尚喜樓

尚喜楼（元朗）今日放假踩单车，竟然踩到元朗新田。附近真系冇乜餐厅😅只见到两间餐厅。于是选择咗尚喜楼。因做咗大半日运动。肚仔好肚饿🤣冬瓜咸蛋肉片汤饭：肉片足料，有冬瓜。味道不过不失。…查看更多

老板有日午饭后比咗张宣传单张我，话有时间可以去试下，点心不错。今天同事揸车外出一齐lunch, 太热冇拣坐户外，或者秋凉后啱D，旁有个小水池。讲番食物，除咗点心，佢中午有多款午餐叫，包汤包饮品。叫咗胡椒咸菜猪肚汤正，汤料好足，个肚质地唔会死实有弹口，星洲炒米味道可以不过粉就碎咗D D失色，同事就至爱外型都可爱的合桃包，炸両即蒸都好得，山竹牛肉正常发挥。总的来说，户内冷气够，地方企理，旁有停车场揸车来方便。离开时见佢开始有下午茶餐，顺便八一八影番个相，有机会又试下…查看更多

之前朋友带我黎过新田食尚喜楼嘅煲仔饭，出色到要再Encore，今次仲要专登留肚食埋其他小菜😋煲仔饭系必点🍚，饭系粒粒分明，口感软糯，底部嘅饭焦系超香脆的口感，食落劲有层次感～配料超多，猪肉、虾干等等，加埋甜鼓油一齐食不得了！😍另外就系佢每碟小菜都系份量超大份！发现自己唔小心叫得太多，但又真系好好食，会忍唔住食晒🥹咕捞肉酸酸甜甜超开胃，同埋佢系劲香脆，咬口超正！仲有啫啫蚝煲，每件蚝都好大只，仲要超鲜甜。最后仲叫左个酸菜鱼～呢份鱼的份量系4－5个人食都唔会觉得少！件件鱼件超滑，又有超多配料，豆腐卜、云耳芽菜等等所有都超入味🤤📍尚喜楼元朗东永安路280A号永平村地下…查看更多

我相信熟悉新田既人都知，新田真系无乜野好食，而我都唔知几时开始，呢间餐厅成为左我既饭堂最高质系佢既例汤，真系好正，饮晒成碗都唔会好颈渴，无味精嘅汤，每碗汤都有渣，绝对汤都可以食一碗饭！我今次食佢既尖椒炒牛肉饭，尖椒虽然无乜辣味，但食落口完全无个种青味，多淋，唔会好似岀面食落唔有生生地感觉，系煮既个𩠌之前，我相信系煮呢个尖椒前，系处理过先再炒！！饭粒粒分明，完全无一旧一旧咁，最重要个饭够软棉，唔湿唔干，绝对系靓饭！…查看更多

今次屋企人book咗呢间餐厅食团年饭环境位于新田九记停车场附近 驾驶人士好方便 门口就可以泊车 楼高三层嘅中式餐厅环境相当幽静 而且有个鱼池喺门口 好多锦鲤! 上午来打卡 应该会好靓今次餐厅安排咗房间俾我哋一行10几人食团年饭除咗环境舒服之外 每碟𩠌菜都好惊喜!姜葱爆生蚝 镬气十足 而且生蚝肥美新鲜 入口肉质爽脆 好正菠萝咕噜肉都酸甜开胃 仲有佢哋嘅招牌菜黄金鲜鱿 热辣辣新鲜炸起 咸蛋黄酱好香口 令人一口接一口食唔停我个人最钟意呢个油浸笋壳鱼鱼皮炸得焦脆酥香 鱼肉入口鲜嫩最后食埋个糯米饭 咁就大满足～整体嚟讲餐厅避开嘈杂喧哗嘅闹市 而且环境空间相当舒服𩠌菜品质有一定水准绝对推荐俾朋友家人聚餐～尚喜楼 (元朗)地址：元朗东永安路280A号永平村地下…查看更多