜蜜的蜜糖完美結合。當我第一次品嚐這道菜時，外皮金黃酥脆，咬下去的瞬間，雞肉的鮮嫩與牛油的香氣瞬間在口中爆發。蜜糖的甜味恰到好處，為炸雞增添了一層獨特的風味，讓人感受到甜與鹹的完美平衡。這道菜的魅力在於它的層次感，外層的酥脆與內裡的多汁形成鮮明對比，讓整體口感更加豐富。這道牛油蜜糖炸雞不僅適合作為主菜，還是聚會時的絕佳小吃，讓人一試成主顧。### 海鮮豆腐湯海鮮豆腐湯則是一道清淡而又滋養的湯品，將新鮮的海鮮與滑嫩的豆腐結合，讓人感受到海洋的鮮美。卻充滿了海鮮的鮮香，讓人一口喝下去便感受到溫暖與舒適。每一口湯都能品嚐到鮮蝦、的鮮甜，搭配豆腐的滑嫩，讓整道湯品的口感更加豐富。這道湯的魅力在於它的簡單與純粹，沒有過多的調味，卻能讓食材的原味充分展現。SUN HARU (佐敦)佐敦白加士街83號地舖

佐敦花園街呢間Sun Haru，真係識玩韓式便當！今日叫咗個紫菜包飯一人餐，打開個盒簡直驚喜——紫菜包飯捲得緊實，飯粒帶住少少醋香，咬落仲有脆卜卜嘅黃瓜同蛋絲，口感好豐富。前菜泡菜豆芽夠晒「醒神」，泡菜辣得過癮但唔會嗆喉，豆芽爽脆多汁，送飯一流。芝士炸雞真係要讚！外皮炸到金黃酥脆，咬落「卜」一聲，入面雞肉嫩到出汁，仲有熱辣辣嘅芝士流心，鹹香夾住奶香，一口接一口停唔到！雜錦炸物亦都好有誠意：炸紫菜粉絲外脆內軟，帶少少海鮮味；炸帶子新鮮彈牙，粉漿薄薄一層，食到本身嘅鮮甜；炸芝士條拉絲勁長，芝士味濃到郁，芝士控絕對會鍾意！隔離枱個部隊鍋香到飄過嚟，紅彤彤嘅湯底滾住芝士同各種材料，下次一定要試！呢個便當份量足夠一個大男人飽，價錢又親民，返工放學想快手食餐好，呢度真係唔錯嘅選擇～

喺佐敦有好多唔錯嘅親民小店，Sun Haru就係其中一間唔錯嘅韓式食店，價格相宜，份量十足韓式粉絲便當拼蛋卷 - 粉絲唔會炒到好油膩，口感彈牙，芝士炸雞同蛋卷調味唔錯，仲有大量健康配菜，好似蘿蔔絲、雲耳絲、翠肉瓜、芽菜等等，又好味有健康一人便當套餐 - 揀咗餡料滿滿嘅紫菜包飯、甜甜地好開胃嘅烤牛肉同香口嘅雜感小食，炸餃子特別值得一讚，脆卜卜包滿餡，好香口蜂蜜檸檬茶 - 茶底香濃，清甜解渴，天氣咁熱飲就啱晒小店嚟講選擇算多，味道唔錯幾抵食，環境乾淨光猛，食得幾舒服

這間位於佐敦的【SUN HARU】，主打韓國菜，除了有韓式炸雞外，還有多款韓式石鍋拌飯，冷麵及小食等。另外還有一至四人套餐供應，價錢貼地且份量十足。蜂蜜芥末無骨炸雞炸雞炸至金黃香脆，表面脆漿不厚，味道香甜惹味，雞肉多汁又嫩滑。芝士辣炒年糕煙煙韌韌的年糕，加上韓式泡菜，微辣之餘又惹味。雜錦紫菜包飯醃酸瓜、蘿蔔等十分開胃，紫菜包飯一口一件。肉鬆芝士蛋捲即叫即煎的蛋捲，有肉鬆及芝士香味，蛋香幼滑。最後飲返杯檸樂&鳳梨青檸梳打，夏天十分解渴。