Sky726

星期日同男朋友睇完電器之後，去Sky726食浪漫晚餐。我地叫左一個Set Dinner同散叫意粉加甜品。香草餐包夠軟熟。精緻小吃係三文魚慕絲，入口好細滑，鹹既慕絲都幾特別。燒南瓜沙律材料豐富，沙律菜新鮮，南瓜好味，仲有芝士粒、麵包粒、番茄乾。胡桃南瓜湯超好飲，口感十分幼滑，完全無粒粒，味道香甜。板燒自家熟成西冷牛扒伴香草牛油叫左五成熟，西冷煎得恰到好處，牛味濃郁，幾大塊又厚身，伴碟有蘆筍同綿滑既薯蓉，正。跟餐甜品本身係法式朱古力撻，但無晒，變左係紅莓芝士撻。有幾層，味道唔錯。餐飲叫左熱咖啡。意大利手卷意粉伴野菌、辣肉腸及巴馬臣芝士 手卷意粉口感幾得意，麵團感種啲，煙煙韌韌，野菌、辣肉腸、巴馬臣芝士全部切碎，令到每食一啖都食到所有材料，好味。火焰朱古力球好igable，侍應會係你面前點火，佢係朱古力脆皮包住雲尼拿雪糕同朱古力蛋糕。

今晚朋友約左小妹去食飯, book左間可以望到旺角夜景嘅餐廳! 一入到去中間有個四面bar枱, 旁邊一排落地窗, 可以望到旺角嘅日與夜! 餐廳燈色昏暗加埋景觀, 感覺浪漫有情調!🌟珍寶虎蝦意大利飯伴龍蝦牛油汁虎蝦焦香肉厚, 意大利飯富濃厚嘅牛油香, 入口好重龍蝦味, 味道唔太咸, 份量剛好唔會太膩🌟地中海海鮮意粉蝦肉好大隻, 肉質爽彈, 青口肉嫩鮮味, 醬汁份量幾多, 掛滿每條意粉, 酸酸地好開胃!🌟火焰朱古力球店員會先將酒精點火, 再淋上朱古力球至外層漸漸溶化, 入口朱古力味濃郁唔太甜, 入面係雲呢拿雪糕同朱古力布朗尼, 味道不錯, 食落相當有驚喜!

上網見到環境幾grand，而且經openrice訂座仲有七折，所以諗住試下🙈環境好光猛，因為有個落地大玻璃，影相就啱晒啦，光線十足🤩-Garden Fresh Salad $108勁大份！少有地落左蘑菇🍄，好fresh！-Fish Fingers $85勁好味💓💓外面好脆，裡面嘅魚肉夠晒鮮嫩🐟，點上sauce好開胃。-Sirloin Steak 8oz $218雖然望落好似熟左少少🤏不過本身塊扒唔差，肉感夠嫩而且都夠肉汁，都幾surprised哦。-Seafood Spegetti $178意粉沾滿醬汁🍝海鮮份量十分多，水準也不錯呢。-Dessert呢個甜品真係驚喜滿滿，一開頭勁多仙氣，好夢幻，蔓越莓雪糕酸酸甜甜，側邊白色係蛋白cream，仲有脆餅，又估唔到咁好味呀😋

揀左間比較有情調餐廳慶祝朋友畢業，餐廳位於高層，環境好nice，景觀唔錯，可以飽覽旺角街景。事關臨近日落，坐窗口位好浪漫，檯面點埋香氛燭，更加有feel。我地叫左半打生蠔，可能係已經過季節，生蠔唔算好肥，加少少檸檬汁，整體口感唔錯，生蠔鮮甜，海水味都足夠。另外叫左份香草燒春雞，因為係慢煮雞，雞皮烤得好香脆，但雞本身肉質可能稍微柴少少，勝在夠入味，好濃郁的香草味。配搭沙律菜都好清新下。PS：個茄汁好出色，係我喜歡的味道。主菜就係肉眼扒，order Medium-well，上黎熟度ok，睇表面煎到格仔紋就知道唔錯，表面焦香，切開肉質鮮嫩多汁，口感都唔錯，牛味可以。個人喜好再落少少黑椒調味更佳。伴碟薯蓉好香滑，好creamy。同埋蘆筍都好出色。整體感覺都唔錯，菜色質素有保證，服務到位，Like！

近排心情莫名的低落，朋友決定帶我去食高檔浪漫晚餐安慰我。餐廳好方便，一出電梯門就係，不過我就無想過原來係去25層高的餐廳。我地好幸運甘可以坐到窗邊，其實窗邊位置都比較多的。一坐下就有服務員幫我地點蠟燭，好romantic啊，仲可以望到旺角的日落同夜景，瞬間心情大好。來到呢度就梗係叫牛排先過癮啦，我地最後叫左肉眼扒，燒春雞，湯同生蠔。一睇滴生蠔就好新鮮，平時五多食生蠔既我都決定去嘗試一下。鹹鹹的海水味，加上滑滑的生蠔，食前擠滴檸檬汁，五酸但係可以去腥，真心不錯。跟住個湯好有南瓜味，撈埋滴蟹肉鹹香的感覺，好match。另外，估五到湯有包送，一滴都五差。之後牛排同雞一齊上，牛排我真係要讚下，超好味，超大塊，300几g先388，好抵羅，同朋友2個人食都已經好飽，強烈推薦只燒春雞好入味，同樣好出色，而且過番茄醬係我最欣賞的。呢個真係值得再來一次啊！

Pan-seared sous-vide Hokkaido scallops with carrot purée and wild mushrooms 香煎煙燻慢煮北海道帶子 🍄🐚 $198個北海道帶子前菜係高質之選，帶子超級大粒同埋新鮮，未食已經聞到煎到好香，連埋啲雜菇一齊食，再點埋顏色好大對比又creamy 嘅紅蘿蔔🥕醬汁，口感層次豐富Sous-vide Iberico pork chops with Balsamic glaze and crepe purée 🍖🔥慢煮黑毛豬鞍扒配意大利黑醋汁及牛肝菌醬 $358呢款慢煮黑毛豬主菜真係幾出色，醬汁嘅擺法都好有心思👍🏻，兩舊黑毛豬嘅口感唔會煙銀，火候控制得啱啱好，完全鎖住肉汁超級吸引🤤，果然係精心調劑慢煮出嚟嘅，絕對值得推介！Tiramisu avalanche cake 提拉米蘇雪崩蛋糕 ☕️🍰 $88呢款甜品係店員推介㗎，果然名不虛傳🥰，雪崩係指漏出黎自家製嘅新鮮忌廉醬，連埋濃郁嘅可可粉、自家製蛋糕一齊食，出奇地唔太甜得來又滿足，係必叫之選🙌🏻Mediterranean seafood spaghetti 地中海海鮮意粉 🦐🍝 $

一踏進這無盡旅途，滿天星光照耀我道路。。講緊嘅係間餐廳裝修幾靚，幾有情調😂同埋見到已經出左Halloween menu, 幾鬼馬~今次叫左普通menu睇下水準如何先🤩餐湯已經絕對唔hea, 松露忌廉湯好creamy好濃；雜菜湯多料唔會太酸👍 白酒忌廉青口配蒜蓉包好正，肉汁幾鮮甜，蒜蓉包好香脆，點汁食係另一種享受~磨菇雜菜青醬意粉好吸睛，菇菇夠juicy, 青醬底夠香又唔會太油，配埋雜菜幾健康😜 慢煮豬肋骨有驚喜，好夠淋，易入口同埋都好入味！拌碟薯角原來係切左嘅薯仔成舊拎去炸，唔同我平時食開裡面係薯蓉，或者咁樣更有口感，但我都係中意平時食開嗰種外脆內軟嘅感覺~泥到我第二個胃出場喇~~tiramisu山崩蛋糕，呢種tiramisu真係第一次見，玩得又食得，我幾中意~雖然唔重酒味，但幾香奶味幾滑💗

book枱果時餐廳講明限時90分鐘，7:30前離座有75折，所以6點坐低後已經即刻order，點知等左45分鐘都未有一碟野上枱。喺一間不停同你講夠鐘就要走既餐廳，係咪更加要控制好出菜時間呢？其實，如果食物質素係好既話，又點會介意要等丫。奈何食物質素奇差，唔知係咁橋叫左難食既野定？？？等左差唔多一個鐘，終於有碟腥到爆既油甘魚刺身上枱。兩碟主菜入面，一個係豬鞍，一個係燒春雞。豬鞍係全晚最好食既野，整得好淋，油脂分佈剛剛好，入口好香好好食，5分滿分我會比4.5分。而最令人失望係果半隻燒春雞，又咸又鞋，未食過咁鞋既燒春雞。墨西哥薯條外表好吸引，點知得個汁好味同最頂果層啲薯條好味，下面果啲明顯翻炸左好多次，炸到又硬又乾又深色，浪費左個醬汁。火焰朱古力球係幾靚，但個火溶唔到果塊過厚既朱古力外殼，然後又要好大力先整得碎啲朱古力。可能因為淋上去既酒太濃，整個甜品既味都被蓋過，最後得返濃濃酒味同苦味，我真係唔識欣賞。🤷🏼‍♀️最後放杯好飲mocktail既相。我認為就算間餐廳有某幾樣野幾拿手幾好食都好，質素參差好影響啲客會唔會再食。如果啲野好食，係絕對唔介意比貴少少慢慢食，但見佢啲野質素咁樣，仲唔拿拿聲食

終於開完會, 辛苦完要食好野補償自己今次大食妹就同朋友去左Sky726食晏開陽嘅景觀, 自然嘅採光, 啱晒大食妹呢啲鍾意相機食先嘅朋友<墨西哥燒粟米>墨西哥燒粟米好有特色明明係普普通通嘅食材, 但調味非常特別, 食落辣辣地, 好惹味<煙三文魚沙律>煙三文魚沙律都好靚, 廚師用咗一層有一層嘅煙三文魚製作成一朵玫瑰花下面就係清爽嘅沙律菜、車厘茄同青瓜片<Tropical Teas>另外見到好多人都會嗌佢嘅mocktails, 大食妹同朋友亦都試一試Tropical Teas係黑茶底, 混合左果汁, 味道甜甜地<Paradise Punch>Paradise Punch味道酸酸地, 比較開胃<香蒜白酒蜆肉意大利粉>香蒜白酒蜆肉意大利粉係炒意粉, 一上枱就聞到超香嘅白酒味意大利粉非常彈牙, 蜆肉好足料<慢煮紐西蘭牛柳>慢煮紐西蘭牛柳除咗牛柳, 仲有薯角、蘆筍等等嘅配菜牛柳肥瘦適中, 冇血水<72%朱古力心太軟>最後一定要食埋佢個72%朱古力心太軟特濃朱古力令人一試難忘, 熱辣辣嘅心太

朋友一年一次生日所以突登搵左間有景既餐廳食生日飯 位置又近地鐵站 但咁arm果日冇set叫 得番a la carte 就唔係叫左好多野食 淨係一人一個main side dishes就好似set先抵d所以就冇叫 但其實如果多人食可以叫個白酒煮青口見到隔離枱上菜果陣好香咁又幾多下食西餐梗係叫意粉啦 我地叫左個意大利手卷意粉伴野菌及辣肉腸同埋香草燒春雞 意粉係手卷意粉 唔係平時一條條長通粉既樣 係一舊舊既樣 同埋冇expect過咁大碟既 隻碟仲大過我個頭 仲要係小小滯既白汁 份量可能係二人份 因為一個女仔真係會食唔曬 咁多carbs就梗係要share啦 唔係點食隻燒春雞 相反隻雞就唔係想像中咁大隻 但係d肉就好嫩 其實成隻雞同埋碟意粉食曬都已經飽到嘔 所以就冇另外叫dessert 餐廳既中間係bar黎架 但因為我地lunch食所以就冇叫cocktails飲 下次夜晚黎食既話會想試下！

俯望旺角街景，視覺效果好，若然天氣好更加正可能個人品味問題，覺得食物有啲偏咸，不過，佢哋嘅服務態度非常好👍，可以媲美五星級酒店嘅質素，仲有7折優惠，賺凸咗🥰

星期六同朋友慶祝生日，今次揀咗旺角呢間樓上西餐廳+酒吧 Sky726由於係夜晚去，所以坐近窗口位，可以欣賞埋夜晚嘅靚街景。下次可以試吓bar枱位,D燈光都好有情調，飲酒傾心事一流今次叫左一份生蠔，一份主食係香煎大蝦配海鮮意大利粉，加多2杯酒，同朋友慢慢飲慢慢食吹下水，環境好relax ♥️特別推介份生蠔🦪，好新鮮，而且全部都好好肉，夠juicy 同鮮甜。意大利粉炒得夠乾身，大蝦同青口當然都係新鮮貨，所以D肉都好嫩。三五知己過嚟傾心事，飲下酒放鬆下，真係一流👍🏻

旺角罕見嘅靚景西餐廳，從25樓中飽覽夜景，價錢親民而且環境都幾浪漫，係約會、慶生唔錯嘅choice😳• 是日餐湯 $68依度嘅湯品全部都係自家製，是日餐湯為周打蜆湯，忌廉味不算濃，但相對上亦冇咁飽滯😌• 法式牛尾湯 $78本以為係清湯，點知原來都幾濃稠，內裡有大量牛尾肉絲，• 香蒜蜜糖雞翼 $98店家將雞翼去骨之後再做成雞鎚般嘅形狀，令到食起上嚟嘅時候更加方便。新鮮炸起嘅雞翼非常熱辣辣，外層裏上滿滿嘅蜜糖，味道香甜，後勁滲出啖啖蒜味🧄• 珍寶虎蝦意大利飯伴龍蝦牛油汁 $218其精粹在於香濃嘅龍蝦醬汁，龍蝦汁嘅香味散發係每一粒飯之中，而且口感仲好creamy，唔怪之得咁受歡迎🤤面頭仲有三隻大虎蝦，都幾新鮮㗎！• 法式油封鴨伴紅酒橙汁 $258油封鴨分為鴨脾及鴨胸嘅部分，鴨脾肉質柔嫩皮較薄，而鴨胸則相對有咬口，肉味濃郁，外皮油潤香口，各有特色！配上紅酒橙汁，屬於味道清新嘅汁醬，有解膩之效☺️• Blue Skies $88收工咁攰緊要嗌杯cocktail先夠chill，以椰子同菠蘿配搭充滿熱帶風情，椰子味唔會突兀，味道討喜🧡• Very Berry $78唔好酒精都有Mocktail嘅選擇，

今次第一次同男友黎呢間餐廳慶祝生日🎂 一早於OpenRice 預約左食lunch,有7折優惠。餐廳位於高處25樓，而且坐係窗邊位置，城景景色一覽無遺。首先我哋一人叫咗一個lunch set 叫完餐之後，好快就上咗餐湯、沙律同餐包餐湯係周打蜆湯 ，都幾豐富，夠稠同夠好味😋至於餐包係香草餐包配上牛油🧈 餐包就一般水準至於主菜我哋叫咗一個手打芝士和牛漢堡配薯條嗰塊和牛漢堡都算幾厚，薯條夠脆另一個主菜係香煎加州鱸魚配紅椒忌廉汁煮得唔錯㗎 煎得幾香口，又唔會太乾，薯角又夠脆。整餐都食得好飽，午餐嚟講，以呢個價錢來講真係性價比高仲可以高覽街景，值得推薦！

我已經多次光顧此餐廳，午餐非常抵食，又大份、又有折扣，今日吃了菠菜蝦肉忌廉意大利粉，非常美味，大大隻蝦，蘑菇又多，只是一個吃有點壓力，加上忌廉汁比較飽肚，但味道非常好，慢慢吃也可以。下次一定再點選此餐，值得推介給大家。