早於20/2晚打去訂六人在28/2(星期四)海鮮BBQ，要我比$200訂金，已經火都嚟！訂過咁多次食肄，都未試過有邊間叫我比錢落訂，對我嚟講，梗係閙硬佢啦，痴線！我去六星級酒店book buffet都唔洗啦！何況係Ｄ無食牌嘅樓上鋪？無謂嘢就唔多講，令我從未諗過要出手發表，真係要係度＜表揚＞下"SENSE"！四個16寸盤食物如下（記住我地有6個人仲有佢係包飲品喎）＜好多任食BBQ平日都係幾拾蚊，都有1支水連兩個drink啦！）：4條土炮番薯；4包黑椒但係無調味嘅金菇；1盤內有魚旦,牛丸,獅子狗,龍蝦丸,薄切紅腸,貢丸,雞翼(每人唔多過4隻)＆雞肉腸(每人2-3條)；1盤有青口,多春魚,蝦毛嘅海鮮(好似營養不良);飲品方面....兩JAR唔知咩草莓什飲(連紙包飲品甚至蒸餾水都無得供應)！開始時，明明Ｄ員工講有咩要補充就搵佢地，當Ｄ雞翼同雞肉腸唔夠食時，就打比佢地order（我地係天台），點知feedback係：份量已經預足比你地喇，無得加喎！ 嘩！ 咩叫做足呢？ 一人得2-3條腸，4隻雞翼，連番薯同金菇包都唔夠分，就叫預足夠比我地？洗唔洗食水咁深呀！！！我地係好食客，唔會同佢計，既然佢地已經覺得收得呢個價錢係比足我地的話，咪由佢囉！ 無返轉頭之嘛！真係好天真！ 仲以為樓上鋪會用食物質數同特色吸引Ｄ食客，今次一行，發現佢地真係有一手，絕對可以稱得上"冧巴ONE" --- CHEAP！！！
继续阅读
0
0
1
港铁旺角站 A2 出口, 步行约2分钟
继续阅读
电话号码
26259900
开饭介绍
餐廳提供包場服務，設有電視讓人客可看球賽，亦提供地方供人客與好友聚首。食品種類多元化。在餐廳的下一層有一間是同一集團開設的茶座。
继续阅读
营业时间
今日营业
15:00 - 02:00
星期一至日
15:00 - 02:00
以上资料只供参考，请与餐厅确认详情