Star Cafe

一個人食飯, 雖然唔太肚餓, 但都要食d野免得夜晚餓醒屋企附近選擇不多, 見呢間無咩人, 又好耐無食過, 就幫襯吓~味道偏鹹不過不失~賣相唔吸引, 味道偏鹹, 炸得有d過龍, 肉質比較鞋...整體質素麻麻, 偏鹹偏油, 感覺唔太健康~但價錢平, 服務一般.…查看更多

响青衣返工已經五年多~間中跟同事光顧美景花園呢間STAR CAFE~覺得食物水準一向不俗和價錢相宜~ 午餐至少有五款選擇~約$35-40一份又唔駛加一, 算係經濟抵食~個人最喜歡食焗飯~趁開學前夕~應該唔難搵位~所以今日lunch又再去~ 經過時見到滿座但再走一趟剛好有位。 侍應指示我和同事二人入到餐廰最角的一張枱~坐低點餐後不出數分鐘~見有兩三枱食客剛好離座~於是我地轉去另一張二人枱~ 注意!!!! 只是二人枱, 我地並冇多佔坐位(因十分明白近lunch time~可能會多人~)我有禮貌地向一位鼻樑貼有去疤膠布的女侍應交代一聲轉枱~以便送餐安排~~~戲肉就响呢個時候發生~ 佢好大聲咁回應 ："唔得喎~你地坐番0個度啦~而家係飯市!!!! " 我即刻話"0個度好熱喎"~ 跟住佢"唧"一聲~ 好悔氣咁拉左另一張二人枱~ 叫我坐0個度~ 當時我好嬲~有冇搞錯呀??!! 我只係要求轉枱啫~ 佢唔只比面色我睇~仲居然"唧"一聲~ 擺明係趕客~ 仲有就係當時外面根本冇人等位~佢又冇話留位比人~ 點解唔可以轉枱呢? 我諗極都唔明轉枱跟飯市有咩關係~ 唔通我轉枱會令佢做少單生意咩~ 我都只係坐佢一張二人枱啫~又唔係打横瞓响佢張枱~ 最嬲就係~ 轉左枱之後半個鐘~ 都未有人坐滿~ 咁我就更加唔滿意佢以上咁差劣0既服務態度!!!!!!!!!!!!!!!其實當時可以一走了之~反正只係剛落單~既然人地唔希罕一單半單生意~又唔在乎留唔到客~我都唔怕少一個食晏0既選擇~ 但同行的同事冇我咁氣結~咪唯有食完先算~ 但今次經驗~已經決定唔會再去呢間STAR CAFE~我仲會拉同事們去另外地方搵美食~世界咁大~食物好又價錢相宜0既肯定唔止佢一間~ 今時今日~咁0既服務已經OUT啦~ 厨師們煮咁好食的食物~但侍應們就不可一世0既態度~真係浪費晒~個人認為不論任何一間食肆或者公司~ 必定要講求TEAMWORK~ 佢老闆好應該提升一下員工質素~否則無論有幾好食~只要一傳十, 十傳百~真係冇得升呢~…查看更多

平時放LUNCH都未食過呢間~今日行過望下餐牌見到D野幾吸引就入左去試入到去D人服務態度都好好,餐廳係逼左小小..不過都舒服..叫左個蕃茄湯龍利柳貝殼粉+咖哩牛柳薯角配芝士扇貝..個粉好味呀入哂D湯味,杰杰地入口感覺好正~牛柳真係好淋好有咖哩味.薯角又帶脆有咸香不過扇貝勁一般..試左朋友個西冷扒餐,個扒真係好淋岩岩好6成熟~正!!一定會再食呀…查看更多

雖然讀書都好忙，但點都要食野既。咁從學校走出黎，見呢到有位就入去啦。唔係就唔知食乜好，始終美景無乜野食。南瓜湯伴牛油餐包南瓜湯質素唔錯，好香好creamy。而且又唔係太鹹，真係一個幾正既湯。個湯既南瓜份量都幾多，雖然唔係大餐廳，但呢個質素絕不欺場。個餐包就無乜特別，但送到黎係微暖架。算幾有誠意架。黑椒汁蛋包意粉伴芝士焗雞扒蛋包就唔覺啦，其實只係有舊蛋蓋著個意粉。不過咁食又幾得意，黑椒汁辣辣地，味道唔錯。意粉都幾好食，算幾彈牙。而個雞扒就好有烤香味，而且雞肉唔鞋。凍咖啡我叫佢小冰，佢真係小冰。所以最後都係要多杯冰，溝下溝就成杯都凍啦。但令我最估唔到既係，個咖啡有即磨咖啡既味道。咖啡味好濃，真係幾好飲。都好耐無黎過，食物質素都ok啦。而且都唔係成日帶位，有機會實會再黎。…查看更多

是日兩點幾黎到，諗住過左午市會有下午茶不過似乎這小店無做下午茶或者因為暑假關係，又過左飯市，無乜人......點左個Lunch Set～有田螺焗薯蓉，最底配有蒜容，好香口~另外有個XO醬炸雞翼，都好入味主菜就有黑椒汁焗薯仔意粉，薯仔就真係少到唔多覺有黑椒汁比我想像中辣，不過勝在即焗，讚~…查看更多

呢日放左學同幾個同學黎呢度食lunch，而且仲要等位。無法啦，因為美景既選擇唔多，唔係呢間就係果間。吞拿魚螺絲粉配薯角螺絲粉都唔錯，算幾淋既。吞拿魚既份量算幾多，而個意粉汁既味道算唔錯。薯角都幾好食，新鮮炸好脆口。火腿蘑菇pizza呢個等得好耐，但呢個算幾好食既。個pizza好香同好脆口，而配料都幾多。呢間係平時既其中一個放飯選擇，希望唔好加價同保持食物既品質啦。…查看更多

前幾日同同學過黎呢度食，好彩無人等位。唔係既一定唔會黎食，因為你唔知會等到幾時。焗田螺薯蓉伴瑞士雞翼個雞翼好普通，但又唔會太鹹既，算幾好食。而個薯蓉係幾好味，好重芝士味。田螺既份量算幾多，都算有幾粒，味道都可以架。芝士汁意粉唔覺得好食，芝士味既汁係好淡，係完全無味咁滯，唔係好得。其實都算係咁啦，美景又無乜野食。次次都係去呢幾間，無乜選擇。…查看更多

呢日落左堂之後，同幾個同學黎左呢度食飯。雖然呢餐舖唔係太大，但野食都應該唔錯既。焗豬扒意粉拼焗蔬菜其實成個餐既野食都係焗既，焗蔬菜好好食。好濃既芝士味，份量又算幾多。仲有一隻細細隻既帆立貝，不過就無乜特別既。焗豬扒意粉都唔錯，豬扒都幾多。意粉整得算幾爽口，不過個汁就無焗蔬菜個汁咁濃。成個餐都唔錯既。凍薄荷朱古力好重薄荷味，朱古力味都好夠。呢餐都唔錯既，食物份量都唔錯。又唔算太貴，食得過既。…查看更多

前兩年都黎過幾廿次.一向我都十分喜歡star cafe上週帶了小豬兒去吃.很久沒來, menu大致差不多.都是有個有pizza呀, 薯呀咁.以往主力攻焗野, 因為最正焗野.今次叫了一個又有焗薯, 也不少型, 也多碎egg的, good還有數條蜜糖腸, 香香甜甜脆脆滑滑.跟餐還有焗肉醬長通粉, 不用多講, 焗野最正!set又多野, 有埋drink先$32, 超值!p.s.態度差姐姐好像消失了.小bb豬仔都吃得hahaha…查看更多

I'm a mayfair garden 'c lai' and started to eat in Star Cafe few years ago. My husband and I call the waitress 'funeral house face' as they never smile, never say thank you and always put you to uncomfortable table (though they have comfortable ones'. The noisy DVD screen showing 'Sammi Cheng' concert. The food is quite delicious but very salty at times so we seldome go there. …查看更多

本身想食泰國野但見冇開同女朋友諗住試吓啦!我叫左一個牛脷焗飯,先來個羅宋湯冇乜野都OK,到個飯D牛脷一D味都冇,只有雪味食到一半以勁唔開心都算啦!我女朋友order左個海鮮意粉都仲未到問個waiter又話就到就到過多10分鐘先到,由落單到上枱足足35分鐘,仲遲個我order個焗飯,我話過永遠都唔會再試…查看更多

今年第一年係青衣ive返學~某日去學校附近食野!就同男友仔去所謂cafe到食~果時已經係黃昏~間cafe岩開門~見唔要等位咪去食~一入到去仲未有人客~得我地兩個~d冷氣凍到好似雪櫃咁~d侍應好似見唔到我地入左去咁~冇人出聲冇人理~係到整自己野係到講野~之後我問一個四眼肥妹仔~問佢餐牌係邊~佢好差咁答話只係得黑板幾款野=.=我男友叫左個鐵板~我叫左d飯~兩杯野飲超甜@.@冇幾耐好多人入黎食野~由我地坐既四人位掉左去兩人位~但係間店都未爆~就要我掉好唔理人感受~態度差差差~食完放底隻叉兩秒唔夠就(嘭)一聲收曬成張table野走~問都冇問人要唔要~衰過大排檔d阿姐=.=賣單冇聲冇氣...基本多謝~byebye都冇~d侍應苦口苦面~又長頭髮唔扎起個頭~d環境咁逼一轉身真係好怕d侍應頭髮加料~野食唔覺好味~態度差幾好味都覺冇味道…查看更多

因為IVE canteen食物水準不好,於是每日都有很多SBI/IVE的學生去美景找野食,我是其中之一上年和同學去過此店,覺得ok,於是就慣左去Star Cafe環境,十分迫,可以見到3人用一張2人細枱,十分壯觀,冷氣充足,有時仲凍過龍...8人枱會"留座",俾6-8人,4+4的學生團用,故會令人不滿, 由於位唔多, 有時會食食下換位, 也是令人不滿味道,以$20尾$30頭來說係唔錯,不過有時扒類(only牛扒)好咸,有時好乾,有時好生....要撞手神服務,重點.基本上員工以唔休做的心態,有服務冇態度,你叫野,ok,一陣會到,但唔好預佢會講多謝.不過近年越做越差,其中一個員工催人下單,好似覺得人地食霸王餐咁上圖係三文魚焗肉醫意粉,ok的不過如果繼續冇態度下去,我諗我和同學會罷食…查看更多

看這間鋪都開了一段日子,我住在附近的居民,這間水準都叫OK,雖然員工就真係要改善,但如果出去旺角的地方食店,每位消費都要$40-50,而且難食得多,有時食得更唔開心,這裡有這樣水準比較都叫平價,仲有杯特色飲品,係出面一般都是奶茶OR COFFEE, 以這個餐價大約$35真係都交足功課.…查看更多

激氣...不知所謂的侍應+服務...我問個餐有未??就十問九唔應,去左執野,地方細..已經夠逼,坐得耐都唔耐煩。想可以安樂食野係冇可能…查看更多