Studio Caffeine (廟街)

营业中

休息中

經過見到連儂牆已經好吸睛，身為YellowObject點可以唔去懲罰下佢地。呢間coffee shop我以前成日去，平日比較清靜，但唔代表佢出品不好。相反地，是十分出色。雖然，相較創新咖啡的選擇不算多，但要舒服的享受一下coffee time, Studio certainly is one of the best choices!!店員都好多靚仔靚女😳 因為今日有點腸胃不適，就無食Monster Breakfast, 事關真係好大份，未必食得哂😳 叫左個American All day breakfast, $105, 加埋杯咖啡絕對超值(Monster只貴$10蚊，當然更抵)。經典早餐差左個juicy大啡菇，就差好遠了，事關個菇真係好正。獎項很耀眼，但都給香港人的心意比下去。在這裡，不止給你一杯標緻的拉花咖啡，還有是一種呼吸得到的心意。

我成日覺得，cafe，台式茶飲店，新式甜品店多數做年青人生意，老闆也以年青人居多，所以遇上黃店的比例總會偏高。撇開黃唔黃，位於佐敦這間 cafe 都絕對值得支持，因為它的咖啡實在好得。未飲前，見店外 menu 寫上一連串所獲得的獎項，店內亦展示著眾多獎狀，彷彿就是品質的保證。本來好怕飲奶啡，因為飲親都肚瀉，但當我知道此店去年曾獲 Latte Art Championship 的季軍後，最後還是冒死叫了杯 Latte，還配件提子 scone。咖啡端上來時，就已被那漂亮的拉花吸引，看得出奶泡打得好幼細綿密，呷一口，果然口感綿綿，奶味濃郁，跟咖啡本身非常搭配，不嗜奶的我也覺很好飲。至於個提子 scone 就正常貨色，正常味道，美中不足是用上現成果醬，需知道自從我試過 Let's Jam 的自家製果醬後，已經徹徹底底返唔到轉頭啦！😂

之前係係大坑食過second sip by Studio Caffeine 覺得好好食，估唔到佢地係佐敦都有分店，唔洗過海實在太好太開心 不過佐敦分店就無Burger 食，所以我地最後叫左個monster all day breakfast ($115) 同冬陰公大蝦扁意粉（$95），個all day 又真係幾大份量，有炒蛋、腸、沙律、煙肉、三文魚同d 生果，我地仲加左錢換牛角麵🥐 扁意粉係因為我係大坑食過覺得超好食而encore，不過我覺得今次太辣過頭，但味道都係好惹味

放假的日子吃個悠閑的豐富早餐，各款早餐也是即叫即做，食材新鮮、美味！我們二人叫了一份monster all day breakfast及一份bbq 醬煙肉芝士蛋法式多士，一杯latte 及一杯americano.因顧著享受美味早餐，後來的食物及飲品忘了拍照。令人最驚喜的是那杯簡簡單單的americano, 咖啡味道清香，咖啡下跌著的溫度讓人享受不同的豐富味道⋯花香、呍呢嗱、提子果香⋯⋯離開前不忘買了一包咖啡豆，回家繼續享受！

呢間鋪頭出咗名係Coffee and All day breakfast其實都係無心插柳咁樣嚟咗食晏。老友出開來九龍，佢仲話孭住個大提琴，想搵到個地方可以傾吓計之餘，又有啲空間可以放得落佢啲行裝。最後我打咗電話去鋪頭book檯，順便問下佢可唔可以安排一個可以放得落個大提琴嘅位俾我哋兩個。去到之後，發現佢真係俾咗一個梳落啲嘅為我地，輕輕鬆鬆就可以安頓到。至於嘢食方面，就係All Day Breakfast，salad, Spaghetti個類， 佢個廚房比較細，但啲嘢都做得幾快。我同我老友各自叫咗一個早餐，一個American, 一個Monster, 個人覺得算係正正常常，冇咩特別，炒蛋都幾滑。跟餐我就叫咗杯咖啡，Flat White, 認真，我覺得咖啡係出色嘅，比起嘢食係真係出色好多😂😂😂朋友對食冇咩意見，所以佢冇評價😂😂如果你問我，下次我會試吓意粉，同埋咖啡真係必點之品！

記得上一次來呢間Studio Caffeine，印象唔錯，餐廳有價錢親民而食物豐富的All day breakfast，主菜同飲品水準都比較平均。今次再來幫襯，牆身貼滿Memo紙，香港人，你懂的。可能Studio Caffeine比較大眾化，而且餐廳唔算好大，6點半已經得番1張4人枱，一坐低先講下個環境，坐得唔算好舒服，枱同枱之間沒有足夠空間，同隔離枱貼得好近，餐廳條通道只夠1個人行。而食物方面:雜菌意粉: 個賣相就真是一般，但意粉軟硬度適中，整體味道尚算OK。芝士蕃茄意粉: 芝士同蕃茄放得有層次，蕃茄汁香濃，越食越開胃。Monster All-day breakfast: 食物係即叫即煮，一放上枱已經好香，而且份量十足，唯一扣分既，係大蘑菇變左做普通菇片。整體來講都算唔錯，地點又方便，下次都再會約朋友來幫襯

週末要幫港女往佐敦修理樂器，我們便來了這間cafe用午餐。但人挺多的，等了10分鐘，難怪是Openrice佐敦區50-100塊最多like的餐廳！餐廳入口左邊，貼滿對香港的祝福，與它的食物一樣，很窩心，加油。我們點了The New Yorker 三文治、三重芝士蕃茄意粉及全日早餐 All Day Breakfast Regular。食品美味，但並不特別，最特別是它的咖啡。根據它菜單下方顯示，原來這裏的咖啡師獲獎無數 ，難怪咖啡上的花拉得這麼漂亮，而那杯紅色的，是一個紅菜頭Latte，不但十分健康，也很美味，如果比較喜歡甜的，這杯咖啡一定要試！

顏色立場一致的好友生日，當然要去良心咖啡店「Studio Caffeine」慶祝一下。一進店，已見貼滿訴求的連儂牆，真的很黃。咖啡店雖小，但食物款式多，而且價錢合理。我們三人行點了四個美食，開心sharing！超級全日早餐（$115）有腸有蛋有菇有煙肉有三文魚有黑椒牛肉等12款美食，非常豐富！尤其至愛那堆炒蛋，極滑溜！自家製凱撒卡邦尼扁意粉（$88）跟傳統卡邦尼意粉相比，飽滿的蛋黃和忌廉汁令意粉更濕潤，正！泰式冬蔭功配海蝦扁意粉（$95）蝦蝦蝦，一人一隻蝦！冬蔭功不算太辣，至少怕辣的我還可接受！Hot Town Pulled Pork Bagel（$98）很久沒嘆過bagel了！手撕豬肉、忌廉芝士和菠蘿等配料，有鹹有甜，味道出奇地夾！凍薄荷朱古力（$50）侍應送上飲品時霎時嚇一跳，因為這容量真的不太值50元！全店無須加一，但你喜歡的話可隨心打賞貼士！

之前我朋友介紹我去食呢間嘅all day breakfast， 但係咁啱嗰日我想食pasta， 所以叫咗個冬陰功意粉(不過食左唔記得影相) ， 冬陰功個味辣得好惹味， 蝦又夠爽， 令人食完又想食咖啡就點咗我每次都點嘅flat White，質素依然係咁高， 我會建議加大，因為細杯真係唔夠飲，加幾蚊係值嘅

上次weekend 去到門口已經排晒長龍食唔到，今次黎就梗係要試下佢最出名嘅All day breakfast.賣相非常吸引，炒蛋滑溜，沙律菜新鮮，咬落有水份唔係乾爭爭，煙肉煎得微脆，而且有我最鐘意嘅紐倫堡腸，啱晒我口味，整體高質，食埋個麵包就夠晒飽😋

在平台搜索得知這咖啡店的手調飲品很有名，今日經過附近當然要來進餐!店舖呈長方形，在門口外位置已擺放了餐牌，進入後在牆身已放滿了咖啡師的奬狀。店舖運作是先付款後送餐，店內空調不夠，雖然當時沒有坐滿，但開放式廚房設在店中央，確實令室內空氣及溫度造成一定影響。店舖主打西式菜式，如全日早餐、三文治或沙律等，有營又健康。經典全日早餐 $85全日早餐較豐富，便點一份試下。沙律菜新鮮、炒蛋滑、紐倫堡腸味道適中及不太油，食落幾滋味。培根煎得剛剛好，另有兩件較細的法式奶油麵包及焗豆，是一份豐富的經典全日早餐。法式奶油麵包鬆軟，與嫩滑炒蛋一起吃，好味!在下單時選擇了限量供應的飲品，首選及次選的飲品都售罄，到第三選擇才有，而且飲品製作需時，所以要耐心等候。熱檸檬草生薑茶  半價優惠 $20今日是周六，點選全日早餐可以以半價換購飲品一杯。一壺小茶壺，小茶壺裡有檸檬草等材料，先讓材料在熱水浸泡一會，再慢慢按動茶隔將材料壓下讓味道滲出，是一杯醒神的飲品!咖啡店的優惠不只得以上一款，平日星期一至五或下午茶都有優惠，總有一款合心意的!

TGIF...終於來到happy friday...當然想搵間餐廳慰勞下辛苦工作嘅自己啦😌😌路過見到呢間小店，感覺幾悠閒慢活，就決定入去試下～我和朋友都揀左All-day breakfast，分別 monster 和 american~All-day breakfast (monster) All-day breakfast (american) ✨黑松露薯蓉係亮點，有濃濃嘅黑松露香味，但唔會有過重嘅鹹味呢點唔錯～✨法式奶油麵包外脆內軟，有奶油香，配埋煙肉和炒蛋一齊食都幾夾～✨腸類我中意食芝士腸多過紐倫堡腸，比較鹹香惹味～✨炒蛋嘅火候控制唔錯，唔會過熟，口感嫩滑～✨我好怕啲勁多油嘅all-day breakfast，好彩呢度唔算落好多油，仲有蔬果可以中和下個油膩感～Green Tea Caffe Latte拉花好靚呀～ 茶味香濃，但冇茶嘅澀味，整體味道略甜，口感都幾smooth，幾岩我口味😋 Cappuccino口感幼滑，Cappuccino 甜度冇 green tea caffe latte 咁高，比較低糖，平時飲咖啡唔會落糖嘅朋友表示味道岩岩好，但對於我尼講就唔夠甜啦😂😂整體食物飲

放假陪女朋友去食all day breakfast，見呢間餐廳有好多好評就帶佢去食。餐廳係半自助形式，搵好位，揀好嘢食就自己去收銀處點餐，然後攞號碼牌返自己枱等職員送餐。Monster($115)。包羅萬有，最驚喜係有幾粒甜青提，食完煙肉可以清清個口。另外值得一讚嘅係松露薯蓉，又滑又香。忌廉汁配牛油果 ($85)。一開始見唔到一塊塊嘅牛油果，pat汁又唔係綠色以為佢上錯嘢，原來食落有陣牛油果味同埋有紫洋蔥粒，好creamy。熱烤榛子朱古力(+$5)。女友大推!有好香嘅榛子味，同香甜嘅朱古力好夾。Flat White(+$0)。唔知係唔係啲咖啡豆靚啲，飲落好順滑而且有好香嘅after taste。

近期主流是支持小店，作為有承擔的香港人，往內街走走，一定會找到想吃的。這裡每隔一段時間都會重來，水準依然，這次點了Monster超級All day breakfast這次再來也是點它，黑松露薯蓉(黑松露帶起個味道) ，沙律菜(新鮮) ，大磨菇(厚肉) ，煙肉(香脆) ，黑椒牛肉(微鹹) ，煙三文魚(煙燻味濃) ，香腸 .....脆香麵包，足夠填肚！牛油果蟹肉法式奶油吐司麵包香脆，牛油果蓉與蟹肉碎舖滿吐司上，蟹肉鮮味，牛油果鮮，不需加上其他攪作，天然已就足夠。冷泡咖啡香醇濃郁，咖啡很香，入口微苦甘，之後嚐到微酸，很有層次。香味從口中釋放，歷久不散。用金屬的冰，不會稀釋濃度薑餅鮮奶咖啡初飲時候，好像喝不到薑餅味，放了一會後 ，肉桂味道散發出來，這才像樣！

位於佐敦的Studio Caffeine，主打All Day Breakfast，是一間深受年輕人歡迎的店！店內裝修簡約中帶一點味道，很有文青的風格！自助區有齊所需的調味料、用具、和水等，自助不求人！店面也放了多個咖啡比賽的獎項，實力有保證！Matcha Latte $45冰涼香滑，滲出淡淡的抹茶香氣，非常不錯的一杯凍飲！Mango Iced Shaken Tea $45很清爽的一杯，味道適中，是咖啡以外的好選擇！凍飲用的金屬杯，杯上印有店名，頗為精緻！Monster $115份量非常誇張的一個Set，難怪取名為Monster！一碟有齊12樣早餐常見的食物，當中的炒蛋、黑松露薯蓉、大蘑菇、法式奶油麵包等都極高質！最重要係即叫即做，誠意已經喺返到！American $105覺得Monster太誇張，可以選American！最好吃的Items都有齊！