SUKIYA すき家 (譽發廣場)

营业中

休息中

由於好耐都冇飲過牛肉飯，而成日經過黎間牛肉飯店都經常性爆滿，所以就試一試，今日同太太，一人叫左一個試試佢，分別係三式芝士牛丼同埋熱軟芝士燒肉丼，我食左個個就係三式芝士牛丼，牛肉經牛牛汁煮過後，香濃軟滑，而牛肉汁向下洗，經過三式芝，再流落白飯，令白飯有另一種既味道提升，夾起牛肉同白飯一齊食，飯香完全抵銷濃肉同芝士軟滑香濃既口感，咬落軟滑既牛肉，經過彈牙既三式芝士，最後到白飯，真係一絕，吞後，牛肉汁繼續落係口中。回味無窮

傳說中牛肉飯都係第一次見無人龍🥲好感動 即刻要食原來無人係因為堂食last order 2130 不過難得嚟到 照外賣實在好多選擇😂😂😂第一次原本諗住牛肉丼 但望望下見燒肉丼再吸引啲買完就可以坐埋一邊等燒肉丼 (M) $39抵食 份量又多嗌中size 都有好多片牛肉不過牛肉汁就好似唔係好夠撈飯🧐燒肉丼同牛肉丼 望落好似無乜分別😂話晒兩個都相差$10好在食落有分別燒肉嘅醬汁濃郁啲 同埋香啲又真係好食過牛肉丼$10都比得過唔錯唔錯

好想食牛肉飯👅諗起未試過係香港食すき家！即刻gogogo·🐮香蔥溫泉蛋牛丼（$38）M size飯量都多，好抵食！不過唔係好岩我口味😮‍💨牛肉質素已經唔諗，但醬汁真係鹹左啲😮‍💨·🧀熱溶三色芝士牛丼（$45）呢個比香蔥牛丼好食！不過好快飽膩～最後俾哂大食仔剿滅😂😆·🐔炸雞（+$20）好食過牛肉🤣juicy惹味·🍵特濃宇治牛奶抹茶（$29）零甜度，唔岩我😆·📍 すき家油麻地彌敦道560號譽發廣場地下A號鋪

今日出左去油麻地同人哋交收，2點鐘交收完見有d肚餓，剛好經過見到呢間曰本丼飯聽佢d威水史都聽左好耐，一直冇去試，原因係日日都排長龍又冇時間去等，今日見有d時間又冇噤多人，就即管排吓入去試吓本來打算去日本先試，但現在冇機會，點知最終都要晒足45分鐘先入到去坐低，差d中暑量體溫都超錶坐低即刻睇menu揀食物，好多好吸引嘅食物，最終選左個M size香蒽溫泉蛋牛丼（微辣），另外加$20變套餐，有三件炸雞＋凍飲或麵豉湯M size香蒽溫泉蛋牛丼（微辣）：份量對細食人唔夠飽香蒽好fresh，溫泉蛋好creamy撈埋個飯食好正，牛肉薄囗感唔靭，加埋個韓國辣醬，少少辣幾惹味炸雞：炸得幾脆，啖啖肉麵豉湯：幾足料，味道剛剛好食物質量都有水準都值得再去，最好下次就唔使排太耐

有個waiter上餐嘅時候唔小心倒瀉杯冰紅茶落我件白色衫同褲到。雖然佢有道歉但係我好無奈，件白色衫有好大達茶漬，又濕喎搞到我坐得好唔舒服。件衫仲要係我幾年前係日本睇サカナクション live 嘅時候買，我超鍾意，而家買唔翻😭。難得黎食 すき家 但係就搞到好唔開心。正常如果餐廳做錯可能會送啲小食當補償但係個waiter轉頭返黎正係將張單擺係我檯面，搞到我好操底。雖然唔開心但係食物係冇罪嘅，佢個壽喜燒的確係又低又好食。下次waiter 幫我攞嘢嘅時候我都係第一時間自己攞左杯嘢先😩。

因為係附近返工，見外賣條隊無人排，就買個牛丼M size 返公司食，等左5分鐘左右牛肉份量、飯量同埋汁量都好充足，唔洗額外要牛汁，仲可以自己夾薑絲配搭一齊食價錢又恰宜，食得過👍🏻之後食牛肉飯有多一間連鎖店選擇

🍚SUKIYA すき家🐮🐮牛丼🍚佢嘅牛肉份量都唔少🐮係睇唔到白飯😂佢嘅燒汁亦都調得好夠味🥩而且每一粒飯粒都沾滿左燒汁🍶佢嘅飯粒粒分別💦亦好有咬口😆係整得好好味嘅牛肉飯👏🏻可惜佢唔近我屋企🥲咁就唔可以成日食到🙈.回頭率💫： 🌕🌕🌕🌗🌑💰$30

咁啱呢頭返工…收晚10好多食肆都已經關曬門喇!好彩仲有佢做外賣到零晨12點炸...等我唔駛晚晚要崖餓!睇見餐牌選擇都有好多吖…今次係第一次幫襯佢，就點個三式芝士牛丼(M Size)試下先啦!其實平時經過見佢門口大排長龍就係等堂食嫁!今晚見到有外賣唔算多人就入去買個飯拎返屋企食先… ...1小時後我終於返到屋企喇…個飯仲暖嫁!!!雖然d芝士已經變得硬咗小小，但依然很好味，d牛肉仲配有洋蔥，份量仲有得揀(有S、M、L及LL)味道很好，又唔會太咸，D飯軟硬度適中!

成日經過油麻地既Sukiya 都見到長長既人龍，所以特登搵機會黎試一試~分別叫左<牛肉壽喜燒鍋>同<香蔥溫泉蛋牛丼>😏<牛肉壽喜燒鍋>都幾多料，有肥牛，蟹柳，娃娃菜，金菇，仲有一舊魚糕。有少少surprise 既係個鍋已經有個烏冬，都跟多一大碗白飯🤣 美中不足既係個鍋一上個時，啲肥牛已經擺哂入去，無得烚下烚下咁黎到sukiya 點都想試下佢地既牛丼，今次就要左<香蔥溫泉蛋牛丼>。menu無寫到，不過食得出係微辣，幾開胃。牛肉好淋同好入味，不過量偏少，不過呢個價錢，我收貨架啦~見到張相幾吸引，就叫左一杯<特濃宇治牛奶抹茶>，不過無得跟餐要單點。抹茶味好濃，唔會苦澀，不過稍為甜左啲。總括來說，係快餐店飲到呢杯抹茶牛奶係驚喜既。

今次同friend諗住平平哋食個晚餐，於是我哋去咗Sukiya😚，決定食翻個丼。不過依一間餐廳實在太受歡迎，長期都會排長龍🤭，今次我哋排咗大約一個鐘先入到餐廳，真係好誇張😱。如果下次去食，一定要早啲去排隊！-🍴高菜明太子沙律醬燒肉丼(M)($55) - 呢個系列好似係最近推出，之前食嘅時候都冇見過😂。最面層係明太子沙律醬，幾香，食落會有少少辣辣地🌶，不過同啲飯幾夾。高菜有啲似榨菜，偏向鹹味，平均鋪係燒肉上面。-🍴溫泉蛋牛丼(S)($30) - 呢間餐廳最基本嘅款就係牛丼，加隻溫泉蛋🥚，令到成個飯更加昇華！溫泉蛋會分開提供，比客人自己決定幾時放同食法。也米😍好鐘意溫泉蛋配飯食，用啲蛋汁包住啲飯。

咁耐冇得去日本旅行，當然好掛住日本嘅美食啦。今日一早行過竟然冇人排隊，就即刻走入去試吓。今日叫咗個牛肉烤鯖早餐，日本嘅感覺真係返晒黎！烤鯖魚好香，又滑！一流！我覺得個牛肉汁好好味，真係撈完一碗飯都覺得唔夠喉！

想食牛肉飯我一定會揀Sukiya雖然次次見到好多人排隊不過我就唔會食獅子狗嘅🙊所以就唯有買外賣佢外賣嘅質素同堂食其實一樣不過如果你拎耐左凍咗就真係會差咁啲我試過等堂食要等差唔多個半鐘但買外賣就非常之快👍🏻排隊俾錢等一共唔使10分鐘我自己好鍾意食芝士所以每次都會叫依個三重芝士燒肉飯🧀🧀🧀燒肉同牛肉嘅分別我到而家都唔係好識分牛肉會比較似吉野家嗰款燒肉就會乾少少但會香啲佢嘅芝士係做到拉絲嘅效果而且真係好多肉好多芝士睇到相都知啦🤤🤤🤤M size對於女仔來講就啱啱好男仔就可能要食L啦記得記得旺角近朗豪坊有一間近油麻地家樂坊都仲有一間目測平時油麻地嗰間會比較多人如果係想買外賣直接行入去就可以㗎啦

好記得初初新開個陣係勁多人排隊 次次經過見到都勁多人 餐廳入面既座位又唔多 我諗都要等半個鐘至一個鐘頭以上 上次去食已經係上年 個陣大約晏晝四點幾五點去到餐廳 排隊既人只得一兩個 咁就梗係等啦 等左十分鐘左右就入得 仲食左個好好味既牛肉飯見咁耐冇食過 又諗唔到食咩 就食返個牛肉飯啦 我地星期日晏晝五點去到餐廳 大約有八個人排梗隊 我地大約等左三十分鐘左右就入得 店員一早係排隊個陣俾左餐牌我地睇 所以一坐底就可以即刻落單 我今次揀左細既溫泉蛋牛肉丼 朋友就揀左牛肉壽喜燒 落左單五分鐘都冇 我個溫泉蛋牛肉丼已經到左 真係好細個 個份量岩岩好 隻溫泉蛋可以撈晒成個飯 成個飯都有晒牛肉汁同埋溫泉蛋 唔會個飯乾真真 牛肉就正正常常 呢個細既size岩晒啲唔想食太飽既人 朋友個牛肉壽喜燒都唔錯 不過就唔記得左影相 最奇怪既係個鍋入面已經會有烏冬 但另外又會再跟個白飯 不過個牛肉壽喜燒個份量其實得好少 有少量烏冬 菜 菇同埋牛肉 淨係食呢個唔會夠飽 要食埋個白飯先會夠飽 朋友話味道都唔錯 但下次都係會揀返丼飯個啲 純粹係未食過想試下

話說因為要快速食完開會於有係就近地鐵站一出唔洗行三分鐘就到既牛丼try try.未入去前已經有一邊排緊堂食多人到爆唯有去take away 果邊又幾多人排落單woo.牛丼款式亦尚算好幾種應該都可以配合唔同人口味亦有少量其他選擇.我同朋友都嗌左個kimchi 牛再加$10油菜野飲就行左隔離天仁度買.因為晏就食太多既關係所以我就s size朋友就order 左m size.外賣時間亦尚可唔需要等太耐就拎得衝去開飯既時候到喇！.因為價錢比較平我自己就無話用高質標準去評估佢btw 佢既size 一打開蓋既香氣牛既色香味kimchi 既味道我完全覺得比尼個三十幾蚊係值既難怪咁多人排隊絕對係窮人恩物！.另外油菜味道又唔錯woo加上蒜蓉味道突出不錯.對於快餐牛黎講覺得可以再返兜既🤡

平時行過一向見到好多人排隊從來都唔鍾意排隊等食飯今日下晝2:00見只有4-5 個人決定排隊試試佢入座落單後大約5分鐘餐點已經送上枱點嘅係m size 燒牛肉飯連飲品沙律套餐喺油麻地區冇咩好嘢食整體認為味道唔錯份量好足夠而且空間咁唔錯亦唔會坐得好迫下次會再幫襯