影片
见肺炎情况回稳啲，立即出去揾啲平靓正的自助餐食先呢间酒店系旺角，地点方便就脚，两个人book咗平日7:30入座食，每人唔洗三百蚊环境：地方阔，绝对唔会迫，座位都坐得舒服，有卡位可以坐食物区：选择唔算太多，但都可以接受，有冻海鲜区，鱼生区，沙律区，甜品区，热菜区，饮品区同厨师区，该有的佢都有食物：食物味道普遍都可以，毕竟只系二百几蚊一位，都唔可以要求有5星酒店的水准的。冻海鲜都几鲜甜，鱼生新鲜但选择较少，其他都正正常常如果budget平平地，佢会系一个唔错的选择
继续阅读
今日约左几个朋友去食自助餐庆祝生日，在网上搜罗一番，决定黎呢间试试佢既自助餐。坐低后，就出去行左一圈，睇睇有咩食先！食物种类唔算好多，中规中矩啦，今日胃口麻麻，所以都唔系食左好多野，只可贵精不贵多。首先食左只大头虾，哎呀！唔新鲜既，有点霉！云吞鸡好好味，汤好鲜味，云吞好入味，啲皮唔太厚！胡椒猪肚汤味浓，有点辣，胡椒味重，但都好好饮！烧牛肉好有牛味，不过侧边老左少少，大致都几好。生蚝好新鲜，好肥美，朋友都不断encore。鱼生好新鲜，都好肥美，整体唔错！长脚蟹脚唔新鲜，仲整得好咸添！寿司ＯＫ，冇咩特别！咸鱼鸡粒炒饭，炒饭炒得干身，好香！金银蛋苋菜，好味，好腍。排骨整得有点酸，但都还可以接受。食得唔算好多野已经饱左八成，跟著拎左一些甜品，有咖啡布甸，梳乎厘等等，咖啡布甸太甜，咖啡味唔浓，梳乎厘好有蛋香，焗得好松，正！食完甜品已经好饱了，总括黎讲呢间自助餐一般，本来对呢间有点期望，但可惜希望越大，失望越大，尤其啲甜品，都比较失望，希望可以有待改善！
继续阅读
原来来这间cafe谂住可以舒服食个晚餐，但一黎到，几个后生侍应（仲玩紧手机），全场无人都迫我地2人坐门口，态度又差仲黑口黑脸（尤其女仔），系甘比面色我地睇，最后比左门口旁第2张枱我地坐...食到心情好差...唔够半个钟左右就好想走人了另外食物方面...好耐无食过甘无热诚既cafe颓过茶餐厅，叫左2杯花茶一杯药水味（蓝莓果茶）一杯得热水味（神仙）..真系从来未饮过呢个质素既花茶⋯「颓」主菜系烟三文鱼野菌忌廉烩意粉，又系一个字「颓」完全无cafe应有既水准！只觉得比$112系食2片超簿烟三文鱼+白烚意粉。建议大家唔好黎，一定会后悔
继续阅读
在happy hour 时段走进去这bar，知道是买一送一，实在是一个意外惊喜。平日饮wine 多，而且来到这间酒店，我对这里的house wine 不敢有甚么期望，所以不如要杯Lychee Martini 吧！酒牌上没有这Martini，我问侍应生（兼顾调酒）有没有荔枝Martini，她想了想，然后回答我说有，我感到万分惊喜。可惜这杯lychee martini 只有一丁点儿荔枝味，再饮第二，第三口时已再没有甚么荔枝味了。它只不过是一杯普通的Martini，而且杯里面放著的是橄榄而不是荔枝。 我想饮的是一杯有荔枝味的martini （就算那是一杯用lychee liqueur调出来的），而不是一杯只有分毫荔枝味的martini。很不满足的一杯酒。
继续阅读