SUKIYA すき家 (亞皆老街)

营业中

休息中

日本三大牛肉飯店，除左松屋，就緊係すき家。香港開左すき家咁耐，條隊都好似keep住咁長，所以兩次都係買外賣。🍚泡菜燒肉丼（大）$52泡菜唔會太酸，同燒肉汁撈埋，甜甜地勁好送飯。大size比中size飯量多左，感覺肉量差唔多，女仔叫中size都好夠飽。簡單的美味，加上食物溫度夠熱，無得輸。如果すき家再開多幾間就好，畢竟你明的。

去日本🇯🇵旅行我都會必去呢間餐龐去食勁多蔥牛肉飯，但香港開咗分店之後，由於人龍長時間都勁長，唔會想排隊😩就一直無去。終於某個早上，路經此餐廳見到冇人😱😱😱即刻入去食。由於未夠11點，所以仲有早餐食.牛肉烤三文魚飯🍚（原來係鯖魚，唔洗加錢就可以轉三文魚）好耐冇食牛肉飯，勁掛住😍如果牛肉多啲就好啦🤣🤣三文魚普普通通冇咩特別，不過呢個價錢就收貨😊下次試番佢啲丼飯😁因為見到丼飯其實同早餐價錢差不多！.食完行出餐廳又見返條人龍🙃

行過旺角 見門口冇乜人排隊。咁就走入去試吓啦排隊嗰個位係好曬㗎。點解唔提供一啲類似遮太陽嘅支架呢叫咗途中呢個套餐最欣賞係嗰隻溫泉蛋味都係幾好但有浸煙頭味啲碗好肥膩食完之後亦都覺得味精好嘈個廁所尿兜好多尿漬。 好彩係食晒野知去廁所唔係真係無胃口 侍應嘅服務態度亦都算不上好不夠主動亦沒有留意客人的動向另外由於限聚令每張枱都有膠片但係嗰個膠片係好容易冧嘅我就曾經比隔離個客嗰塊膠片整親個頭試一次咁大把唔會有下一次

終於食到牛肉飯啦😂成日都想去不過每次見到咁多人排就卻步左不過今次叫左個囡陪我 平日lunch時段去到大概等左20分鐘就有位啦 有bb櫈提供我地叫左一個牛肉飯🐮🐮M sizes $29加多$20有3件炸雞同一杯冰紅茶 🥤🥤衰朱又話要飲士多啤梨🍓布甸特飲 嚟到又話都系冰紅茶好味😋早知唔洗要多$29叫多杯特飲本身碗飯嚟到嗰時我以為冇乜汁 😋😋問同事拎多小小牛汁 🐮🐮食先發覺原來好多汁喺個底入面呀 所以下次都系睇清楚先再加汁 如果唔系就會重味左 👍🏻👍🏻其實睇個樣佢個燒牛don飯好似仲正 $39M sizes仲有靖魚同鰻魚飯其實都想試 下次帶埋老公一齊過嚟 埋單$78無加一😝😝平靚正

SUKIYAすき家 (旺角) • 香蔥溫泉蛋牛丼 (S) $34 🍱鍾意用蔥嚟撈飯嘅人就會明白呢個牛丼飯當中嘅奧妙之處，而且層層有驚喜😍第一層喺滿滿嘅香蔥+蛋味濃郁嘅溫泉蛋。第二層喺薄切牛肉片+甜甜嘅洋蔥❤️最後一層就係日本珍珠米。整體食落唔乾，仲帶有輕微辣度🔥(S)分量適合細食嘅女仔，叫(M)會飽肚啲～建議大家可以+$10配埋蒜蓉炒青菜同一杯冰紅茶(^O^)🇭🇰旺角亞皆老街31號地舖 ⏰0600-0030#hongkong #hkfood #hkfoodie #hkgirl #hkig #hkeat #kissyfood #香港 #香港美食 #宅女 #吃貨 #吃貨宅女 #牛丼飯 #旺角美食 #SUKIYAすき家 #香蔥溫泉蛋牛丼

好耐無出過旺角搵嘢食啦,趁今日假期出去旺角,又想食日本牛丼,知道呢間出名,一於就試佢啦!去到鋪前已經見到好多人排隊,排左10分鐘先入到去,入面都坐左好多人,證明幾受歡迎!我首先叫左個溫蛋牛丼,牛肉非常之夠份量,每一塊都好薄片,加上適量洋蔥,我再將隻溫泉蛋放落去D飯到,同牛肉混合一齊非常之好味!我又叫左杯抹茶,不過味道一般,都係專注食飯啦!我朋友就叫左一碗烤雞肉丼,佢話每件雞都好厚肉好好食,仲有個沙律雖然簡單啲,不過都好新鮮,同埋杯冰紅茶都好好飲好大杯,總之抵呢間鋪頭成日都咁多人係度排隊啦!

鹹到一個點的すき家，中文名為食其家。見到最近稍為少人，決定一大清早走去試吓早餐，係日本/台灣就食得多。點咗2份早餐：牛肉烤鯖魚飯早餐，牛肉三文魚飯早餐，加咗份溫泉蛋$5加埋炸雞5件$25牛肉份量都算多，上面加咗先綠色嘅碎蔥，特別清香，不過如果唔食蔥嘅朋友，就要同佢講走蔥，因為浸味都幾濃。三文魚比鯖魚細件少少，兩種魚都唔似燒烤過，只覺得淋淋地，好似油浸咁，同日本/台灣分店差少少。味道嚟講，鯖魚比較好味，魚身較厚身，三文魚就比較多骨🦴，食嘅時候就要小心啲⚠️另外加了溫泉蛋♨️，呢個就有驚喜，好重蛋味，蛋黃呈現橙黃色，似乎係日本蛋再額外+$25追加炸雞🍗，呢個超難食，好似微波爐叮出嚟咁，又係淋嘅，完全唔似炸雞唔好中伏總體來講，啲嘢食味道好鹹，無論牛肉汁丶魚丶雞，都係非常鹹，食得多真係有病，但係日本同台灣食又唔係咁嘅味道，唔通呢個真係香港原味道？

呢個牛肉飯超抵食超大個仲要係日本直接打理其實而家都唔係排好多人排半個鐘唔使就入得其實叫set都OK抵食佢嘅蒜蓉炒通菜超好食勁似大排檔炒出嚟有鑊氣嗰啲因為我哋都好肚餓同埋只係賺$3所以我哋要L都食得晒喎

68蚊叫咗個 芝士牛肉井 加炸雞， 啲飯係糊爛嘅， 冇乜汁， 炸雞係凍嘅和淋。杯 冰茶得三分二杯。問過收銀姐姐, 她態度極差， 話杯冰茶畀多咗我， 請問有冇見過這些服務態度👿， 轉個頭就企喺收銀處跟人吹水。 如此服務態度一定要再培訓， 影響公司形象。告訴大家喺出面排隊排咗九個字得到咁嘅結果以後都唔會再去總括對此間食店極度失望， 食品質素 和那個譚小姐嘅服務態度真是令人驚嚇。

牛丼LL $45温泉蛋牛丼LL $50-好彩係晏晝2點幾我地排嗰陣未去到爆多人 所以有機會開幕日黎試 座位唔多所以等得先好考慮😂食完望後面睇唔到龍尾🙈連外賣條龍都幾多人牛肉飯黎講味道好食過吉野家好多 個飯唔洗加牛汁都夠味 食材都起碼好過吉野家 不過溫泉蛋就一般凍得滯 打開嗰陣有啲痴殼 個飯份量就真係唔算大！-我地一人一個特大牛丼食完唔覺有幾飽 一人兩個就差唔多😂不過以價錢黎講就唔貴！24小時營業就好方便 有時好夜我地唔知食乜好就可以黎呢度！同埋呢度都有一人火鍋架！睇Menu個賣相都吸引

之前一直要排長龍所以未食到，依家終於小啲人對佢實在太有期望，但得到既係失望多啲首先，成個鰻魚牛肉丼睇落好乾，要問職員拎牛肉汁另外鰻魚實在太差，好難食！再者，杯布甸牛奶士多啤梨特飲實在太甜！其他食物就正正常常，無乜特別唯一讚就係職員既服務態度幾好，效率幾高不過都應該唔會再食啦，又唔係平

呢間牛肉飯店開業以黎一直都想試，之前見到好多人排隊未試到，難得今日經過見到唔洗排隊就去左食因為疫情關係，入店內要量體溫，每枱客人要隔1.5米，相對黎講座位係闊落左既今次叫左個M 三色芝士牛丼沙律套餐，黎到之後會比支胡麻醬自己落去啲沙律菜到，想食幾多就落幾多牛肉飯有好多芝士，好夠味，滿足左好耐無食過牛肉飯既我，值得一試

係役情嚴重下終於唔洗排長龍，排左三個人就到啦！滿懷希望同期望，期望係因為標榜日本家鄉選材一樣。落單叫左個溫泉蛋牛丼飯加菜同飲品，一試超失望溫泉蛋唔流心唔會流蛋汁出來，牛肉飯偏干同淡冇咩汁，飯唔夠熱，奇奇怪怪蒜茸油麥菜，好像茶餐廳客飯感覺。入坐下單至進食完畢離開觀察到，舖面細細，樓面連收銀有9位服務員，廚師目測3-4人，一間小舖有拾幾人，呢個時期人手非常足夠。但留意到服務員每次收搭枱面唔係每次都會抹枱，終於見到一次抹枱，但從衣袋中取出布抹，布是干的，抹完又袋回袋中，食食吓有點驚同唔好味，最後選擇唔食離開，但去付款收銀員有三位只開一機又排隊，役情嚴重生意難做，噤寫真係唔係幾好，但食物同衞生真係要好好改善，唔好損壞日本總店名聲，如果唔係有機會變細菌🦠傳播！希望有機會再到此店時有所改進！

最近去多左旺角，呢個時勢成日都咁大條龍排隊等入座嘅餐廳，真係好難留意唔到！講緊嘅係吉野家個friend Sukiya！條隊龍以年青人為主，感覺係因為無得食吉野家，而我就本來都好少食吉野家，見sukiya 排晒龍就好想試下，試完就覺得同吉野家真係無乜分別，即係可以做替代品！不過呢，唔洗排隊就ok囉，排半個鐘食佢呢個牛肉飯就唔值喇。佢一個飯都分幾個size, 好啱女仔揀，當日我太太都唔太餓，就揀個M size, 份量好啱！溫泉蛋加勁多蔥好味，不過個汁就爭少少。芝士牛丼飯望落去個芝士份量好似好多，但係食落去完全冇芝士味，而且整碗飯連牛肉都太乾。

岩岩開張時，每日排長龍，宜家堂食雖然少左啲啲人，但外賣條龍多左好多#秋葵牛丼女仔食，簡 S size，岩岩好，加多左隻蛋，係飯中央挖個窿，打隻蛋落去牛肉汁可免費另加，加左更香。加埋秋葵有啲滑潺潺又爽脆，成個口感好正。