SAVVY

到SAVVY(香港) 慶祝生日，位於尖沙咀廣東道3-27號海港城港威商場3樓3209A號舖。餐廳環境設計時尚舒適，晚上自助餐由六點半開始入座，我們大概七點鐘到達。喜歡吃阿拉斯加帝王蟹、龍蝦、冰鎮鮑魚和口感肥美的鵝肝，蟲草花螺頭雞湯味道鮮甜。熱葷和甜品選擇唔算多，雪條只有一款häagen-dazs供應。整體而言價錢合理，但款式唔算多，勝在環境舒適，地點方便。🏷️溫馨提示～ 整個用餐體驗均屬個人分享意見， 只作參考😊。SAVVY(香港)地址: 香港尖沙咀廣東道3-27號海港城港威商場3樓3209A號舖

KKday有優惠六折買咗晚市自助餐，電話預先講定六大一小同埋生日寫名，去到現場都安排咗圓枱俾我哋🥰。6:00早到咗，除咗喺商場繼續行可以喺入邊吧枱休息。去到6:30就可以開始自助餐，今次嘅唔同之處係有帝王蟹嘅選擇，所以我哋都重點攻擊，例如蟹鉗或者接駁位會較容易有濃郁嘅蟹肉味，否則其他都係一般冇乜味。龍蝦都有龍蝦膏，肉質起碼係實淨唔係次貨。其次重點係鵝肝鮑魚和牛粒，每次出去拎都只可以攞一樣，唔可以攞得太多。另外燒焗龍蝦都係每次半隻🦞。今次嘅主題係東南亞海鮮燒烤，所以都會有燒羊架燒豬頸肉燒烤咖喱🍛印度烤雞韓式辣雞🍗等等，佢個香葉蘿蔔炆牛腩都幾好食。刺身區有三文魚吞拿魚紅蝦帶子等等，帶子都新鮮好食😋。面區就有冬陰功或者泰式船麵選擇，甜品再有泰式椰汁糕，朱古力噴泉，芝士蛋糕，金寶係好値得試下。飲品就果汁咖啡☕️茶包，甚至乎自製泰式椰汁冰都好吸引。餐廳除咗係可以喺太子酒店直接上去，仲可以喺海港城商場搵到餐廳嘅門口入去。

buffet食物選擇不多，亦冇乜refill，沙律菜選擇ok，但凍海鮮唔太新鮮，選擇亦不多，尤其啲蝦唔太新鮮有啲霉，餐包同湯一般般唔太吸引，Main種類亦唔多，尤其今期做泰式為主，款式唔多亦冇乜特別，呢個價好似唔係咁抵，所以以人均$250嚟講唔太值得。服務方面唔錯，侍應態度友善，會主動嚟清碟。值得一讚係餐飲方面，唔會局限只有檸茶檸水咖啡，仲有 cappuccino latte，味道也不錯，細細杯味道濃厚。

SAVVY逢周三至周六呈獻極尚自助晚餐，一共有兩款主題各有特色！我當日主題係海陸燒烤，香氣四溢！仲有精緻亞洲佳餚及甜點！當日係公眾假期前一日，餐廳都好多人幾乎滿座的情況！好多客人都係平台拎左優惠訂枱。自助餐有齊冰鎮海鮮，包括阿拉斯加帝王蟹、龍蝦、鱈場蟹腳等，勁豐富！仲有刺身、好似油甘魚、帆立貝等都應有盡有。因為SAVVY主打東南亞fusion菜式，點少得招牌冬蔭功？記得以前試過虹吸的冬蔭功，儀式感滿分，辣勁超有的！另外比較驚喜仲有印度式燒虎蝦，用牛骨湯湯底製成的泰式船麵，仲有好多不同的配料。星期三、四仲有香草牛油燒龍蝦、燒鮑魚配香葱醬，呢個真係回本之選。而食到最後的甜品部分有自製芒果糯米飯及珍多冰！仲有泰式甜品，配番杯香茅薑茶都係必試！咖啡茶都係任飲！

第一次食呢間自助餐，見到官網做緊買二送二優惠，超抵！即刻book黎帶埋屋企人去食！Savvy係太子酒店，裝修好新潮，而且佈局合理，坐得非常舒服，而且氣氛輕鬆，成晚都好開心！依家星期三四主打燒烤海鮮，星期五六主打刺身海鮮🦞 由於屋企人唔食生嘢，所以揀左星期四晚去，好值得讚係燒烤超有驚喜！冷盤有各式沙律菜、亞洲style沙律、各款凍海鮮例如龍蝦長腳蟹等等，選擇非常豐富，而且呢度既亞洲沙律真係好有特色，平時都比較少見。仲有刺身bar同麵包臺熱盤有各種亞洲料理，印度style咖喱魚、泰國style烤肉、韓國style炸雞、中菜蒸龍躉等，全部都好好食最值得期待既即叫即燒海鮮真係勁勁勁好食！呢個龍蝦又香又多肉，燒鮑魚超鮮甜，燒牛扒同黑豚肉都勁香，估唔到自助餐有呢d質素！飲品選擇都多，仲可以自製椰汁冰，幾好玩！甜品都好靚，有勁多款蛋糕，仲有泰式甜品，同可以自制雪條，好玩又好食！

之前已經book mark咗呢一間嘅buffet，趁住官網有優惠，呢晚就同友人，兩個人嚟咗呢度食野😮 餐廳嘅環境都幾大，拎嘢食嘅地方都幾闊落，唔使一窩蜂堆埋一齊😂回本之選自助餐嘅食物實在有太多，所以今日精選咗幾款回本必食嘅食物推介俾大家🤩♦️冰鎮海鮮呢個海鮮嘅區域係正餐廳嘅正中間，一踏正6:30嗰個都排晒隊拎一round先🦞 龍蝦肉彈牙，仲幾多龍蝦膏，難怪個個嘅心頭好都係佢啦😍 仲有蟹腳、雪蟹、蜆同埋青口。♦️美國安格斯牛肉呢個安格斯牛肉好大片，入面又夠晒粉嫩🐮 牛魔王必食之選。♦️鐵板香燒鴨肝佢嘅位置比較埋邊，刺身壽司區域，同廚師講想要幾多件，佢就會即席喺鐵板度煎鵝肝，再放上塊Cracker度🍪 再額外用上自家製嘅醃青蘋果絲，即使唔落意大利黑醋，味道都帶點酸酸哋，食落口唔會咁肥膩🍏其他食物沙律吧勁多選擇同醬料可以揀🥗 另外刺身壽司同其他亞洲嘅菜式同樣有供應🍣 特別鍾意佢嘅燒腩仔，層皮勁脆🐷飲品即席嘅cocktail表演，今日嘅signature cocktail有Firework同埋Caramel Earl Grey Cake🥂 兩款都各有特色，Caramel Earl Grey Cake

呢間亞洲特色餐廳有成8000呎地方好大坐得非常舒服 環境舒適 食物款式先講海鮮有龍蝦、青口、蟹腳等 佢蟹腳都有二款揀 一款係開咗邊方便食 另一款就自己剪開食 個人覺得原條自己剪開個款重海水味較好食 龍蝦彈牙有膏啖啖肉 好鮮甜 refill 食物速度快 職員收碟又快魚生款式有帶子、甜蝦、三文魚、吞拿魚、油甘魚、八爪魚等熟食有牛扒、清蒸魚、即整泰式船麵、鵝肝多士等要食多幾件回本甜品區有芒果糯米飯、檸檬撻、雙重朱古力蛋糕等海量款式揀 最驚喜係食到半路突然聽到鈴鈴聲 原來有架雪糕車推咗出嚟 入面係哈根大師嘅士多啤梨味雪條 仲可以揀放唔同嘅配料上去 我就加咗朱古力醬同花生都幾好食飲品自助咖啡機、幾款茶包、果汁、罐裝飲品、仲可以自制泰式珍多冰係幾特別嘅 而我就拎咗杯香茅薑茶 真係好夠薑味道唔錯依家官網做緊限時買2送2優惠 分咗2個主題 逢星期三及四主打燒烤美食、肉類、西式燒烤海鮮、鐵板燒海鮮；星期五及六則主打海鮮、刺身

🙋🏻‍♂️餓底探員去咗尖沙咀調查呢間自助餐，餐廳位於海港城太子酒店，裝修充滿時尚感，環境舒適，空間感十足，自助餐逢星期三至六供應，菜式充滿亞洲特色，設有兩個主題，官網仲做緊限時買2送2優惠，詳情可參閱官網🍖極尚海陸燒烤自助晚餐主打燒烤美食，逢星期三，四晚供應🦞極尚海鮮盛宴自助晚餐主打海鮮刺身，逢星期五，六晚供應🍖極尚海陸燒烤自助晚餐 $758🙋🏻‍♂️表示除咗燒烤美食，仲有海鮮，壽司刺身，沙律，熱葷，甜品及飲品，全部可以無限追加，all you can eat🦞海鮮🙋🏻‍♂️表示有龍蝦，長腳蟹，青口，蜆肉等多海鮮供應，龍蝦肉質爽口多膏，長腳蟹鮮味多汁，蜆肉以酸辣醬汁調味，鮮甜開胃🍣壽司刺身🙋🏻‍♂️表示有多款壽司刺身供應，有甘香細膩嘅吞拿魚，脂香肥美嘅三文魚，鮮甜彈牙嘅八爪魚，香軟爽口嘅帶子等🍖燒烤美食🙋🏻‍♂️表示有鐵板香燒鴨肝，鐵板燒和牛粒，燒鮑魚，鴨肝燒到焦香，口感香軟，和牛粒口感鬆軟，香濃多汁，鮑魚鮮香有嚼勁🐟熱葷🙋🏻‍♂️表示有清蒸鮮魚，韓式炸雞，泰式豬頸肉，印度烤餅等熱食，充滿亞洲特色風味，烤餅香軟鬆脆，豬頸肉爽口惹味，炸雞外脆內軟，蒸魚鮮嫩啖啖肉，仲有充滿泰式風味嘅湯頭濃郁嘅船麵，惹

好耐冇食過buffet，近排見到尖沙咀Marco Polo太子酒店官網做緊買二送二，所以就買咗張券同屋企人一齊happy吓，主打亞洲特色餐廳：自助餐逢星期三至六供應，分為兩個主題星期三＆四 ：（極尚海陸燒烤自助晚餐）主打燒烤美食、肉類、西式燒烤海鮮、鐵板燒海鮮星期五＆六：（ 極尚海鮮盛宴自助晚餐）主打海鮮、刺身餐廳座位都好闊落，坐得好舒服，而且食物都好多種類，近排餐廳buffet主題都帶有啲泰國嘅風味，今次呢小編就揀左「極尚海陸燒烤自助晚餐」，海鮮種類都好多而且好新鮮，有凍龍蝦同埋長腳蟹，同埋蜆肉，同埋小龍蝦，值得一提呢就係佢哋啲長腳蟹嘅係蟹鉗同蟹腳位置已經cut 開咗一半，方便客人直接咁樣享用另外，仲有沙律，芝士拼盤，凍肉拼盤，仲有中西湯，湯方面小編極力推介嘅蟲草花雞湯，好足料😆主食方面，都會有叉燒燒鴨，仲有啲印度菜式，另外都會有即燒嘅龍蝦，牛扒，三文魚扒，豬扒，小編極力推介三文魚扒勁厚身，再配上白汁香草醬，真係好好味，啲魚好嫩滑，仲有煎鵝肝，好邪惡😌依家自助餐呢都有泰國主題嘅嘢食，例如冬陰功湯，泰式船麵，仲自家製有珍多冰，同埋芒果糯米飯甜品方面，除咗有生果之外，仲有各款類型嘅甜品，

亞洲特色餐廳SAVVY位於海港城🍴佔地超過8,000平方尺，具有酒吧、酒廊和餐廳區域，環境時尚高雅又舒適✨ 提供各種亞洲美饌及特色燒烤🍖Dinner Buffet 極尚海鮮盛宴🦀🦞Buffet重點一定係海鮮🥳鱈場蟹腳、雪蟹🦀大小龍蝦同螺，每樣都好新鮮，個人最愛雪蟹🤤一夾即食得嘅啖啖肉！衝啊(๑و•̀ω•́)و 刺身方面有吞拿魚、三文魚、帶子、甜蝦同埋紅鯛魚🐟肥美鮮味！熱食同樣高水準🤪必食泰式船麵！強烈推介冬陰功湯底🌶️非常濃郁惹味呢～船麵煙韌彈牙，仲有得加自己鐘意嘅配料～食buffet好少食飽肚嘢，都忍唔住encore咗(˵ ˃̶̀ε ˂̶́ ˵)ෆ⃛ 另外仲有即整鵝肝鐵板燒🔥粉嫩安格斯牛扒🥩烤火腿。蟲草花螺頭雞湯足料，鮮雞味香濃🐓唔好漏咗dessert time啊₍ᐢ⸝⸝› ̫ ‹⸝⸝ᐢ₎🍮超多款甜品🤤🤤必食芒果糯米飯🥭🍚同自製珍多冰！仲有雪條餐車( ˙༥˙ )häagen-dazs朱古力雪條淋上超濃郁朱古力醬，有得自己揀oreo/果仁碎等等嘅toppings🤪超邪惡啊！仲有朱古力噴泉🍫同各款泰式糕點、自家精緻甜品😻

上網睇到Savvy做緊限時買2送2優惠，緊係要約埋屋企人去食返餐勁嘅😍我自己都幾中意食buffet，貪佢選擇夠多，每一樣種類都可以食下。Savvy 環境靚就唔洗講啦，座位闊落之餘，仲有啲包廂嘅枱，夠晒有私隱度佢地逢星期三至六，都會有dinner buffet;星期三、四：主打燒烤美食、肉類、西式燒烤海鮮、鐵板燒海鮮；星期五、六；主打海鮮、刺身。海鮮控嘅我就緊係揀星期五、六嚟個Happy Friday~🌟海鮮🦞海鮮有龍蝦、松葉蟹、青口、小龍蝦等。有一個位好貼心就係佢有啲已經搣開左一半嘅蟹肉，方便想食蟹但又唔想搣嘅人🤣🌟肉類🥩幾推薦試下佢嘅烤三文魚扒同安格斯牛肉，2款嘅肉質都好juicy👍而且調味都啱啱好～🌟剌身平時食buffet會有嘅剌身種類基本上都有齊晒，味道都幾鮮甜～🌟甜品甜品種類好多，西式、泰式、多種新鮮水果👍都幾推薦佢地嘅蛋糕，蛋糕本身做得好軟綿👍水果搭配都做得好好。

喺Openrice  book咗，但打電話嚟話overbook，要我Cancel  booking，好嬲，唔會有下次😡😡😡冇位就唔好比人book啦😡😡😡要同家人話book咗又cancel😡😡😡

回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰💰💰（TTL $987.8，人均消費$493.9）環境質素：☘️☘️☘️☘️最近同朋友去咗尖沙咀Savvy食dinner，環境優雅又有格調，食物質素同創意都令人一試難忘🙂。signature sharing menu 2人 ($898)鐵板鵝肝配黑松露 鵝肝入口即溶，濃郁香滑，配上黑松露既獨特香氣，出色！水牛芝士配巴拿馬火腿和芒果醬汁水牛芝士軟糯濃香，搭上咸香既Parma Ham，再加芒果醬汁既微甜，非常開胃雜菌忌廉湯濃而不膩，雜菌香氣撲鼻，暖胃又滋味鐵板印度香烤拼盤+蒜蓉烤餅香料烤肉嫩滑，配上蒜蓉烤餅，濃濃印度風情同西式鐵板既碰撞，好特別烤澳洲乳飼羊扒羊扒烤得剛剛好，外脆內嫩，五成熟岩岩好，肉汁鎖得好正，肉食控必試！忌廉西蘭花西蘭花煮得軟硬適中，忌廉醬汁濃郁但唔會太重，健康又美味既配菜餐車自選甜品😍車釐子蛋糕芒果椰子蛋糕

週五和週六，餐廳搖身變為華麗自助餐廳，中西合璧的餐點融合多國風味，尤其突出東南亞美食。餐廳設計時尚優雅，提升整體氛圍，🍴 *精選美食* ： - _沙律系列_ ：意式沙律香濃芝士帶來經典口感，日式沙律爽口清新，泰式沙律酸辣帶點甜，層次分明令人驚喜。 - _阿拉斯加皇帝蟹 & 長腳蟹_ ：蟹肉鮮甜豐滿，彈牙多汁，絕對是必試項目。 - _波士頓龍蝦 & 青口_ ：龍蝦鮮美厚實，青口則海味濃郁，無論蘸醬或原味享用都相當出色。 - _蕃茄醬芝士意大利麵_ ：意大利麵濃郁奶香，蕃茄醬甜酸適中，每一口都溫暖滿足。 - _連骨火腿配牛肉醬_ ：火腿鹹香煙燻，牛肉醬濃郁醬香，入口極具層次感。 - _美國安格斯牛肉_ ：牛肉煎至外脆內嫩，油脂分佈均勻，散發出天然肉香，口感令人回味。 - _燒三文魚魚柳_ ：三文魚細膩多汁，輕燒後散發迷人炭香，搭配鮮甜味道，極致享受。 - _烤魷魚配蝦醬_ ：魷魚爽脆彈牙，蝦醬微辣濃香，完美提升海鮮風味。🍰 *甜品區* ： - _泰式蛋糕系列_ ：泰式蛋糕塊、椰子西米蛋糕和彩虹千層蛋糕層層分明，入口綿滑，甜味清新。 - _朱古力塔_ ：朱古力濃郁幼滑，甜

第一次嚟呢間酒店,網上食評好多人都讚，我一去到嚇親 ，海鮮居然 得五款 得蟹腳龍蝦叫正常 皇帝蟹腳無味的， 生蠔冇 凍蝦都冇，翡翠螺冇 蜆都冇 麵包蟹冇，種類少到真係 嚇親人， 刺身款式ok但完全冇味的,三文魚可以霉腥到嘔嘅， 帶子匿埋眼食完全唔知係食緊帶子 ， 蟲草花螺頭湯居然係酸的， 燒龍蝦淨係得星期三星期四才有，反而今晚星期五冇 ，非常奇怪， 呢間嘢真係幾恐怖 ，我完全未食過咁難食嘅buffet。 真心真係唔值$531蚊我覺得仲衰過啲平價buffet。食到一肚氣