Suage北海道湯咖哩

营业中

休息中

最近去咗旺角朗豪坊依間「Suage」食晚飯，依度嘅湯咖喱不論係主菜、主食、湯底、辣度，定還是配菜都有好多選擇。*此餐廳收取加一服務費。青魴斑蕃茄海老湯咖喱烏冬配芝士片、小辣5 （單點$124），青魴斑肉質嫩滑，味道鮮甜，烏冬口感滑溜，容易掛湯，配以熱熔車打芝士食用，味道鹹香，番茄海老湯底，味道酸甜、帶有鮮味。炙燒豚角煮湯咖喱烏冬配椰子湯底、茄子2件、大辣 7 （單點$104），豚角油脂部份食落入口即化，食落帶有焦香味道，茄子食落好Juicy，配料包括有溏心蛋、南瓜、茄子、蓮藕、節瓜、西蘭花、苦菊，椰子湯底味道清甜。北海道薯蓉芝士年糕（單點$28），口感外香脆內煙韌，芝士味道鹹香，配以辣味千島醬食用，味道更佳，略嫌食唔到有薯蓉餡料。士多啤梨抹茶奶（單點$38），抹茶味道濃香，奶味醇厚，配以士多啤梨果醬飲用，飲落好清新。朱古力Suage乳酪特飲（單點$38），表面鋪有朱古力醬，口感濃稠，略嫌朱古力味道偏淡，而且朱古力與乳酸味道上嘅融合帶有違和感。

今日去朗豪坊見到有間專門食湯咖哩嘅「Suage北海道湯咖哩」🍛.日本廣島蠔湯咖喱拉麵🍜有3隻新鮮肥美廣島蠔🦪溏心蛋🥚蓮藕片、西蘭花🥦茄子🍆日本南瓜🎃翠玉瓜🥒超級豐富😍櫻花蝦濃湯本身已經飲到濃郁櫻花蝦味🦐加上少少辣🌶️就更加惹味😋拉麵掛滿湯汁，非常好味👍🏻脆皮雞腿肉串燒到啱啱好🐓雞皮脆😆肉質嫩滑多汁😗.芝士 Fiesta🫕有唐揚雞🍗洋蔥圈🧅雞肉丸🍢薯條🍟幾款都炸到好香口😛加埋芝士🧀好正😈.白松露極旨生蛋拌麵🥢拉麵上有2隻日本高級蛋『曉』🍳將生雞蛋與拉麵攪拌均勻😉再加入意大利白松露油🇮🇹以及牡蠣木魚醬油攪拌後🐟再加入一半脆海苔碎😌入口香濃白松露同海苔味🤤最後將白飯同剩餘蛋汁、海苔碎拌勻🍚好滿足😝

旺角朗豪坊都可以食到北海道過江龍咖喱湯拉麵！成日見到都大排長龍終於的起心肝試下！真係坐無虛席！.當然點了兩碗招牌咖哩湯拉麵🍜 炙燒豚角煮湯咖喱和避風塘軟殼蟹湯咖哩，份量十足滿滿的餸菜😍湯底鮮甜唔會好heavy，可以揀不同辣度照顧不同人口味👍🏻拉麵彈牙出色，避風塘軟殼蟹炸得脆口，港口fusion口味又意外地夾👍🏻傳統豚肉煮得淋身啖啖肉正😋最值得大讚好多蔬菜🥬仲大大件：茄子、南瓜、翠玉瓜、西蘭花仲有薯仔！.仲有特色飲品，菠蘿椰汁凍奶滿滿椰香，好fresh又解辣😌最正有日本的3.5生乳軟雪糕🍦超開心🥳.價錢親民份量十足日本味道，難怪咁好生意！.

呢間位於朗豪坊來自日本北海道嘅湯咖喱專門店，門面紅色超級搶眼。見佢係過江龍就一於試下佢！脆嫩雞髀湯咖喱烏冬$98湯咖喱一上枱，就即刻俾個大雞髀吸引咗眼球。湯咖喱可以選擇辣度，怕辣嘅我就揀咗BB辣，食落一啲辣味都冇。雞髀就真係得個樣，非常之乾，一啲都唔Juicy，根本唔可以叫脆嫩雞髀🫠配菜嘅南瓜同雞蛋都幾好食，而烏冬麵質就普普通通，冇乜特別日式唐揚雞塊湯咖哩拉麵$78唐揚雞塊就Juicy過隻雞髀，依碗湯咖喱就叫咗微辣，食落有少少辣味比起BB辣好食好多😋拉麵好掛湯，每一啖都食到好多咖喱👍🏻

當晚我在這家店點了招牌咖哩，味道還好，點知一回到家後立即胃痛，當晚更在睡夢中驚醒，又屙又嘔又發燒！！嘔吐物極像我吃的咖哩配料（當晚我沒吃其他東西）！！今天我在寫這篇食評時，仍在發燒及胃痛，相信是病毒性腸胃炎；我有理由懷疑這間餐廳的廚房衛生惡劣，導致病菌橫飛於食物中，病從口入！我奉勸大家千祈唔好嚟呢間餐廳食飯，免得像我一樣受腸胃炎之苦！！🤮🤢🤒

旺角朗豪坊紅色招牌好耀眼❤️原來係食特色湯咖喱 🥘餐牌有好多款式同埋配搭基本上都係先揀主菜 + 拉麵烏冬飯跟住就揀咖喱嘅辣度如果想懶人包嘅話就可以好似我咁樣揀一個推薦嘅🥘日本廣島蠔湯咖喱+ 櫻花蝦濃湯 + 拉麵🍜😜呢個濃湯真係好濃 有大量嘅櫻花蝦醬料😜😜食食吓好似變咗撈麵咁 好正🤣廣島蠔有三大隻好肥美🦪我加咗茄子 🍆 所以有三大條 仲要切得好靚😉但原來一碗本身已經有好多野菜 例如翠玉瓜、南瓜、薯仔，成碗都好豐富🤪🥦🫑另一碗叫咗炙燒豚角煮湯咖喱🍛加咗熔岩芝士 係有專人嚟到你面前鋪啲芝士落去 好有儀式感啊🥯🧀呢一碗嘅咖喱湯就稀啲 但係都係一樣咁惹味🤪 仲要加埋啲芝士滿足感10分炙燒豚角好大舊 食到一半已經好飽🐷而且啲烏冬同埋拉麵嘅份量都幾多仲有大量嘅蔬菜 食完真心幾飽🤪海苔天婦羅魷魚🐙Suage 乳酪特飲 芒果🥭巨峰乳酸梳打🍇仲有呢度嘅辣度唔算好辣 可以放心叫辣啲🌶️🌶️🤪😎

suage @ 旺角 呢間札幌起家既湯咖哩黎香港插旗…睇完"傻哥潺"既介紹…原來北海道有朵…今次係朗朗豪睇戲有機會黎試下呢度樓底夠哂高🤣🤣🤣…好有空間感 (應該全港最高😌😌)原先見到有個香港限完沙嗲牛同避風塘軟殼蟹。但我俾個雞皮墨魚吸引到🤩🤩。呢度既湯咖哩都會跟左好多蔬菜,茄子,南瓜,翠肉瓜,蓮藕片,薯仔…非常之健康。仲有溏心蛋…suage special 湯咖哩 呢個就好似茶記既公司三文治…配料豐富…司華力腸, 串燒雞, 唐揚炸雞,…仲有舊厚切煙肉。材料應有盡有…啱哂貪心仔雞皮墨魚墨汁湯咖哩 最後因為有雞皮墨魚點左你。果然無令我失望。雞皮又脆又煙韌…墨魚滑幾彈牙…有墨魚香唔錯。呢個加左墨汁既咖哩幾左黑色。點左中辣…第一啖湯感覺都有d辣…但係難我唔到。成碗湯飲哂呢度既咖哩湯好有日本咖哩感覺…最正係你飲到好多料但又唔會好濃稠。好味好味海苔天婦羅魷魚 呢個小食都唔錯…黎到時熱到辣口…炸漿薄薄一層…魷魚鬚好嫩唔韌芒果yogurt 呢個好飲…有飲緊lassi既感覺…好飲又健康

未有機會去北海道, 就係朗豪坊頂住檔先啦!! 哩度標榜湯底都係用番日本自家農場既原材料。自從佢開左之後, 每次行過哩層都聞到佢陣咖哩味~選擇好大彈性, 多款食材, 配搭飯, 拉麵, 烏冬都得。湯底香料味十足, 甜甜地又帶微微辛辣。其中一款要左椰子湯咖哩 , 比普通既咖哩湯質感濃厚DD而且更添椰香。蔬菜果然係主角之一, 烤香左特別好味, 由其是南瓜, 好香甜!和牛肩胛大片軟嫩, 豚角煮都煮到腍香入味, 表面仲有焦香。為食得制仲加左串脆皮雞腿肉~~除左咖哩湯, 小食都好多款, 推介🦑海苔天婦羅魷魚🦑咸香薄脆好香口。

Fafafoodblog為食花太郎 Suage北海道湯咖喱-香港 🍴葱香烤牛舌38 蚊🐂好香好彈牙既牛舌 薄身但面積大葱味好香 🍴海苔天婦羅魷魚 28 蚊🦑魷魚出面好香脆彈牙 魷魚味香 正🍴菠蘿椰汁凍奶36 蚊🫙🍴日式炸餃子 28 蚊🥟餃子好香脆 入面豬肉好juicy點d醋汁就好好味🍴炙燒豚角煮湯咖哩 92 蚊芝士飯加6 蚊D咖哩清得黎好香濃 辣度其實中辣 都唔太辣 有入味薯仔 茄子 南瓜 翠肉瓜等等 豚肉好肥味 🐖配拉麵好爽口好入味🍴珍寶豚漢堡蕃茄海老湯咖哩拉麵 108 蚊🐖蕃茄海老湯好香香甜蕃茄味 而佢個豚肉煲好香脆 入面有豬油香既豬肉 配芝士飯 d 芝士溶哂食 好食#日本菜 #咖哩 #豬肉 #拉麵 #芝士 #菠蘿 #凍奶 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#suage 旺角亞皆老街8 號朗豪坊4a 1 號鋪~~~~~~~~~#fa

- 旺角｜Suage北海道湯咖哩 -▪️ 炙燒豚角煮湯咖喱🐷🍜 (追加 唐揚炸雞🐔)湯咖哩味道香濃，仲可以自選辣度。豚角煮幾厚身，肥瘦相間，好軟腍入味，經過炙燒更加香。除咗豚角煮，仲有唔少配料，包括茄子🍆、南瓜🎃、薯仔🥔、西蘭花🥦、翠玉瓜🥒，同埋蓮藕，非常豐富。另外追加咗兩件唐揚炸雞，都幾大件，咬開嫩滑多汁，同埋佢會分開另上，咁就唔驚個皮浸到腍晒▪️珍寶豚漢堡蕃茄海老湯咖喱🐷🍅🦐🍜呢款係香港限定，湯咖哩加入咗蕃茄同海老，蕃茄少少酸，海老帶出鮮味，味道更有層次。珍寶豚漢堡真係勁大塊，炸到好香脆，食落啖啖肉，仲有陣陣嘅洋蔥香▪️海苔天婦羅魷魚🦑魷魚彈牙，外面層炸粉唔會好厚，炸得幾酥脆又唔油▪️芝士薯條🧀🍟炸薯條外脆內軟，面頭鋪滿芝士，微微拉絲，十分邪惡😈▪️Suage乳酪特飲 - 芒果🥭幾香芒果味，配上乳酪，酸酸甜甜Suage北海道湯咖哩📍旺角亞皆老街8號朗豪坊4A樓1號舖

平時都鍾意食日本咖喱，貪佢唔辣又帶點甜味。來自日本，過江龍北海道湯咖喱，有另類既日本咖哩體驗。餐廳係朗豪坊4樓，位置開揚。主打湯咖喱，而且選擇豐富，亦可加配料。日式唐揚雞湯咖喱 $78加炙燒豚角煮 $22不是一般咖哩的濃稠，質感似湯水。咖哩中有不同的蔬菜 (薯仔，茄子，蓮藕片，南瓜)，炸雞另上，最後可以揀白飯、烏冬或拉麵。湯咖喱入口沒一般咖哩強烈，平時唔習慣重口味咖哩應該收貨，湯咖喱溝白飯，類似湯飯。白松露極旨生蛋拌麵 $88拌麵一次過用兩隻”曉”，將蛋汁撈勻，再加入木魚醬油，白松露醬油同埋海苔碎再撈勻。蛋汁豐富，拌麵爽口，味道有層次。最後，將剩餘的蛋汁倒入白飯，加入海苔碎變撈飯食。海苔天婦羅魷魚 $28香脆薄皮天婦羅魷魚，加點海苔味，非常惹味既小食。芝士薯條 $45薯條香脆，芝士醬勁豐富，拉絲誘惑，令人難以抗拒。日本3.5生乳軟雪糕 $28雪糕好有誠意，廿幾蚊俾到勁大杯，3.5又香又軟滑，食到個cone都仲好脆，估唔到嚟呢度食湯咖喱，發掘到咁正嘅雪糕。

呢間過江龍湯咖喱已經開咗一段時間 今次朋友提議之下嚟試下😏 選擇夠flexible仲有得加餸 幾適合一班朋友嚟食架👭-🐷炙燒豚角煮湯咖喱 $92日本南瓜 +$10 /2件餐廳推介嘅豚角煮 煮得夠腍又入味 油脂充足☺️ 我哋配咗拉麵 同小辣嘅原味湯咖喱😋 湯底好掛麵 加上拉麵會索湯 食到中間好似拌面咁🤭 野菜以串燒形式上碟 有烤過香口好味😳-🐔雞爽肉湯咖喱 $98唐揚炸雞 +$18 /2件烤肉成日食到嘅雞爽肉 每日限定賣曬就冇😲 我哋嗌咗烏冬加上餐牌推薦配搭嘅椰子湯😉 同樣係小辣 椰子湯辣度明顯比較強🥵 多咗啲印度咖喱風味 我自己就更鍾意呢個😘 另外仲加咗炸雞 外脆內軟 調味都好夠 推薦👍🏻-🦑海苔天婦羅魷魚 $28天婦羅炸得乾身 海苔碎撈喺炸粉入面😯 魷魚唔會韌 好味🤤-🍹菠蘿椰汁凍奶 $36 / 抹茶Suage乳酪特飲 $38菠蘿椰汁凍奶飲落清新 椰汁味重 幾香🍍 食咖哩好適合飲乳酪飲品 抹茶味乳酪味道特別 值得試下🍃-📍Suage北海道湯咖喱旺角亞皆老街8號朗豪坊4A樓1號舖

未食過湯咖喱既先，睇到過江龍就忍不住去試一試今之叫左3款黎試， 其中有一款係一菜式。 第一碗：炙燒豚角湯咖喱 (大辣）炙燒豚角是豬肉角表面係金黃色的烤香外皮，肉質鮮嫩多汁，肥肉同瘦肉岩岩好，炙燒豚角配料同湯底完美結合，每一口都能品嚐到咖喱的風味和豬肉角的烤香口感。除了炙燒豚角，炙燒豚角湯咖喱通常還會搭配其他配料，例如蔬菜、薯仔、塘心蛋等等，這些配料的加入使湯咖喱更加豐富多樣，增添了口感的層次感。第二款: 廣島蠔湯咖哩 （大辣)蠔是這道湯咖哩既獨特之處。在廣島蠔湯咖哩中，蠔味道非常新鮮的保留了其鮮嫩的口感和鮮甜的味道。蠔的加入使湯咖哩更加豐富多樣，增添了海鮮的風味。大推呢款俾蠔愛好者。第三款日本蛋「曉」 加黑松露拌面相當出色， 不論蛋既色澤，還是黑松露既香味都好吸引人去食 餐廳有教先用蛋把面撈勻，再加入松露油同汁，最後先食飯，美中不足就係差樣餸

去完日本成日心思思想食日本野，行開朗豪坊見到間湯咖喱好吸引又打卡able就試左啦😋脆嫩柚子雞脾湯咖喱一黎就見到超大隻雞髀🍗個皮咬落去勁脆仲啖啖肉😛佢地的湯咖喱可以自選辣度，食唔到辣的朋友都唔洗怕😆除左雞髀之外，佢地仲有好多野菜係碗入面，有蓮藕，茄子，薯仔🥔湯底方面我揀左最基本的，食落比起平時食的咖喱稀身啲，但好香香料味叫左午餐，跟餐仲配左碗沙律🥗仲有一杯野飲Suage Special 湯咖喱呢款咖喱入面有超多料，食完你會好滿足，入面有司華力腸，炸雞塊，流心蛋等等，多到我數唔晒😄當然唔小得一系列的野菜啦🥦湯底轉左椰子湯，成件事好夾好creamy ，超有驚喜，鍾意奶香的朋友必叫！主食方面揀左拉麵，超級掛湯，啖啖麵食到椰香咖哩的味🤩跟餐加購左海苔天婦羅魷魚🦑香脆薄身的炸衣，咬落去好鮮好甜，做餸酒小食一流飲品方面叫左Sapporo生啤有咁香的咖哩同炸物，唔小得生啤的，飲落去爽呀🥳茘枝乳酸梳打唔飲酒精的朋友，佢地都有好多唔同的無酒精飲品選擇，清清甜甜Suage北海道湯咖哩 (旺角)旺角亞皆老街8號朗豪坊4A樓1號舖

朗豪坊4樓food court 外的紅色招牌湯咖喱開咗一段時間，成日都會經過。想食性價比高、選擇多、份量足嘅咖喱，呢度真係不二之選。地方大，夠開陽，就算平日夜晚過去都差唔多座無虛席。🍜香港限定•青斑蕃茄蝦湯咖喱 118又有蕃茄又有咖喱 小朋友先做選擇! 湯底比普通湯咖喱濃稠杰身，更有淡淡茄香酸，濃濃的蝦膏味，好鍾意個湯底。青斑肉質比較實淨，大大塊唔易散開，口感彈牙。🍜Suage Special 湯咖喱咩都有唔使做選擇。首先有原條巨型司華力腸、炸雞、煙肉仲有唔同蔬菜配料。湯底比較水質，加少少辣更惹味。另外海苔天婦羅魷魚係非常惹味嘅小食。北海道薯蓉芝士年糕唔係一般嘅芝士年糕。唔點醬食真係食到薯蓉，點埋個辣辣美奶滋更滋味😮最後梗係要食埋個甜品扭紋雪糕, 係期間限定富士蘋果雪葩。特別係有個Station可以自己落唔同味鹽，我哋每樣都試咗。一定要試咖喱鹽同埋普通鹽，令到雪糕味道更昇華🤤📍Suage北海道湯咖哩 (旺角)旺角亞皆老街8號朗豪坊4A樓1號舖