sensory ZERO (太古城中心)

营业中

休息中

除左咖啡好飲之外，朱古力也十分正。驚喜的是，食物也有水準。Crazy Chocolate 滿滿的朱古力及白朱古力碎，朱古力味極之濃厚，令朱古力控大滿足。西班牙黑毛豬溫泉蛋日式味噌薑汁飯，醬汁的混合很夾，亦很配豬肉。 澳洲M＋5和牛溫泉蛋飯，牛肉配蛋和飯總覺得是絕配。店舖是在誠品書店內，加了一點書卷味道，這味道可能是畫龍點睛？

由於好友工作忙碌關係，經常需要到不同地方出差，所以我哋通常起碼要隔幾個月先有機會見面一次😊 今次由於好友邀請我到佢嘅新屋參觀，所以我哋就決定喺佢新屋附近先食午餐，之後再去參觀佢嘅新屋企😆好友建議位於太古城嘅sensory zero ，我都係第一次去😅其實都唔係太難搵，因為其實佢喺誠品入面😁 由於我哋到達餐廳嘅時候係下晝一點，正值係午餐時段，所以餐廳非常繁忙😅不過好好彩，我哋其實排隊都只係排咗大概15分鐘到就已經被安排入座 ☺️我同好朋友都係叫咗澳洲M5+和牛溫泉蛋飯套餐😄 飲品我就叫咗凍嘅 Valrhona Milk Choco ☺️簡單啲講就係凍朱古力奶😆好朋友就叫咗熱朱古力奶😆 呢個飲品係好朋友推薦我試嘅，因為佢話呢間餐廳其中最出名嘅飲品就係呢款，所以一定要試一試😆 我試過之後真係覺得名不虛傳，個凍朱古力奶真係好好飲，好重朱古力味😋😋😋澳洲和牛加溫泉蛋飯，我反而覺得一般，冇乜驚喜，唔會覺得特別好食🤔😅 我個人認為試吓都冇乜所謂，但唔會特別推薦😊最驚喜，反而係凍朱古力奶😆👍 如果有機會再去，我應該會試吓佢其他主食同埋試吓佢個熱朱古力奶😄😄

有日見到佢杯朱古力非常吸引🤩所以去尼間食brunch啦▪️忌廉蘑菇湯：有滿滿嘅蘑菇粒粒，所以蘑菇香味濃郁。質地比較稀，唔夠Creamy。不過不失啦🧐份量足夠，唔會小氣。▪️感味・大満足早餐 ZERO all day breakfast：冇乜特別，味道正常，係一個好普通嘅all day Breakfast🤣因為有部份係加工製品（煙肉，香腸，茄汁豆，薯餅），見圖知味道😂麵包外型好似貓，幾可愛。配無花果伯爵茶味嘅果醬，味道甜甜加口感脆脆的。滑蛋炒得幾靚，無蛋香味。最後有個無糖乳酪。▪️痴_線朱古力：不得了！係滿滿嘅脂肪啊🤣賣相好吸引，杯面鋪滿朱古力碎，非常重手😋朱古力非常香濃，口感仲有少少creamy添。 朱古力值得encore，已經覺得好少地方可以飲到咁香濃嘅朱古力。至於食物就普普通通，不過不失。

今日下晏去太古個office做嘢但好遲先去到，lunch time得返一個鐘，趕唔切喺餐廳度食嘢唯有買返office。 嚟到法國嗰餐牌唔同咗，不過平時食開嘅三層鰻魚滑蛋飯仍然都仲喺度。已經好耐冇食過鰻魚，平時喺街度都唔夠膽食因為驚會好乾同埋好腥。今日sensory zero嘅鰻魚都keep到佢一慣嘅水準，由於我好鍾意食蛋所以我仲加咗個雙層滑蛋添，呢度買咖啡仲可以跟餐買，iced americano都只係加五蚊啫，不過呢度最出色嘅應該都算係佢嘅朱古力，但係實在太heavy喇所以我最後都係冇叫到。總括而言今日午餐都唔錯，如果諗唔到食咩嘅話都可以黎呢到試下。

🚩上班一族之選 新派西日Fushion菜🚩📍 sensory ZERO正宗日本菜大家可能經常食，但要在香港找到出色的西式日本菜反而沒有那麼多選擇。今天介紹的sensory ZERO設有多間分店，坐落於多個辦公室熱點，例如太古、尖沙咀、觀塘，是上班人士其中一個熱門選擇。🍴柚子唐揚雞飯 ($108)整個飯最出色的是柚子醬，甜中帶微酸，味道調較得相當好又令人開胃。米飯質地亦出乎意料地好，配上柚子醬可説是十分配襯。唐揚雞相對之下比較普通，但亦不過不失。炸皮不會過多粉，雞肉亦能保留肉汁，以這個價錢來說已相當滿意。午市套餐的飲品推介熱薑茶，除了平時較少見之外，亦十分暖胃。若遇上寒冷天氣更是一流選擇。

呢排食food court 食到厭，又好耐無食西餐，就過嚟呢間cafe試吓。平身以為呢間主要食pasta，點知好多日式嘢，就叫個蒲燒三層鰻魚滑蛋飯。三層鰻魚份量夠哂多，雖然唔算好焦香，因為始終都唔係炭燒，但都有鰻魚味，幼骨都唔算多。見佢杯痴_線朱古力個樣好誇張，就叫嚟試吓係咪真係咁crazy🤣上枱見杯朱古力同張相一模一樣，啲朱古力多到滿瀉，飲落係超超超濃朱古力，我呢啲朱古力愛好者梗係超鍾意啦，不過熱量應該都爆燈🤣

Melo 係做gym之人，有日食lunch見到間餐廳有一個高蛋白質嘅lunch set，有雞有salad有豆腐飯，好似幾豐富咁。雖然佢個雞係炸，又有炸豆腐粒，聽落幾油膩，不過佢食落去又唔覺油，味道正正常常，又係lunch set中最平嗰幾個。我覺得個豆腐飯係有驚喜嘅，食落個口感一粒粒，食到豆香味。我鐘意呢個多過椰菜花飯。如果用黎炒飯應該好正，low carbs又有protein🤤個menu話係用百福豆腐飯，超市應該都有得買。

我用OpenRice訂位都唔係第一次㗎啦，去到先發現原來自己揀錯日期，但一去到職員有禮貌咁去接待，我先發現自己揀錯咗日期，幸好職員即刻貼心地為我更改同埋安排舒適嘅座位。自行點餐系統簡單清晰，下單後食物送來嘅時間速度相當快，食物好味，又熱辣辣，賣相非常好，甜品又相當精緻味美。講到職員嘅服務態度簡直一流，有耐心有禮貌，就算我後邊枱食客自己落錯單，職員也相當有禮貌有耐性咁幫佢更改，絕對值得推介這間餐廳。

這次是Walk-in，點了澳洲M5和牛溫泉蛋飯（$168）加餐湯 （$10）餐湯是南瓜湯，不咸，有南瓜的甜味，夠熱澳洲M5和牛溫泉蛋飯的牛煮約7成熟，牛的肉質不錯，醬汁帶點酸甜很醒胃，整體不錯。

好少嚟太古城呢邊，但係今日要上堂所以就過咗嚟呢面上堂之前食吓嘢。因為得一個人嘅關係如果再入餐廳叫餐有需要時間，所以要搵一間一個人食都冇問題嘅餐廳。。但因為平時晏晝已經食太多茶餐廳啦，所以又唔想去茶記就揀咗呢間。今日主要想食素食晚餐。叫咗個南瓜意大利粉，亦包餐湯餐飲同埋雪糕，雪糕亦係純雪糕。今次唔係第一次嚟呢間，但係係第一次嚟呢間分店。之前喺黃竹坑都有去過，間中有唔同嘅咖啡，係特別嘅味道，例如加咗佢哋嘅自製糖漿。夏天飲好清新。因為今日係夜晚，所以我就冇揀咖啡啦。雖然比起茶餐廳有啲貴，亦都唔係話咩高檔餐廳，但係一個人坐喺呢度舒舒服服。而且食物啱晒今日想比較light嘅我。雖然都好多野食

痴線朱古力，上到枱嗰刻我真係震驚咗，朱古力量多到溢到下邊個碟上邊，上邊撒佐唔同品種嘅朱古力碎同埋可可粉，好彩唔係好甜好甜嘅感覺，口味偏苦嘅黑朱古力，苦甜，好彩，如果唔係，呢杯痴線朱古力可能我真係會痴線，南乳豬扒brunch，鍾意呢個多啲，個豬扒南乳味好香，豬趴okk！搭配嘅麵包好得意，貓仔嘅樣。

雖然 sensory ZERO 有數間分店，但最近我家會是太古城中心分店。晚餐時間大約6點多左右來到，不需要等位便可以入座。這裡的晚餐 HKD 138 起跳，會是下午6點起開始供應。🐖南乳炸豬扒．大滿足早餐 (HKD 158)塊豬扒炸到金黃色，酥脆的外層鎖住了肉汁，肉質也很嫩口。還有滑蛋、茄汁焗豆、薯餅、煙肉和加了醋的沙律。另外配了一塊貓頭麵包，配一款自製果醬，伯爵茶的幾得意。再吃埋一小杯乳酪，其實都幾豐富，頗夠飽。🎃南瓜湯 (+HKD 10)怕不夠飽可以加錢配碗濃湯。喝起來帶少許的酸味，可能有加到番茄!?🦪香煎日本蠔．煙肉．白酒忌廉汁．日本米意大利飯 (HKD 148)一上桌以為只有2隻蠔，但原來實際有5隻，而且還不細隻的喔。整體吃落不會太膩，米飯較為軟身一點。除了煙肉，還有薄片的芝士、煎到乾身香口的青瓜等，幾有特色。

今個月算是月巴之月，飯局特別多，小妹睇怕又會進脹不少(解讀：身體即將進入自我膨脹模式)🤣🤣🤣豬扒•大滿足早餐 $158南乳豬扒、煙肉、日本炒蛋、茄汁焗豆、薯餅、時令鮮果、喵喵多士、乾果燕麥乳酪女友話唔肚餓但想食少少野 $128有脆炸蕃薯條、午餐肉條、芝麻雞翼、唐揚雞粒、南乳炸豬扒香煎日本蠔、煙肉、白酒忌廉汁、日本米意大利飯 $148Lemon Meringue Tart $45整體食物味道不錯，係個閒聊聚腳好地方😚

這次沒有預先book 位，只是walk-in 食晚飯。這次坐下後來看到餐廳的台凳原來像課室的一樣，有那些年的感覺⌛️Ordered了 兩個set dinner，日本蠔煙肉白忌廉汁日本米意大利飯飯一上桌已經聞到好濃郁的蠔香味，白汁有很香濃蠔味，飯沒有像意大利飯一樣煮成半生，軟硬到比較付合港人的口味。飯面有刨片的芝士，飯配有煙肉，青瓜片和 Baby Spinach等，蠔有四隻，蠔真的很Creamy 味道很香濃，煮得軟硬適中，真的很讚餐湯今次也是蘑菇湯，夠濃郁，保持水準，十分夠熱香草燒三黃雞（半隻）配燒黑松露薯角，青胡椒汁雞份量大，係半隻雞，雞煮得剛好，肉質不會韌，雞醃得夠味又不會太咸，而薯角的松露味不太濃，汁醬方面，青胡椒味也不太出但味道ok的。這裏的服務員都很年青，也有禮貌。埋單時店員提了誠品會員有9折優惠，即免了加一。Didn’t make any reservations. Walk-in for dinner this time. We found the table and chair in the restaurant looked like those in the class

餐廚位於誠品書店內有卡位，坐位闊落The restaurant located in the book shop.The setting is spacious.🥢和牛﹐牛油果﹐芝士﹐漢堡 $158漢堡肉生了些，大概3成熟左右味道偏淡沙律菜很新鮮薯條夠脆身醬汁okWagyu. Avocado. Cheese. Burger $158The burger meat is medium rare.The taste is plainThe salad green is freshThe french fries is crispy The sauce is ok🥢西京燒三文魚炒雜菜飯 $118三文魚肉質味道ok醬汁okSalmon Saikyo Yaki w/ Stir-fired Vegetables Rice $118The taste and the texture of the salmon is fineThe sauce is ok🥢蘑菇湯夠熱有很多蘑菇粒，好足料蘑菇味香濃，味道很好Mushroom Cream SoupIt's served piping