SEDAP惹味馬拉 (已結業)

一行三人點了三個餐，咖喱海鮮喇沙,鮮茄滑蛋雞扒飯，娘惹豬扒喇沙米線。咖喱海鮮喇沙湯底合格，有蝦有蜆有鮮魷豆卜 茄子餸菜合格唯獨是麵既口感唔太好食。煎茄滑蛋雞扒飯整體成個都做得好好。娘惹豬扒喇沙米線，沙底一樣合格豬扒味道麻麻米線冇什麼特別。奶茶味道都唔錯不需要落糖，喜歡甜既朋友可以落少少夠喇。餐廳地方寬躺，人煙比較梭落，衛生都做得好好枱櫈都比較乾淨。服務很好由一入餐廳，坐底，落單，上菜位位都做得很好，很有禮貌

屯門市竟然都搵到地道馬拉菜 仲要唔係連鎖店😲下巴仔評分（5星為最高）味道：🌟🌟🌟🌟環境：🌟🌟🌟🌟服務：🌟🌟🌟抵食：🌟🌟🌟🌟重點推介🤤👍🏻叉燒炒裸條 （下午茶）坐喺出面都聽到廚房炒嘢馮馮聲 就知呢碟野幾有鑊氣啦 叉燒並唔係港式叉燒 係一嚿嚿燒排骨 表面仲要係香脆嘅🐽👍🏻沙嗲雞肉串燒沙嗲汁偏甜 但亦食到微微辣🌶 雞肉嫩滑多汁注意事項⚠️- 假期現有提供午市及下午茶套餐 非常抵食💰- 餐廳位置較為隱蔽 要多留意商場嘅角落

當晚係星期六，好多餐廳都排哂隊，但因為我地太肚餓啦，所以求其搵，就搵左呢間餐廳啦。而呢間餐廳可能坐落係較入既位置，所以唔係好多人，唔洗排隊就可以入去食。睇menu 都有好多野食，我地叫左個海南雞飯同埋蕃茄芝士石斑柳石頭鍋飯，兩個都好好食。不過值得一提既係，我唔小心倒瀉左杯飲品，員工們都好細心，即刻遞上紙巾，又叫我地坐隔離位繼續食餘下既食物，之後果杯倒瀉左既飲品都重新送過杯比我地，仲好快速清洗好現場，員工既態度都好好抵讚

今日放工，經過見到有間環境唔錯，又舒適既餐廳，加上好耐無去旅行，見到馬拉菜，2人餐價錢唔貴，於是入去食晚餐😋🌟 馬拉肉骨茶肉骨茶熱辣辣，好濃郁既藥材味，豬肉，豬肚，雞腳好入味，而且煮得好淋，雞腳入口即溶😋🌟 上湯浸娃娃菜用上金華火腿，令到娃娃菜味道提升，唔會好淡，用埋上湯去煮，味道一流😋🌟 無骨海南雞 x 雞油飯海南雞半隻，好新鮮，而且肉質嫩滑，多汁，雞味濃郁，配上蔥油，海南雞豉油，辣醬，好有馬拉既風味😋用雞油煮飯，唔油膩之餘，每啖飯都有雞既香味，食海南雞一定環配雞油飯😋🌟 馬六甲燒魔鬼魚第一次食魔鬼魚，原來燒魔鬼魚好好食，魚肉鮮甜，配上醬汁去燒，令到魚更加鮮味😋🌟 三色拉茶 x 話梅桔仔水三色拉茶，最底層黑糖，再加煉奶，花奶，之後就茶，整成三種顏色，好特別，茶底香濃，唔會太甜😋話梅桔仔水，酸酸地，好開胃，唔甜，必點😋

最鍾意行屯門係因為呢度乜都有，基本商場直通，大型超市都有好多間😎行到攰有多嘢食👍🏻今次搵咗馬拉菜食😋$288暖胃二人餐👩🏻‍🤝‍👨🏼逢星期一至五仲減$20🥲可惜我來的時候是星期日😂滋補清湯羊肉煲🍲羊肉有四大舊，肉嫩爽口，湯頭濃郁，好重羊羶味😋😋😋仲有火爐仔慶住保持湯熱辣辣👍🏻沙嗲草羊肉串🍢咬舊啖啖羊肉，比起羊肉煲內的羊肉多脂肪，燒出嚟更加充滿油香🤤🤤🤤醬汁係重花生醬嘅沙嗲，配菜食到有雪梨、菠蘿、油炸鬼碎、青瓜等等😋醬爆彩椒草羊肉片🐑薄切羊肉片相對細塊，但好爽口👍🏻醬汁惹味😋咖哩手抓飛餅🥠手抓飛餅好大塊😂仲有兩大舊薯仔🥔咖哩汁少辣易入口👍🏻汁多到可以配埋飯食😆美祿恐龍🦖原粒紅豆冰🧋特飲+$15大大杯😋超多紅豆😋美祿恐龍唔會太甜👍🏻芋圓涼粉🍧食飽仲有甜品，真係大滿足！😋總括而言，呢個餐都尚算抵食，兩個人係多到食唔晒😂

最近「惹味馬拉」推出左全新二人餐，專為今個冬天為設🙊配合埋優惠價，$288就有交易，逢星期一至五仲額外減多$20，真係經濟又抵食😎.【馬拉肉骨茶】馬拉嘅肉骨茶色澤呈深啡色，由於加左各式各樣嘅藥材，藥材味亦更香濃加上腩排肉嘅肉香，互不搶味，香不而膩🥳.【無骨海南雞】海南雞例牌份量夠兩人食用，去哂骨呢點，真係懶人嘅救星😂 海南雞皮薄厚，肉質非常嫩滑更帶彈性，配上三種調味料，蒜蓉，辣椒同蠔油，三種層次感😎 每人各有一碗白飯，想食香口D，可揀雞油飯，吾洗額外加錢架🥰.【馬六甲燒魔鬼魚】老老實實，小編係第一次食燒魔鬼魚🙊魔鬼魚成身上下都係軟骨，且含極豐富嘅骨膠原！但由於魔鬼魚貨源不多，製作過程又繁複，市面上一般都比較少見🤣魚肉脆香帶軟，鮮味十足～.【上湯浸娃娃菜】娃娃菜綠油油的，清爽可口，作為最後一道菜式，可以清清口腔，準備食甜品😎.【甜品及飲品】飲品包左各款熱飲，識飲一定係飲拉茶🤣拉茶表面有好多泡泡，同港式奶茶不同，愈多泡就愈正😍另外，仲可以用優惠價加$15飲大大杯嘅美祿恐龍架😘最後食埋甜品係涼粉芋圓作結

在香港好少有馬來西亞餐廳，近排行屯門市廣場竟然給我見到有間食馬拉菜，好罕有又特別，我們異口同聲都話要去食啦！餐廳環境舒適，覺得裝修有亞熱帶風情，地方闊落，空間感充足，可以悠閑地吃個晚飯呀！先看看餐牌，有精選二人餐及滋補暖胃二人餐，套餐好抵呀，而家優惠價 $288，星期一至五減 $20優惠。亦可以單點，款式特別的馬來西亞菜，有很多選擇。我點選了精選二人餐，包括有馬拉肉骨茶 (2人份)、無骨海南雞 (例牌)、馬六甲燒魔鬼魚、上湯浸娃娃菜、雞油飯或白飯 (2碗)、甜品及熱飲 (2杯)。馬拉肉骨茶馬來西亞肉骨茶湯色較深，味道濃郁，香甜可口。主要用腩排熬煮，以及多種藥材煲製 : 當歸、玉竹、甘草、黨參、川芎等，味道有濃厚的藥材香，腩排肉味濃，鮮甜嫩滑，美味又滋補的美食肉骨茶。無骨海南雞海南雞是我至愛的美食之一，雞肉鮮甜，肉質嫩滑，雞味濃香，配以香口的雞油飯，散發清香的斑蘭葉、香茅、濃香雞湯味及米飯香，啖啖鮮味，再沾上三款醬料 : 黑醬油、蔥油和辣醬，絕對是好滋味。馬六甲燒魔鬼魚烤好的魔鬼魚外脆內嫩，魚肉鮮美，肉質非常鮮甜，而面層舖滿自家製的甜辣醬，再加少少青檸汁及黑醬油，味道即時提升，又香又辣，

快到聖誕🎄weekend relax下，睇吓屯市聖誕裝飾影吓相，當然食埋晚飯啦，見到這間sedap 惹味馬拉二人餐、四人餐好吸引，不用等位☺️☺️除了佢哋嘅主打馬拉菜之外，還有秋冬時令羊羊羊🐑正合我倆心意😬😬裝修好有風格，仲有好多得獎獎牌添！店員服務都好貼心👍👍滋補暖胃二人餐 $288滋補清湯羊肉鍋～有火爐仔滾住食，羊肉味濃，肥瘦相間，羊味十足.有大量豆卜和配菜，湯頭濃郁，冬天食真係暖笠笠😍😍沙嗲草羊肉串很有馬拉style ,沙嗲汁很香濃，外焦內嫩，羊香更濃，有沙葛伴著吃，去油解膩👍👍醬爆秋椒草羊肉片中式煮法，外相靚靚，食慾大增，羊肉片很下飯，套餐可配羊湯米缐和白飯，我哋揀左各一，可以share 😬😬咖哩手抓飛餅很有驚喜，咖喱濃郁，手抓飛餅薄脆，點咖喱吃真係無得輸😌😌飲品很有特色，除了一些normal 飲品外，還有一些特飲芒果🥭梳打好清新話梅桔仔水也是馬拉飲品的signature,酸酸咪咪，好爽好開胃🤩🤩食埋甜品超級飽了，這個價錢和質素於屯市來講絕對超值！😍

食得多日本菜 中西餐得閒都想換下飲食風格 我地今次就決定試下馬拉菜 但係lunch set都有好多選擇 我地揀完發現齋係飯都有好多隻 大家同朋友share可以食到多D種類喔😙🍗無骨海南雞飯💰72海南雞飯顧名思義就係好多塊無骨嫩雞同埋雞油飯！雞油飯好香 有辣椒醬 甜醬同埋蔥油可以撈飯 三種醬汁令整體口感好豐富 雞都好滑嫩 雞肉唔柴 仲有冬瓜湯🍗吉隆坡咖喱雞配椰漿飯💰70入面有好多配料 包括小魚乾 青瓜 半隻蛋 沙嗲醬 仲有一個薄餅塔🤣椰漿飯係想像中嘅鹹鹹的 一隻雞脾同雞扒都幾香口 咖哩味同椰漿飯幾match！🍛咖哩牛腩配蘭花飯💰70想睇下蘭花飯同椰漿飯有咩唔同 其實只係顏色上嘅差距 同埋好似冇咁鹹 其他配料都差唔多一樣 不過牛腩份量都幾大舊幾多下！🍖炸排骨拼沙嗲參參💰70炸排骨份量好多 沙嗲湯味都好濃烈 配上幼麵特別惹味！🧋拉茶熱嘅拉茶其實就係馬來式奶茶 上面有好多層泡泡 齋泡泡都有小小甜味 整體口感奶味比茶味多同港式奶茶都幾大差別 個人幾鍾意！整體來講呢度偏向食set lunch 不過想share都係可以的！大家可以叫唔同種類嘅主食交換試下😛📌 SEDAP惹味馬拉 (屯門)屯門屯隆街3

嚟到屯門市廣場想搵d特色d嘅野食行下行下見到呢間個裝修又幾夠馬拉feel,又成兩年冇出去旅行就試下呢間咩料先！入到去裝修都幾有馬來feel 地下都係鋪咗彩食階磚幾特別！我就點咗個巴東咖喱牛肉朋友就點咗個龍鳳配套餐再點凍熱拉茶各一杯！嚟多個肉骨茶先唔好講笑！當去左馬拉旅行頂住癮先用餐愉快食物質數好好個肉骨茶正wor! 但冇跟油炸鬼片有少少失落！服務員態度誠懇好好招呼 （睇返之前食評話服務好差？）下次經開再嚟試過！

星期六日既屯市想搵一個少人嘅地方食個下午茶都唔容易⋯見到呢間馬拉風味餐廳，睇落都幾舒服就入咗去試裝修都有落過心機，可惜食物同服務就真係好普通檳城龍鳳配落單店員介紹星期六都有呢款下午茶啱晒懶人唔使諗食咩，可以一次過試晒兩款迷你蝦湯米細細份又幾多料！個湯好香，好幼既米線可以吸到湯汁既鮮味無骨海南雞飯普普通通，雞肉算嫩口但太少肉，生菜都算新鮮爽口斑蘭咖央西多士絕對唔值$42，斑蘭同咖央味都好淡食唔出同普通西多士有咩大分別，失望！凍檸茶點左少冰，但上菜既時候已經差唔多溶晒所有冰，茶味亦唔夠濃凍即磨咖啡味道偏甜總括嚟講，唔會再嚟幫襯！食物質素普通，衛生亦普通⋯餐具好粘手雖然俾錢嘅時候見到有用消費券減$5優惠但普通茶餐廳質素仲要加一服務費全店得幾台客，店員人數望落仲比客人多但表現正常嘅店員只有幫我落單個位⋯其餘嘅店員⋯尤其收銀員⋯對客人呼呼喝喝⋯唯一讚既就係客人少⋯坐得幾舒服吧

話說琴日同老公行街行到肚餓就來呢間吃飯我叫左一個海南雞飯老公叫左一個羊仔腩米線個雞麻麻地有血色不新鮮老公個米線一上台就聞到好大騷味個羊腩好臭好騷，之前其他地方吃羊肉未試過有咁嘅味道，個湯好咸然後咁朝開始肚痾三次，又嘔左兩次嘔吐物裡還帶有雞肉太可怕了，以後唔會再光顧

🍽 SEDAP惹味馬拉屯隆街3號屯門市廣場2期1樓30-31號舖有去過都知道每逢假日屯門市廣場都會人山人海，而豬豬偵探今次搵到呢間位於商場角落頭嘅馬來西亞餐廳，食物性價比高，座位亦都闊落舒適！非常適合唔想排隊，而又想搵抵食嘅餐廳與朋友小聚一番的各位😉「檳城龍鳳配」套餐 $48 (🧡🧡🧡)​ 呢一個套餐非常豐富抵食，其中包括了無骨海南雞飯半份、迷你檳城蝦湯米粉及班蘭糯米糍一粒😋要知道一間馬拉菜水準合唔合格，我相信海南雞飯一定是其中一個重要指標。所以第一樣當然先講海南雞飯，呢碗海南雞飯雖然只係半份，但雞嘅份量都有4,5舊，而且海南雞已經去骨非常適合我地呢種懶人🤩雞肉肉質非常滑嫩，油飯亦用雞湯調製入味！醬汁一如坊間餐廳提供了3種，🐽最鍾意佢嘅黑色醬油，濃度適中帶點甜味！迷你檳城蝦湯米粉入面有兩隻蝦，尚算新鮮彈牙，但要彈一彈的是蝦湯底不夠熱，🐽一直覺得湯麵的溫度非常重要，呢樣真係令碗粉大打折扣，而且蝦湯有點過濃，兩樣因素令到呢碗粉比較扣分🥶如果單叫，不建議叫呢道菜！班蘭糯米糍外皮煙韌沾滿椰絲，班蘭味內餡亦不會過甜。椰子香味同班蘭味非常夾，呢個是一個不錯的飯後甜品。咖央牛油多士 $24 (🧡🧡🧡

一直都想試下呢間馬拉野，特別是門口$48蚊檳城龍鳳配。見今日天口熱，就試下馬拉野！今日叫咗龍鳳配同埋鮮蝦炒粿條。嘢飲叫咗拉茶同埋大眼佬涼茶（什麼來的？）特別一提落單時候，見到個女人真係黑口黑面，其他飯友食評講既，今日終於體會到，落單嘅時候真係以為差佢幾千蚊幾個月未還。。講返檳城龍鳳配，其實cp值到幾高，係嗰份量少啲。雞肉夠嫩滑，飯香亦有，喇沙米粉蝦肉爽彈湯頭亦都鮮甜，叫做合格有餘啦另外個班蘭糯米糍，亦都係好有班蘭味，好香軟及甜鮮蝦炒果條，分量極之鬆手，所以食到有啲飽飽滯滯，味道濃沃，不過我自己就食唔到呢啲難消化嘅嘢。總括而言都係值得一試

我喜歡呢係因為佢性價比高，而且有碟豆花椰香飯，同黃金飯，不過可惜都無再做，減肥食肉唔食飯，叫左個薄荷葉炒羊仔腩，純粹想試吓薄荷葉係咩感覺，結果食落口好似刷緊蛋食緊牙膏一樣，奇妙。整體幾好食有滿足，但羊腩係凍，有少少失望，就算係一早做好擺落雪櫃都應該將佢吵到熱透先至上碟，因為啲脂肪仍然凝固嘅關係，食落口有少少嘔心。