Samsen 泰麵

营业中

休息中

今次專誠嚟到灣仔米之蓮得獎餐廳食船麵，灣仔地鐵站行10分鐘就到，去到時候已經見到人龍，等左唔洗10分鐘已經可以入座。我地叫左2個和牛船麵(包飲品),飲品叫左2杯泰式奶茶。我覺得係自家炒既辣椒醬料。不過我地都唔食得辣...和牛船麵。 和牛船麵有牛丸、牛腩、牛肉。湯底濃郁，湯底可以掛係麵上，非常好味，差唔多飲晒成碗。牛腩好淋，不過都係牛肉最好味。泰式奶茶。呢杯奶茶，係我係香港飲過最最最有泰國味道既泰底奶茶。 總結。我同男朋友都係覺得麵既份量比較小，但係以味道黎講，係絕對值得呢個價錢$128加一。

一直很喜歡吃東南亞美食的我，聽說灣仔藍屋附近有家特色懷舊燈飾與擺設，桌椅與碗筷都洋溢着街頭風情的小店。這裡除了泰式湯麵之外，也有創意的特色小食。Fried Eggs $68賣相別致的泰式炸蛋就以芫荽、辣椒醬、炸蒜頭、炸紅葱頭調味，香濃微辣滋味與別不同。切開流心蛋十分吸引！Wagyu Beef Boat Noodle $128湯底以豬骨、豬血及多款泰式香料熬煮2.5小時而成，色澤深沉而香味濃郁，配搭每日由泰國直送的新鮮河粉、澳洲和牛與炸豬皮。

今日排完老虎堂又即刻衝去排samsen，據聞呢間野都係灣仔超人氣長龍店。舖頭開12點、我大約早5分鐘到達、已經排左大約15人ｏ係前面，好彩我都入到第一輪。一坐低已經問你食咩、因為我唔食牛所以冇試佢既名物wagyu boat noodles，我點左老虎🦐炒金邊粉，唔駛5分鐘已經上台，鑊氣夠、足料、好多配料和🈶️濃厚花生味、至適合重口味人士即係我啦但略嫌d🦐唔夠精壯、唔似tiger prawn、如果成隻🦐上會開心d囉總括都👌🏽既，encore指數非常高

‼️味道好但態度差‼️上次嚟食左閉門羹，今次終於食到，佢有幾款set lunch 揀，價錢就...中環價啦，包嘢飲，船麵湯底好濃郁牛味，正正常常，其實最懷念嘅係豬皮，唔係好多泰國餐廳有，但係係勁好味，食到尾聲外面開始多人排隊，我地杯嘢飲仲有8成，佢就一嘢啪咁，放張單係台面無講乜嘢，我真係接受唔到囉，你講聲麻煩埋張單先都好吖，超無禮貌❀ ✿ ❀ ✿ ❀ ✿ ❀ ✿ ❀ ✿ #瘋be去灣仔#foodie #hk #hkfood #hkfoodie #hkiger #hkdaily#hkfoodblogger #hkfoodgasm #hk❤️ #hkfoodpic #hkfoodporn #hkfoodshare #手機食先 #相機食先#hkfoodsnap #hkfoodblog #hkfoodlover #hkfoodig #hkfoods #hkigers #hklife #hkeats #hongkongeats #hkrestaurant #香港 #香港美食#thailand #waichai

一連五個星期二都會在灣仔藍屋附近上堂，原先諗住行去食餃子，食前先到上堂架步實地考察，但就比我見到有一間小店已經有幾個人喺度排隊，即刻上網睇下依間食店既資料，呢間麵店係晚市六點半先開始，但係六點已經開始有人排隊啦。計計條數，七點半上堂，六點半入去食都有足夠時間喎，就係咁人排我又排6點半條龍開始向前推進，前面有幾組被安排坐二人order table,單人便安排往吧檯，哈哈，有得坐吧檯我當然滿心歡喜ORDER TABLE吧檯可看到煮麵、執配料、整沙律及飲品所有沙律都會用依個大木盅處理整個過程盡收眼底，半開放式廚房陳設齊齊整整，每份材料也預先放入食物儲存盒內（撇除要清洗膠盒這工序），一要即取，簡潔俐落，份量質量差落不會太大廚師們處理食材極度純熟井然有序，比我感覺係快、靚、正、潔！ 完全係視覺享受就如水吧那邊(不過不在我面前，所以無影) 一杯西瓜汁係從雪櫃取出一個膠盒，盒肉放有切件西瓜，整盒倒入攪拌機，加一殼冰便開機打，份量剛在一杯。沙律中的主要調味料配料已執好在膠盒中，主材料由煎炒部提供，主材料送出來便開始混合任何食品也先會經過半開放式廚房這一角落，因為要添加不同香料才出場MENU就是這一張檯

由船麵開嘅第一日已經想試，但因為無得book位所以仲未的起心肝去食。2018年最熱嘅5月天，因為去開附近睇話劇諗住第一round 無咁多人去排一排，點知18:15去到已經一條龍，好彩皇天不負有心人，找著第一round的尾巴，成功入坐。一坐低，由於坐bar枱嘅關係，跟厨師非常接近，所以四眼厨師即刻幫我哋斟水，為炎炎夏日即時降溫，可惜可惜原來支水要收費，而且可不便宜，算啦，出得嚟行，丫係食先啱，又何必區來拘泥數十元百塊兩隻牛魔皇，一人一碗和牛船麵 Wagyu beef boat noodle $128配料: 炸豬皮、牛丸、牛肉片、牛腩、通菜嘩。嘩。嘩 👇🏼厨師一放低碗麵，香味即時飛埋嚟。除咗睇得，仲非常好味，係舌頭的享受。第一啖梗係試湯啦，我舌頭突然有一陣暖意，而後就係香料交迫，湯味濃郁而且充滿泰國香料的鹹香。至於牛肉，兩片牛肉半生熟程度亦非常啱我口味，而且牛丸像乒乓波一樣Q彈。個人嚟講平時唔多喜歡食厚厚嘅牛腩，因為一旦整得唔好......你懂的！但我可以話你知，牛船麵的牛腩軟硬適中，且非常有咬口，口感一流，佩服佩服。之後介紹一下，店員推介，泰式燒肉炒芥蘭，menu無𠺢。燒肉肥瘦分配平均，

話說好多時係寶雲道跑完步落山都經過依間泰麵 ，次次都見好多人排隊，今次終於有機會試試。未到6點已經係度排隊，正式6：30開，前前後後有鬼佬日本人。講番主角當然係餸菜，老老實實，之前 d post 話佢性價比一般，依個我唔多認同，因為佢擺明係走中高檔路線，你估真係街邊價可以食龍蝦魚翅咩！？ 一碗船麵食唔飽就係真，不過咁諗，如果食得飽就試唔到其他野。碗船麵好香，去到一定必食。仲有炒河粉，我覺得佢係迎合外國人合味多 d , 同外面食泰國舖有 d 分別。炸尤魚又係必食，好有鮮味，最後果椰子冰都可以一試。不過始終都係開係香港做生意，員工手腳好快，比唔到我哋好 relax 的感覺，不過依個都可以理解，外面多人排隊要做生意既始終。

今日一個人無無聊聊……在openrice上見到灣仔藍屋有間人氣小店， 以船麵聞名的「Samsen泰麵」。午餐就去試下，小店12點營業，筆者1215到達門口已經大排長龍。排隊時剛好望進廚房位置，原來主打泰國街頭風味的餐廳，不是泰國人主理，竟然是澳洲籍大廚主理。等了半個鐘終於可以入內，只有一個人但小店安排2人枱而且不用搭枱，真不錯。店內樓底超高，裝潢上用上不少木器營造出泰國風味。午市定食共有五款主菜選擇，配以泰式凍青檸茶、泰式凍奶茶或泰式凍咖啡。 定價$118及$128，價錢一點也不便宜。但是店外經常大排長龍，必定有其個人之處。揀了招牌船【Wagyu beef boat noodle $128】 由落order到碗麵上枱，過程不過5分鐘。呈上的船麵湯底色澤深沉帶濃香，湯頭用新鮮豬骨外並且加入了豬血，所以令湯頭更加香濃。雖然加入了豬血但又喝不出血腥味，可能湯頭輔以大量香料熬煮而成，湯頭帶點辣味正好中和那個味道。這個湯頭非常足料又重口味，絕對是船麵的靈魂。 湯內餸菜種類同樣豐富，有牛肉、牛腩、牛丸及豬皮。面上的澳洲和更是放得大方慷慨，牛肉肉紋明顯，用筷子夾起已經感受到牠的嫩滑，入口當然牛肉味濃

見到IG好多人吃呢間船麵，見到佢個牛肉湯好似好正咁，知道要排隊都衝左去試，當日星期五lunch，我地12:15到左，等左大概半個鐘先入到座環境好open，都算涼爽嘅，我地被被安排坐bar枱，可以見到廚師煮野，廚房都好乾淨！中午餐牌選擇唔多，都係以船麵，pad thai，炒飯為主，包餐飲！呢個船麵真係無得彈，個湯超夠味，濃而不膩，和牛肉好嫩，豬肉丸都好味，蔥吸左d湯好正，可惜炸豬皮蘸左湯，淋左唔好味。另外，叫左蟹肉炒飯，好味！好多蟹肉，新鮮！味道都調得好好，唔會太咸。跟餐包左泰式奶茶，真係太甜…我覺得麻麻椰子雪糕，好掂！加埋栗米又好夾wor! $58都叫抵食！另外個個椰子冷就一般，可以唔試班欄椰子湯糰，超甜，唔好叫（除非你喜超甜），粉團唔係煙韌個隻，唔好有期望。整體：船麵必吃！炒飯都唔錯，見到其他人叫嘅pad thai個樣都靚仔！雖然吃埋甜品，人均都要大概$200，不過都係一間會re visit嘅餐廳，推介！！！不過大家記得早d去排隊喇！

< 和 牛 船 麵 • S a m s e n 泰 麵 > Wagyu beef boat noodle $128個湯好濃好濃 麵質幼身同煙韌 其實講真價錢有啲貴 不過的確係高級食材 話晒都係和牛 最比effort係個湯底 真心重口味•星期日下午 排咗15分鐘隊 都幾多人! 其實係第一次食船麵 所以唔識點比較 不過overall係好食 只係感覺有啲貴 所以唔係話好surprised 😮•另外 食食吓呢 有少少覺得同chachawan有d似 無論係入面嘅裝修 定係食物嘅款式同味道 都似似地 後來先知道原來係chachawan廚師!

The pork salad was ok, nothing spectacular. But the wagyu beef fried rice was extremely salty like eating a spoonful of salt. We flagged the issue up to the waitress and chef, but apparently “there is nothing wrong” and our comments are just irrelevant. We demanded the kitchen to make another dish because it was not acceptable. The second dish came and it was eatable. When the bill came, they charged us two beef fried rice. We had to raise the issue again to get this resolved, very very very dis

Went there for dinner, arrived around 7.30pm. Waiting list is looooooong, at least you can leave your name and phone number and they will call when your turn is about to come. We were told 20 minutes, the waiting took approximately 45.We ordered the Duck Salad, the Wagyu Beef Noodles, the Stir Fried Beef Noodles, the Crab Omelet, a Calamansi Soda and one Coconut Ice Cream for dessert. The food was really nice and tasty, all of the dishes. But they were coming in batches with a lot of time in bet

久仰大名既Samsen，來到一食，船麵當然係必點，上到檯已經聞到香味，見到啲和牛中未全熟，非常吸引，最重要係有好多炸過既豬油渣，夠脆都夠香。可惜既係麵既份量好小，小到有啲感覺係一啖就食曬一碗，要就住就住食，我明白船麵本質係一啖一碗，但呢到既價錢絕對不能接受一啖一碗既。另外叫左炒河粉。真係好好食，配料好多，牛多過河粉，原因係因為吵河一樣係個個問題，太小。真係小到唔知點形容，大家可以想像一下係3分1個茶餐廳飯盒size左右，但就要百幾蚊。甜品就叫左芒果糯米飯，呢家係食芒果既季節。理應芒果係非常香甜，但芒果就唔香而且唔算甜。無錯呢到主菜既味道係好正，好值得推薦，但大前提下係大家要有心理準備好份量係嚴重不足。

Wagyu Beef Boat Noddles.Samsen的招牌菜船麵☺️湯底味道濃郁帶微辛 配料有牛肉片/牛丸/牛腩/炸豬皮 麵條不糊 但可更爽😉 整體味道不錯 但驚喜不大 反而另一碟的炒闊河粉才是驚喜之作😈Stir-Fried Fat Noodles w/ Wagyu.比起船麵 更喜歡他們的炒闊河粉😍 非常有鑊氣 炒得香噴噴 各種香料的配合 令味道十分香辣惹味🤤 牛肉片肉質嫩滑重牛味😋 會為這碟炒闊河粉再回頭!Young Coconut Ice Cream.以椰青殻上枱😚 椰青肉清甜爽口🥥而雪糕有著濃濃的椰青味道😍雪糕份量還要不少 其他配料有花生和粟米🌽如果粟米可以更甜就更好了!Pandanas Coconut Dumplings.斑蘭椰子湯圓☺️ 溫熱的湯圓有著軟糯的外皮 咬開是甜甜的椰子絲 配上微咸的椰子醬 是個不敗的配搭😋

There aren’t a lot of places in HK that serves boat noodles and this is one of the best boat noodles you can find in town. (The price also reflects it) I came here for lunch and ordered the wagyu beef boat noodles, it's super tasty and full of flavours! I highly recommend it. Like I mentioned that it’s a bit pricey for a bowl of boat noodles but the quality of the beef (and beef balls) and rich broth justify it. There are other items on their short menu that looks equally good. I will certainly