Season. Café

营业中

休息中

第二次食呢間Cafe，夜晚坐得好舒服，每張枱既空間闊落，好適合約朋友傾計食飯。今次叫左set dinner 再單點其他菜式。龍蝦忌廉湯配蒜蓉包餐湯有驚喜，係龍蝦忌廉湯，飲落順口，唔會太咸，蒜蓉包亦都好香。大蝦帶子龍蝦汁意大利飯絕對係今晚嘅亮點，龍蝦汁濃郁，包住每一粒飯，大蝦和帶子都新鮮彈牙，口感豐富，會想再食。BBQ炭燒豬肋骨拼薯條份量十足，豬肋骨烤得外焦裡嫩，肉質軟而且入味，輕輕一撕就可以骨肉分離，搭配香脆薯條，令人好滿足。香料炸雞塊外皮酥脆，蘸上特製的芥辣醬，作為開胃前菜非常適合。薯條配黑松露醬因為呢度嘅薯條炸得非常好食，忍唔住再叫多一份薯條，而且價錢合理。蜂蜜紅棗茶除左咖啡，夜晚揀紅棗茶都係唔錯嘅選擇，飲完暖胃又舒服。總體而言，呢間cafe 環境舒適，食物高水準，而且價格合理，係呢區嘅cafe 首選！

呢間cafe 幾好坐，環境幾舒服。首先登場嘅係香煎匈牙利鵝肝多士，當我一口咬落去，鵝肝嘅滑順和香氣好正！接住就係蜆肉辣茄醬意大利飯，蜆肉幾鮮嫩，番茄醬酸中帶辣。飯軟硬剛好。而經典手打牛肉溶岩芝士漢堡配薯條，仲有松露醬。漢堡包嘅牛肉餡料厚實，咬落去好juicy ，芝士溶化得恰到好處。薯條亦 crispy ！飲品方面，我選咗西柚冷泡烏龍茶，清新帶有西柚的微酸，絕對係解膩嘅好選擇。最後，當然唔可以錯過丸九小山園抹茶。濃郁嘅抹茶味道。

Season. Cafe 今日同朋友去咗 Season Cafe 餐廳食午餐，這間餐廳位地方寬闊，裝修舒適、溫馨、自然為主題，枱凳擺放整齊，令人坐得舒服，餐廳員工服務態度好，來這裏食真不錯。餐廳餐牌嘅款式都不少，主食同小食都好令人吸引，我哋叫咗主食嘅經典全日早餐及香煎深海大被盲曹魚搭配龍蝦汁，而小食就叫咗野味水牛城狂野雞翼及慢煮香蔥牛舌，好快少食就先上枱了。小食嘅野味水牛城狂野雞翼賣相不錯，雞翼外皮酥脆，內裡多汁，適合喜歡重口味的人，而慢煮香蔥牛舌以濃郁的蔥香和牛肉的鮮味為主，牛舌經過慢煮後非常軟嫩，入口即化，蔥香與牛肉的鮮味完美融合。主食就跟住就來，經典全日早餐的味道層次豐富，帶來滿足感及十足的味覺體驗，經典全日早餐嘅材料有煎蛋、培根、香腸、烤豆、烤蕃茄、蘑菇、牛角包、巴瑪火腿片、沙律菜，非常豐富。煎蛋是煎至蛋黄半熟，令口感滑嫩，蛋香濃郁。培根煎至酥脆，咸香四溢，带有烟熏味。香腸肉質飽滿，外皮微脆，内里多汁，香料味突出。烤豆甜中带咸，豆子軟糯，番茄醬汁濃郁。烤番茄酸甜多汁，烤制後風味更濃郁。蘑菇用黄油煎制，口感柔滑，帶有濃郁的蘑菇香气。牛角包外脆内軟，搭配醬汁，增添香甜口感。巴瑪火腿

前兩晚接朋友收工，佢帶我去KCC食飯，一直以為晚上6點後KCC既食肆會閂哂，估唔到夜晚都有間唔錯既西餐。呢間 Season Cafe 位置寬敞，坐得好舒服，外圍既位置仲有落地大玻璃，望住出面街景食野打卡一流！💛Season 招牌雙蟹肉特制蟹餅初頭以為蟹肉餅係日式個種炸既忌廉蟹肉餅，蟹肉好少，忌廉醬汁就好多。呢個招牌蟹餅用煎既方式烹調，可以保留蟹肉既鮮味，入面仲要啖啖都係蟹肉，好滿足！💛匈牙利鵝肝經典手打牛肉芝士漢堡配黑松露薯條呢個漢堡好有誠意，漢堡入面既鵝肝大大舊，仲有煎到好香口。不過可惜漢堡既麵包有少少偏硬，如果軟熟D就可以夾返鵝肝既口感。薯條係我鐘意個款，唔會炸得太乾身，表面既鹽份量亦都岩岩好。💛香煎深海大蝦盲曹魚配龍蝦汁我最欣賞係呢個盲曹，份量超多，加上質感滑溜。配菜既份量同種類亦都好多，有煎香既茄子圓埋薯蓉，淨係食呢個主菜已經好夠食。💛是日餐湯配蒜香法包💛丸久小山園抹茶 Latte

環境舒適，味道有驚喜！環境幾舒服，座位闊落，裝修有種簡約文青風，適合慢慢嘆餐。以下係我對呢餐嘅評價：🍽 食物評價1️⃣ 蜆肉泰露筍龍蝦汁意大利飯 🍛✨呢道意大利飯賣相唔錯，飯粒煮到剛剛好，唔會太淋，亦唔會硬得難入口。龍蝦汁幾濃郁，帶少少鮮甜味，配埋蜆肉一齊食，味道幾有層次。不過，如果龍蝦汁味再濃啲會更好。2️⃣ SEASON. 經典手打美國芝士漢堡（松露醬）配薯條 🍔🍟呢個漢堡係全餐最有驚喜嘅一款！牛肉漢堡扒夠厚，咬落 juicy，而且有手打漢堡扒嘅紮實感。松露醬味道適中，唔會蓋過牛肉香味。配菜夠新鮮，薯條炸得外脆內軟，份量亦唔少，整體性價比幾高。3️⃣ 餐湯 + 法包 🥖🥣餐湯係忌廉湯，口感滑，味道尚算不錯，但略嫌普通，冇太大特色。法包焗得幾香脆，沾湯食更有風味。4️⃣ 焙茶鮮奶（熱） ☕🌿焙茶味道濃郁，入口帶少少焦香，奶味夠滑順，比例調得幾好，飲落有種溫暖感覺，推介！5️⃣ 牛仔很芒 🥭🥤一杯清新嘅芒果特飲，味道酸酸甜甜，唔會過膩，感覺幾解膩，配漢堡或者炸物都好夾。6️⃣ 南美香料雞塊 🍗🌶雞塊炸得幾香脆，唔會過油，外層帶微辣香料味，味道幾惹味，配埋醬汁食更加滋味。如果鍾意西式料理，又想搵個舒適地方慢慢嘆

今日約咗舊同事去佢公司嗰邊食飯，由佢發辦，佢推介我去咗KCC嘅「Season. Café」，呢間Cafe長期都係佢嘅首選，抵食又好味👍🏻呢度嘅Dinner Set只係$188，包括是日餐湯、小食、主菜同飲品，我地嗌咗一個set散叫另外幾款食物，人均都只係$200多🤭Dinner Set今晚嘅餐湯係忌廉薯仔湯配上香脆嘅蒜蓉包，薯仔湯creamy香濃，蒜蓉包浸一浸啲湯特別好味惹味水牛城狂野雞翼套餐包括四隻雞翼，2人share啱啱好，雞翼炸得皮脆內軟好香口，配上水牛城醬味道辣辣地非常惹味帶子蟹肉蘆筍羅勒忌廉意粉大大粒雪白厚身嘅帶子，兩面煎香，配上蟹肉蘆筍令鮮味更加突出，羅勒忌廉意粉醬汁味道濃郁，意粉口感彈牙，超水準又高質👍🏻推介蜂蜜紅棗套餐包括嘅飲品，冬天飲返杯紅棗蜂蜜十分潤喉SEASON經典全日早餐All Day Breakfast 勁大份，裏面有牛角包、炒滑蛋、黑椒腸、Parma Ham、蕃茄、茄汁豆、沙律菜，食材超級豐富，個人最喜愛炒滑蛋，充滿蛋香同蛋汁，黑椒腸皮脆爆汁，火腿鹹香鮮味，我地兩個勁肚餓，全部清晒😆珍寶至尊烤菇手打美國牛肉雙層熔岩芝士漢堡配薯條Burger Lover🍔個漢

原來食晚飯，揀葵興都幾好以前一直覺得葵興就係舊工業區但原來KCC嘅餐廳都幾多選擇同埋商場都幾舒服餐廳環境好放鬆出去cashier落單俾錢之後就可以坐返埋位等食呢一個操作好適合i人食物超快到而且同時出所以即使我哋喺餐廳收之前一個鐘嚟時間都非常充裕🍽️南瓜湯配蒜香法包呢度有個優點係a la carte咁嗌好似我地咁鍾意飲湯先嗌餐湯同餐包唔會喺食main前就太飽🍽️傳統煙肉野菌卡邦尼意粉 🍽️大蝦帶子龍蝦汁意大利飯 食物份量好大份我哋嗌嘅兩款意粉同飯都係一啲經典款大蝦同帶子新鮮大隻 絕無欺場而且配搭嘅三色椒都幾鮮甜Risotto飯粒軟硬適中卡邦尼意粉收汁亦都收得幾好好creamy🍽️芝士焗蟹肉大啡菇作為前菜嘅大啡菇好多汁加埋芝士焗 好香🍽️牛仔很芒🍽️竹炭咖啡飲品選擇都幾多我哋揀咗好耐先揀到牛仔很芒同竹炭咖啡好飲 而且顏色靚 打卡都好睇!

香煎鵝肝多士 $98香煎鵝肝多士即叫即煎，鵝肝厚度十足，豐腴的油脂甘香得入口即化，香脆多士平衡油膩感。醬汁係好輕微既酸帶上甜味，平衡了鵝肝的油脂。惹味水牛城狂野雞翼（4隻） $58雞翼本身有落到調味先再炸，雞肉食落去嫩滑。最正係個水牛城辣醬，微酸帶點辣，相當惹味同開胃蟹肉帶子蘆筍羅勒忌廉汁意粉$138鮮甜既帶子大大粒，煎得啱啱好。羅勒忌廉汁做得幾出息，兩者唔會搶左對方應有既味道，而且keep住食都唔會覺得好膩。蟹肉份量都多，配埋幼身既意粉，相當不錯。意式烤雞配特制秘魯辣椒醬 $198店員都有提到 烤雞係即時烤，所以等候時間會耐啲。雞肉食落去俾想像中更加有肉汁，佢嗰個醬汁亦都出色，唔會話太濃。雞皮香脆可口。廚師連配菜都有調味，亦都烤到有少少燶邊，相當可口。

-蜆肉泰露筍龍蝦汁意大利飯 $118擺盤幾靚，一上枱可以即刻打卡，蜆肉份量超多！啖啖都有兩至三隻蜆肉入口，芝士拉絲小不免👍🏼泰露筍都好爽脆～飯嘅咬口都剛剛好，一人份量好滿足-紫薯牛奶 $50入口比較啖味，不過都飲到少少紫薯味🤣-意大利提拉米蘇 $48呢個價錢都算大件，個人覺得可以兩個人share，口感都幾有層次👍🏼店內寬敞，行到最入仲有個大玻璃窗望住屋邨嘅景色，坐係到望住個景都舒服，可以黎嘆杯啡食件cake chill下～

今天與舊同事聚一聚，選了羅勒意粉，最關鍵應該是羅勒的鮮味、醬汁的濃稠度以及麵條的口感。意粉應該能夠做到 濃郁但不膩口，香氣十足但不苦澀，醬汁均勻附著，口感彈牙適中。曾經在其他餐廳嘗過不太理想的羅勒意粉，可能是因為醬汁比例不當、羅勒不夠新鮮，那時儲起了失望的回憶。今天的美味可以掩蓋當前的失望。賣相：★★★★☆口感：★★★★☆整體評分：★★★★☆#羅勒意粉#美食推薦 #美食日記 #foodiefatty #foodie #foodies #foodiehk #foodiehkig #foodiephotography #唔食唔知腸胃好

難得來到葵興呢頭，梗係要喺地鐵站附近嘅Life@KCC食埋野啦！今次來到呢間Season. Café，餐廳風格以木系為主，比人一種悠閒嘅感覺～香煎深海大蝦盲曹魚配龍蝦汁💰HK$238盲曹魚經過香煎之後，表層嘅魚皮變到非常香脆，魚肉厚實嫩滑，係啖啖肉嘅感覺！最有驚喜嘅係旁邊嘅大蝦，完美地挑走咗成條蝦腸，非常貼心～蟹肉帶子蘆筍羅勒忌廉汁意粉💰HK$138帶子外層微微脆，中間肉質鮮嫩！每一條意粉都沾有醬汁同埋蟹肉，另外仲有爽脆嘅蘆筍！呢到嘅羅勒忌廉汁比人一種好田園嘅感覺，好清新～海鹽奶蓋美式💰HK$55美式咖啡同埋海鹽奶蓋嘅味道出乎意外地夾，層次分明～富士山下💰HK$55賣相好似富士山一樣，打卡一流！味道好特別，值得一試👍🏻～

又係約朋友食Lunch時間， 今日嚟到葵興站，搵到一間可以望窗景嘅CAFE，入面地方不算大，露台有窗口位，采光不錯，Lunch時間也頗多人。CAFE通常也主打意粉及咖啡，看看這家的質素如何吧。我們選了＜激讚蒲燒秘製豬軟骨配珍珠飯＞$85 及＜蟹肉菠菜羅勒忌廉汁意粉＞$108, 配咖啡要加錢，因為又係快閃1小時食Lunch，所以又係配個免費綠茶算了。＜激讚蒲燒秘製豬軟骨配珍珠飯＞配有前菜小量，雞肉煎香脆，秘製醬汁沒什麼特別，珍珠飯口感適中，建議前菜多點。＜蟹肉菠菜羅勒忌廉汁意粉＞很香，忌廉汁很Creamy唯覺得蟹肉比較少，可能攪碎後覺得太少肉，建議加入煙肉或火腿或雞肉豐富份量。配特定茶飲不用加錢，普通茶飲不作介紹。整體來說環境不錯，食物份量也足夠，價錢與出面CAFE差不多，在葵興區比較少舒適CAFE，如果有時間大家可以買杯COFFE慢慢HEA。

餐廳喺工業區一棟商廈樓上, 除咗返工食lunch, 都值得大家行多幾步去搵呢間Cafe!⭐️南美香料炸雞塊加入咗南美香料，惹味得來又同平時有啲唔同,加上芥末沙律醬平衡返炸物嘅油膩⭐️鵝肝松露雜菌意大利飯$138呢個價錢出面只可以食到普通雜菌意大利飯，但係呢度竟然有埋鵝肝，仲要唔係敷衍得少少，而係勁足料！鵝肝油滲入意大利飯之中，每一啖都有鵝油香味！⭐️蟹肉帶子蘆筍羅勒忌廉汁意粉$138⭐️紫薯牛奶⭐️富士山下以為藍色就係蝶豆花整嘅飲品! Nono, 原來佢係用咗一種特別嘅酒調成加上creamy 嘅奶蓋

今日係情人節，我同另一半去咗葵涌一間café，最吸引嘅係佢哋居然冇加價，真係好難得！我哋叫咗一個套餐，仲散叫咗一個意大利飯同埋一個漢堡包！套餐價錢$188，包括一碗蘑菇湯、拼蒜蓉多士、一份水牛城雞翼，主菜就係帶子蟹肉忌廉意大利粉。首先，蘑菇湯真係好滑，味道濃郁，喝落去感覺好溫暖，啱啱好適合情人節嘅浪漫氛圍。拼蒜蓉多士外脆內軟，蒜香味好濃！接住嚟，我哋就食水牛城雞翼，雞翼炸得金黃香脆，肉質嫩滑，配上特製嘅醬汁，辣辣的味道非常開胃！而主菜帶子蟹肉忌廉意大利粉更加正！蟹肉新鮮，帶子煮得剛好，唔會過熟，忌廉醬香濃滑順，拌埋意大利粉食落去，口感好豐富，真係每一口都好享受。之後，我哋再叫咗一個蕃茄雞肉丸意大利飯，飯粒鬆軟，蕃茄醬味道酸酸甜甜，雞肉丸又嫩又多汁，搭配埋意大利飯，真係好搭。食完都覺得意大利飯好有家常味，令人好有親切感。最後，我哋仲叫咗一個牛肉芝士漢堡，配埋薯條，漢堡包嘅牛肉餅煎得剛好，肉質好厚，芝士融化得啱啱好，咬落去好滿足。薯條外脆內軟，咬下去嘅時候，口感超正，真係一個完美嘅配搭。飲品方面，我哋加咗$20轉鮮奶咖啡，咖啡香味濃郁，奶泡滑滑，飲落去好香甜，為呢個浪漫嘅情人節畫上完美句號

Season. Café1月23日 Thu呢一棟乜乜KCC 對區外人嚟講真係 hidden agenda。葵興MTR已經冇乜睇頭，仲要天橋飛天橋行6分鐘，跟住仲要上8樓，一定要搭𨋢，如果唔係轉到頭都暈。不過上到去你就會覺得all the hard work pay off。裝修得好舒服，大量natural light暖暖感覺。枱凳選擇得非常適宜，好穩陣（唔係講笑呢個要求真係好卑微唔係度度有）坐得好舒服。好適合傾嘢、close大deal、拍拖調情、briefing……..除咗地方好，啲食品都好出色。意大利+美式為主。我覺得佢哋意大利系列嘅出品比較啱我口味。- 慢煮牛脷串燒火牛啱啱好，外脆內Juicy，好香口。- 蟹肉餅通常去啲好高檔嘅餐廳先有，仲要冇佢咁好食。真係抵讚，比多幾草野都抵。跟住隨便叫咗兩個基本嘅意粉。都做得非常之出色。