sensory ZERO (太古城中心)

营业中

休息中

今次嚟到太古城Sensory Zero，最驚喜係佢哋嘅朱古力飲品。面層鋪滿幾種唔同嘅朱古力碎，底下嘅熱朱古力甜度適中，濃郁得嚟唔會死甜，朱古力香氣好突出。牛角包酥脆鬆化，意粉調味同份量都正常發揮。 必食推介係番薯條，炸得外脆內軟，香甜嘅番薯配鹹香蛋黃醬，味道出奇地夾，連小朋友都食到停唔到口。餐廳環境乾淨，座位寬敞，好適合帶小朋友嚟慢慢坐。另外店員都友善，小朋友食得比較論盡同慢，都冇任何動作催交枱。整體食物質素穩定，係會想再訪嘅咖啡店！

這家餐廳環境舒適，讓人感到放鬆。食物方面，前菜的雞翅外脆內嫩，口感極佳；主菜如漢堡和All Day Breakfast ，味道鮮美且份量十足。此外，濃郁的南瓜湯作為開胃菜，令人印象深刻。服務也非常周到，員工熱情友善，隨時提供建議與協助。整體而言，這裡是一個享受美味與舒適用餐體驗的理想去處。

環境尚算可以，當係貴價茶餐廳，環境有少少逼，服務就正正常常。今日叫咗個慢煮雞胸意粉同巴拿馬南瓜意粉，上枱之後，我仲以為嚟錯咗，問咗侍應之後確認咗呢碟係雞胸意粉，咁我好努力下就見到小量雞胸絲。盡力下，成碟嘢我淨係摷到四條雞絲咁多，其實佢係好香好惹味，但得嗰四條雞絲，就收我舊幾水，咁就失望咗d。至於巴拿馬南瓜意粉，味道ok，南瓜可以。總結，應該唔會再有下一次。估唔到第一次去亦都係最後一次。大家可以試下全日早餐，可能會好啲。

星期六中午想搵個舒服地方歎 brunch，行到 Sensory Zero，一推門就被溫馨書房感吸引～牆邊書架擺滿雜誌同小擺件，木質桌枱配柔和燈光，坐低就覺得好 chill，好似係朋友家客廳食飯咁🍃試咗「Green All Day Breakfast」無肉大滿足早餐，上碟即刻覺得好繽紛！喵喵造型多士超 cute cute🐱，熱辣辣脆卜卜，麵包香撲鼻～椰菜花鋪咗層濃郁芝士烤焗，微焦邊緣帶點金脆，咬落軟硬適中，芝士香同椰菜花甜完美融合🥦 菠蘿酸酸甜甜好解膩，hash brown 外脆內軟、茄汁同炒蛋Yogurt 都係正常野，整體滿意～最鍾意餐廳氛圍，陽光透過窗簾曬落黎，周圍靜靜地，聽住輕音樂慢慢食，完全係放鬆身心嘅小確幸。$138 份量大，仲包免費飲品，性價比超高！推介畀鍾意悠閒 brunch、鍾意食無肉食嘅朋友，呢度絕對可以 hea 足半日✨

今日天氣熱辣辣，同朋友行太古城Shopping行到攰攰地，決定係Sensory Zero 醫肚。第一次幫襯發現有驚喜你話佢係Café 咩，又不完全係，中西混合，但係mix得和諧既。👍🏻👍🏻朋友揀左南乳炸豬扒滑蛋牛角包（$78）單點，冇飲品；我自己因為係第一餐，點個大份的無肉大滿足早餐套餐($138)，主要想試下個燒菠蘿同焗花菜。估唔到都幾出色。🥐南乳炸豬扒滑蛋牛角包：一擺上枱，個香味就唔爭氣地鑽入我個鼻竇！首先個份量對得起個價錢，成碟熱辣辣咁上，豬扒的南乳味好出，加埋炸物嘅焦香，真係隔住個口罩都聞到。一啖咬落去，豬扒個外皮超級酥脆，“咔嚓” 一聲，好似聽到幸福嘅聲音。南乳醃製過嘅豬扒，味道好濃郁，咸香得嚟又唔會太膩，入面仲好嫩滑多汁，每啖肉都充滿嚼勁。滑蛋軟綿綿，帶住淡淡嘅蛋香，同豬扒、牛角包一齊喺嘴入面 “開派對”，個口感層次簡直豐富到爆！咸香、嫩滑、酥脆、有咬口，每種口感都好平衡，真係一試愛上，食完一個心心念念下一個，完全停唔到口！果然我見附近幾台客都點不無道理。😆😆🥗無肉大滿足早餐套餐：原本以為冇肉嘅早餐會唔夠 “鑊氣”，點知一試就 “真香”！炒蛋金黃，望落就好有食慾，放進口入面

農曆新年前與老爸又去咗太古城撐枱腳嘆下午茶今次揀咗誠品生活裡面嘅 sensory ZERO點了兩份下午茶餐配埋飲品都係 HK$68 都幾抵食咖啡仲可以揀奶啡 ~~儍媽。吉列魚柳喵多士三文治下午茶餐 HK$68吉列魚柳喵多士三文治 + 迷你薯條 + Flat White貓喵頭造型多士烘至香脆配埋脆卜卜嘅吉列魚柳，好食又好打卡老爸。迷你滑蛋丼下午茶餐 HK$68迷你滑蛋丼 + 南乳炸豬扒 + 美式黑咖啡南乳炸豬扒外脆肉軟，惹味好下飯，好啱老爸口味 ~~除了南乳炸豬扒，仲可以揀炸巨午餐肉條或柚子唐揚雞粒 下午茶餐飲跟配嘅 Flat White 都幾大杯仲有靚靚拉花 ~~** 以上分享是以我的口味、體質和情況作出分享及感受，一試 / 合用與否請自行決定

星期五產檢完同係屋企附近返工既閨蜜一齊食lunch，揀咗食sensory Zero，好彩book左12:30 ，到埗都幾多人排隊。我地各自叫左一個lunch set，不過lunch都要收加一服務費。西京燒三文魚炒雜菜飯我食呢個，三文魚好嫩滑，有雜菜可以補充下纖維，有菜又有肉，白飯係珍珠米，都唔錯。慢煮雞胸肉野菌羅勒醬扁意粉我試咗一嚿雞胸，朋友話覺得鞋鞋地，整體正常發揮。飲品方面，我叫左加$25既法國朱古力牛奶，朋友叫左唔使加錢既熱薑茶，朱古力唔會好甜，但無驚艷到我。

Went to this cafe to have afternoon tea with my friend. .We ordered Apple Cinnamon Caramel Molten Muffin and Chocolate Molten Muffin to share. Both muffins arrived piping hot and looked quite mouthful. The Apple Cinnamon Caramel Molten Muffin, with its caramel sauce topping, had a moist and light texture, with a sweet and woody flavour. The Chocolate Molten Muffin boasted a rich chocolate taste. Once we cut it, it released aromatic chocolate sauce, and the sweetness was on point. .The cafe, loca

晚飯時段稍要些少時間等枱但不算耐，入座後自助下單，問店員有關餐單，他們也很耐心解答來幫助選擇。上菜後，賣相不錯，食物也美味，環境如果不是坐卡位一邊，其他枱稍為擠迫了一點，枱與枱之間空間感不足。

姪仔外國返黎，約佢十二點太古城中心等，佢話唔食早餐，唯有帶佢去食野。咁啱黎到時未洗排隊等位，店員安排我地兩個坐四人檯。呢度都係QR Code落單。姪仔要咗紅酒慢煮和牛肉扁意粉，佢話係幾好味，但就覺得$108貴左啲。跟餐加$25要咗杯凍latte，姪仔話咖啡味好勁，後生仔怕苦，我地就問店員拎左糖漿。我就冇食野，只喺叫左杯咖啡。不過入座前我問過店員，佢話繁忙時間只喺叫野飲都可以。我覺得杯咖啡好味。食食下見到越黎越多人排隊，我地張四人檯都要拆返開變兩張兩人檯，我地都快快口食埋飲埋就走。如果想聚舊的話，都係早餐或下午茶時段比較方便。

由開業到而家一路幫襯開，一路keep得住個水準😋食物價錢合理，仲唔收+1。點可以唔幫襯?!佢哋而家做緊個「暖暖冬日餐牌」，樣樣都好好食。每一款都跟一個餐飲同埋餐湯，今日試咗呢啲：紅酒燉牛面頰配小啡菇•牛油薯蓉 $188牛面頰份量非常多差唔多佔大半個碟，啲肉非常之腍同埋入味，紅酒汁再加埋薯蓉食，非常之好味👍🏼再配埋小啡菇，味道更加豐富。澳洲M5+和牛溫泉蛋飯 $178同樣牛肉嘅份量非常多，鋪滿整個碗，每塊肉嘅中間都係粉嫩嘅紅色，非常吸睛。肉質鮮嫩，全無跟腱，肉味香濃。賠償溫泉蛋，味道建議無縫。再用日本米，口感完全冇得挑剔。蒲燒三層鰻魚滑蛋飯 $148有三大塊鰻魚片，每塊都有半節手指咁厚身，肉質彈牙爽口，鰻魚汁香甜，加上紫菜絲鋪面，滑蛋超有蛋香，非常滿足😋橙茶（免費送）斟茶雖然係免費，但係一啲都唔馬虎，香橙味濃郁，加上濃茶而且甜未適中，非常開胃。蘑菇湯 跟餐加$10非常真材實料，佢唔係忌廉湯嗰種，反而係將好多蘑菇打碎煮湯，所以每一啖都食到蘑菇粒，蘑菇味爆炸。

太古城的Sensory Zero Cafe是一個備受喜愛嘅連鎖餐廳。呢度嘅燒三黃雞特別受到顧客的推崇，讓人一試成主顧。特色介紹：小智我一直等著你回來 （燒三黃雞）：呢道菜以三黃雞為主要食材，外皮酥脆，內裡卻保持著彈牙嘅口感，肉汁豐富，香氣撲鼻。每一啖都能感受到雞肉的鮮嫩，非常可口。另一份我十分推介既係同事嗌嘅「蒲燒鰻魚滑蛋飯」！雖然唔係好似日本個啲咁一層飯一層鰻魚，但飯底係日本米。雖然滑蛋份量就比較少，但都好滑，鰻魚亦都厚身，燒汁落得剛剛好，配上紫菜碎同蔥粒，睇落真係無得輸。總結：如果你係太古城想搵一間美味又舒適的餐廳，Sensory Zero Cafe絕對值得一試。特別是他們的燒三黃雞，無論是味道定係口感都令你印象深刻，等你想一再回訪。

這裡是我吃過最好味的All Day Breakfast之一，這份早餐包含了香氣四溢的腸仔、軟滑的炒蛋和香脆的薯餅，每一口都是對味蕾的極致享受。腸仔煎得恰到好處，外皮微焦，肉汁豐富，搭配鬆軟的炒蛋，簡直是絕配。炒蛋的質地滑嫩，讓人一口接一口，再配上心心咖啡，根本停不下來。而薯餅則是另一種驚喜，外酥內軟，咬下去時那種香脆的聲音讓人心情大好。它的香氣與腸仔和炒蛋完美融合，讓整體的口感更上一層樓。此外，最好吃的牛角包更是讓我驚艷。外層金黃酥脆，內裡柔軟，咬一口，奶香味十足，讓人感受到無比的滿足。這樣的全日早餐，簡直是一天中最幸福的時刻，讓我每次都想再回味一次！

中秋公眾假期前夕已收早，約了久沒見面的好友 Tony 哥，來到「sensory Zero」Happy Hour，𣈱聚及交收台灣的手信！餐廳隱藏於「誠品生活」裏面，我來到的時間大約下午四點，帶些自成一角及休閑書卷氣。餐廳主打一系列精品咖啡、各類西、日食午餐、輕食等等，選擇蠻多樣化：今天見面時間大家都已經吃了午餐，所以就只點飲品。其中吸引到我眼球的是有一系列包裝精美的香港製造、本地手工啤酒(Craft Beer)，品牌叫「門神 MOONZEN BREWERY」我一般不太常飲啤酒，怕肥及會有胃氣胃痛，間唔中來一支手工啤卻是會偶一為之，因為我喜歡它別緻的包裝及獨有的麥香。手工啤又叫精釀啤，是以麥芽及啤酒花經發酵所造。它與傳統啤酒最大分別，就是手工啤以全麥芽釀製，產量較少，生產程序亦較快，只需一至兩個月便告完成，所以手工啤亦較傳統商業啤酒新鮮及更有麥香。這天我們叫了兩款互相分享，兩款都好飲。第一支叫「MONKEY KING OKTOLAGER 孫悟空啤酒 (味道：蜜桃•焦糖•多士)」$48 酒身 body 輕盈，甚易入口，具麥芽香的層次，伴隨淡淡焦糖味，以桃和杏仁風味平行收尾，雅香誘人：另一支叫

總覺得在書店内有咖啡店是正常的, 但書店内的飯店就比較特別. 其實在太古城的這間誠品內食店多的是.那個三層黑毛豬肉份量可不少, 以為像是煙肉一般薄薄的？非也, 是厚厚的豬腩肉呢！ 豆腐飯也十分特別及豐富, 唐揚炸雞配黑醋汁, 十分好送飯.雖然是咖啡店, 我要特別介紹的卻是那杯鋪滿朱古力碎的朱古力, 大滿足.