SKYE Roofbar and Dining

营业中

休息中

Pullman 這家海景西餐廳，是我今年吃過最高質的一家，性價比第一，總括環境，食物和服務都一流。Staff非常well trained, 熟悉地講鮮食物，頭盤選了鵝肝，非常甘香。主菜點了牛肉，肉質剛剛熟也很淋，一點也沒有overcooked, 醬汁也十分match.最興奮的最後可以任客人選擇的dessert trolly, 很吸引，大家都點了不同的甜品share食。 本人覺得個chocolate mousse, mille fuille都很不錯。$300幾一位的午餐很值得。

是日肚腩男帶住兩老享受下休閒既午餐，揀左銅鑼灣鬧市中嘅park lane 酒店之前食過幾次佢樓下自助餐幾好，今次上頂樓叫set睇靚景😊可能好多人都唔知酒店頂樓係sky bar黎既，其實上去飲野食景巳經一流，今日試佢個set lunch 3course 都係$330,簡直超值！首先食野黎講環境氛都好緊要，哩度既空間感好好，私隱度高，維園同維港無敵大海景就在眼前。麵包籃新鮮夠熱！配unsalted butter 再俾左火山鹽俾閣下自行調味哩個餐湯係計appetiser ，不過可加錢另上，broccoli cream ，香濃得黎好清新！推介！ 前菜煎帶子配黑松露汁，不過不失，帶子無煎到老哩個煎鵝肝就不得了，煎到好香好多汁，配返cep 粉帶左菇味，感覺一啲都唔油膩，有叫多份既衝動。主菜之一牛油波士頓龍蝦半邊，要加$75, 用牛油慢慢灼熟，好嫩滑，不過小弟唔太識欣賞西式煮法，唔知點解硬係覺得中式龍蝦先夠過癮主菜pan fried black bream, 哩個就失望少少，唔係廚師嘅問題，係魚種嘅問題。如果換上seabrass就一流！主菜澳洲西冷，牛扒叫med, 真係剛剛好！肉柔嫩多汁，切成兩細舊

話說一年一度結婚紀念日，找一個有景有情調嘅地方，今次選擇了Skye, 原來是裝修後的第一次到訪，有新鮮感27樓除了露台酒吧外，室內的餐廳景觀其實不是太開揚，故景就未能盡覽，不過侍應們的熱情招呼，卻令我們飽嘗溫暖。由於當中set dinner 只能滿足我的要求, 我老公不好海鮮，侍應善意表示因應客人口味、可以略作修改，得其建議，最終滿意地點了兩份set. 在未上前菜之時，先奉上特色小食，為我們在用餐前提供小驚喜.由主菜到甜品，流程及服務生的專業表現，渡過了好窩心及滿足的一個晚上。

今次同學的午飯聚，大家都提議到Skye 吃。我們準時12點到達，侍應安排我們坐在單邊位，這裡比較靜及適合傾計。看過餐牌後，頭盤我們叫了煎帶子、餐湯及吞拿魚魚子醬，主菜我們叫了煎魚，甜品依舊是甜品車，及一杯餐茶。頭盤的擺設非常精美講究，甚至連碟子也是不同形狀，帶子煎得很香，餐湯味濃，吞拿魚魚子醬個汁好like，酸酸地很合口味。主菜方面魚的肉質很嫩滑，不會煎得過火，伴碟菜也很新鮮。甜品車有多款甜品任君選擇，更有雪葩供應，餐茶㨂了飲咖啡，把整個午餐，劃上完滿的句號

沒有期待的時候，反而更加容易滿足試過各種米其林（或者說各種魚子醬、鴿子、春雞、深海魚...）之後，法國菜已經很難驚豔...Parklane酒店17樓，風景一流，加上維園花卉展的燈飾，很是漂亮。沒有試tasting menu，實在吃不下。只是簡單的叫了頭盤和主菜。開胃菜中規中矩，倒是熱熱的麵包籃做的相當吸引人。前菜試了salad with duck confit and omelette with truffle。Salad非常新鮮清爽，而omelette是法式烤蛋，其實和Truffle不是很搭，感覺生硬，如果用炒蛋會更香一點...主菜是blue lobster and roasted chicken。Blue lobster有驚喜，選料上乘且烹調火候到位，食落完全不硬，反而覺得細膩（有一點點啖啖蟹肉的感覺）易咀嚼，沒有平時龍蝦味道不夠或者硬實的感覺。roasted chicken整只上，侍應會幫忙分開、剃骨，和龍蝦一樣，燒的恰到好處，肉質嫩而不乏嚼勁，味道也燒入雞肉內，足見工夫。服務也很貼心，兩次被問是否喜歡食物。雖然多了點，但用心在做。總之，滿意的晚餐，只可惜沒有留影...

今日收工後趕緊去銅鑼灣和友人到位於柏寧酒店27樓既 SKYE 飲返杯黎傾下計SKYE 早幾年裝修完係我至愛既 Sky Bar 之一平時想黎飲杯野唔係無位就係要係 indoor 等位今日咁早黎當然唔洗等位仲有得揀位喇今次坐左 outdoor 最靚景既位置我和友人分別點了一杯紅酒同 IPA 啤酒仲有一份 mini fish & chips 埋單雖然都要 $400 但係呢個靚景飲返杯野同朋友傾下計又真係無計

平時銅鑼灣食晏，多數會去柏寧酒店  PLAYT 食自助餐，但今次想兩個人靜靜地relax一點，所以決定試下27樓的SKYE 天臺酒吧餐廳。午市套餐三道菜 $330，包括 : 是日飲品 welcome drink ，前菜 + 主菜 + 甜品buffet ，奉送咖啡或茶。坐下點了菜，服務員端上了新鮮暖暖的麵包籃，煙韌有嚼勁，非常好吃，跟外面一般的麵包店所賣的貨色截然不同。是日飲品 welcome drink ：蘇打水加了青檸檬汁玉桂等香料，我唔係好識欣賞，味道有點怪怪。前菜：香煎帶子 煙熏鰻魚沙律，這道菜色彩豐富，配黃色南瓜汁，綠色青菜，紅色玫瑰花瓣，真係睇見已經想食。香煎法國鵝肝 ，分量十足，鵝肝煎得外脆内嫩，好滿足。主菜：慢煮 “伊比利亞” 豬柳 ，豬肉味濃香 ，可能因為慢煮關係， 肉質非常嫩滑，加上個蜜糖芥末汁，相當醒胃，配菜也豐富，有煙熏薯仔和蘋果波波。是日廚師推介：鴿肉意大利雲吞，雲吞餡料係免治慢煮乳鴿肉，還有一件鵝肝伴碟做配菜，令人驚喜，精緻又好味。甜品 Buffet：非常精彩，而且任食，其中法式拿破崙餅，香脆可口， 冇得頂。

同朋友喺銅鑼灣附近食完午餐，行咗一陣街，行到都冇嘢好行又攰攰地，朋友提議坐低慢慢傾吓計，帶咗我嚟呢一度，先喺柏麗酒店大堂門口入 ，在搭lift上到高層，經過好似餐廳嘅位置， 再行出去就係露天嘅酒吧， 望住維港個景，雖然前邊仲有一啲唔高嘅樓， 但係都冇擋到個視野。係今日天氣有啲大風，個waiter都會向在場嘅女性詢問需唔需要暖水袋，呢個舉動都幾貼心，drink list比平日一般酒吧貴少少，但有呢個境我覺得價錢合理。

相約朋友在這裏慶祝生日。環境算ok, 有 window seat。叫了一個 warm salad $350份量好細， 用的油味道很怪，油「益」味的感覺菜是帶啡黃，顏色很「梅」有些很酸的食材，味道不配搭。一個鴨沙律，鴨十分「蘇」。我和友人也叫了一杯叫 Love xx 的 drink很淺的粉紅色，味道出奇地淡，而且飲品一到已發現飲管頭有飲品痕！主菜牛，我們叫了 well done, 來到意然是見血的。Blue lobster, 份量很少，味道不算新鮮。Sea bass 很「鞋」，不嫰滑。甜品叫了 tiramisu, 朱古力甜品及ice cream, 算 ok。熱水及暖水都有怪味。即使叫了一壺茉莉茶也難去除那陣水的怪味！待應服務不算好，每次要不停揮手才有人來，但不算少待應，也不算多客，多次見d 待應望到揮手也扮見不到，而且來到是態度很 hea, 不願招呼的樣子。上菜沒上「共用餐具」，提佢俾，又即刻話，我會俾嘅。我們三個人，一個人叫一杯熱水（其餘二人已經有暖水及一壺茶飲緊），竟然會上三壼熱水，加三set 杯、碟，我們表示只是一個人要，佢即刻好晦氣話「吓，吾係三個要牙？」然後不理我們，照放低三壺

之前日頭上嚟飲過兩次野氣氛都好好，今晚朋友同我慶祝生日嚟左呢度😍本來係book咗入面餐廳，但係最後都係比出面嘅氣氛感染左所以出咗出面食😆outdoor bar呢度主要淨係食小食為主,不過款式都算多，我哋叫咗四個：個泰式炸蝦春卷最好食🤤炸得好香口👍🏻配埋佢個蛋黃醬味道好夾好好味！😋安格斯牛柳串，呢個都唔錯牛柳吾un,上面有啲沙嗲醬咁味道幾特別😋，不過就略嫌淡左少少～炸risotto ball係將啲risotto 搓成一個個波咁去炸，呢個都幾好食不過d醬如果可以濃味啲就更加好～🧐燒八爪魚配酸忌廉醬🐙味道就一般般冇乜特別，不過勝在啲八爪魚肉吾會un ～另外佢哋可以叫入面餐廳嘅甜品出嚟食，反而甜品好有驚喜！個檸檬蛋糕配檸檬雪糕好好味好Fresh!側面仲有啲好甜嘅梨，成個dish好清新好好味!🤤👍🏻另外叫咗個佢哋嘅招牌甜品出chocolate cake,呢個又係好好味，朱古力味好濃大有少少苦苦地咁又唔唔會太甜，啱晒我呢啲朱古力迷！😍🤤👍🏻總括來講食物質素幾好，最重要係呢度嘅環境氣氛已經贏晒！對住個好靚嘅夜景真係好relax～☺️🍷如果想同朋友傾計飲嘢食下小食咁呢度絕對係一個非常好嘅選擇～👍🏻😄

This is on my list long time ago and happy to be there eventually..We took the 3-course & 5-course lunch. All food are delicious, wonderful and perfect presentation together with their excellent sincere service. .Tuna salad was the chef’s innovation, the sauce matched perfectly. Besides, we ordered house-smoked pave salmon, it’s really good surprisingly. Lobster & heirloom tomato salad was fabulous with fresh vegetables, although not much lobster. I love the delicious pan-roasted foie gras

Friends were in HK so took them here as this is one of the roof bars I know.You get views of the harbour and Typhoon shelter.They have almost all the drinks under the sun.On average drinks costs between $80 - 150.I loved the mocktails which were presented nicely.The one I had was not too sweet so it was my ideal mocktail.

奶奶生日晚飯黎左呢度食,因為佢有得係露天度飲下酒,聽下歌環境非常舒服,裝修靚,枱與枱之間相距適中,成餐晚飯細細聲講野已經聽到哂所有人講既野👍🏻如果想再relax啲就可以行出去rooftop garden 度have a drink,listen to the music and enjoy the view of Victoria Harbour!一出到去,好多外國人都係度飲緊野,仲有high high地既音樂,音樂唔會過於大聲,聽到音樂既同時都聽到對方講野😊仲有既就係佢地既staff都非常有禮貌同有耐性去講解+問我地需要啲咩,令我地每個都心情非常好咁去享受當下😊佢地既洗手間既乾淨程度都唔錯!係食飯前,老爺叫左杯 cocktail,但飲開紅同白酒既佢就唔多喜歡呢杯cocktail,話味道怪怪的野食係逐碟上,佢地見到你食完會收野然後等一陣先會再上第二樣野,等你可以慢慢享受維港夜景,同家人相聚既時光同感受場內既氣氛👍🏻不過野食當中就無乜驚喜1. 麵包- 非常好食!夠熱,牛油加埋係旁邊既鹽,絕配🤩2. 頭盆有吞拿魚籽 - 好好食!🤤個個都讚不絕口👍🏻3. 通粉 - 超香,好好食,不過食完之後

位於銅鑼灣27樓，有戶外座位，當晚朋友同我都係坐室內，侍應們很有禮貌而且會我哋一一介紹菜單，六道菜的套餐非常精美，當然相機食先而且朋友幫我影咗好多靚想，服務都幾專業，不但係菜式，餐具酒具很有檔次，牛肉非常細膩，花樣和配料十分講究，食完帶我到戶外坐可欣賞到維多利亞港同九龍半島的景色，係呢個無敵美景當前，飲住紅酒，突然送上生日甜品我哋坐下傾下影吓相，呢到真係很棒的喝酒聊天嘅地方，尤其是朋友生日可以帶朋友到呢度食生日飯開支紅酒慢慢傾計都幾開心

We booked a table for dinner a month ago for a birthday celebration. We got confirmation yesterday that the booking was fine. However, we got a call today that they couldn’t arrange a table for us because they had a big party of 45 people and we have to squeeze in 5 people in a small table for 4 only. What a ridiculous arrangement unbefitting of a Pullman hotel. If they have overbooking problem, they should not have accepted our booking originally and only informed us at last minute when everyon