Scoop ice creamery (已結業)

以前已在深灣遊艇會吃過炒雪糕,最喜歡是脆脆的nuts和軟滑的雪糕混為一體,口感豐富的叫人回味~而這次到scoop 亦一樣, 叫了平凡的vanilla雪糕,加raisin,macademia nuts和almonds,店員下raisin太多, nuts 太少,而餅乾底充滿蛋香, 整體上還不錯的,始終喜歡吃多元texture的東西, 反而對成行成市的gelato興趣不大了...... 期待再來, 試試其他組合~

要了個single scoop...選了coffee ice-cream + cherry pie fillings + blueberries + tiramisu.見個哥哥仔"北"個雪糕球時，已覺得個雪糕好軟，帶少許溶。個哥哥仔落料都好"姑寒"，blueberries n cherries 各得三粒，一舊仔tiramisu。以為雪糕在冰板上炒過會硬身少少啦，但係無分別，到我手時，已溶了！吃一口雪糕，gosh...有nuts ge?極之討厭nuts ge 我都無選nuts，點解會有nuts gar? 我估係個ice-cream 本身有nuts 囉，點解個哥哥仔唔同客講有nuts gar?如果個客對食物敏感咪大鑊！blueberries 夠新鮮夠甜，不過cherry pie fillings 經炒完之後，已體無完膚，不太食得出其味道。tiramisu ok 啦。個waffle cup 好抵讚，新鮮好香脆又夠甜，個邊ge white choco 都ok。整體黎計只屬一般，個gimmick 只係放d雪糕去炒兩炒。而且雪糕溶得太快啦！麻麻！

為了此店，在Tony Roma's留口不要甜品，專程來吃炒雪糕。　單球雪糕賣$28，雙球就$38，只加$10而己。原來想定要吃兩球，不過去到見到每個人都要單球，估計是方便炒，羊群心理下又改變主意，只要了一球咖啡果仁味雪糕。三種配料揀了twix朱古力、棉花糖與朱古力醬(fudge)，太多柯打關係，店員較求其的在極凍的冰板上炒兩炒，就完成了。由於成品幾凍下，twix朱古力與棉花糖都雪得僵硬，加上咖啡雪糕裡面原有的果仁粒，吃來感覺有很多硬粒，只有朱古力醬是添加美味，整體來說是新奇好玩多於好味。　也有值得讚的，就是盛載雪糕的朱古力脆筒，比坊間的都薄及香脆，不錯。不過再多的優點，都不及要彈的服務：無論是查詢或落單，全店唯一的店員態度都非常串，一副「唔憂做」的樣子。忙還忙，大家話哂都是顧客，基本的禮貌都要有的，真的做不來就請多個人吧啦!

(28/7/07)開左咁耐,而家先試的炒雪糕。肥仔好慘,佢兩個同事唔知去左邊,我地一落order,就好多人黎,整唔切,但佢仍很有禮貌,講解點買、請大家等候。佢雪糕款唔多,我選左豆腐雪糕,配oreo餅、crust 餅、tiramisu。其實特別在加呢加路,增加口感。當然本身雪糕都要好味先得既!唔錯,我會再吃!儲印仔。

招牌口味之一，由咖啡雪糕配Oreo餅乾、烤杏仁片及軟糖炒製而成。沒有多大驚喜卻也不會令人失望。

為食朋友介紹到, 即管試0下. 穩陣起見, 試0左Chocoholic (見圖).朱古力好難會難食, 呢度呢d 中規中矩啦, 唔夠濃, 但起碼唔會太甜. 個cone 就好唔得, 唔脆不特止, 個rim d 朱古力仲超級artificially 甜.一向對"炒雪糕" 無乜好感, 今次0既經歷未至於令我改觀, 不過相信會再0黎試其他味e.g. Adam's Apple!

家人從沒嚐過這裡的炒雪糕，今天就帶他們來吃。很高興他們都喜歡~左: 果仁、開心果、杏仁...中：adam\'s apple tumble ((apple slices、pie crust、cinnamon、caramel))右: Black Forest Fantasy ((cheeries pie paste、brownie、軟糖))「炒手」很generous，每次下料都放很多!嗯嗯，每次吃都覺得很好吃~**強烈建議order scoop 調配的口味，除非你對自己的選擇很有自信，又勇於承擔後果。因為我看過很多人自己choose ingredients，又水果又m&m又甚麼的，看著那些東西跟雪糕炒在一起，只有想吐的感覺**http://hk.myblog.yahoo.com/mei_ciel/article?mid=1018

一日試兩隻雪糕=.=剛去左da dolce geato italiano試,一路食一路去時代試這個炒雪糕,朋友介紹去試試的,雲呢拿配菠蘿,奇異果,芒果,不錯呢...用炒的但比唔係炒的凍(可能錯覺)但奇異果好酸,不太好

同傻鬼2人去試下個炒雪糕...叫左個綠茶配左個菠蘿, 藍莓及kitkat...其實想試下個brownie等配料, 可惜樣樣都貼個sold out真係咩都無得選擇..俾完錢個雪糕都炒完..不過一食就覺得個雪糕唔多得啦...綠茶又無咩綠茶香本身個雪糕就好麻麻加上d配料唔知係咪放得太耐, 好似怪怪咁...總之就係無下次.

以前係外國食過類似既雪糕，見香港都有，諗住試下。其實佢既配料選擇都唔算少，不過雪糕flavor 就少d.....同埋每次配撘得幾款，要試好多次先試到arm既combination.....如果食double 都係$35(兩個single)就抵食d試左佢set左既mix, mudslide(coffee+twix+chocolate chips+fudge)...好似甜左d同埋個waffle cup幾得意

雖然唔係話頂級幼滑雪糕﹐但差唔多每次幫襯都忍唔住點咖啡味雪糕﹐另加生果配料:香蕉﹑藍莓﹐自己就唔多揀選其他料好似果仁﹑m&m或者mars之類﹐可能下意識覺得水果會新鮮o的卦﹖^.-再配上香脆dark chocolate cone﹐嗯﹗﹗食完心情就好似更好~呢度店員一般都幾歡迎客人試食﹐除非排隊人太多先會分身不暇﹐服務都ok o架。

試了一個綠茶味雪糕,三款配料要夏威夷果仁,合桃和桑莓.雪糕唔覺有一般綠茶味,但好有茶的甘味.夏威夷果仁好好味.waffle cone都好食.總括而言好味及值得試.

飯後甜品：雪糕揀左黑芝麻(配白朱古力雪糕筒)。之前我以為佢會幫我將三種料整碎，點知只係同雪糕撈埋炒(其實"炒"只係做場戲俾passers-by睇，同就咁放d料分別唔大)。三種料揀左coconut，mars 同埋...(已經唔記得)。mars又大粒又硬又sticky，同個黑芝麻雪糕好唔match。coconut味好少。可能比較夜，想要夏威夷果仁都冇。最欣賞佢個白朱古力cone，好香，好好味。又crispy，好開心，好滿足，我朋友話dark chocolate cone都好正。不過佢個綠茶士多啤梨雪糕就真係唔掂，完全唔match。之後有個男人exactly叫左杯同佢一樣o既雪糕，累左人添。我叫黑芝麻雪糕因為我order前試左啖。朋友因為懶冇先試個綠茶，結果就…所以都係試下穩陣d =)其實menu有咁多料要我揀三樣都真係幾煩，又唔知mix埋之後得唔得。諗都諗到暈。

成日見倒報紙上面有呢間野既報導, 去開city super當然要試下諗好要咩味雪糕之後, 佢就會係一塊鐵板上炒雪糕, 仲可以加三種配料要左芒果雪糕+棉花糖+朱古力碎+m&m, 其實都吳係話咁特別, 食味都ok, 個人覺得個cone整得幾好

昨晚我吃過哈迪斯後,想去吃甜品去木田園雪糕店可惜我想吃apple雪葩已售,我放棄再去city's地下炒雪糕店(scoop),我之前想試吃我終於試吃士多啤梨炒雪糕$25-我擇士多啤梨雪糕,混香蕉肉,草莓肉,杏仁,吃得士多啤梨雪糕太好味,沒feel炒~~咬得白朱古力雪糕筒杯很太太好味