Sparkle Unicorn Cafe & Dining (已結業)

朋友介紹依間食大餐！果然超好食呀！現在好少餐廳有附送前湯加麵包了，最好食辣辣地既雞翼，重有洋蔥圈，最後有甜品贈送，比較甜，本人都接受到既，可惜收到店主通知只營業到2019年2月1日，希望可以店主能延續開落去啦！

晚上來到Sparkle Unicorn Cafe & Dining 用餐，當時店裡就只有另一位食客，可能正因如此，上菜時，食物都是冒著煙的，等候時間也不長。這裏除了固定的餐牌，每週還有unicorn week，推出特別菜色，實在不得不佩服店主的心思。配料方面，加入了魷魚圈、洋蔥、蘑菇和大量紅椒青椒，非常足料（對於討厭三色椒的人來說應該很痛苦）然而，敗筆在於意粉的醬汁上。除了太稀，吃到底部剩下大量醬汁，但意粉又不太入味，結果醬汁和意粉兩者分開了，不太對我胃口。晚餐附送餐湯和飲料，羅宋湯旁邊還送了一塊麵包，味道有點像Outback的黑糖麵包，有水準！其實吃完主菜和餐湯已經非常飽，但又口痕想食雞翼，於是另外叫了一個水牛城雞翼。雖然主菜不太合胃口，但沒想到水牛城雞翼非常出色，Buffalo醬汁是水牛城雞翼的靈魂，微辣、香脆的雞翼，實在讓人停不了口，醬汁的酸度和辣度剛剛好。當晚的服務質素，上菜速度也非常好，食物種類多，在附近上班的可以去支持一下小店。最後，想給店家一個不成熟的小建議，與其去弄多樣化的菜單，不如主打某幾款菜色，可能反而對食客會更有吸引力呢。

一支公咁啱行過，價錢OK環境睇落唔錯嘅小店就試吓，啲嘢真係唔錯。set dinner除咗湯同主菜牛扒之外，其實仲有個帶子沙律，不過食得太快唔記得影。我最鍾意係個湯，真係足料嘅蘑菇湯嚟，百幾蚊一個set好少食到咁足料，啖啖都充滿蘑菇味同鮮忌廉味。帶子沙律亦好食，主菜都唔錯，係牛扒熟度唔平均，我要五成，中間就啱啱好，個邊去到七八成就比較韌，但點都好唔係果種用鬆肉粉醃過嘅肉已經加分。最後杯洪都拉斯咖啡真係好勁，搞到我呢個咖啡上癮嘅人果晚好晏先瞓得著，轉晏畫飲攞嚟抵抗飯氣攻心就啱喇。總之，中上環地區食完加埋一大概200蚊嘅足料牛扒3 course set dinner，店面細但都坐得舒服仲有wifi，仲想點？BTW，廁所分男女仲好乾淨，加分。

經過上環孖沙街,開左間新舖,雖然都幾隱閉下,但見晚餐幾吸引...就入去試試,揀了B餐..有湯有包..主菜比目魚又香又滑..個汁一流..連配菜都食晒..這裡也有午餐供應..應該都會幾多人..晚市條街比較靜..能夠靜靜地享受晚餐..唔係好多地方能做到...成間餐廳都是家庭式經營..反而是賣點..樣樣出品都會比較用心機整..唔係打工仔能做到這效果..最緊要呢度係免加一服務費..食完飲埋杯凍檸茶..真是完美結局..

近曰愛上左呢間小店，同friend試過之後已經即時相約再encore，佢地嘅秘製非洲雞🐥同黑醋汁沙律，醬汁都係主廚秘製，其他地方真係食唔到，非洲雞🐥直情係比我地秒殺。另外佢地嘅磨菇湯同南瓜湯質感濃厚，配上香脆嘅蒜茸包，真係食到停唔到口。仲有意粉🍝同burger🍔都有不同款式，素食嘅朋友都可以搵到心水選擇。飽餐之後再飲杯佢地嘅咖啡☕或者花茶，感覺好滿足。佢地嘅紅桑子玫瑰花茶，一上枱已經聞到有一陣清新香氣，加上味道帶有微微果酸味，女士們會特別喜愛

27/8 去試業中嘅 Sparkle Unicorn 食晚飯, 叫咗個 set 晚餐, 先來一個意大利黑醋帶子沙律😋😋👍👍, 跟上濃郁的鮮磨菇忌廉熱湯 😋😋👍👍, 再來烚薯仔配紐西蘭牛扒。意大利一級黑醋配帶子鮮菜沙律, 非常配合, 好味道❗👍👍磨菇忌廉湯, 磨菇, 香草及香料, 加入清湯打碎攪拌, 加入奶油 👍👍👍 勁勁好味❗👋👋👋😋😋😋我口味較淡, 所以烚薯仔係我致愛, 加上一塊五成熟的牛扒，最佳拍檔。飯後再來一杯濃淡適宜嘅洪都拉斯咖啡, 絕配。👍👍😁😁😁如果再加上一客迷你甜品, 就一定天下無敵了❗😁😁😃😃😃試問在上環區食晚餐, 只用180-200元, 認真超低❗❗❗👍👍👍👍