SUKIYA すき家 (亞皆老街)

营业中

休息中

好嘞，可以坐定定寫食評嘞首先講下排隊先，大約排左40分鐘，比想像中要快，可能因為下午茶時間坐低左之後，會俾杯水，就係俾杯水咁多嘞，呢方面可以改善下，始終新開張，應該要簡單介紹下，因為落單個制係日文 (不過可能走平民路線，所以無)今次揀左食溫泉蛋葱牛肉飯 (中size)，同埋布甸宇治抹茶。先講個飯，揀佢係被啲葱吸引，同埋溫泉蛋 (第一次食自己打既)，味道方面我覺得可以，同被裝修果間比較，佢算係濃味啲，同埋應該唔駛加牛汁，至於啲葱，個人認為可以，但要留意係無煮或炒過，所以如果唔食生既葱要諗諗，因為食完係成口葱味 (以$38一個飯黎講，性價比係合格)輪到個飲品 - 布甸宇治抹茶，因為上網啲人拍片都話正，所以我決定叫黎試下 (因為唔知幾時會再食到)。我個人認為布甸同抹茶係出奇地match，因為佢個布甸偏甜，抹茶有回甘味，所以係驚喜黎，而$32一杯我認為合格既，可以一試，但真係一試only最後$70埋單，我認為不過不失，未至於有驚艷感覺，但一試無妨，同埋如果餓左牛肉丼好耐，呢個絕對係唔錯既選擇，有機會希望可以試下咖哩。仲有，佢有set可以叫，不過特飲就無得跟餐嘞

↠ 𝚂𝚄𝙺𝙸𝚈𝙰すき家 (旺角) ↞開業第二日已經去咗排隊食啦🤩 晏晝去到係超級多人排隊(睇吓第二張相就知😐 只可以講香港人真係好鍾意排隊😂) 最後差唔多等左一個鐘先有得食🤓 咁究竟值唔值得排隊呢？去到其實都幾早下，但係落order嘅時候已經冇晒我哋好想試嘅香蔥溫泉蛋牛丼同埋燒肉丼，實在太多人食啦，冇晒材料整😦 咁就唯有食返原汁原味嘅牛丼啦😋 真心淨係評味道，我覺得好味過吉野家，佢多咗陣生薑味，所以容易入口咗，食晒成個飯都唔會有好滯嘅感覺👍🏽 而且啲洋蔥超甜！份量方面，牛肉係啱啱好餸到飯🤤 醬汁就比較少，記住問佢攞牛汁啦😘 唔知幾時先會冇咁多人呢，又或者幾時會開分店？好想瘋狂食牛肉飯同埋打邊爐呀🤩▫️牛丼 (M) $29▪️溫泉蛋牛丼 (L) $44

預左要排隊約一小時,如果係因為多人食而排我ok,但因為你人手唔夠而要排咁耐就唔會有下一次,堂食坐位唔多,但同一時間有20個位(我數過)未執枱或執左枱都唔安排入坐,有D5分鐘,有D位吉左10分鐘以上,條隊咁長係因為安排唔妥善🤦等左足2小時終於安排入坐,食物ok,侍應亦有禮貌,但人手嚴重不足,隔離枱15分鐘吉左亦未安排入坐,唔會再去浪費時間排隊食

繼加藤屋之後終於有另一牛肉飯選擇喇💕我未入去前已經targt咗香蔥溫泉蛋牛丼點知溫泉蛋冇哂啊啊啊新開張仲要早上9點就冇嗚有啲啲啲啲啲啲失望 不過！唔割！所以大家嚟食都可能要有小小心理準備有機會有野係冇嘅💜三式芝士牛丼(s-$34)好全部飯都有大細分好貼心早餐就嚟個細size先啦本身都預咗叫得芝士都會偏乾點知又唔係喎！啲牛肉汁都好夠 仲一早滲哂入去啲飯度啖啖都好夠味😛😛不過牛肉汁有醋 比平時食開嘅較酸嘅芝士融得啱啱好 同牛肉好鬼match塞入個口度feel倒佢哋幾咁濃情密意喺人哋個口度ee泣泣 哎～呀～牛肉巧巧食～雖然牛味唔係話特別重不過好好咬 一啲都唔韌💕個size好適中 好容易就夾埋一口飯嚟食最緊要！係個七味粉！將成碗飯升咗千幾個層次自己落嘅 嘻 大家記得問侍應姐姐拎成個感覺都好似喺日本咁你知啦 啲日本人幾鬼有禮貌Suyimasei前aligutdor去呢度啲員工都係咁謙卑唔好意思嚟我又唔緊要呀去係咁搓嚟搓去都用咗成分鐘落單覺得成個世界好美好好舒服不過係香港 應該三個月後就會變澳牛所以大家要好好珍惜呢段時間

《真係好掛住牛肉飯！》日本SUKIYA終於黎咗香港喇！真係超耐無食過牛肉飯，今日晏就4:00開始排隊，排咗一個鐘，終於有得食！—————————————————————#香蔥溫泉蛋牛丼💰38 （M size)勁多蔥，感覺好正。牛肉比較薄身同細片啲，不過份量都幾多！配搭埋隻溫泉蛋撈飯一流。個人認為唔洗加牛汁都好重口味，小編食曬啲飯都仲淨牛肉😂#牛丼 💰29 (M size)最普通既通常都好食，牛肉既份量都幾多，個人認為M size 都好夠食👍👍#炸雞💰25 有五大舊，意想不到係雞好嫩滑，炸粉份量係偏多少少，但都好正。本身想試埋燒肉丼，但店員話今朝已經賣曬🥺😱由此可見真係大受歡迎👏🏻，睇黎下次要再早啲去排先得！—————————————————————📍SUKIYA すき家 (旺角)旺角亞皆老街31號地舖

12月12日9點開張 8:30排隊 以為9點有得食 點知係傳媒相機食先 激鬼死 好彩等多15分鐘就可入內進餐本來想叫牛肉丼（中）驚見有日式早餐 實在太掛住係日本食既日式早餐 即刻轉叫最豐富既牛肉鮭魚早餐試試早餐相當豐富 用上美國牛 日本越光米煮成既飯 真係不惜工本 再加上醃三文魚 麵豉湯 前菜 都係$39 加多$5 有隻日本溫泉蛋 呢$5 絕對唔慳得 溫泉蛋伴飯 好味到升仙 美國牛肉味濃汁香甜 醃三文魚就真係鹹左小小 整體質素相當唔錯佢個牛肉丼（中）其實都相當抵食 $29 咋 遲d人小d真係要再去試試 會再光顧

有好多選擇，價錢當然比日本貴，因為租金肯定貴過日本。9點鐘去到排咗15分鐘左右，有個日本店員好有禮貌咁招待你，可能係新開張，二十四小時營業，夜晚都好好生意，點餐嘅時候燒牛肉賣晒，嘢飲亦未能提供，又或者係控制訂單，過咗一陣嘢飲都可以order牛肉肯定好味過吉野家，吉野家有六七成係肥肉而呢度大概三成係肥肉！雞肉非常之滑整體都係一個愉快嘅經驗！