Su Casa (已搬遷) 新店位置

3月9日午飯時間特地嚟試下這間casa group 新界區嘅分店。 即日新鮮生蠔都有十款八款、 又white wine oyster set3款蠔$168 價錢合理、 有自選買一送一，又可以跟餐加$48 有兩隻㕑師指定款式，提供多款選擇， 第一次試揀咗廚師指定， 嚟咗一隻pink lover一隻冷Namibia都好新鮮， 由於係casa group，提供生蠔貨源有水準所以食得好放心;老公食嘅帶子松露意粉， 好味道， 靭度剛剛好。 同黃經理傾開知道佢哋嚟promote 好抵嘅$128龍蝦扁意粉😱😋, 所以星期二(3月12日)請 阿哥阿嫂嚟食生日晚飯, 真係原隻龍蝦, 肉質爽口、扁意粉一樣靭度剛好，冇令人失望; 燉牛肋條咗白飯有水準肉味香濃， 整體上好抵食。 如果要比意見就係環境走大眾化路線，欠缺銅鑼灣嘅氣派。 無他，如果氣派超凡就唔係這個價錢了。 值得推薦，希望能夠保持食物水準。

是日想食好西，睇完食評後就嚟左呢間由於今日天陰有雨，餐廳位於「京瑞廣場」外圍，相對比較少人⋯但無損我覓食決心店外有餐廳職員推介，店內誠懇招呼，食物與環境也不俗，實屬難得點了兩個set lunch 味道也非常到位 進食中途店員又送上濕紙巾。另一枱客人有兩位小朋友，店員也很有耐性地招呼，完全沒有黑面，值得一讚行動最實際，埋單時付了近期我用餐所比嘅最多貼士希望比少少鼓勵餐廳職員加油！

好耐無同肥仔去食好野，又到一年一度週年紀念，去開沙田玩，今年有個特別嘉賓小燈泡，小燈泡得两歲，今日就捨命陪燈泡，玩完一輪就去醫肚，行過見到呢間Su Casa有兒童餐，岩晒可以滿足小燈泡，環境又清優嘅餐廳招牌蠔湯一定要點！啲蠔咪濃到一個點，每呷一口湯，蠔喺口腔內四散，果種味真係幾難忘小虎蝦柚子田園沙律雖然話小虎蝦，不過都幾大隻，而且肉質彈牙，沙律菜新鮮醒上柚子清新，酸酸甜甜好開胃帶子菠菜忌廉墨汁麵呢款都係唔錯，值得一試墨汁麵唔係度度煮得好食，呢度有香濃菠菜忌廉味，食落唔膩口，帶子又可以令口腔有鮮甜咬口炭燒紐西蘭肉眼香濃炭燒味，肉質唔un有咬口，我地食開七成熟，又可以比小燈泡食，食到呢度都飽飽地小燈泡食個兒童餐食到舔舔脷，又有意粉，魚餅眨下眼食晒，又有沙律菜同橙汁，最後仲有玩具送，餐廳仲有顏色同畫紙提供，小朋友有得自娛，大人又有得吹水，真係大人細路都開心

🤗帶住小朋友岀街食飯，要保持優雅喲🤗帶住小朋友，往往吃了甚麼落肚都不知道，匆匆忙忙食完走人，所以今日決定要好好食返餐，實情係因為情人節當日我病倒了，慶祝活動取消了，所以今次就補祝一下~~預約時忘了問有沒有high chair，點知一來到已經準備好，並不是「要求」侍應才施施然拿給你，並且有準備了顏色筆🖍和填色紙給一一，於是我和爸爸可以安靜的點菜。見到鄰桌的 #香煎鴨肝配多士🍞不錯，再點了 #煎蠔肉黑松露什菌忌廉意大利飯、#炭燒紐西蘭肉眼🐮，一一就點了 #兒童餐A餐，兒童餐最先來，一一已經被食物吸引過去，所以我們讓她先吃，大啖大啖吃魚餅和茄汁粟米雞肉🐔意粉。一一爸從沒來過這一區，我跟他說一一舅父舅母在這區上班，然後望岀店外，竟然見到一一舅父在等位子！原來他和一一表哥跟朋友在樓上Play Easy輕鬆玩玩完，舅父也說這裡食物不錯👍🏻然後食到途中，見到有人點了 #燒原隻去骨美國野春雞，爸爸見賣相不錯，但我說吃不下了，因為呢度每碟的份量都幾足，我就話不如下次再試🤤🤤甜品點了意大利芝士蛋糕Tiramisu，見個甜品咁靚，想同一一自拍點知又再次失敗😫之後飲埋杯 #菠蘿奇亞籽綠茶，唔會太甜又好味！最終

平凡又簡單的一日，筆者和太座到了 沙田-石門 行行逛逛 , 石門這地方對筆者的記憶來說 , 就只有把有扒艇這項活動 , 而且還記得幾十年前石門這地方應該仍是農村 .... 當日來到這裡的時候還真的嚇一跳 , 因為原來石門這地方已今非昔比 , 除了建了酒店之外 , 還有大型美食購物商場 就在 京瑞廣場2期 , 發現了一間門面光鮮的西餐廳 Su Casa, 於是就入內吃晚餐 ~餐廳的樓底特高 , 環境寬敞 , 座位舒適 , 洋溢著青春氣息 ~Menu ~暖菠蘿有機奇亞籽綠茶 $36 : 暖暖的一杯飲料 , 入口很舒服潤喉 , 味道清香甜蜜 ~粟米忌廉湯 (跟蒜蓉包) $48 : 粟米湯的質感濃稠 , 粟米湯是店方自家成自製的 , 每一啖都是粟米香 ; 蒜蓉包烘得香脆 , 蒜蓉味足夠 , 味道不錯 ~鴨肝野菌扁意粉 $158 : 賣相不錯 , 意粉個 sauce 的質感 creamy, 味道相當豐富複雜 , 鴨肝跟菇菌和意粉 sauce 的味道很夾 , 很不錯吃 ~本篇完 ~

好耐無同肥妹去食好野，又到一年一度週年紀念，去開沙田玩，今年有個特別嘉賓小燈泡，小燈泡得两歲，今日就捨命陪燈泡，玩完一輪就去醫肚，行過見到呢間Su Casa有兒童餐，岩晒可以滿足小燈泡，環境又清優嘅餐廳招牌蠔湯一定要點！啲蠔咪濃到一個點，每呷一口湯，蠔喺口腔內四散，果種味真係幾難忘小虎蝦柚子田園沙律雖然話小虎蝦，不過都幾大隻，而且肉質彈牙，沙律菜新鮮醒上柚子清新，酸酸甜甜好開胃帶子菠菜忌廉墨汁麵呢款都係唔錯，值得一試墨汁麵唔係度度煮得好食，呢度有香濃菠菜忌廉味，食落唔膩口，帶子又可以令口腔有鮮甜咬口炭燒紐西蘭肉眼香濃炭燒味，肉質唔un有咬口，我地食開七成熟，又可以比小燈泡食，食到呢度都飽飽地小燈泡食個兒童餐食到舔舔脷，又有意粉，魚餅眨下眼食晒，又有沙律菜同橙汁，最後仲有玩具送，餐廳仲有顏色同畫紙提供，小朋友有得自娛，大人又有得吹水，真係大人細路都開心

預先Book 左 9pm 同男朋友慶祝生日，叫左牛柳絲炒意粉同帶子意大利飯dinner set。 每個平均都只係$90 左右。加$48 就有兩隻生蠔，再加$15就有湯同包。雖然價錢唔貴，但係當生蠔黎到嘅時候，個侍應都好有心機同我地介紹。餐廳裝修得靚同坐得舒服，如果相同格局，我諗出九龍或香港島食都起碼貴多陪。意粉同飯都唔錯，生蠔新鮮好味。訂檯時，預先同餐廳講左想寫happy birthday 喺甜品。黎到唔洗我再提，侍應們已經知道，服務非常好。唯一唔好就係當晚dinner set 全部都係意粉同飯類， 冇牛排選擇 （雖然都可以單叫）。

今日要去石門搵朋友拎返d 面膜，朋友想食西餐，佢帶我去左呢間西餐廳，入到去地方好寛敞，坐得好舒服，再睇下餐牌，原來係日式既西餐！日式鰻魚玉子炒飯/配凍菠蘿有機奇亞籽綠茶$68賣相唔錯，聞落又係好香，食落去都係不得了，好好味喎，用珍珠米炒飯，一粒粒脹卜卜既飯，食落唔會淋，加埋一粒粒既玉子，再有口感一點，鰻魚燒得剛剛好，上面仲有木魚碎，令到碗炒飯真係好野味吖！至於杯飯品係少甜，好濃既菠蘿味帶著淡淡既綠茶味，好飲喎！以午餐黎計又要加一都屬於偏貴既，不過好味都無所謂啦！

喺石門探完朋友，問佢有邊間餐廳好食又baby friendly，佢介紹咗我哋去Su Casa。同BB 一齊去鋸扒？得唔得㗎？估唔到，呢餐真係好完滿！牛扒、意粉、兒童餐好令人滿意之餘，甜品仲靚到出煙，超驚喜！最重要係一坐低，侍應姐姐即刻派咗成盤顏色筆同填色紙，令我個仔全程坐定定，爸媽終於可以安心「鋸扒」歎番餐喇 ，帶埋呢個Trouble 2嘅兩歲小男孩一齊真係好耐冇試過。聽朋友講佢仔仔仲試過喺度免費玩扭蛋㖭呀！咁我哋食咗啲乜呢？頭盤我揀咗白酒羅勒忌廉紐西蘭青口，個汁好正，青口肉厚鮮味。主菜炭燒紐西蘭肉眼扒，煎得香又有牛味。不過我哋最鍾意都係個帶子菠菜忌廉墨汁麵，帶子有啲微微海水鹽味，鮮甜又煎得香，個墨汁麵好食又彈牙，同個菠菜忌廉汁好match!而且呢度連兒童餐都有3款選擇，包括茄汁粟米雞粒意粉配魚餅、炸魚薯條配牛油粟米、芝士通心粉，全部有跟沙律同橙汁，$68/份都算幾抵食。今晚我仔太乖，所以飯後我仲有閒情食甜品！隨意點咗個燴車厘子金寶脆脆配雪糕，點知嚟到發現原來佢敲碎個蓋會有煙冒出㗎。我仔睇到好興奮～ 連媽媽都有得玩有得食，爸爸開心埋單，happy wife, happy life!

第一次去到石門，驚訝地發現呢度有好多餐廳，花多眼亂，最後揀了這間西餐廳，餐廳裝修開掦，清新簡潔，以綠色為主的佈置感覺柔和。可能因為是平日，所以不算繁忙，唔需要等位。揀咗張半圓形卡位坐，位置寬躺舒服，侍應服務勤快！估唔到呢一間西餐廳都有生蠔食，因為我本身唔係太鍾意食生蠔所以冇叫到，晚上有set dinner 及單點，set dinner 會比較抵食，可以以優惠價加配小食或飲品，生蠔愛好者可以加$48 有兩隻生蠔。叫咗個set dinner 軟殼蟹明太子意粉（$108）及單點左原隻去骨燒春雞（$178）。軟殼蟹明太子意粉：軟殼蟹炸得比較腍，但意粉個醬汁味道適中及creamy，good food presentation。原隻去骨燒春雞: 燒春雞份量略為少了一點，平時叫燒春雞都會擔心雞肉比較乾，好彩呢一隻還能保留肉汁在內，但可惜gravy及雞外層偏鹹了。

Tdy just went to Shekmun randomly Didn’t expect there are so many restaurants Maybe it’s because of weekday So not many people are there I ordered the raw oyster The fat one is a bit plain while the small one more creamy The spaghetti was Ok, the tempura a bit over-fried The toasted chicken is a bit raw, and the sauce a bit too salty, but the texture is fine The dessert is my favourite, I love the raspberry taste Lovely environment with the place for you to put belongings Good service here

之前見朋友去石門呢間 Su Casa 話啲扒同蠔都好正，而且仲有 #兒童餐，唔洗煩雷囡s冇野食。即時book位試下。地方環境唔錯，浪漫得嚟又唔會太黑。啱晒我地呢啲一家大細（小朋友唔鐘意太黑)。我好欣賞佢地勁貼心，第一時間俾畫筆同埋填色紙雷小囡，#killtime 必備！ 令我有餐安樂茶飯食，好滾動。 除左填色紙外，兒童餐張餐牌都有野玩，啱晒雷大囡。佢超鐘意，即時玩個數讀（我冇睇啱唔啱，見到已暈左）環境服務都好好，啲野食仲好得,真係要讚下！《香煎鵝肝配多士》鵝肝煎得好香但又唔油膩！而且好厚身，剛熟唔過火。真係好好食！估佢唔到👍🏻《蠔湯》餐牌推介，而且蠔湯真係好少見，當然要試啦。有驚喜! 蠔味好濃又唔腥，飲得出好新鮮，連老公都話好正！《煎蠔肉黑松露雜菌忌廉意大利飯》Order左蠔湯再order 呢個本來覺得好似重覆左！但我真係好鐘意黑松露雜菌忌廉意大利飯，而且呢間餐廳啲蠔都出名,照試啦！蠔香脆又唔會油。黑松露好香，配雜菌忌廉意大利飯真係冇得輸！雷囡s都超鐘意！《炭燒紐西蘭西冷》又係情意結，去西餐必食嘅就係西冷...medium剛好，外皮夠香，肉汁夠多又唔會出血水，咁嘅價錢唔係間間做得咁好。

仲有幾日就情人節喇，做得全職媽媽，去邊都要帶埋阿桃🍑214食一定又逼又多人，所以桃媽🍑👩🏻周圍物飾一間又岩小朋友食又可以影相打卡嘅餐廳！終於俾我搵到呢間位於石門嘅 Su Casa 唔單止提前就有情人節餐食，份量超足，惠顧情人節餐仲會送埋花俾你🌹絕對係男士恩典！入座後職員隨即為阿桃送上兒童餐具同填色畫紙❤媽媽終於唔駛同個仔鬥搶餐牌😂即刻同大家介紹下我地食左咩喇！🍄焗芝士洋蔥煙肉釀大啡菇超多汁，煙肉芝士焗過勁香！🐚田園蕃茄醬煮紐西蘭青口青口夠厚肉，配埋香濃茄醬好滋味！🥣蕃茄忌廉湯未飲過一個蕃茄湯咁濃郁，加埋忌廉夠香滑！🐂炭燒紐西蘭肉眼叫左5成熟，有微微炭香味，肉眼好嫩身！🐔露絲瑪莉焗法國春雞配薯茸雞皮焗到脆身，再加上香料，勁惹味，雞肉夠厚又嫩，配埋薯茸食，勁飽！🍨紅桑子乳酪慕絲配洛神花啫喱及分子朱古力脆脆分子朱古力脆脆有驚喜，慕絲甜度適中，再配上黑朱古力，連唔好甜品嘅桃爸都清碟！🍹菠蘿有機奇亞籽綠茶真係有菠蘿果肉，加入Superfood奇亞籽，配上綠茶，係幾特別嘅飲品！阿桃嘅兒童餐係🐟特大魚形魚餅配🍝茄汁雞粒意粉，再加🥗胡麻沙律份量之大，完全係由頭食到落尾都食唔哂！魚形魚餅有阿桃塊面咁大！

話說情人節去咗Su Casa 餐廳食飯，第一次喺石門食西餐，地點唔難搵！石門岀名 #親子聖地，原來連餐廳都baby friendly 過人！全賴呢度嘅服務配合得好好先有餐安樂飯食下，因為有蠟筆俾小朋友填色等佢乖坐喺度😃而爸爸都唔執輸喺度玩數獨。咁我就睇下食咩先啦，點咗以下嘅菜式❤️前菜香煎鴨肝配多士香濃嘅鴨肝，我係第一次食鴨肝，感覺好似鵝肝，配上多士一啲都唔油膩！❤️主菜炭燒紐西蘭肉眼老公至愛，肉汁多要encore~~配上醬汁成份牛扒勁香！肉質唔擦，比想像中淋同容易食！❤️龍蝦汁海鮮配意大利飯老公話呢個好好食，龍蝦汁鮮味十足，同海鮮好夾，意大利飯唔硬，煮得恰時。❤️甜品拼盤當然係小朋友最期待嘅環節啦，喜歡甜品而又唔想太甜嘅岩哂啦！老公就叫咗❤️Double express 咖啡而我就叫咗菠蘿有機奇亞籽綠茶，飲品好特別而唔係只得一式一樣嘅橙汁汽水俾人揀！❤️ #兒童餐入面係胡麻沙律、茄汁粟米雞粒意粉、魚形魚餅配上橙汁塊魚形魚餅大塊到呢😍食得好滋味最後仲有扭蛋玩，真係好岩小朋友黎喔！

✨相識9週年記念✨又係開心嘅時間過得特別快😆簡簡單單食餐飯慶祝一下😋我地近近地去咗 石門 食西餐～好貼心有 BB椅 ，兒童餐具 ，畫紙蠟筆是日餐湯$48南瓜忌廉湯🎃香濃南瓜味，伴蒜蓉包，正！碳燒紐西蘭肉眼$238肉眼5成熟，都幾淋多肉汁！碳燒風味幾香！吉列廣島蠔伴松露薯條$68蠔炸得好香脆！蠔味濃郁！仲有松露薯條～超香口！🚙兒童餐🚙$68 胡麻沙律、茄汁粟米雞粒意粉、魚形魚餅、橙汁😋車車造型勁吸引！味道唔會太喊，適合小朋友食！鴨肝野菌扁意粉$158個白汁幾香濃！不錯～鴨肝我第一次食😝唔啱我口味～甜品拼盤$78我最愛嘅甜品！有芝士蛋糕、開心果蛋糕、馬卡龍、紅苺慕斯🤤其中開心果超濃味！食完再想添😋暖菠蘿有機奇亞籽綠茶$36清新菠蘿味~仲有菠蘿肉同奇亞籽😋好飲呀！我鍾意！凍香濃朱古力$36味道係比較濃嘅朱古力，少甜！鍾意黑朱古力嘅可以試吓～食兒童餐仲有得免費扭蛋 ，小朋友好開心呀！小朋友食得開心爸爸媽媽又滿足！