Simplylife Bakery Cafe

营业中

休息中

三個人下午去咗依間餐廳食。只有brunch選擇不過有好多款。Full set頭盤有湯或者沙律。湯望落好濃郁好正。點包一流。可惜味道比較淡。包都唔係熱辣辣脆卜卜。一般般。沙律應該都係正正常常啦。無嘢點個包應該仲難入口芝士忌廉煙肉意粉。望落不錯。食落味道唔太濃。可能食開重口味。同埋個汁唔滑囉。撈完有一粒粒粉漿咁粉粉吓。麻麻哋。漢堡。薯條都炸得脆口。但略嫌少。個漢堡包味道ok的。舊漢堡扒都同個包啱返比例。有兩塊煙肉。個source都夾。個意大利飯比較精彩。味道其實都好不錯。海鮮都有燒過嘅風味。都係略嫌少。餸少都算。但連個飯都係真係bad。得面頭一層jar。好啱節食嘅人食。跟餐飲品得橙茶同酒。個茶唔太甜。幾fresh同夠大杯。不錯總括份量真係不太夠。味道都一般般。又唔平。雖然叫bruch。但都建議食咗breakfast先

好耐冇去Simply Life，今日中午去左食。平時一到lunch hour就會大把人等位，好(同埋唔好)在人人平等要攞飛入座，唔畀book 枱。有個同事早左出黎就可以去負責攞位先。🤩Menu都算有唔少選擇，不過其實食慣呢頭既人都知佢menu已經好耐冇轉，其實如果可以久唔久轉下都好啊。我地3個有兩個揀左鱸魚🐟另一個就揀左魚柳他他汁漢堡。午餐加10蚊可以有埋餐湯🍲同餐飲，所以例牌都會加埋。今日係甘荀湯🥕入面仲黎左D芝士🧀同黎麥，多D口感，而且個湯好濃郁，落足料。Simply Life另一樣我好欣賞係佢既麵包🥐🥯🍞🥖真係次次都外脆內軟🤗搽埋牛油真係一流。唔叫湯要沙津的話都唔錯，蔬菜都好新鮮而且仲會有橙有蘋果。主食的鱸魚都唔錯，煎得幾香魚肉幾鮮香有油，不過我覺得上碟時油係多左少少，尤其係D配菜。而且配菜🥒🍆份量有D少，多返一兩舊就夠，又唔駛太多。漢堡配炸魚柳🍔感覺就大份D，個麵包都似係自家整，烤得幾香。魚柳炸得香脆，魚肉都幾滑。配個薯條好香口，加左少少味粉係惹味。不過食完係會覺得有D口乾。每人為返110左右，都叫合理，坐得舒服。😚

其實已經幫襯數十次了，今次第一次寫它食評...面包基本上是我每次來的主要原因，跟餐面包有兩款，都好吃，份量多主菜點了羊脾，一道要花時間處理既菜餚，都尚算夠入味，不過比較硬身，配菜薯蓉不過不失，食落有些薯仔皮，不知道是專登與否🤡，整體來說這個價錢食到這樣的質素已經是很好了

每次黎到simply life都冇失望過！！！雖然價錢係貴d，但係絕對對得住佢既食物同埋環境黑松露味好重，而且汁既調味好好！有好濃郁既黑松露味道下次黎到會想試下佢既羊架

次次經過simply life見到咁多款咁靚既包同蛋糕都好興奮🕺🏻買黎做早餐都唔錯🍽•《Take away》🥐紅桑子丹麥酥（$19）個酥皮勁鬆化，上面加左杏仁薄片好脆，入面吉士好creamy好香，唔會過甜同膩，紅桑子勁多粒仲要好夠甜，食落好有層次感😋另外一讚既係外賣個包獨立包裝，好有heart————————————（5⭐️滿分，💫為半分）食物外觀：⭐️⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️

Simplylife嘅意粉我就食得多 食蛋糕嘅機會反而少啲 今日趁同啲中學同學聚就買個蛋糕贈興吓❤️ 雖然simplylife有其中一個特點就係可以隔住玻璃睇到入面嘅廚師辛勤咁預備食物 但今日就冇辦法欣賞到喇 因為要外賣個蛋糕😿蛋糕選擇都唔少㗎 撻類 海綿蛋糕 千層蛋糕等都好多 本身見草莓芝士撻個賣相都好靚 想試吓 但最後都係俾Rose yogurt pear mousse cake吸引咗🎂 賣相打卡一流😻 其實佢有好多唔同嘅材料 有raspberry 食用花同埋白酒做嘅啫喱喺面 另外有玫瑰嘅cream 玫瑰乳酪嘅mousse 梨嘅mousse喺入面 再加埋海綿蛋糕好大層次👍🏻 個蛋糕唔會太甜 又有淡淡花香 成個味道都好清新🍃 細細舊唔會好👅 為我地嘅晚餐劃上完美嘅句號🤤

呢日去完朋友畢業禮剛好時間食個Lunch真係就正時間人很多但我們都照排隊等位😂等位期間最喜歡看櫥窗因可以睇到師傅整蛋糕越睇越想買返個黎食🤤·<麵包-跟餐>平時經過都會買他們的麵包真的是超級超級喜歡！所以跟餐有麵包吃超滿足麵包外脆且硬內裡軟軟的每次很想問可否再添加🤣·<沙律-跟餐>沙律菜好新鮮有青蘋果香橙加上酸酸黑醋真的很開胃～·<南瓜湯-跟餐>每口都是南瓜泥很濃很甜很好喝.<忌廉蛋汁煙肉手製意大利粉> 個人認為他們的手製意大利粉是必食既一款菜式！因為意粉都很有咬口濃稠的忌廉蛋汁很香不過吃完好飽有點膩但係超級滿足的😋·<哥達芝士大蘑菇雞肉漢堡>看到有大蘑菇就毫不猶豫點了蘑菇很多熱熔的芝士可拉司🤤雞肉好嫩滑再夾著番茄和生菜想要一口吃會有點狼狽喔😆·<自家製冰茶>這個是每次必點～香甜的柳橙全被榨干了每口喝著都是新鮮味道😍·<總結>食物質素超級高！試試吧沒介紹錯的！

✴️ Simplylife Bakery | 蛋糕太有驚喜 忍不住要再試✨紅桑子千層蛋糕 絕對拍得上Lady M 粗略估計都至少有二十層 紅桑子忌廉入口綿密 中間帶果肉 酸甜度適中 好好食❣️❣️❣️食完想再食多幾件 下次決定要買整個.Raspberry crepe cake with raspberry creamy, sweet and a bit sour but they make a perfect balance! ✨.🔹Raspberry crepe cake $32

雖然餐廳有推出聖誕套餐，但因為對火雞並不喜愛所以沒有選擇，看了餐牌後很快決定這次食漢堡和牛扒餐包餐前的麵包很快到了，二人的分量很充足，有兩款。左邊的麵包口感鬆軟，表面撒了幼鹽，伴著麵包內的紅莓碎，酸酸鹹鹹，是令我驚喜的味道。右邊的麵包外脆內軟，配上牛油，感覺不錯。南瓜湯我是南瓜愛好者，所以見到南瓜湯覺得很開心。上面綠色的是南瓜籽，但整體湯的南瓜味不算太濃。哥達芝士大蘑菇雞肉漢堡薯條很脆，和鼠尾草一起炸的。而紫色的是洋蔥，本身以為洋蔥味會很濃，吃了發現調製得意外地好味，酸酸地很解膩。最期待的漢堡卻令我有些失望，雞肉比較乾身，其他亦沒有什麼驚喜。燒美國安格斯肉眼扒薯條與漢堡跟的一樣是鼠尾草炸薯條，正正常常。今次的扒要了五成熟，肉質嫩，配搭的伯納西醬汁會令味道更濃，反而會容易有油膩感，個人覺得不沾醬更美味。整體上等位很快，雖然是平安夜，但我們收工時在app取籌，到達時等了大約五分鐘便入座，上餐也很快速。食物味道、餐廳氣氛亦不錯，值得再來。

請朋友食飯，但佢話食左早餐好飽，但我唯有叫件蛋糕比佢食。simplylife今次終於有機會叫hamburger食，首先個薯條炸到好似薯格咁好食，連茄汁都唔洗就咁食都超好食，我宜家先個原來薯條都可以炸到咁好食。個漢堡扒都好juicy，好食！個蛋糕對比之下真係失色左小小，個yogurt玫瑰味食落好膠，一試就知香精味太重，真係伏，我寧願食返普通d既strawberry tart就算，希望simplylife好再出呢隻味既cake。

📍九龍塘📍超飽肚❗️爆cheese 😍👍🏻車打芝士煙肉漢堡🍔呢個車打芝士煙肉漢堡望落唔算好大🙈但原來食落好飽😹因為落咗好多芝士，幾乎係爆cheese 🙈我本身都算幾大食，都爭啲食唔哂，因為個漢堡真係好大舊又厚，同埋芝士再加煙肉實在太飽肚😂😂飲埋杯柚子冰茶啱哂，可以消滯😎而且個素pizza都好好食，估唔到無肉，都可以整得個pizza好味兼入味🙈🙈因為之前從來無食過素pizza，值得一試！！同埋佢哋啲cake都好味，啲cream好soft ❤️❤️

今日lunch嚟到又一城，唔知食乜好見到四圍都要排隊。依個刻又好想食burger就比我見到simplylife。雖然門口有10張枱嘅人等緊位，但我都只係用咗10分鐘就可以比安排入座。可能因為已經過咗午飯嘅繁忙時間。呢度嘅餐牌同其他分店大置相同，有意大利飯意粉薄餅漢堡包餐等等。當然我就梗係叫我最想食。值得一提，呢度門口有蛋糕麵包賣，比其他分店選擇更多，下次我一定會黎試下🔸芝士大啡菇雞肉漢堡 評分9.5/10每次嚟到都會叫嘅雞肉漢堡包包身係相對焗得過火，但整體感覺不俗雞肉份量足夠薯條揸得香脆加埋個重口味洋蔥簡直一絕每次都一定會將嗰啲清乾淨啊如果想減省排隊等候時間可以download The Gulu app 拎電子飛

🍔Juicy Burger 🍹🔹哥達芝士燒烤蘑菇雞肉漢堡 $92.每次必點的Burger 大讚自製雞肉漢堡 依然吃到雞肉的嫩滑 咬落有肉汁加入少量香草 面層舖上燒溶的芝士🧀和蘑菇 漢堡下層有大啡菇 配撘醃紅洋蔥 更加惹味🤗配菜薯條🍟哈迪斯的回憶返哂黎 外脆內軟😜 —————————————❣️暖笠笠每日新鮮自家製熱湯😋🔹甘筍湯 配自家製法包Carrot Soup with homemade bread.Weekday lunch set 可以揀 Daily Soup/ 沙律🥗 冬天個人比較喜歡飲湯 有埋佢地出品的鬆軟麵包 軟熟又有小麥香味 用左日本麵粉果然不同啲 🥖到個主角-湯 新鮮甘筍打成蓉 加入忌廉和適量的黎麥 入口順滑 配上小量的軟芝士和香草 濃郁好味👍🏻😋🔹士多啤梨芝士撻 $32.‼️推介一定要試‼️九龍塘這間Simplylife和其他分店不同之處就是有很大的Bakery🥖🍞蛋糕甜品的種類更加係花多眼亂 😍 .士多啤梨撻有四粒🍓份量十足 每一啖都分到半粒❣️ 食落香甜 有after taste 全個口腔充滿士多啤梨味😚 忌廉和芝士餅的口感輕盈 吃落不會太甜膩 👍🏻餅底夠薄 不會太乾 🍰

好彩不是太多人，点了凱撒沙律烚蛋，南瓜濃湯還有啤酒脆炸青衣魚柳。沙律新鮮不錯，南瓜湯足料正，但炸魚柳就一般，因炸漿勁厚又冇醬汁可以點。希望下次來會有改善。店舖內整體都舒適。

松露雜菌闊條麵 不想再見到個樣好似幾靚咁，滿心歡喜點知食落，覺得有口感好硬 好乾又完全無黑松露味 佢硬到好似未煮熟咁， 求其灑啲黑松露， 就當係用黑松露燴意粉， 呢碟嘢 成百幾蚊仲難食過我出面cafe食 ，或者用罐頭湯煮嘅意粉佢係咪應該反省下， 點解可以煮得咁難食，又點解要用啲咁貴價嘅價錢畀咁垃圾嘅食物豬鞍呢個更加不予置評啦 😢又乾又硬 啲肉汁又唔juicy 我真係未諗過一間定價甘高嘅西餐廳，煮嘅豬鞍架可以係咁低質素 對呢間嘢簡直係徹底失望，中伏之選