sensory ZERO (太古城中心)

营业中

休息中

一直好想試呢間cafe💛，因為佢杯朱古力真係好_邪惡啊🤩作為一個朱古力控🍫點可以唔黎朝聖🤤~~~🍫痴_線朱古力($50) 7.8/10打頭陣當然要講下佢杯朱古力啦🤗佢用左唔同類型嘅朱古力整成，味道超濃郁😽表面有半融狀態嘅朱古力碎同可可粉，下面就係熱朱古力😋😋上面可以食下面可以飲，一次過有不同口感😚甜度適中，不過可能因為面頭嘅朱古力太濃，對比之下飲到後面覺得淡左少少🤐🌟飲個陣都記得留意下個匙羹，好似係歷史名人嘅雕刻🤣好精緻.🐟蒲燒三層鰻魚滑蛋飯(跟餐$178) 7/10啲飯係用🇯🇵日本米，粒粒分明鰻魚肉厚，份量都算足，味道正常💁🏻‍♀️不過個蛋就覺得可以再滑啲🤔🤔.🐮澳洲M5+和牛肩肉溫泉蛋飯(跟餐$218) 7.3/10睇相就知佢燒得幾靚🤤啱啱好熟，肉質嫩而重牛味🐂配埋個溫泉蛋食，好滿足啊啊啊😇不過牛肉份量唔算多，所以食得唔係好夠喉🥺.💰套餐包左沙律、湯、餐飲同埋甜品～雖然呢幾樣係配角，但質素都唔錯🥰睇得出餐廳係用心製作甜品係雪糕，都幾大球下🤣套餐本身包$40飲品，變相加$10就可以嗌朱古力🤗睇落去抵左🤣~~~⭐️回頭指數🌕🌕🌕🌘🌑好食但係貴lunch menu價錢都接受到嘅，但我地晚市黎

呢間餐廳喺誠品入面睇書睇到攰攰地就最啱去打個卡飲杯嘢，不過可能係星期六日嘅關係，等咗差唔多20分鐘先有位！叫咗個極邪惡嘅朱古力，朱古力嘅造型好可愛，脹卜卜咁同埋叫咗個午餐肉滑蛋牛角包，收得顧客50幾蚊，果然一啲都唔慳皮，滑蛋同埋午餐肉餐肉份量都幾多午餐肉炸到超級香脆，加埋熱辣辣嘅滑蛋同埋牛角包真係天堂級嘅美味！不過由於佢個樣太靚幫佢影得太耐相，所以啲食物好容易凍，所以都好難取捨仲有叫咗個流心藍莓蛋糕，但係嚟到一啲都唔流心有少少失望

Sensory Zero 啲menu真係好吸引，西式日式fusion都有齊，仲有埋素食選擇⭐️上次試過佢嘅和牛肩肉溫泉蛋飯已經覺得佢啲牛好高質，今次都係大滿足1.澳洲M5+和牛藜麥沙律 $163叫依個好似食緊牛扒咁😂成個沙律上面都鋪滿哂啲和牛，煎得啱啱好，仲見到每塊有雪花紋理，牛脂味香濃，肉質嫩而且冇筋，仲有大大碟沙律，有最鐘意食嘅紅菜頭同藜麥真係好豐富，依個價錢其實淨係食牛都抵哂🤩2.韓國植物牛藜麥沙律 $128啲植物牛多到好似成座山咁😂食落同肉嘅口感都有啲似，比一般肉更有咬口，加埋韓式醬汁調味又幾模仿到平時食開嘅肉🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍sensory ZERO (太古)太古太古城道18號太古城中心1期地下誠品生活G014號舖

1️⃣ 廚師幫你諗好意粉 $92 (7/10)係意粉版嘅omakase，廚師諗到乜就煮咩🥳 叫完都唔知叫咗乜，要等上菜嗰下先知😲 原本好驚會係普通嘅蒜香意粉，點知係蟹肉蜆肉蒜香意粉😍 蟹肉份量超級多，啖啖都食到蟹肉同蜆肉💕 賣相未必係最靚，但估唔到會咁有驚喜🍝 2️⃣ 炸巨午餐肉條 $48 (7/10)邪惡之選😈 有6大條炸午餐肉，啱晒2至3人分黎食✌🏻每人食少少，減低罪惡感🤣 旁邊有沙律醬可以點🥣 偶爾食下炸午餐肉都幾過癮😚 反而覺得哩個算係成餐最抵食嘅🤣3️⃣ 蒲燒三層鰻魚滑蛋飯 $118 (6/10)利申唔係唔好食🤫 話係三層鰻魚，其實只係搭着三舊鰻魚🤣 鰻魚雖然無骨，但唔夠淋😥 同埋唔夠蒲燒汁，如果多啲就更好😗 滑蛋做得好好，份量適中🍳 不過整體份量偏小，加上鰻魚唔夠好，整體cp值真係唔高😭4️⃣ 痴_線朱古力 $50 (6.5/10)Pooh作為超級朱古力迷，都覺得哩杯鎮店之寶普通😥 上次olaf介紹就即刻去咗試😩 睇落係好濃好朱古力，點知好失望😭 詳情可以睇返上次olaf嘅review，或者太古嘅story都得

太古城既黃店唔多，尼間cafe係書店入面，成日見到好多人食，但見到menu價錢唔太平，晚餐人均$200 今次試過之後覺得其實都值尼個價錢既～滑蛋鰻魚飯套餐。 8.5/10整體份量比我想像中大！好夠食！前菜既沙律同餐湯好高質，沙律菜好新鮮，配藜麥好健康～餐湯係新鮮蕃茄湯，偏酸而且蕃茄蓉多饅魚份量又多又厚身，唯一缺點係鰻魚汁可以再多啲無肉大滿足全日早餐配自家果醬。 8/10貓頭型既多士超可愛，配自家製既果醬就顯得更加有心思crazy chocolate. 8/10鍾意飲/食朱古力既朋友必試！超濃朱古力味但又唔會太甜！Green Power 果汁. 8/10有蘋果、香蕉、熱情果等等既高糖份水果組成，冇額外加糖都已經夠甜！係天然甜味！跟餐雪糕（vanilla). 7/10唔知係咪自家製雪糕，隱約見到啲雲呢拿籽， 而且好香vanilla 味不過食到尾段會有少少苦澀味

今日同朋友去左Sensory Zero 食野，我地一開始就係比佢個朱古力吸引到先決定去。好彩佢地既野食都冇令到我地失望。既然係最期待，緊係講左佢先啦！你望到佢有好多芝士係面，如果你係芝士愛好者一定會好鍾意！但重點係我唔覺得好膩反而好好飲！而且佢落咗勁多朱古力！表面上既朱古力碎增加左成個口感既感覺啊❤️❤️我覺得呢個幾貴都要試下因爲真係好正！根住我地叫左一個午餐肉芝士配雙份滑蛋牛角包🥐。佢個口感勁豐富，首先佢塊午餐肉同埋滑蛋都好厚上面仲要有一塊融左既芝士。一齊食落口果種感覺真係好正！如果係想同frd chill下歎下tea既話我會好建議大家黎呢到，一路飲住杯朱古力同埋食佢個咁大份既牛角包！🤫🤫🤫

Sensory Zero 位於誠品書店底層，平時睇書前後都可以去Sensory Zero 飲杯嘢食吓嘢🍴😋⁣⁣今次試咗兩份感味爆料牛角包🥐⁣✨肉鬆|芝士|雙份日本滑蛋|牛油果芥末醬 ⁣✨巨·午餐肉|芝士| 雙份日本滑蛋|牛油果芥末醬 ⁣⁣包如其名「爆料牛角包」，材料十足，飽腹感高！牛角包鬆脆不油膩，日本滑蛋真係超級滑🥰 雖然牛油果芥末味偏淡，但都輕輕增加咗味道層次👍🏻👍🏻 平時好鍾意食午餐肉，所以午餐肉一定係必點👅 相反冇諗過肉鬆嘅鹹味可以同芝士咁夾👍🏻 兩個都好好味😍⁣⁣感味爆料牛角包 🥐 單點 $58 ⁣早市或下午茶餐 $73，配一杯$40以下飲品。可以補差價叫飲品，所以補$10叫咗杯痴_線朱古力 🍫 賣相超吸睛👁👅👁 ⁣⁣📍 Sensory ZERO (太古)⁣ @sensoryzero 太古太古城道18號太古城中心地下誠品生活G014舖⁣⁣⁣👣 @myeatingstep #MyEatingStepHK #MyEatingSetpTaikoo #MyEatingStep太古⁣

復活節假期第一天，本來無plan任何節目。因為要出一出太古幫阿媽買野，被迫出街啦。出到去，搞掂買野都係10分鐘⋯⋯假期太早起身，嬲嬲地就話要食個好西啦～～12:50黎到位於誠品內嘅餐廳門口，不長不短有6、7個人排緊隊。睇下花多眼亂嘅餐牌，望下人地打卡影相食好西，等左大概15分鐘左右都入得了～～店內裝修由淺色木紋檯配中學學校櫈，其中一邊有梳化位，整體感覺不算是非常特別、但有少少的玩味。本來睇中「新登場」嘅澳洲荷斯坦牛溫泉蛋飯。但居然已經賣哂了⋯⋯唯有等下一次嘅機會啦。經店員介紹，叫左另一款和牛溫泉蛋飯（$158），係個牛唔同咁解。雖然想試的試唔到係有啲可惜同失望，但呢個和牛溫泉蛋飯嘅賣相都好好～～看似5成熟的和牛，當然係牛味濃郁又唔韌啦，燒得香又唔燶。Sensory zero賣米飯也是有認證的。你食呢度嘅日本米，係一粒一粒有咬口的日本米。加上蔥花、黑芝麻、白芝麻、小小的點綴卻是讓米飯錦上添花的小技巧。視覺與味蕾都能得到滿足。我地仲叫左個滑蛋鰻魚飯（$118），又係呢度嘅看板菜，當然又係100分滿分有120分～我地笑住話，係DxxKI買一條平均最平都要$50，咁呢度有埋日本米日本蛋，紫菜，

呢間餐廳位於太古城誠品下層，咁啱行開呢頭就黎食下啦。蒲燒三層鰻魚滑蛋飯首先係鰻魚飯，淨係聽到個名都覺得好吸引。成個飯有3大舊鰻魚，食落啖啖肉，再撈埋啲蔥、紫菜同滑蛋一齊食，係又滑又香，好好食！雖然要百幾蚊，但係食到好滿足。鍾意食鰻魚嘅朋友可以黎試下。另外豬軟骨飯就跟左餐，大約200幾蚊，有沙拉、 湯、主食、餐飲同甜品雪糕。每樣都幾高質。沙拉跟左黑醋汁，食落酸酸地好開胃。餐湯就係南瓜濃湯，好濃，都幾好飲。豬軟骨飯豬軟骨好大舊，而且份量都幾多，大大碗飯配上煮得啱啱好嘅流心溫泉蛋，撈埋一齊食一流。朱古力牛奶跟餐可以要杯40蚊以下嘅野飲，但係餐牌上除左汽水之外冇其他40蚊以下嘅野飲。呢杯朱古力牛奶要50蚊，價錢偏貴。朱古力牛奶飲落好濃，奶味都幾香。題外話：佢枝飲管係環保飲管黎㗎。整體黎講全店價錢偏貴，但食物高質，係值得一試嘅（特別係鰻魚滑蛋飯！）。

餐廳佈置感覺特別。用嘅係校園凳，但個人就覺得唔舒服😌同埋燈有啲太光>_<男朋友最愛尼款牛肉飯，每次都要黎尼到食尼款。我會偷食兩片，又真係重牛味，好香，油脂分布平均，口感不錯，燒得剛剛好，不會太熟。但價錢.....其實都可以算物有所值，但如果我自己黎就應該唔會叫嚕😝😝餐跟野飲，揀咗Iced Americano ☕️ 另外點咗炸餃子🥟食得出材料新鮮，有可能相信係自己包/新鮮包起。唔會太油得黎，又夠脆口。👍🏻 點汁好食。 無記錯係$48 （5件）。👍🏻順帶一提，服務很好！👍🏻很有禮貌！

呢間係誠品入面既分店好適合買完本書之後想即刻開始睇既朋友環境唔錯坐得舒服飲品食物選擇都有好多自家製薑汁牛奶咖啡Ginger Latte ($45)以可以坐係度慢慢睇書黎講呢個價錢一D都唔貴佢地唔係用薑味香精加入latte就算而係用真材實料既薑蓉連熱咖啡一齊上除左可以按係按自己口味加減亦都飲到真真切切既Ginger Latte咖啡香滑甘香撞埋薑蓉既辛辣味道出奇地順喉而且好易入口亦夠提神．

難得今日喺呢頭做嘢，見呢間幾出名就過嚟試吓12點半左右去到，等咗5分鐘到就有位同其他座位都算近，不過仲可以接受～睇完餐牌其實都覺得有少少貴，所以淨係叫咗蒲燒三層鰻魚滑蛋飯唔好睇佢細細碗，其實份量都幾多，女仔食應該會好飽～鰻魚仲多過蛋而且鰻魚好大舊，好多肉，個汁撈飯都好食，但唯一唔好嘅地方就係好多骨食起上嚟有啲麻煩要小心啲食食完記住自己枱號出去收銀俾錢就得（收加一）侍應服務都唔錯如果有機會再嚟嘅話應該會揀其他嘢食

呢間cafe最出名既應該就係佢杯朱古力la，另外佢都有好多唔同菜式，例如有all day breakfast🥐、滑蛋鰻魚飯，仲有唔同意粉同意大利飯，我平日lunch time去食都要排10幾分鐘先有得有位。不過個人就覺得佢正餐就冇乜特別，唔洗特登試😂最出色都係佢杯朱古力。1️⃣廚師幫你諗好意粉（$92）哈哈佢個menu啲名好多都好有趣😂呢個係每日都唔同既意粉。唔記得左影相，但係果日個意粉應該係魷魚圈鮮蝦蜆肉意粉，味道冇咩特別，係想像到既味，味道偏淡。  2️⃣痴_線朱古力（+$10）視角效果一流，飲落都一流🍫面頭撒滿朱古力粉，仲有啲白朱古力碎片同埋一粒黑朱古力，飲落朱古力味好濃郁，係增肥既味道啊。本身睇佢個樣諗住應該會超甜，但係又冇我想像中咁甜wor，面頭果啲朱古力融左之後，攪混黎飲，飲到既朱古力味係好濃好濃，唔係得個甜字，係飲得出可可粉果種香味，同埋白朱古力既甜味，幾有層次感，係我暫時飲過最好飲既朱古力。  

鰻魚陪麵包真係第一次試😋😋麵包可以揀相入面尼種貓面形嘅多士，或者牛角酥。見貓貓形狀好似好得意，所以揀咗佢。鰻魚味道好好味😋肥美鮮甜。貓多士都好香同外脆內軟。下次再黎試埋牛角酥先😋😋

初吻 $50呢個都好出名，杯咖啡細細地但賣相都好靚，上面嗰層泡沫有啲燒焦左嘅焦糖，甜甜地配埋咖啡嘅苦味係絕配Crazy chocolate 🍫 痴線朱古力 $55杯朱古力勁吸睛，就來滿到寫晒💕唔同種類嘅朱古力溝埋一齊嘅口感好豐富，絕對真材實料，而且杯嘢飲飲落唔係太甜Australian M5 + wagyu fair ion rice 澳洲M5 + 和牛肩溫泉蛋飯 $183 🥩🥚個和牛好高質，肉質鮮嫩，煮得啱啱好同冇多餘嘅油膩感，配埋個半熟嘅日本溫泉蛋飯，食落好滿足Pasta of the day 廚師幫你諗好意粉 🍝 $117啱晒諗唔到食咩、有選擇困難症嘅人，咁啱嗰日係牛肉意粉，仲有好多種類嘅菜同紅黃椒做伴碟，好味得來又健康Chocolate mousse cake香濃朱古力慕絲蛋糕 🍰 $380個整個朱古力蛋糕口感豐富，外層蛋糕鬆軟，入面嘅留心慕絲流晒出嚟，配埋脆皮餅底同唔同種類嘅朱古力裝飾，真係好正🤤