影片
以上资料只供参考，请与餐厅确认详情
22-4-2010喺 Wildfire 食到扯火 (http://www.openrice.com/restaurant/commentdetail.htm?commentid=2078606), 未离开已谂定转场饮嘢 / 食甜品. 记得有次路经 Sogo 后街见到呢间新店的大 logo, 睇了 Openrice 上的餐厅相片又好似几好坐, 又捉了朋友上嚟坐吓.叫了热饮的 lychee rose tea (好似 $37), 乜咁大壶 睇到底部有几粒 (罐头) 荔枝及唔少玫瑰花干, 饮落少少甜 (虽然只系来自罐头糖水的味道...), 荔枝味算清香, 亦带淡淡花香, 又几好饮㖞 朋友饮唔知叫 "Bellagio" 定 "Bellagia" 的冻「特纯朱古力」, 试了少少觉得朱古力味几够, 甜度唔高, 不过好似无落奶般, 麻麻哋喜欢.另叫了一客蜜糖香草鸡翼过过口瘾... 一客 6 只, 腌得入味, 食落亦肉嫩多汁, 不过油到呢 旁边有一叠苹果, 清口腔一流, 不过因为碟底「油塘」太大, 食到最后苹果变了「吸油纸」平日的 9:xx pm 嚟到变了包场, 室内环境「屋企」feel 得很, 而我哋就坐了露台的梳化位, 饮吓嘢睇吓杂志, 店主的小狗仲会间中走埋嚟撩你同佢玩, 真系舒服得无话可说 坐了个几钟, 每人放低 $60, 会再来的.
继续阅读