影片
突然间先记起夜晚要去佐敦上堂 仲要7点咁早开始 公司过得去早极都成6半 又唔可以拎入课室食 只好揾D可以企喺街度咬嘅嘢顶下肚 谂住之后返到屋企附近再补下 喺上堂地点附近就揾到呢间 即做三文治 好过小食档多多声啦 就order左个软法包千岛酱鸭胸 间舖个地点其实好方便 弥敦道泰林向永安方向嘅下一个街口角落头栋楼其中一间地舖果个位夜晚其实都几黑我去果时唔知系咪舖面冇乜点开灯 行到埋去我都以为佢冇开😂拎左个饱就喺街口光少少开餐 打开个饱 掂㖞卖相够好 (因为条街太黑同赶时间所以冇影到相sorry😂) D沙律菜都几新鲜 食落去千岛酱好食 个饱又有质感唔系轻飘飘果D 好似系绿色嘅唔知系咩饱呢🤔 (唔系发霉请放心) 拎上手都暖嘅真系啱晒用来顶肚 鸭胸唔干 好足料 食到最后一啖都有鸭胸！来紧都仲会去上堂 下次试下第款先
继续阅读
因为政府禁止晚饭时段堂食，所以同朋友行街买外卖返屋企食，之前已经路过几次呢间小店，但见店仔细细，要坐街边所以一直无试。今日终于鼓起勇气去试下，本人一向好意粉，所以拣左黑松露鸭胸意粉，朋友拣左炭烧鸡扒炒乌冬。由于即叫即制，所以制作需时，前前后后加埋都等左30分钟。由于太饿所以唔记得影相，一打开盒最香系鸡扒炒乌冬，因为个面落左大量紫菜条，令个炒乌冬啲镬气涌晒出黎。调味好好，唔会太咸，而且乌冬仲保持到好弹牙，朋友劲Like话下次一定要encore。至于我个黑松露鸭胸意粉，黑松露酱好足料，鸭胸肉亦煎得好香，意粉都好有咬口，我最怕啲意粉林晒一挞甘，佢唔会，佢系条条分明，唯一缺点系佢落左三色椒，我个人唔好，整体而言，水准好高，绝对值得一试。
继续阅读
经朋友介绍去买呢间舖头啲三文治，间铺屈左喺角落头。虽然佢冇堂食，但系质素好好我叫咗个牛油果伴海虾麦包，仲有个千岛酱烟鸭胸麦包 虽然𠮶日冇千岛酱所以都变咗牛油果酱，但真系好好食。我系买完过咗一阵先叮翻热嚟食，个味都keep得好好系一间好值得帮衬嘅小店！
继续阅读
舖头系内街角落，极细，完全系小店。见佢有得系openrice落order外卖自取，几方便。点左全份牛油果三文治加三文鱼，$40。去到等佢包装埋就有得拎，份三文治切左一半用纸包住，暖粒粒咁。面包系烘过，但唔会烘到超硬或者脆。牛油果同三文鱼都足，仲有大量生菜同蕃茄，唔错我几喜欢一早落order，到预定时间就去拎，可以唔使等咁奈。个三文治整体几好味，感觉比pret既新鲜，同埋冇pret既三文治烘到咁硬整损哂个口。如果要食个quick lunch我觉得系唔错既选择，另外也可以选择要半份。
继续阅读
佢只系一间小本经营既小店 空间唔多 买外卖一流!主要卖三文治, burger, 意粉, all day breakfast类似既野三文治有好多种口味 我试过烟三文鱼同碎蛋沙律2样都好好食 好大份第一次去唔知咁足料… 食完饱到我晚饭食唔落…所以第2次去就嗌半份治配杂菜沙律D菜系有心机拣过黎 目测有7-8款菜 样样都好新鲜 好好食!比起一般同价位既café货仔黎讲算中高水平配埋杯自家手调咖啡 好满足 <3黎过呢2次都有同店员倾两句(其实可能系店主haha)2次店员态度都好friendly 呢啲就系我钟意小店果种人情味食客同员工之间不限于只系一单交易同(应该系)老板娘倾左两句 生意难做 请大家大大力去惩罚呢间有心既小店!
继续阅读