尚喜樓

尚喜樓（元朗）今日放假踩單車，竟然踩到元朗新田。附近真係冇乜餐廳😅只見到兩間餐廳。於是選擇咗尚喜樓。因做咗大半日運動。肚仔好肚餓🤣冬瓜鹹蛋肉片湯飯：肉片足料，有冬瓜。味道不過不失。…查看更多

老板有日午飯後比咗張宣傳單張我，話有時間可以去試下，點心不錯。今天同事揸車外出一齊lunch, 太熱冇揀坐戶外，或者秋涼後啱D，旁有個小水池。講番食物，除咗點心，佢中午有多款午餐叫，包湯包飲品。叫咗胡椒咸菜豬肚湯正，湯料好足，個肚質地唔會死實有彈口，星洲炒米味道可以不過粉就碎咗D D失色，同事就至愛外型都可愛的合桃包，炸両即蒸都好得，山竹牛肉正常發揮。總的來說，戶內冷氣夠，地方企理，旁有停車場揸車來方便。離開時見佢開始有下午茶餐，順便八一八影番個相，有機會又試下…查看更多

之前朋友帶我黎過新田食尚喜樓嘅煲仔飯，出色到要再Encore，今次仲要專登留肚食埋其他小菜😋煲仔飯係必點🍚，飯係粒粒分明，口感軟糯，底部嘅飯焦係超香脆的口感，食落勁有層次感～配料超多，豬肉、蝦乾等等，加埋甜鼓油一齊食不得了！😍另外就係佢每碟小菜都係份量超大份！發現自己唔小心叫得太多，但又真係好好食，會忍唔住食曬🥹咕撈肉酸酸甜甜超開胃，同埋佢係勁香脆，咬口超正！仲有啫啫蠔煲，每件蠔都好大隻，仲要超鮮甜。最後仲叫左個酸菜魚～呢份魚的份量係4－5個人食都唔會覺得少！件件魚件超滑，又有超多配料，豆腐卜、雲耳芽菜等等所有都超入味🤤📍尚喜樓元朗東永安路280A號永平村地下…查看更多

我相信熟悉新田既人都知，新田真係無乜野好食，而我都唔知幾時開始，呢間餐廳成為左我既飯堂最高質係佢既例湯，真係好正，飲曬成碗都唔會好頸渴，無味精嘅湯，每碗湯都有渣，絕對湯都可以食一碗飯！我今次食佢既尖椒炒牛肉飯，尖椒雖然無乜辣味，但食落口完全無個種青味，多淋，唔會好似岀面食落唔有生生地感覺，係煮既個餸之前，我相信係煮呢個尖椒前，係處理過先再炒！！飯粒粒分明，完全無一舊一舊咁，最重要個飯夠軟棉，唔濕唔乾，絕對係靚飯！…查看更多

今次屋企人book咗呢間餐廳食團年飯環境位於新田九記停車場附近 駕駛人士好方便 門口就可以泊車 樓高三層嘅中式餐廳環境相當幽靜 而且有個魚池喺門口 好多錦鯉! 上午來打卡 應該會好靚今次餐廳安排咗房間俾我哋一行10幾人食團年飯除咗環境舒服之外 每碟餸菜都好驚喜!薑蔥爆生蠔 鑊氣十足 而且生蠔肥美新鮮 入口肉質爽脆 好正菠蘿咕嚕肉都酸甜開胃 仲有佢哋嘅招牌菜黃金鮮魷 熱辣辣新鮮炸起 鹹蛋黃醬好香口 令人一口接一口食唔停我個人最鍾意呢個油浸筍殼魚魚皮炸得焦脆酥香 魚肉入口鮮嫩最後食埋個糯米飯 咁就大滿足～整體嚟講餐廳避開嘈雜喧嘩嘅鬧市 而且環境空間相當舒服餸菜品質有一定水準絕對推薦俾朋友家人聚餐～尚喜樓 (元朗)地址：元朗東永安路280A號永平村地下…查看更多

滋味點心。中西合璧。有點心又有奶茶。檸茶。值得推介 全日都有點心食 可以一邊食沙嗲牛麵。一邊食點心茶位$10／位 平靚正蝦餃。燒賣。牛肉球。鮮蝦腐皮卷。炸兩腸。蝦腸……餡料豐富牛柏葉雖然我唔食，但一定要推介，因為真係好大碟，先$30。真係好抵蝦餃 皮薄餡靚 必食推介$35／4粒蒸排骨 夠蒜香味炸兩腸 炸兩脆口唔會食到成口油，食得出炸兩係新鮮炸燒賣 咬落彈牙 得豬肉,無冬菇鮮蝦腐皮卷 蝦肉鮮味多汁牛肉球 牛肉彈牙 大大粒叉燒包 係蜜汁餡,無落蠔油,唔會黑蚊蚊鴨仔包 造型吸引 打卡一流 芝麻餡料豐富鍋貼 賣相吸引 漲卜卜 太飽。我無食。未能評分檸茶 茶底唔夠濃味，欠缺茶味蝦腸$35／碟 3條 每條2-3隻蝦 熱辣辣 出晒煙 好食 推介另外3款 打卡包：豬仔 雞仔 熊仔 無點，非常可愛點心即點即蒸 …查看更多

今晚與多年冇見老友聚餐， 靚女💁竟然相約去到新田(咁遠)食飯； 佢話包我有驚喜。其實而家香港鐵路貫通曬， 去邊度食好嘢都咁方便。 我系金鐘坐35分鐘港鐵🚅就到上水火車站， 再駁架的士🚕幾分鐘就到達餐館。餐館環境好chill， 樓高三層， 仲有outdoor座位夠曬relax。 我地book左一樓VIP房， 可以盡興D😁聽靚女講呢度老闆對食材要求好高。 我地今晚食的新鮮荀殼魚系坐國泰機✈️來香港的! 另外天氣涼涼地， 食古法羊腩煲就最啱! 除左指定動作加生菜之外， 仲加左響鈴和額外的枝竹😋咸蛋黃鮮魷食到停唔到口， 豉椒鵝腸爽口配啤酒🍺一流。 酸菜魚和生炒骨都系水準之作👍壓軸出場的系煲仔飯🥘! 一試之下驚為天日😍， 大家都贊不絕口! 原來系米芝連 食肆“嚐囍” 監製🎉, 果然零舍唔同✨! 識食嘅， 梗系要食飯焦啦！😂老闆見我地食得開心， 仲請我地食薑汁糕和黃金糕添😋 前者薑味濃厚， 後者煙煙靭靭， 為這個熱鬧的晚上劃上完美的句號!😄😄p.s. waitress姐姐話琴晚方力申去左食飯! 哎呀， 點解唔約早一晚呢😝😝…查看更多

遠離都市塵囂，予新田過關前的壹美食好去處。旁邊就是九記停車場，充足車供應，不需擔心食牛肉乾！此餐廳地方闊落，如選擇坐室外，環境更佳，尤其是防疫方面空氣流通，減低受感染機會。兼有 一池觀賞級錦鯉陪伴，倍增食慾！點心出品不遜於尖沙咀名店。蝦餃餡靚，少許筍絲肥肉襯托起大大隻爽滑蝦仁，不錯，可惜蝦餃皮略厚兼少了戥麵欠彈牙感！柴魚花生粥，足料，粥底夠綿蜆介鯪魚球，大大粒，外面香脆，內裡軟滑，充滿 蝦米 臘腸 等料！鳳爪火路剛好外面爽脆，內部鬆腍，惟獨壹粒豆豉都搵唔到。唔似其他茶樓蒸到過火全部腍晒湖口！綿花雞不過不失，有一點好處少味精少油！排骨有鮮肉味，非凍肉，陳村粉嫌少了點！鮮蝦腐皮卷就有很大進步空間，餡非常少！蝦又不夠新鮮。最後，黃金流沙飽，必食。正到漏油整體可以接受。希望店主注意蚊蟲螥蠅, 建議安裝滅蟲設備。無加壹之下的服務也非常到位…查看更多