Sky726

叫西冷扒六成， 堅韌過啲牛肉乾 ， 真係食唔落， 只係同你嘅講聲sorry， 送返支紅酒 有劉嘉玲個頭像嘅 試飲裝 ， 仲係簡體字多謝喎，真的很 失望失望，當天我朋友生日佢，我們一定不會再 幫襯

以前公司係旺角，最鐘意就係食點心快靚正😆難得今日一班舊同事黎旺角聚，今次唔食點心喇。搵到哩間: 訂630pm, 去到天仲未黑哂幾方便，一岀地鐵站行5 mins 就到因為我遲左join , 黎到拒地已經叫左🍽青口配薯條 之後再叫左🍽慢煮16小時辣豬肋骨因為四個入邊得我唔食得辣，但食落係好微既辣肉質好腍👍🏻🍽香煎海鱸魚配牛油苦白菜鱸魚正常，無咩驚喜🍽黑松露野菌意大利飯🍽卡邦尼長通粉兩個d份量都好多，夠哂4個女仔share 拒d mocktail 都整得好靚野食真係ok , 好似我個標題話齋服務一般係因為有幾次d野只係食左1/3 待應就想收左拒😨我知有限時，但兩個朋友杯野飲未飲哂 (沙冰好凍啊)Manager 就兩次話訂台客到左(三個人) (格離全部係空台)🤢🤢🤢🤢

朋友相約請我食飯，安排左喺旺角Sky 726 食飯，令人驚喜，估唔到旺角都有環境咁好既餐廳！餐廳環境高雅，有氣氛！中間有一大張bar檯俾調酒師喺入面整飲品，佔去很多位置，可想而知餐廳對飲品既重視程度！餐廳有一大幅落地玻璃，可以俯覽西九龍景色，夜晚仲靚，真係有少少似紐約曼克頓夜景既感覺！正如剛才所講，餐廳幾重視飲品，單係個drink list都另外用一個平板電腦做餐牌就可想而知！佢哋提供左世界各地不同既紅白酒，啤酒，仲有各式各樣既雞尾酒！ 我就叫左杯Classis Mojito , 入面既Rum酒勁濃烈，加上清新既薄荷業同青檸汁，甜甜地，幾易入口！飲品到左無耐，前菜都送到嚟檯上，呢個煙三文魚沙律賣相非常精緻，厚切煙三文魚十分惹味，口感十足！適合配酒嚟食！我哋今日叫左兩款唔同既餐湯，我朋友比較喜歡黑松露，所以就叫左個野菌黑松露忌廉湯，濃郁既黑松露味，未飲已經聞到！個湯少少咸同甜味，少少'杰'身，我朋友非常喜歡！而我就叫左個濃郁奶油蠔湯伴魚子醬，有鮮甜既海鮮味，味道似周打魚湯！而主菜方面，我哋各自order左一個主菜share食，我就叫左新鮮田園蔬菜配香蒜意大利粉，廚師功夫不俗意粉做得彈牙，

食完只覺得10分失望環境方面同睇openrice既相好有出入，環境都好迫下，每張枱都好近...吧枱放左好多雜物，有少少亂78糟🙄餐廳叫sky726 以為主打sell有景睇下咁啦，但可惜個玻璃好污糟下，望出去濛查查，完全唔覺得有feel😅食物方面當晚點左份安格斯肉眼扒$328，order左要7成熟，出到黎變左10成全熟，熟到overcook咁款，鞋口，完全浪費左塊扒，味道方面都好一般，無咩牛既油脂味。同waitress講話過熟，佢解釋話可能上到枱，塊牛仲有熱力，所以繼續愈來愈熟😓另外點左份青口配薯條$188，青口又係煮得過熟，縮曬水咁，似食緊蜆多過青口。仲有點左份黑松露湯$85，勁淡，好似無落鹽咁。最後仲有份慢煮辣豬肋骨$198，味道一般，唔知係咪慢煮既原因，煮到好老好鞋...總括黎講，呢餐咁既質素都埋單收$800，我覺得完全唔值呢個價錢，以咁既價錢絕對可以食間更好更舒服既餐廳！！我完全唔明白點解呢間野可以咁多好評，吹捧到呢度樣樣都好正咁😵

1.周年紀念2.open rice同廣告都好似話要必試3.比想像中差4.麻麻地好食4.1唔記得自己食左d咩，但叫左兩道，已經唔想追加5.玻璃窗好污糟6.好彩老婆無嬲7.我唔係打手8.下次未必再試9.我想食好食既西餐10.佢知我周年紀念送左件cake比我，但唔太好食

Sky726 位於25樓 可以飽覽油尖旺嘅景色😊店內裝潢舒適 夜晚配上燈色音樂一流👍🏻1️⃣焦糖低溫鵝肝 $158焦糖鋪系鵝肝上面煎 一啖咬落去 甜甜嘅膽焦糖配上鵝肝 系一種享受😌😌小編覺得焦糖味稍稍蓋過左鵝肝嘅香味😂 若果塊鵝肝大少少 性價比會高d😂😂2️⃣慢煮黑毛豬鞍扒配意大利黑醋汁及牛肝菌汁 $298好味道！肉質完全唔鞋😍😍加上香濃嘅牛肝菌汁食 配搭一流😋3️⃣香煎安格斯肉眼扒 $328小編老媽子屢勸不聽 要6成熟食飽之後都認同小編5成熟嘅建議😌不過 要讚一讚呢塊排 肉汁多👍🏻👍🏻食落去同外面嘅平價肉眼 肉質的確有大分別😋

大廈外牆好有型，好eyecatching。上到位於25樓嘅餐廳，升隆机門一開就見到環境好浪漫，再坐埋喺窗邊，真係會畀佢迷倒囉💏加埋餐廳既飲品、食品， 我對呢間餐廳真係好有好感，絕對滿意!😋睇吓呢兩款飲品? 真係靚到"DUM"一聲! 一杯係Coco Tail Mocktail，椰子味同橙味既混合好明顯，好清優，又飲到cherry, pineapple既味作點綴，加埋個環境，就令呢杯mocktail更迷人! 另一款係Passion Fruit Virgin Mojito, 呢款係朋友介紹，因佢知我平時好鐘意香草味，飲品又如何? 大膽試食既我當然會叫啦! 果然好味，超特別。Mint, Lime， passionfruit, 好獨特亦好好飲，一定令你愛上!😍其實餐廳飲品真係好多好多選擇，我用上了十分鐘去揀都未睇哂，款款都好吸引!食物又如何? 我哋叫咗個煙三文魚沙律。這個除了煙三文魚美味之外，好值得讚既係所有沙律菜既配搭係好好，又從未食過咁有質感既sundry tomato，個皮只是少少乾，係仍有應有既水份，蕃茄肉仍好新鮮，甜美。 成個沙律菜沒有加醋 ， 取而代之嘅用上了些少酸味味、細細粒

其實如果设有優惠應該不会上去食, 晚上食晚歺, 没有什麼景可以睇! 我本身都不是為了景上去, 服務唔差的, 只是爭少少, 落order時已講明黑松露薯蓉 (side dish) 跟埋两个main dish一齊出, 但都係比左个mash 我地先 .......只是比个mash 我們点食? 講真, main dish 吾係好便宜, 我們兩个人ㄧ人点ㄧ个main 但就ㄧ先ㄧ後, 相差只少十分钟! 所以佢地出菜只是真的"出菜" 唔会理会張枱的要求及實際環璄! 如果只是飲嘢可能会好些!

今日白色情人節一早book咗食飯，可惜今日返工心情超級差😭不過昵到環境好靚而且個景又好靚心情即刻舒緩曬😌呢個moment 梗係要叫番杯酒啦🍸我叫左杯classic Bellini 甜帶桃味，而佢叫左Paradise Punch 有菠蘿橙熱情果溝soda water🤙🏼因為佢鐘意食紅色野，所以揀左個紅湯比佢😂tomato soup!而我同佢相反，所以我揀左oyster soup🤤好濃的蠔味😌🤙🏼佢都話正！今次想試d平時少叫的野，呢個沙律我地從來無嗌過！決定試新野叫左 Greek salad!喜出望外呀！主菜叫左mushroom strozzareti 同牛扒！呢個粉第一次食好有咬口，佢都話正，仲有牛扒佢話好食過Bxx steak😅 值得一試😬

今次同朋友慶祝生日就嚟咗依間位於旺角上樓嘅bar and restaurant 如果唔係OpenRice都唔會search到依間餐廳依間餐廳幾好坐係窗邊望到好遠同埋比較靜食野飲野傾計一流今日食咗個set dinner 同埋散叫一d野食個餐湯係西蘭花忌廉湯有淡淡嘅西蘭花味同埋都幾滑唔錯我朋友叫咗個燒蕃茄大茴香雞絲濃湯味道偏酸番茄味濃幾好飲幾開胃我個主菜係一個燒焗布袋鵪鶉栗子慕絲栗子同家禽類味道幾夾令人想起栗子炆雞嘅味道個栗子慕絲栗子味幾濃同滑加埋啲薯蓉一齊食牛油味幾香我朋友叫咗個海膽香檳墨汁意大利麵對香港人來講可能會覺得硬啊但係我就好鍾意食啲比較有咬口嘅意粉個海膽同個墨汁味都幾match我哋仲叫咗兩杯嘢飲都係mocktail一杯係fast east high ball一杯係 paradise punch我比較鍾意paradise punch因為有熱情果嘅味道酸酸甜甜唔錯最後仲有個即整嘅流心芝士撻，從呢一個tart更加睇得出成間餐廳製作認真,好有誠意。係facebook like 仲有8折CP值超高！

早前相約友人到此店晚飯聚舊，訂枱前侍應已知會6：00入座，約食到8：00左右，我與友人6：00到達，先開了樽紅酒及叫了個前菜，食物同酒到了，7：00左右侍應提醒要叫主菜，我哋照做，食完主菜，8：15侍應便要求我哋埋單，我與朋友望望當時有至少3張空枱，亦未見食客等枱，極失望，今天怎麼還會這樣做服務，惱怒又極失望，我與朋友唯有再找別的地方傾計，希望大家如果想試這食點，緊記無論有客冇客，只有約兩小時用餐，咁嘅服務態度，無彈性，無人情味，我一定唔會再幫襯。

外國朋友嚟香港旅遊，喺旺角鬧市又想食好情調嘅法國餐呢個好推介地點方便就腳，用 openrice apps 訂位，有七折+A25飛行里數雖然地方唔係太大，可能佢落地玻璃嘅設計 光線好充足 比人感覺好舒服好寧靜，而且下午2:00已經冇乜人，一啲都唔本地西餐廳feel，價錢亦非常合理!set lunch配上新鮮沙律菜，醬汁剛剛好，唔多又唔少，非常醒胃香草餐包內暖外香即焗出嚟，配香滑牛油花，見到佢朵牛油花咁靚唔搽都唔得! 點落去佢個青蔥馬鈴薯濃湯正到呢..... 完全令我期待佢個主菜嘅出場主菜終於出場喇慢煮黑毛豬鞍扒配紅酒汁右上角嗰幾粒法國雲吞仔係朋友share的，薯角焗得好好食，豬扒因為慢煮嘅關係，就算厚肉都非常易砌，口感軟綿綿的一啲都唔鞋，唯獨紅酒汁比較淡味， 可能因為薯角太吸引，我點咗茄汁所以影響咗味蕾卦 整體環境加食物及侍應服務質素真心值得推介，兩條友去食$300蚊有找 下次約朋友再試下佢個晚餐先

電梯緩緩咁將我地帶到去頂樓。呢間kitchen and bar 位處高層，視覺開揚。與此同時，餐廳tune 到燈光暗淡，配以幻變顏色o既feature lighting、充滿法國風情o既裝修物，情調十分唔錯，驟眼所見好多金融才俊OL 同情侶o黎吹水/撐檯腳。我地兩個人o黎幫襯，睇過menu 後，決定叫一個set dinner 再加d 散叫。是日餐湯為椰菜忌廉湯，比平時飲開o既忌廉湯重好多忌廉，會嚐出一種夾雜住空氣o係入面，有d 起泡感，軟滑o既texture。跟餐o既菠蘿燒雞絲沙律，d 菠蘿尤其鮮甜。餐前小吃有粒法式千層酥，另外我地叫o左一客芝士釀墨西哥辣椒($88 未加一)，比我o係另一間扒房食過o既要辣，好在內裡o既芝士有幫助中和辣度。點埋d 沙律醬會更惹味，不過再點辣椒醬就免喇。set o既主菜係燒焗布袋鵪鶉釀栗子慕絲(跟餐原價$478，但like 佢fb 有八折，你唔係唔like 呀嘛……)——鵪鶉蛋就食得多，原隻鵪鶉真係比較少見。只見外層燒到金黃色，脆皮o既外層包住o既卻係嫩滑o既鳥肉，個肉質纖維比雞鴨無咁強，會腍身一d，好易整開。裡面釀o左粟子蓉，伴碟亦都有薯蓉，個人較喜愛

見到open rice有不少好評 就嚟試一試 結果非常失望首先門口reception 先生態度一般般 臨急臨忙訂 都知無窗口位坐 不過唔使加多句”你想學窗口位就一定無” 點嘢食要乜無乜 點鱈魚無魚 點大頭蝦變虎蝦 全餐飯唯獨個risottos 僅僅合格 個虎蝦闊條面真心嬲咗 蝦無味嘅 意粉又乾又硬又無味 個意粉散叫都差不多兩舊水 外國食二舊水嘅意粉嘩嘩聲 呢度包你食到啤啤聲裝修係靚靚地 景係唔錯嘅 𣎴過食物真係扣哂分真真真係絶對無下次!

朋友心事滿懷, 好姊妹我立時充當社工, 在旺角找到一間能放鬆心情品嚐食物、細味美酒傾心吐意的餐廳: Sky726。Sky726 在彌敦道, 就近我倆的工作地點, 無論從太子去或旺角去也不難找。Lift 門一開, 餐廳佈置得像在天際裡, 彷彿滿天星宿圍繞在自己身邊。而且位置在25樓, 居高臨下, 平時車來車往的彌敦道, 忽然變得像積木般細小。我們不慌不忙叫了一個set dinner, 再加一道主菜和酒, 縱使Openrice 的食評裡好像有很多不滿說出菜慢, 但這正正是我們不介意的地方, 因為我們要的是品嚐食物, 而不是填肚子。先來的是set dinner 裡的前菜, 有法式千層酥和菠蘿燒雞絲沙律。千層酥小小的一口, 不太大件, 有微微的蕃茄味, 正是開胃的前菜。而菠蘿燒雞絲沙律, 沙律菜放得很多, 也有乾蕃茄配搭芝士碎, 雖然燒雞絲份量比較少, 但沙律配料豐富, 味道配搭得宜,  不錯。餐湯我們叫了兩碗, 分別是椰菜花忌廉湯和另外單叫的黑松露忌廉湯。椰菜花忌廉湯有濃濃的薯仔和洋蔥, 雖然如此, 卻是非常滑身, 而且一碗濃度適宜的忌廉湯能暖胃, 叫醒個胃準備開餐。唯一美中不足的是黑松露忌