SUKIYA すき家 (亞皆老街)

营业中

休息中

呢間牛肉飯長期都大排長龍，食過兩次都係外賣返屋企食。第一次食咗香蔥溫泉蛋飯，個人覺得香蔥嗰陣味太勁，蓋過咗牛肉本身陣味，再加上個飯好似落咗啲秘製紅色嘅醬汁，所以唔係好食到牛肉嘅味，但係鍾意食蔥嘅人可能會鍾意。我朋友就食咗溫泉蛋牛肉飯，表現正正常常，吉X家牛肉飯好似，懷念吉x家牛肉飯不妨一試。第二次我就食咗蕃茄忌廉牛肉飯，意外地覺得有驚喜，個飯嘅番茄醬本身好好食，再加埋啲cream cheese撈埋落個飯度，成件事出奇地夾，再加埋個飯本身有少少辣，食落好過癮，非常推薦呢個飯！朋友就食咗溫泉蛋燒肉飯，我就覺得舒服同牛肉嘅分別好似唔太大，燒肉飯就係多咗啲燒肉汁嘅味。兩次食都有嗌野飲，好推薦大家飲牛奶綠茶布甸，本身牛奶綠茶唔係好甜，但係綠茶味好重，再加埋甜甜地嘅布甸，成件事就變到好夾，唔係好鍾意飲太甜嘅嘢嘅人可以一試！

平日夜晚行街經過幾次，每次都見人龍，我就就趁有日下午人少試一試，好多人一路食開吉X家，其實都可以分辦下佢地的特別之處。我叫左個牛丼$29，睇落同吉X家既賣相差唔多，但牛肉份量明顯比吉X家既同價位相比為多。sukiya既牛肉比較甜多少少，洋蔥落得多啲，食落有種自己煮牛肉既感覺，接受到甜少少牛肉既朋友一定要食！其實sukiya喺大陸都開左好多分店，大陸人都唔會特登排隊食，但香港就係第一間，加上平靚正，次次見佢都排長龍。其實sukiya又好食又大份，希望佢快d開多d分店，市民都會有多一個食牛肉飯既選擇

皆因すき家地段就腳，一開張就已經日日有好多人排長龍，見到咁嘅畫面，經常經過嘅我都唔想咁急幫襯住，堂食更免問！前幾日經過，排外賣條龍都只係10個人左右，咁心諗頂多2、3個字啦，外賣應該好快嘅！點知每次都有位日藉店員安排下只放2-3個人入去Order外賣，每次我都諗應該下次會放多啲人同埋都等咗咁耐+唔爭在嘅心理情況下，我足足排咗個半鐘去買呢次外賣。當我排到見到店舖內狀況，就深深明白點解呢間舖會大排長龍，舖內目測有2位姐姐+2位日籍員工，手腳之慢你見到就會深深體會，當啲堂食食客已離座，見到佢哋成4個字都冇人執檯，見到店員們行嚟行去真係唔知佢哋做乜！兩位日藉店員唔係成日見人，直頭係半間舖已離座，都安排唔到喺外面排緊隊想堂食嘅客人入座有一位排隊頭嘅男士話佢自己排咗2個幾鐘！好啦終於入到去Order，落單小姐服務同速度尚算正常，而落單加等餐只需大概10-15分鐘已可取餐（可能當時放入舖頭時我第一個，唔知排我後面又入到去同一輪Order嘅客人會等幾耐）出門口時仍然見到排咗2個幾鐘男士乾等緊，而店內係有好多未有顧客而又未執嘅檯。當日外賣有：-燒肉飯（中）味道同牛肉飯認真唔同，本人喜歡多啲牛肉飯（中）同

第一次喺OpenRice寫食評，每日都見到好多人排隊於是決定去食下我去食嗰陣係夜晚11點但都排左個幾鐘，排排下見到鋪頭入邊其實好多位，但係店員都唔放人入，於是問下佢點解，佢話要慢慢放人入，唔知鋪頭係咪想營造到好多人排隊嘅假象？另外叫咗個L嘅溫泉蛋牛肉飯同埋LL嘅溫泉蛋燒肉飯，牛肉飯真係大失所望，味道淡，加埋extra嘅牛肉汁都係冇乜味咁。而個燒肉飯就還好，尚可接受，但係LL size 個碗原來好淺 下面個托原來假嘅，份量同我個L差唔多，仲可能少過我個L嘅牛肉飯，真係完全唔抵食我兩個餐都跟咗沙律同嘢飲，嘢飲係特製冰紅茶，難飲到飲左一啖就飲唔落，而嗰個沙律原來係冇跟醬，要自己問店員拎，味道都唔係特別好。雖然唔想咁講，但真係俾錢食垃圾，亦唔值得人去排一個幾鐘。

其實真係唔需要排成個幾鐘。。。都明大家好耐冇食牛肉飯，但真係唔值得。可能人手唔夠，店內其實仲有好多吉位，但客人要係出面排隊。滿心期待，點知，食完個咖喱喉嚨好乾，而且炸雞係淋既，一啲都唔脆。。。而家啲飯食到底係爛既。。。真係好失望。而且杯冰紅茶，成口藥水糖漿味，真心唔會再食。

想試好耐，以為下午茶時間應該不用排長隊，但都要排大概45分鐘，前面有大概30人。炸雞:好少炸粉 只是好薄嘅一層皮 但是裏面很肥，肥膏多過肉細香蔥溫泉蛋牛肉飯: 這個很好吃，牛肉不會太肥，有足夠牛汁，飯亦不會因為牛汁而變得太淋，剛剛好，而且有些辣汁加在蔥裏，加上牛汁辣辣的十分開胃，溫泉蛋是另上，要自己打落個飯度，細的牛丼飯剛好是下午茶的份量。燒肉咖喱飯：這個有些普通味道，有些似港式咖喱飯，咖喱汁十分充足，用來撈飯剛剛好，而燒肉不會太肥，十分惹味。珍珠宇治牛奶抹茶：原本打算點布甸宇治牛奶抹茶，但已售罄，所以點了珍珠宇治牛奶抹茶。抹茶有些甜，但宇治抹茶味濃郁，而且珍珠非常煙韌， 十分有黑糖味。

係久違嘅牛肉飯，大家都明嘅🤫，睇到依刻快啲搭車🚀去旺角食牛肉飯啦，本來想開張頭幾日就去試，不過見到報導咁多人，唯有等多排先去朝聖啦🤩⋯⋯我叫左三式芝士🧀牛丼飯(LL size)($54)，我屋企人叫咗牛丼飯(LL size)加$20配炸雞套餐🍗飲特製冰紅茶($65)，未講食物之前，我哋等左差唔多半個鐘，不過係11:00-12:00 lunch time，所以都唔算耐。如果外賣嘅話唔洗等直接買，趕時間可以外賣自取，會快好多，拎返公司食一樣咁正⋯⋯三式芝士🧀牛丼飯(LL size)($54)，芝士大部分蓋過牛肉同飯，整體份量比我想像中細，我已經叫咗個最大嘅size，所以有少少失望，比吉XX差唔多價錢嘅話份量略少，芝士個味對我來講唔重，個味唔會蓋住左個牛肉味，牛肉唔多，正正常常，係平時食開嘅味道，你懂的😉⋯⋯我屋企人個餐加配嘅炸雞🍗得3件，炸雞唔juice，乾身少少䁔，有啲”鞋”，杯特製冰紅茶無乜特別，個人唔推薦加$20配炸雞套餐⋯⋯整體唔錯，係久違嘅牛肉飯味道，可能陸續有人入座，店員人手可能唔夠，餐到後叫店員叫兩個牛肉汁，食到一半都未到，所以叫多次店員，最後只淨黎左一個牛肉汁⋯⋯大家要體諒

已經有幾個月沒有出街食牛肉飯，得知最近有一間日本很有名的牛肉丼飯餐廳在香港開分店，便相約妹妹去試下🤗餐廳位於旺角，售賣不同的丼飯，主打是牛，價錢很平民，最平29元都已經食到一碗中size的牛丼飯，而我自己覺得味道比其他店的更好。我們晚上去食，大概排了2小時，最後得知溫泉蛋已經賣完了😭雖然他們是24小時營業，但人龍一直沒有減少，建議各位有心理準備及耐性才排吧😂1. 牛丼LL $45依個係原味牛丼飯，牛肉唔韌，牛肉汁味道很濃及香甜，配上煮軟的洋蔥一齊食，非常開胃🤤由於等太耐的關係，點了LL份量，滿滿的牛肉蓋過整碗飯🤣2. 燒肉丼L $42我覺得燒肉丼飯是牛丼飯的升級版，烤過的燒汁牛肉更香，而且連蔥食更滋味😋

開張到現在 日日夜夜都見排長隊 今日專程早上6點出發 希望等到餐食去到見排咗10幾個人 再望場內有1半吉枱以為實冇問題 順利食倒 點知……枱照吉(空) 但又唔叫客入 問店員點解唔入客 有禮貌回答做唔倒出唔切所以連坐都唔安排 等等吓都係算啦 買“外賣““外賣“冇人等 可以直接入內落單伙記好有禮貌 但倦容滿面 動作緩慢見有早餐餐牌 5am~11am 但 ……收銀員問完廚房就話今日冇早餐試食唧 就叫 牛肉飯(中) $29+$1外賣堂食+$10 配菜+飲品/湯 外賣冇嘅牛肉飯~ 中 $29 飯半碗 淋瀾肥牛肉都有8細片 但肉嚡 乾 重味頸渴外賣冇飲品/冇茶 罐裝汽水要另+$8要加牛肉汁 冇得分開上 連七味粉都冇貨

哈哈短期內已經第二次去咗食sukiya😂 今次我地一朝早就去咗排隊避免長長嘅人龍，果然等咗15分鐘就有得食🥰 早起嘅鳥兒有蟲吃😆香蔥溫泉蛋燒肉丼嘅味道幾濃，唔係話超級重口味，但係朝早食嘅話就會覺得有少少膩🤪 呢個飯應該適合lunch或者夜晚食多啲，味道有幾多層次: 有燒肉、香蔥、辣椒粉同溫泉蛋🤩 燒肉應該用偏甜嘅醬油煮過，而溫泉蛋就令到成個飯好滑同香啲，不過食食下就會覺得有啲heavy🙈(唔知係咪因為朝頭早真係食唔到咁多野🤣)撈埋啲辣椒粉同香蔥就令到成個飯容易啲入口，減少咗啲油膩感，仲惹味啲架👍🏽 要讚下嘅係佢啲蔥花脆脆地，幾香幾好食🤤相比起下，我中意普通牛丼多啲，食落去冇咁滯，陣生薑味比較開胃😋 燒肉丼比較適合晏晝或者夜晚食，同埋重口味嘅你😆 第二張相係早餐menu，得閒都可以去食下，價錢都算實惠😌▫️香葱溫泉蛋燒肉丼 $48▪️牛丼 (M) $29

日日中午晚上都見勁勁勁多人排隊，但伏已中，今早未食早餐見冇人排隊就買個外賣試下先，但入去俾完錢就終於明白點解有咁多人要排隊排兩三個鐘，見廚房得一兩個人出餐等個得幾片牛又冇牛肉汁的牛肉飯外賣，如果你去吉野家兩分鐘俾到你嘅嘢佢要用十幾分鐘，加上係唔好食，食完又勁覺好似食味精一樣，但日日中午晚上都見好多人因人雲亦雲，人排我排係度做羊仔排隊排來食垃圾，覺得真悲哀，本想試完好食就下次試下魚，但現在應該不會再試，未中伏的人提下大家中午晚上等成個鐘以上去試垃圾要諗真點，如果唔信要試就早上試沒有人排隊

見夜晚無野做去咗排新開張牛肉飯店!一去到已經有條好長既隊😂排到轉角位既裝修店😂有2條隊排 近牆個條堂食😀另一條就外賣😀排隊個刻都無諗過要排3個鐘!!!中間頂唔順去咗篤咗串魚蛋燒賣食😂經過漫長等待終於入到去😍可惜店內既特飲都已經賣曬🙁本身好想試既抹茶珍珠奶茶唯有下次再黎飲lu=================食評😊😊😊牛肉烤雞雙拼丼😊味道係真心唔錯👍👍燒肉😐 味道就偏鹹 (可能因為我地單點 配飯應該會好d)豪華三重奏咖喱 都係比較重口味🙈如果有多d飯就好啦 但係佢既炸雞好好食 皮唔會太厚 肉係嫩既👍====================總括黎講係好食既 絕對能夠取代 <XX家>但係值唔值得排3個鐘呢😀我自己就有所保留啦😗都係等熱潮過咗再去食啦😬

平日9:20 左右去到得幾個人排隊等左五分鐘就入得喇有職員會叫你入去，入到去就自已搵位座檯面上有個禁鐘，，想落單時就可以按環境又整潔叫左個M size既蔥溫蛋牛丼$38鋪滿晒蔥花牛肉好多啊食極都仲有佢碗飯撈埋，已經好夠味同多汁好味啊加左 $10 轉青菜套餐有冰紅茶，唔係好甜！我就覺得幾好味菜就好有蒜蓉味啊好正食到好飽滿足店員都好有禮貌，友善的

新開張緊係要 黎支持一下la🥳 本身想試下 個燒肉丼🤨 但係要排到我嘅時候已經售罄 唯有下次啦😎🔹今日由18:52 分排到 21:41 先入座🤡 如果大家想試建議早啲去排隊啦 最好都買定少少野食先🤪 如果就咁等一定餓死😂🔺牛肉烤雞雙拼丼 L $66 +$10 套餐 小菜加飲品或湯😋指數: 🌕🌕🌕🌕🌕◻️香港限定 雙拼丼 岩哂心思思想試多一味的我 😳 好香 烤雞味 個汁似有雞味嘅鰻魚汁送飯一流 👍🏻 牛肉 激讚✨每一啖都feel到牛味好重🤤好幸福吖 💕個菜係蒜蓉炒油麥菜，好味有住家味 揀左麵豉湯 好多蔥 味到正常 係平時沖粉 嘅味🔺豪華三重奏咖喱 M $70 +$10 套餐 小菜加飲品或湯😋指數: 🌕🌕🌕🌕🌑◻️咖喱味十足 微辣 比想像中好味個咖喱 🍛牛肉同上 好濃牛味🥩炸雞普通 個皮可以脆啲就滿5個月亮🧐 溫泉蛋好好味吖 日本蛋”撈”珍珠米 無敵好食🤤🔺布丁牛奶紅茶 $29😋指數: 🌕🌕🌕🌕🌕◻️好開心吖😆呢個好好味吖😳 記得飲嘅時候一定要攪勻🍹如果唔係個底就會偏甜🍬🔹 所有食材同醬汁 由日本直送，24小時營業用日本產100％越光米同100%美國牛肉自家工場 ，將牛肉切成厚度適中嘅肥牛片，

話說最近呢間好火紅嘅 Sukiya すき家 開咗之後，一直都好多人排初。天真爛漫嘅我以為晏少少到就會少啲人😂😂其實未出發之前，朋友已經同我講:“少年人你太年輕了”於是我十點半到達，結果凌晨一點我先可以入去食個飯😱咁辛苦排咁梗係叫個勁啲㗎喇🤡就叫咗個牛肉丼飯LL size嘅套餐，個丼飯我加咗芝士，另外仲有四嚿炸雞👍👍 好老實，牛肉丼飯嘅醬汁同我出面食嘅唔同，我覺得真心好食🥰而個日本蛋又好正，牛肉都唔錯👍另外唐揚炸雞，佢嘅味道都係我細個食開嗰種，我好鍾意食!但好可惜係，十一點前先至會有布甸奶茶呢啲特飲😰所以今次無緣一試😔 但如果我要喺十一點前飲到呢杯嘢，係咪即係話我下次要六點鐘就嚟試呢🤔 唔好喇，遲d先啦 🙃