Shari Shari Kakigori House 氷屋

营业中

休息中

黑白天使 $92Oreo+牛奶除左頂層有d Oreo 之外，外層牛奶冰入面都有好多Oreo‼️奶味好重好想，不過好快溶同好容易食到散曬🥲 整體好味但價錢略貴！環境方面，店舖好細好窄，但整體都ok！夜晚8點幾去到都要排隊，不過好在慢慢地有人食完走，唔洗等好耐就入得～

一直好鍾意Shari Shari！而且對佢嘅愛好專一，永遠只食抹茶味加丸子🥰見到佢岀咗限定味仲要係Tiramisu，即刻岀軌一下唔食抹茶試食Tiramisu🤭🍧Tiramisu味 $110個冰依然大過個波，面頭似芝士奶蓋，好creamy好smooth🍦底下嘅冰原本expect有咖啡味，但我食落似朱古力奶味~都好食，但如果你抱住Tiramisu嘅期待就可能會失望了🍫食到中間仲會有沾咗咖啡嘅手指餅多咗蛋糕口感☕️冰嘅質感一如既往嘅好，磨得好細嘅入口即溶，世一刨冰💓🏆Shari Shari 排行榜🥇抹茶🥈Tiramisu🥉伯爵茶🏅士多啤梨🏅芒果環境 🐖🐖🐖🐖 4/5 食物質素🐖🐖🐖🐖🐽 4.5/5店員態度🐖🐖🐖 3/5✨人均消費 ～$55🏠Shari Shari Kakigori House 氷屋📍銅鑼灣加路連山道13號地舖

以前喺希雲街食過一次 搬咗舖之後就多咗人 差唔多晚晚都要排隊 所以就冇再食😆 最近機緣巧合 喺銅鑼灣食完晚飯經過加路連山道🙈 見到條隊唔算太長 (排到Queue B第一個 所以就去咗食🫣) 等候時間大概15至20分鐘左右 唔算太長👌店員會喺我哋排隊嘅時候先落order 務求我哋入到餐廳就唔駛等 即刻食🥰 最低消費為每人$45 我同朋友分享季節限定嘅Tiramisu Kakigori($110)加白玉($10)加白玉係optional🙆‍♀️ 自己本身鍾意食啲煙煙韌韌嘅嘢☺️ 對於佢呢個topping超級滿意‼️唔會好似雪咗入雪櫃咁硬 亦唔係軟淋淋😆 個冰上層做咗Tiramisu味嘅奶蓋 濃度啱啱好☕️而個冰食到中間會有Tiramisu本身嘅蛋糕 味道好濃郁🥰 食完都驚夜晚瞓唔着😂題外話📷 當晚我哋見到有另一台客人 影咗好耐相 最尾個冰成個跌咗落枱🥶 見到都心慌慌😝 不過店員好好人 最後都準備一個新嘅比佢哋🫣 大家唔想麻煩到店員就記住20秒之內影啦🤓Encore指數/ 🟡🟡🟡🟡🟡🟡🟡🟡🟡🟡

🧡🧡🧡Shari Shari Kakigori House 氷屋 🧡🧡🧡呢間過江龍次次都要排好耐隊但見到出咗期間限定嘅tiramisu 味身為tiramisu 狂熱fans 點都要試吓啦🤩🧡 提拉米蘇味 $110 🤩9.5/10Shari Shari 啲雪花冰一向有質素，綿到好似棉花糖咁🍧所以我哋都係聚焦係tiramisu 到🙈🙈一嚟就見面頭淋咗一層好厚嘅奶蓋，仲有可可粉添❤️‍🔥❤️‍🔥咖啡味嘅沙冰連埋芝士味嘅奶蓋真係食緊一個涼浸浸嘅tiramisu 🔥食到中間仲有驚喜🙈💯就係有咖啡味嘅蛋糕啦 十足十平時tiramisu 嘅手指餅❤️總括嚟講，係一個做得好好嘅tiramisu 味甜品，如果你平時食開，或者鐘意飲咖啡就要去試吓啦🥰______________________________味道😋: 9.5/10環境👀: 9/10服務👨🏻‍🍳: 8/10抵食💰: 8/10 （兩個人食一個就夠哂啦🙈）Shari Shari Kakigori House 氷屋銅鑼灣加路連山道13號地舖______________________________#香港美食#餐廳推介#instafood #likef

一如既往的menu〰️店員向我推介新出的Tiramisu味道✨然後我自己額外加了三顆白玉 + $10超級煙韌 又不會是坊間裹滿糖漿那種小丸子大愛💛賣相非常吸引👅面頭是一層sour cream與可可粉🍫然後是咖啡味道的幼滑沙冰〰️裏面有兩層咖啡味的海綿蛋糕 🍰 濕潤且香濃很是不錯 不算很甜〰️下次如果我再點這個味道的話 可能會額外加餅碎haha 增加一下整體的層次 -平日晚上大概6:30到達店面 不需排隊 店內只有八成滿 很開心🥳

💛ᴏᴜʀ ғᴏᴏᴅ ɪs ɪᴄʏ, ʙᴜᴛ ᴏᴜʀ ʜᴇᴀʀᴛ ᴄᴀɴ ᴡᴀʀɴ ʏᴏᴜ—— ʙʏ sʜᴀʀɪ sʜᴀʀɪ sʜɪɴɢᴏ平時都唔敢食太多凍嘢既我（女仔都會明🤭），食呢個冰要用好多quota🥹，但都係好想食。閒日黎銅鑼灣分店唔算排太耐。最近終於黎試第一次，叫左基本款豆腐黃豆粉味配白玉。隔一段時間又會有新款色，總有一款啱你心水😋。🥑豆腐黃豆粉味配白玉$95影相時間真係唔多，見到上層都開始有啲融。食落去就好似尋寶咁，外層係豆腐味感覺清淡啲，搭配入面甜既黃豆粉醬，味道好恰。冰🧊係超級綿滑，入口即融。2 個人食既速度係岩岩好唔會融，1 個人食1 個就要加速啦😆下次會試栗子蓉焙茶刨冰🍧🍁整體🍁🥑性價比：7/10🥑美味：9/10🥑環境：9/10🥑回頭：10/10🥑人均：$100-150📍 Shari Shari Kakigori House 氷屋 (銅鑼灣) @sharishari_hk 銅鑼灣加路連山道13號地舖🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat 💛#annacat_甜品 🧡#annacat_港島#hkfoodie #hkfood #hkfoodbl

🙋🏻‍♂️餓底探員今晚去咗銅鑼灣調查呢間人龍刨冰店，佢有好多款口味選擇，心思思樣樣都好想試，今次就試住一款，下次再試埋其他味🍵🍧Matcha Cream Special $105📸表示個刨冰整到成座山咁好大嚿，面頭唧咗啲cream同焦糖醬，仲有幾粒白玉同花生碎點綴，成個賣相好吸睛🙋🏻‍♂️表示個刨冰食落好綿密，入口即溶，充滿濃郁嘅抹茶味，食到中間夾雜住消化餅碎同焦糖醬，食落好有層次感，成個刨冰唔會話好甜，建議盡快享用，唔係食到最尾嘅時候啲刨冰溶晒變晒水⁡📈吃貨指數😋好味度 9/10🔙返啅度 9/10

大隻仔今次覓食嘅店舖就係💥 SHARI SHARI Kakigori House 氷屋 💥大隻仔今日去銅鑼灣食冰，呢間人氣打卡餐廳，不論晏晝、黃昏、夜晚都長期有人排隊，一共有兩間分店，另一間分店喺中環。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 抹茶忌廉焦糖配白玉小丸子 $105matcha cream special(Caramel with shiratama mochi )呢款係餐廳三款 best seller 其中一款，綿綿冰比想像中大個，絕對夠2人份量，嚟到已經好吸引，好大個綠色綿綿冰波波😂😂綿綿冰外層綠色的，就係唧滿matcha cream syrup 抹茶忌廉糖漿既綿綿冰，頂部有 whipped cream，上面放咗三粒白玉小丸子 shiratama mochi，小丸子十分Q彈，十分有咬口，好好食。食完面層後，就會發現內裏有咖啡色嘅綿綿冰，就係唧滿caramel syrup焦糖糖漿既綿綿冰，再灑上消化餅曲奇碎🍪，可以同時食到二款味道，十分好食。呢款綿綿冰雖然好食，但有啲貴

大排長龍既食冰鋪頭🍧menu上剩係冰都已經有好多選擇，睇到花多眼亂..最後我地叫左✏️ 草莓special味🍓（配北海道牛乳奶凍）$105 賣相同味道都很好👍🏻冰粒好幼細容易入口即溶，唔係細個時去糖水舖凍到敏感牙齒果種沙冰🤣夏天食一流同行嘅朋友有啲為食，不甘於排左咁耐隊剩係叫個🍧於是乎叫多個cake✏️焙茶芝士蛋糕 $40 焙茶味都幾濃 雖然有芝士但食落都唔會好滯總結：🍧賣相靚，多口味選擇，適合食個冰hea下既好地方雖然等左差唔多成個鐘,但都真係幾好食,夏天消暑唔想周圍行入黎坐下,食個冰一流

Shari Shari Kakigori House氷屋💚伯爵白玉 $105*最低消費: $45/人人均消費: $52.5 (2人)-伯爵白玉🫖🍧個冰都幾大份👻第一啖食落去感覺好甜唔係太啱唔食好甜嘅我🥺佢啲冰唔係話係一粒粒/一片片佢係接近一絲絲 可以好融洽咁黐埋一齊變成一個波嘅冰 好似一團嘢咁☃️不過佢都有分幾個層次😝食食下都會習慣咗/可能係真係冇咁甜😋冰最頂嗰度有3粒大粒版有啲似小丸子嘅白玉?!佢冇乜味 不過好煙靭 好似湯圓咁🍡之後慢慢食 仲會feel到有啲消化餅碎🍪接近底嗰度有個細細舊嘅類似mousse質地嘅布丁🍮食到最底 只係少少冰融咗🫠可以當伯爵茶咁飲埋佢🫖整體真係幾好味 幾香伯爵茶🤤另外 側邊會有啲溫馨提示 建議點樣食🥰-26/10/2022 ate地方有啲細 比較少座位所以排長龍🧍🏽‍♀️🧍🏼🧍🏼‍♂️不過為咗節省時間⏰店員都會喺排隊嘅時候比Menu我哋睇吓 同埋落單🧾同埋入到去俾咗錢先坐窗邊位 有啲尷尬 出面排隊嘅人會望住👀不過只要我哋唔尷尬 尷尬嘅就係人哋啦😝-好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑·#od銅鑼灣覓

:/📍Shari shari 氷屋 銅鑼灣🕯Hokkaido Pumpkin竹炭南瓜冰🎃(hkd 120)萬聖節限定口味👻✨Halloween Special ⭐️送上嚟嘅時候真係南瓜醬同竹炭醬滿晒🌝💥多到流晒岀黎\(//∇//)\刨冰入面材料有南瓜籽•Oreo 餅 •普通曲奇餅碎•紅豆🫘 口感意外地夾‼️🤣 食食下感覺竹炭味有小小似黑芝麻🤓💦 相比下南瓜味會突出小小(⁎⁍̴̛ᴗ⁍̴̛⁎) 味道配上視覺效果沖擊 一試無妨！襯返萬聖節嘅顏色！👻⚡️🔥👅最尾食到成口都係黑色 真係要攞定張紙巾先好食😋另外，我仲加左白玉😽煙韌軟軟的口感最愛🌈🔓Sharishari address: 銅鑼灣加路連山道13號地鋪

"Hokkaido Pumpkin w/ Charcoal Sauce" @ CWBThe pumpkin flavour really stood out as the charcoal sauce basically simply provided the horror effect, not much taste. It's very sweet of them to give us a extra shot of pumpkin sauce to enrich the center part.Warm reminder that flavours are exclusive at either Soho or CWB branch, so make your pick and don't head to the wrong store!

係希慎地鐵站出口上斜路經過利園，再過條馬路，就會見到條人龍，想晚飯後過黎食甜品就要預多啲時間排隊喇。排隊時店員會幫你提早落單，入到去一坐低就有得食。日系裝修，地方不大，枱與枱之間距離較近，冷氣夠大，涼浸浸咁食冰好舒爽。必食抹茶白玉冰，一上枱比我想像中大，一大個高身球體加白玉點綴，好考店員功夫。快手影相打卡要即刻食，刨冰入口即溶，好綿好細，抹茶味濃郁唔食死甜，係有少少大人味既甘甜，唔會食食下無味，中間有餅乾碎增加口感，食到底食再甜啲，不過溶既速度比較快，見每枱客人都係密密食，一份刨冰要兩個人先食得晒。另外叫左芒果椰子味，味道還原度高，唔食有奇怪藥水糖漿味，相對抹茶果個係無咁驚艷不過都好味。仲有個黑白天使，係牛奶Oreo味，甜度係三個之中最低，岩晒唔中意太甜既朋友仔。

Shari Shari 開業近七年，153 都幫襯咗六年有多。見佢哋每年萬聖節都重複用同一款紫薯南瓜冰，今年終於有啲新搞作，特登過嚟試吓～———❝ Halloween Special (Hokkaido Pumpkin) | $120淋面嘅係南瓜同竹炭醬，黃黑交錯，非常 IG-able。外層兩款醬料十分濃稠，內層嘅冰則沾滿椰子奶醬，椰子、奶香兼備，味道層次非常豐富。最欣賞裏面嘅消化餅碎，混入刨冰依然保持乾身脆口，更加能夠增添口感。不過最底嘅紅豆蓉就略嫌太甜，未必人人鍾意。今次新款刨冰發揮不俗，但定價較為進取。一百二十蚊比起餐牌嘅其他款式貴咗一截呢🤔評分：7.5/10———Shari Shari Kakigori House 氷屋 📍餐廳地址：銅鑼灣加路連山道13號地舖 

Shari Shari係長期人氣、人龍長長嘅刨冰店，未到7點已經要排隊，排隊嘅時候已經可以落order俾錢，坐低等一陣就上刨冰。其實冇佢講溶得咁快，可以快手影吓相、打吓卡。*伯爵奶茶味（配白玉）$105伯爵奶茶茶味香濃，奶味都好足，外面一層啖啖都好濃，但入面有啲冰冇味，得水味🥲刨冰口感綿密，有微微冰渣感。白玉3粒要$10，就係湯圓嘅味道、湯圓嘅口感，同刨冰一齊食係分開嘅兩個個體。最入面有消化餅碎碎，同伯爵茶意外地夾。最低有北海道牛奶奶凍，但奶味有啲假，有陣奶粉味，同伯爵茶唔夾。整體而言，呢個刨冰食到一半會有啲厭，$105係略貴，兩個人分都要$50，個人覺得唔係好抵食。