sift desserts (希慎廣場) (已結業)

喜歡食佢地cupcake都幾年了幫襯過以前海港城分店和灣仔Hysan分店Hysan分店我買過4次，每次服務態度都勁差雖然每次都不同的服務員 但都保持著服務態度勁差的特色你睇多過3秒 就黑你面似係想你快啲走，吾好阻佢偷懶咁款到我選擇了我想買既野 就到佢地手腳勁慢 收銀機又吾識用慢吾緊要 但咁既服務態度差過大排檔

成日行經位於希慎廣場呢個當眼位置嘅甜品舖，但一直都未試過！呢日公司有朋友生日買左個經典款蛋糕，睇落都幾靚幾有層次，好想即刻食！➡️ Chocolate Hazelnut Crunch ($430) ⭐️⭐️⭐️蛋糕分左幾層，有朱古力ganache、榛子mousse、朱古力cream、脆脆等等。層次好分明，但個人認為太甜太溜，味道一般般，但影相打卡唔錯🤣sift desserts地址📍: 銅鑼灣軒尼詩道500號希慎廣場2樓217號舖.............................. 味道😋: ⭐️⭐️⭐️抵食💰: ⭐️⭐️⭐️

見到咁多好comments 唸住試下啦買左一個oero cupcake 食一咬.....cream 沙沙聲 好明顯係落左勁多糖霜去打.....完全食五到oero 味道蛋糕都食到小小朱古力味 Overall ....一個cupcake 32蚊....五值囉....

去Hysan行完誠品，未到食飯時間，但又餓餓地俾呢間係2樓角落位嘅Sift吸引左佢又有細細粒嘅cupcake仔，可以試多幾隻味又唔怕飽得濟！最近揀左3粒！我由味最light食到最sweet (自己認為嘅light lol 不可作準) 先黎Sesame not bad 冇話咩驚喜，少少咸冇卜卜脆(爛)之後就係Red velvet想講好正，至正係佢想講佢上面嘅cream cheese frosting真係令我好 芝士鹹香幾濃味，的確一下就搶曬風頭，但唔會太漏。Last but not least 嘅 Tiramisu 真係純粹想食下Tiramisu隻味~~因爲個人認爲精華所在其實係塊俾咖啡浸淋曬嘅手指餅(？)度。咁食cupcake都係食個cream, 單評個cream其實佢好ok架啦~~Red velvet會翻啅~~而下次probably都係order唔同嘅mini cupcake~~咁就滿足到我幾個願望啦 

第一次來買cupcake 諗住買畀自己食， 咁啱今日經開銅鑼灣希慎廣場見到好多人圍住買cupcake ，就諗住買幾個試下， 果然有驚喜，無論蛋糕嘅口味定係員工嘅服務都，員工keep住好有笑容，同埋好有耐性咁介紹唔同嘅口味有咩特別， 一啲都唔覺得我煩，下次會再來買！最後由諗住買幾件畀自己食變左最後買咗廿四件同屋企人分享！我嘅特別推介 最好味red velvet ，Triple chocolate ，Blueberry，Chocolate banana 基本上放喺枱頭都是最好味既cupcake！

天氣涼了，總是特別覺得容易肚餓， 想吃些甜的東西。 放工經過 causeway bay希慎廣場 ， 諗起平時很好吃的cupcake, 立即去買返幾件細細品嚐 。 今次我揀咗 mini cupcake。 超多唔同口味可以選擇。揀咗乳酪紅絲絨蛋糕， 抹茶朱古力蛋糕， 柚子 原味蛋糕， 藍莓 蛋糕。很喜歡這間的mini cupcake， 一啖一個， cupcake上面嘅忌廉 ， 軟滑又香甜， 味道突出濃郁。 底層嘅cupcake鬆軟綿密。 相比起好多間專賣 cupcake嘅舖頭， 呢間真係做得幾出色。自備 盒子更加環保， 唔需要額外嘅包裝😀😀

身為sift既忠粉，🎃Halloween點會唔去睇下有咩cupcake應下節🧁Halloween造型cupcake💰$33 each 呢幾款鬼怪造型會唔會太可愛?👻得意到唔捨得食😳唔好睇佢色彩繽紛就覺得佢好甜，但其實你食佢個蛋糕底係唔甜..咬落仲好鬆軟!另外🎃四四方方既南瓜仔Pumpkins cube 💰$48 each入面係南瓜、熱情果醫醬配🍫朱古力榛子Mousse cake。..……………………👱🏻‍♀肥妹小編..……………………

Sift嘅杯子蛋糕就食過，Sift既糕餅又真係未試過。今次系Hysan Place嘅sift訂咗個法式千層酥Mille Feuille做生日蛋糕。佢有三種口味，有焦糖、朱古力同紅桑子。今次我哋揀咗紅桑子😍😍，有啲紅色嘅水果同吉士醬，色彩鮮艷啲，令個蛋糕吸睛一啲🤩。而食落又幾好味喎，千層酥既吉士醬唔算太甜，紅桑子酸酸甜甜，配埋啲吉士醬好夾，唔會太heavy。只係千層酥有少少過咗火😅，乾身左少少，千層酥嘅色偏深，整體都係鬆脆嘅。蛋糕牌寫嘅字我都幾滿意呀！🥰唔係太花巧，清楚可以見到壽星嘅名！整體上我會比呢一個紅桑子法式千層酥8/10，都算值得一試㗎！👍🏻👍🏻

Sift除咗食cupcake🧁，仲有其他選擇㗎😍今次就食咗佢嘅set of six mini cake🍰每個蛋糕都係mini size，但係就絕對冇compromise蛋糕嘅complexity😋，製作一樣咁認真👍🏻，而且一次過可以好貪心咁試晒六款唔同嘅口味🤭，唔使有選擇困難啦😊

依家啲年青人真係好識食 😂 今日Intern bb last day，order左時下大熱嘅sift mini cup cakes!!! 第一時間梗係揀抹茶味啦，我最愛 💚蛋糕仔細細件可以一啖食完，唔怕滯～面層嘅抹茶cream夠濃唔會甜！抹茶愛好者必要一試！-因為交情好，佢又知我胃食，我有幸食多件😂 尼個moment 我揀左大家都唔敢試嘅香蕉味🍌真心，有驚喜！cream就冇抹茶果件咁突出，但個蛋糕，不論個味定口感，都好似細個係麵包店買到果啲香蕉蛋糕！

之前因爲有次公司同事派散水餅.所以就第一次食到mini Sift cupcake la~一試難忘.....令我大吃一驚。點解會有咁好味ge creamcheese cupcake ga la.星期五行過銅鑼灣見到Sift所以就買返舊懷念下.買左二個大個ge cupcake .大$35,细$16一個chocolate cupcake 一個creamcheese banana cupcakeWoo推介所有creamcheese 系列cupcakeD creamcheese好smooth好soft個味又濃又正不過個chocolate cupcake就反而太甜la.所以力推大家食creamcheese cupcake la!nice

慶祝生日又點少得蛋糕啊！🥳因為兩個人慶祝又唔想買太大個蛋糕所以買啲少少地嘅cake仔做生日蛋糕之餘又可以試唔同口味👍🏻經過銅鑼灣希慎嘅時候又見到sift嘅cake仔又幾別緻所以就買左六粒嚟試下啦雖然cake仔細細但絕不虎上面嘅設計依然精美有如一個大個蛋糕😮味道上唔算太甜，口感軟滑，亦不會太膩。非常適合飯後進食。估唔到咁細個嘅cake仔都可以做到朱古力鏡面，由始可見其細緻嘅程度👍🏻👍🏻👍🏻👍🏻👍🏻

之前買過signature的sift chocolate cake，很好吃。又到要買生日蛋糕的時候，在網頁看到有新品，賣相很漂亮，小孩看到應該會很開心，加上說是64%的朱古力，就試試吧！實物和圖片一樣 👍🏻味道可以，但有點太"漏"。雖然只有6吋，但真係足夠12人吃。喜歡朱古力的朋友，還是選signature 那款好了，層次感多一點。

行經希慎， 突然之間想食下啲甜嘅嘢 , 見到sift, 買左幾個cupcakes食其他食品唔多講， 只係介紹呢一個甜品，SNOWBALL, 大約28蚊一個， 個底係黑朱古力 海綿蛋糕， 上面灑 咗一啲白朱古力狀嘅 忌廉芝士 shake, 另外加上 一大堆乾椰絲。Valrhona dark chocolate cake, coconut cream cheese frosting, coconut flakes雖然賣相唔係咁好睇以及感覺上面D餡好似好多， 但實制又唔係好多平時都係一買就即刻食， 今次拎到返屋企先食， 已經開始出現溶溶狀態， 我諗超過25度， 啲餡已經開始溶化， 所以如果買返屋企嘅朋友仔記得要放入雪櫃啦。呢個cupcake有乜特別呢， 就係佢食落同白朱古力一樣，咬落去好似有砂糖嘅質感， 甜到漏， 椰子條，食落似係香濃椰絲， 啱曬最鍾意食白朱古力嘅我。挑剔位置 (1) @ 如果呢一層餡可以加厚就好啦。挑剔位置 (2) @海綿蛋糕嘅部分如果係實心， 做到有starbucks水準 , 應該正好多食完之後一定要記得啷口牙，唔係嘅話就容易蛀牙喇。

朱古力蛋糕好食，朱古力味濃，入面蛋糕味道亦唔差但服務員態度差，問幾句好似會煩到佢甘，極度唔情願回答!真係要改善一下，原本食物味道是不錯，但員工的態度實在令人難以接受!!