SHY Xpress (已結業)

超級大雨的下午, 諗住喺商場食飯, 見到有間店鋪有蛋包飯, 環境乾淨企理, 於是坐低點了個蝦蛋包飯及魚柳蛋包飯。見到隔離枱既薯角炸得好脆, 聽到食客話熱辣辣, 好味好正。當侍應把用餐遞上時很有禮貌多謝客人, 還有他們友善的笑容。蝦及魚柳是即炸的, 不油不膩, 吃時熱熱的, 蛋炒的很滑, 加上少少蛋汁, 包埋飯食一流呀👍👍總括黎講, 食物質素性價比高,侍應慇勤服務, 給客人友好感覺, 一定會再黎食鋪頭喺港鐵石門站B出口對住嗰個商場, 超方便。

昨日嚟呢度食午餐，叫咗個吱吱精選蛋包飯，即係炸魚柳蛋包飯，套餐包埋飲品，一共$62，等左5 分鐘就有。餐廳比較細，有7、8 張檯左右，午飯時間都坐滿曬，我一個人黎食所以搵到個位。如果多人黎食，要早啲黎。廚師們同侍應都好友善同熱誠。上次其實都有叫過吱吱精選蛋包飯，當時要咗咖喱汁，但今次我叫咗牛肉汁，覺得牛肉汁比較好食，魚柳都應該係即叫即炸的。凍檸茶亦都好飲，唔會苦。黎食過幾次quality 都無變，keep 住水準。

因為喺附近做嘢嘅關係，其實黎呢度食左好多次。幾個月前到而家都冇失水準，味道唔錯，服務亦都好好。呢度嘅奶茶比出邊面茶餐廳好飲，唔會太苦澀，亦唔會太多冰。今次因為趕時間，所以預先打電話俾餐廳想叫定嘢食，聽電話嘅員工冇拒絕同好有禮貌。叫咗凍奶茶同招牌蛋牛治。之前蛋牛治冇叫烘底，今次叫咗覺得好食好多。雖然呢度係自助模式，但係廚師同收銀員都盡力招呼客人，我冇茄汁嘅時候，主動出嚟拎比我。食個茶餐都只係$35。

大懵嘅我差啲唔記得去石門拎新嘅智能ID, 原來4號係deadline(但都想知無黎拎會點處理🤣). 入去5分鐘就搞掂, 與此同時喺石門返工嘅JM時間啱啱好放lunch🤪. 京瑞廣場實在太多新食店啦! 逐間睇menu, 咦蛋包飯好似好正wor.>店內座位唔算太多但坐得舒服的, 喺cashier點餐(係一個勁陽光嘅男孩☀️), 然後等一陣送到. 細細張Menu涵蓋早餐, 午餐, 下午茶, 全日餐, 主角當然係*蛋包飯*無誤📣.>L7. 芝士蘑菇蛋包飯(咖哩汁) (HKD52)等緊時望下佢open kitchen, 見到裝飯都有一個「模具」好認真, 配合返「蛋包」喺飯面嘅形狀賣相好得. 傾瀉般嘅滑滑炒蛋, 大量熔芝士完全蓋住撈左味道嘅白飯, 蘑菇片片都大到有得𡁻, 好香嘅咖哩汁絕對加分, 好日式嘅超微辣味, 夠唒濃稠. 放一角嘅胡麻醬沙律, fresh的好開胃.>薯角 (+HKD6)每件薯角都好巨大呀！調味方面做得好.>熱杏霜 (set)大多數杏霜都hea底勁稀, li杯係我出面食野飲過最香濃最有杏香的.>而家咁先進gei, 幾時自動增值都show到喺收

今次叫左個招牌蛋牛治、凍檸茶同薯角，三樣都好味。Total $45，價錢親民，份量充足。服務員有禮貌。唯一唔好嘅就係所有食物飲品都係用即用即棄餐具，不過其實地方唔算大，可能真係冇位洗。

以前成日去觀塘果間食，不過宜家好少去嗰邊，所以開喺石門實在太好了。呢間冇觀塘果間咁早關門，水準一樣。只係咁岩冇晒牛肉（因為我4pm 先黎）叫左個鴨胸蛋包飯同茶走。服務態度好，又唔貴，會再返黎食～