SUKIYA すき家 (譽發廣場)

营业中

休息中

最近想食牛肉飯就首選經常排長龍嘅Sukiya之但係無論同朋友 定係一個人都係會懶得排隊所以放棄堂食.油麻地店已經係香港第三分店 人流仍然絡繹不絕如果唔介意賣外賣 等候時間都真係快好多好多好多.今次試吓燒肉丼香蔥溫泉蛋燒肉丼 M $48日本越光米真係好香甜好食牛肉採用美國產 份量非常足夠燒汁燒過更加惹味滿滿嘅蔥花加隻温泉蛋汁尼個配搭好啱扒飯啦 勁正呀 好開胃 .外賣隻溫泉蛋會原隻分開裝好Menu配搭非常多價錢相宜聽朋友講雞丼都好正我真係要時不時去試唔同嘅丼先!

今日收工行過油麻地，原本打算食其他野，但係行過Sukiya時侯聞得好香嘅牛肉飯味，咁岩見到唔係好多人排隊，好啦就食你啦！排隊大概10分鐘就可以入去喇，坐低見咁多人排隊以為佢同吉野家一樣要出去俾左錢等佢送黎，排左一陣店員同我講原來枱上有個鐘仔，只要你禁左好快就會有人黎招呼你。今次我叫左一份香蔥溫泉蛋燒肉丼，再加多一隻溫泉蛋，咁就成碗都都可以溝到蛋漿！另外我仲加左$10試左佢嘅青菜套餐。遂樣點評：-麵鼓湯：有少少太咸，唔中意嘅叫飲品可能會比較好-青菜：賣相唔算好綠，但有d蒜香幾好味-燒肉丼：食落去牛肉幾軟身，撈左兩隻溫泉蛋嘅飯濕濕地幾好食，而牛肉上嘅蔥原來都唔簡單－係整成左蔥油，撈埋落d飯到真係好香好好味！整體黎講我都幾中意，唯一美中不足就係燒肉汁有少少太咸，食得淡口味嘅人要留意！香蔥溫泉蛋燒肉丼 M Size + 溫泉蛋 + 青菜套餐(HKD88)

係香港已經開左第三間分店了 但都係第一次食到 每次經過都排晒隊 真係懶得排隊 咁岩星期二放假 見係平日 有機會少啲人掛 咁就去博一博啦 大約晏晝4點45分去到 竟然得3個人排隊 即刻走去排隊先 等左十分鐘都冇就可以入座喇 估唔到咁少人排隊又咁快入得 好難得 入到店員話叫得就㩒枱鐘仔 由於我朋友未到 我就睇住menu先 見到都幾多選擇 有牛丼 燒肉丼 雞肉丼仲有兩款鍋物 三款丼飯仲有好多款式揀 有淨牛肉 有溫泉蛋牛肉 有香葱溫泉蛋牛肉 又有個係有啲芝士係上面 總知就有好多款 有單叫一個丼飯 又有set揀 俾個set既炸雞吸引住 set既仲跟埋野飲 不過冇乜特別 都係汽水個啲 對個冰紅茶有興趣啲 聽講幾好飲 見佢menu仲有其他特飲既 不過應該要另叫或者加錢 冇幾耐朋友就到了 咁我地第一次食 梗係想試下丼飯多啲 咁岩牛肉同燒肉都想試 咁就每樣一個再交換黎試 咁我地就冇叫鍋物 留返下次先試食丼飯我就覺得一定要有溫泉蛋撈下飯先好食既咁就揀左個兩隻溫泉蛋既牛肉飯set（M Size）同埋兩隻溫泉蛋既燒肉丼set (M Size)兩個餐都跟炸雞同冰紅菜落左單冇幾耐 我諗5分鐘都冇 兩個set已經黎

收工有餓鬼同事陪食，諗住食個快飯就閃，去油麻地新開既すき家！點知計錯數.....十點都咁多人？！等左15分鐘左右.....等到頸都長！....樓面只得兩個人，有位都入唔切！比全球首度登場呢幾個字誘導左我叫左溫泉蛋蘑菇多蜜醬牛丼+炸雞套餐$63同事要左溫泉蛋蘑菇多蜜牛丼+青菜套餐$53落完order，廚房以9秒9既時間將餐送上！頭幾啖食落去都覺得唔錯，但越食越咸！！個汁越食越覺得似黑椒漢堡汁+將軍漢堡汁既Mix咁.....炸雞唔夠熱....雖然都係整好晒既...但都可以認真d嘛.....青菜ok，冇咩要求！同事話麵豉湯ok！整體黎講，我都係鍾意朗豪坊對面個間多d

我外賣自取叫溫泉蛋雞，睇相啦、蛋呢？Openrice又搵唔到鋪電話，我都番左屋企，點追番我隻蛋呀？錢你又收左喇渦落單果個員工又慢又唔識，係甘叫人救佢我落個外賣單，由排第3到我落完單，起碼10分鐘，落張外賣單係要幾耐？我買一個飯咋渦

好無奈，10點幾去到本身想食早餐，想食鯖魚早餐，啱啱入去堂食，坐低落單問佢有冇早餐，佢就話啱啱11點，話要即場收早餐牌，唔做早餐，真心好無奈，佢睇住我係外面等，入到去啱啱11點都唔肯俾早餐我，真心好無奈，叫咗牛飯D加鯖魚套餐，排咗幾個字時間又無理由一坐低就走，呢到牽涉到兩個問題，多客人出面等堂食，好嘅餐廳會提前俾落單紙問個客食咩，叫廚房提前準備，外面等的客人入嚟早餐變咗食午餐，時間相差只有幾分鐘，點解唔可以通融下，俾客人食早餐，另外食食有蟲飛過，衛生都有問題食嘢個心情無曬，唔會再幫襯

呢間可能好多人都好熟悉，但小妹就第一次朝聖（律戒左好耐日式牛肉飯）所以都分享下我自己既體驗：食物選擇：食物選擇多，主要以牛肉、燒肉、雞肉為主，都有打邊爐，但係昨日熱熱地又唔打想邊爐所以就冇打邊爐...最後掙扎左一番，叫左個雙溫泉蛋牛肉飯加左$10轉菜套餐，可選特製冰茶/面豉湯飯：選左L size，牛肉量足夠，飯量多，冇叫extra汁，汁量都岩岩好，混埋洋蔥，同蛋漿好好食！菜：鐘意食菜既我都覺份量多，味道岩岩好冰茶：可惜既係甜度冇得調節，甜左少少，但都好飲架！環境：每台的相距較少，坐得相對冇咁舒服，感覺似餐廳同快餐中間，幾特別的感覺🤣