SENSU (太古城中心)

营业中

休息中

今日去試左Sensu，發現比之前好食左好多， 餐牌都多左新野，大推介👍👍👍日本A5和牛旋風蛋包飯 $158 （ regular ) 鍾意食肉嘅朋友可以加$40 多50g 和牛，真心抵食。牛肉油脂好豐富，蛋好滑。個汁係肉醬，肉都幾多👍👍北海道帶子櫻花蝦明太子意粉$138 賣相好靚涼，適合打卡！ 味道都好好！我個人好鍾意明太子， 覺得明太子同櫻花蝦味道好夾，帶子都好鮮甜～如果意粉份量多d會在好d！好食到唔夠食！🥰煙燻三文魚凱撒沙律$98沙律菜好新鮮，個汁可以再多d， 三文魚分量幾多，味道都好好👍👍👍

今次係第一次同朋友黎太古SENSU食飯✌以前經過一直都好想試，今次終於試到啦～我哋嗌咗嗰日本A5和牛旋風蛋包飯，嗰牛肉好多汁～唔會太乾！我哋都嗌咗嗰北海道帶子櫻花蝦明太子意粉，個汁真係好creamy，好好食。😋 P.S staff嗰嗰都好friendly，好nice。見到d水差唔多飲完，會主動過黎幫忙倒。

當晚俾仔仔水咗去商場買玩具，就順便附近食埋晚餐。呢間餐廳位於Apita內，餐廳座位都算疏落舒服。間間餐廳外賣同堂食嘅份量都唔同，通常2-4個人食嘢，叫住1飯1麵1餸先，唔夠再叫。小朋友大部份都鍾意食意粉，就叫咗個帶子意粉俾佢，我自己食個和牛蛋包飯，然後再叫塊牛扒share。3款食物味道都ok，冇中伏。份量唔算太少但又唔會食唔晒。職員都好有禮貌，勤力refill水，噓問下食得夠唔夠飽，或者食物有冇唔滿意。提醒返，用OpenRice喺呢間餐廳外賣有85折，或者訂枱都有d優惠。

星期一至五有下午茶，於是試下，朋友叫了一個我不會叫的巴馬火腿野菌多士，我本身不好巴馬火腿，朋友叫也算了，誰知第一啖吃到極香的野菌，這真奇怪，我除了不好巴馬火腿，也真不好菌類，可是那第一啖實在一試難忘，於是隔了幾天的週末再去，週末沒有下午茶，所以這篇食評是包有兩次餐飲經歷，一次平日下午茶，一次週末午飯。.意大利巴馬火腿野菌多士$78煙三文魚班尼廸配黑魚籽$88套餐包美式咖啡或青檸蜂蜜冰茶低糖，半價升級至$50或以下飲品百香果咁算烏龍果茶，熱， $42蘋果荔枝烏龍果茶$48冷海盜櫻花蝦明太子意粉138蒲燒原條鰻魚蛋包飯$168.🎈餐牌平日下午茶餐牌.👇週末 brunch menu.👇散叫餐牌.🎈內在環境舒服安靜.🎈食物質素👇意大利巴馬火腿野菌多士 $78 (平日下午茶)⭐️⭐️⭐️⭐️⭐️💖💖正如上面所講，我不好Parma ham又不好野菌，同時第一啖咬落去的野菌香味好難形容，總之一試難忘，托出巴馬火腿的味，帶出不同層次的味蕾感受💖💖芝士鎔化令軟熟的多士又升華多一級，好推介💖💖💖💖.👇煙三文魚班尼廸配黑魚籽$88 (平日下午茶)⭐️⭐️⭐️⭐️⭐️不好意思，忘了影相，只能從人的合照中cut出來，所以少少矇。後

今日收工同女朋友搵飯食，喺OpenRice見到呢間餐廳食評唔錯，就打算去試吓，咁啱見到有限定和牛Menu就唔再猶豫即刻坐低。入到餐廳環境十分幽靜，人流唔算多可以用細細既聲量嚟傾偈。喺門口經理同店員已經十分有禮貌，實屬難得，最有印象嘅點係我哋食完Risotto店員幫我哋更換左餐具同碟，方便我地食和牛飯唔影響味道。講返食物，由於我同女朋友食量唔算大，只係叫咗兩個主食，一個係黑松露意大利飯另一個係和牛蛋包飯。Risotto 飯粒偏硬，入口有濃濃嘅黑松露味道再加埋上面嘅芝士脆脆，口感一流。和牛飯主打A5 和牛，老實講，小弟並唔識分和牛嘅級數，但牛肉入口嫩滑多汁，絕對對得起個價錢，醬汁係肉醬意粉嗰隻口味偏重。期間經理仲有過黎問我地食物既味道，仲準備左甜品驚喜比我地👍🏻就以上嘅環境服務同食物質素，如果你喺太古城附近，絕對可以過嚟一試。

來到太古城，寶貝要去呢間餐廳，因為太肚餓竟然又唔使等位，咁就入咗去啦，誰不知坐低點完菜，等咗成45分鐘先有得食😪😪😪不過好在食第一啖，完全冇失望，好好食呀！草莓白桃烏龍果茶（冷）水果新鮮甜甜地很好味香辣甲拋大蝦肉碎蛋包飯上枱已經好靚，香噴噴嘅白飯被滑蛋包圍着，（如果係炒飯應該會更好）肉碎辣辣地又夠香，份量多到食唔晒，蝦🦐有蝦味又夠彈牙！北海道帶子樱花蝦明太子意粉擺盤都OK，夠熱辣辣，但係一見到份量真係好細但係味道真係超讚，好香濃嘅明太子汁，帶子都算爽口又夠大隻👍

上次嚟食過蛋包飯，好食。隔左一排再嚟，換左餐牌，多左唔同嘅食物。今次叫左晚市二人餐，download app成為會員可享會員價。一行幾人嘅關係，再叫多個蛋包飯。套餐前菜揀左沙律，是日餐湯係南瓜湯。意粉/意大利飯可以選一，揀左意大利飯，飯粒煮得啱啱好。主菜揀左ribs，一切已經離骨，煮到好林，小朋友都鍾意食。雖然望落唔係好大份，但食落其實啖啖肉。額外單點嘅蛋包飯，多啲汁會好食啲。另外仲有兩份甜品（二人餐），各有3粒macaron同埋一件cheesecake。如果兩個人食，可能就太甜太滯呢，幾個人分就啱啱好。食物好食之餘，服務都好👍 經理同侍應主動攞碗仔同細叉匙俾小朋友，又耐唔耐會睇下我地食完未，食完就好快收走啲碟。唯一覺得可以改善嘅係，我地坐嘅卡位上面有盞大燈，用白光管，略嫌太光，如果改用黃光嘅會舒服啲、感覺又暖啲。

我們3人於2023年5月5日(星期五)於太古城的Sensu餐廳午膳，因有關Food Story Membership的問題查詢店長唐經理， 雖然正直午膳繁忙時間，唐經理也非常熱心，不厭其煩地主動向我詳盡清楚地解說，除此之外，我亦見到唐經理不會自持經理的身份， 鎖碎事交由屬下員工處理，反而他是無論大小事項都落手落腳趕快與同事們合作盡快完成，每每面露親切笑容，熱誠， 謙虛，懇切地招待客人，在他之友善和良好的榜樣領導下，他的層下員工亦是賓賓有禮，非常勤力，令食客可以享受一頓舒暢愉快,賓至如歸的午餐。我再次感謝唐經理盡心盡力的協助及殷勤熱忱的服務。

同朋友三個人夜晚係太古城搵食，呢間餐廳坐得好舒服，食物好食同埋服務100分！🍽️叫咗2人套餐再加蛋包飯同飲品。蛋包飯蛋味濃同埋汁好creamy意粉揀咗帶子鹹蛋黃忌廉意粉🍝，味道好fusion好特別。Main係豬肋骨，肉質好柔軟同好有蜜糖味🍯。配菜番薯仔亦好好食。好鍾意佢哋嘅抹茶latte🍵，奶味同抹茶味都好出，份量亦夠一邊食一邊飲。最讚係服務態度！而家好少會有餐廳會幫手換碟，同埋會參考客人對味道嘅感受，睇得出餐廳係味道方面同服務都係非常講究。經理哥哥仲送多咗一份甜品比我地。😆😆最後嘅甜品外觀非常打卡able之外都好好食！馬卡龍唔算話太甜，甜度適中。Cheese cake 都好味😋其實裝飾個朱古力波勁好食🤣🤣平時出銅鑼灣尖咀食，價錢唔平之餘仲大部分餐廳限時，坐得唔舒服。基本上住港島，如果真係想同朋友慢慢坐低吹水，輕鬆下，其實去太古呢間餐廳都幾推介。👍🏻👍🏻

餐廳環境舒適，適合一家大細來，位置亦很方便，位於Apita 內。但由於中午時段來，需要預先訂座。點了肉丸意粉，三文魚薯蓉，雞扒蛋包飯，黑松露芝士山葵醬薯條。另外點了優惠套餐，會員價只需300多元，配前菜沙律，龍蝦汁意粉，燒墨魚配薯蓉及兩杯飲品。食物質素保持一貫水準，尤其喜歡薯條配搭的黑松露醬及芝士山葵醬，食物份量亦適中。而餐廳服務亦非常之好，很照顧小朋友的需要，由於怕小朋友凍，一進來職員便幫我們把冷氣關掉。

上星期去了太古城Sensu食晚市二人餐，有：湯～夠熱又creamy沙律～三文魚新鮮、菜爽脆意粉～帶子鹹蛋黃醬意粉，非常惹味主食～烤豬仔骨鬆軟香口甜品～有馬卡龍和紐約芝士蛋糕😋另外，要讚賞他們的服務，尤其是經理Cougar服務細心周到👍見下午茶有新menu，下次會再去食。

十年唔去一次太古城， 發現有一間 不錯的cafe 環境舒服 , 食物水準高最重要是 service 做得好好， 特別是 cougar and ken ， 我帶著小朋友去， 他們好細心take care 我地， 我地未講出要什麼， 已經比到我地， 真心說句， 了不起

同細女去太古城買嘢，順便食埋飯，見餐廳有位，唔使等便選擇了喺Aprita裏面的Sensu。Order了慢煮雞胸沙律、和原條鰻魚蛋包飯share食。另外細女叫了一杯士多啤梨香橙梳打。沙律都幾大碟，鷄胸肉都幾滑，味道清淡，沙律菜加了些黑醋，酸酸地幾清新。鰻魚蛋包飯的鰻魚好大條，但是日本超市外賣加熱貨色，味道普通。個黑色墨魚汁不新鮮，沒有應有的濃香味。士多啤梨香橙梳打就清新好飲及不太甜。整體食物質素普通，性價比不高。

環境，服務一流，待應細心，無微不至炸豆腐金黃香脆，配上沙律清新怡人意粉creamy,雞胸有少少鞋口，但整體都好好味薯蓉幼滑，配菜顏色豐富，煎魚肉質幼嫩豬仔骨入味，配上燒菠蘿酸酸甜甜，餅皮香脆，食材豐富芝士蛋糕幼滑

今天同姐姐逛太古城, 無意中發這間餐廳, 在點餐時, 不能找出餐牌上的項目, 有位戴著眼鏡女侍應,立即注意到我有遇上困難, 並細心教導我, 態度親切, 非常有禮貌, 我個人認為除食品質素好, 員工款待客人態度也十分重要, 總括而言, 今晚除享受食品外, 員工友善款待感覺良好, 下次必定再去位於太古城分店的Sensu.