Savour Cafe

营业中

休息中

本人第一次黎呢間餐廳食野..因為聽聞lunch幾抵食,,所以就去左試下..感覺唔錯!!開頭坐低見到個價錢,,覺得貴左少少..咁就點左個肉眼扒黎試試..開頭會有個湯跟塊蒜蓉包,,塊包好重蒜蓉味,,好香~而且熱辣辣..好食...之後就上主菜..都幾大碟..除左塊扒仲有意粉(可揀飯/薯菜),,另外有d菜..唔駛得塊扒咁肥膩..塊扒我就叫左半成熟..個熟數控制得好好,,真係半熟..而個意粉軟硬適中..食完真係好飽..而lunch既價錢相比起晚市..抵食得多!!最後點左杯特式飲品凍"樽"子果仁朱古力,,個重果仁味同朱古力夾埋一齊感覺幾得意..容易入口..又唔會話太甜..但係就要另外加5蚊..同埋個度d人都幾好..幾細心..因為我係自己一個人去食,,佢仲問我睇唔睇雜誌添..幾好禮貌..可以去試下!!

2007-04-26 (星期四) 去呢間cafe, 諗住元朗無咩環境似樣嘅意式餐廳，咪一心貴貴地都試下(元朗地方同類相比)。掂知完全'唔掂'!當日晚上七點半，全場得一張檯有人。聽聞話電話預約晚飯有九折，於是响門口就問個貌似經理嘅四眼仔, 我地一邊問一邊行入餐廳，但四眼仔話無預約就無九折。有同無都相差幾十蚊，於是我話一個電話都唔係咁重要，放且全場得一張檯有人，唔訂檯都可以有九折啫, 一個電話有咩分別。但佢依然唔識轉膊，唔肯。我於是問多一句，咁我宜家行番出門口打電話訂檯咪一樣? 點知佢居然答，'你都已經坐左响到!' 我當時真係火都黎，我未叫嘢, 水又未到，走都仲得。但為左廢是掃朋友興致，只好吞左到氣。講番食，我叫左個忌廉海鮮麵餐而我朋友叫三文魚墨魚麵餐，無咩特別，同都靈質素差唔多。是日餐湯(冬茹湯)完全唔掂。果塊焊麵包又太油。我柸餐飲(菊花薑茶)，差d 辣死。舖頭細小，坐近廚房，環境毫無特別。全場得一張檯有人，都帶我坐將對住廚房嘅檯，而唔係窗口檯。有病。

終於來到考試日。之前準備report及presentation太忙，唯有請假即日溫書，也算是孤地一擲的一種吧!　上午起得早溫書，進度不錯，決定慰勞自己食頓好點的午餐，於是與媽咪日訪這間小店。午市價錢便宜得多，由$38-$48已經有牛柳、羊架、豬仔骨之類(要加一)，當然也聽聞過質素不可與晚市$15x以上的主菜相比。　　我揀了甜酸醬燒豬仔骨配薯菜，媽咪就揀白蘭地汁燒牛柳配意粉，牛柳要求五成熟。餐湯先上，是濃郁的蘑菇忌廉湯，蘑菇味超香濃，湯又夠熱，配以蒜茸法包很美味!　兩款主菜是即叫即製，賣相不錯，不過牛柳過熟有點硬，味道亦一般；相比之下燒豬仔骨味鮮肉嫩，比較好味。至於配菜無論是薯菜或意粉我都覺得麻麻，的確與晚市pasta水準差一大截，所以主菜印象都是一般。　不要緊，最後的飲品大量加分：我們都加$5轉飲特飲，媽咪重溫有酒味的Irish Cream Chocolate仍然美味，我就新試Roca Almond Chocolate，有極香甜的杏仁味，滋味特別令人驚喜!　所以，這仍然是元朗區我最喜歡的小餐館!

(To openrice editor: 人均消費應為$100-$150，請更正，謝謝!)　Savour cafe是元朗難得精緻小餐館，氣氛優雅，而且由諾士佛臺某前意菜大廚執手，有點來頭。　它的位置較偏較靜，因此特別顯出格調，與隔河對面的Riveria相映成趣。原想上週二去試菜，後因事改去金泰釧，改到今個星期才來試菜。　晚餐是散叫形式，pasta類由$68-108，肉類主菜則$158-$198不等，價格比同區貴。新開張關係，凡購主菜可加$20有前菜、餐湯及飲品。我點了較抵食的辣肉腸．菘子．菠菜意大利飯($88)，同行細妹點了一個香辣蒜汁意粉($88)，都加餐。　前菜是吉列炸蝦。難得蝦十分新鮮彈牙，外層炸得香口惹味，加上沙律醬很好吃。是個略為油膩，但不失美味的前菜。　餐湯是菠菜忌廉湯，比坊間一般忌廉餐湯好飲，伴以一片新鮮焗起蒜茸包，以套餐計算很不錯了。　主菜的意大利飯口感很好，是繼Island Seafood的Fishermen Risotto後另一好味推介。菘子與菠菜的配搭清新，唯獨是辣肉腸有點膩。細妹的意粉亦不錯，既保持al dente卻又同時粘口，好!無論是意粉還是意大利飯，皆有濃