Running Korea (已結業)

呢間鋪既部隊鍋只需$69，可以揀配牛肉/豬肉/雞肉其中一種，今次就揀左牛肉黎食。牛肉幾嫩，配合湯底輕輕呷一口，全身暖哂。不過呢個鍋既敗筆之處在於湯底既味道，無乜泡菜味，只得韓式辣醬既味道，而且鍋底比較多菜，整體味道相比坊間既更為單調。除左部隊鍋之外，亦叫左一個泡菜豬肉炒飯。飯身較黏，辣醬炒得均勻，值得一讚。不過同個鍋一樣，泡菜味欠奉。湯係隨餐附送既海帶牛骨湯，頗清甜，襯熱飲最佳。個人認為性價比算不錯，有去長發廣場的話不妨一試。

下午茶時段到來長發，都沒有發現特別多新式餐廳，吉野家、一粥麵還是多人，不如試試這韓店。下單的阿姐很熟口面，但沒有詢問她來自哪餐廳當然不能期望，炸雞有韓式炸雞店般的質素，或如jolibee那麼多汁，但是這三件小小的炸雞，外皮不算太口，少許甜辣醬，味道也還不錯。反而紫菜粒粒飯糰味道非常不錯，雖然飯團的飯不太結實，上面有點兒微鹽的紫菜，小小咸，味道相當好。雞肉手打烏冬，上面雞肉普普通通，但是烏冬彈力十足，應該真的是手打烏冬，非常彈牙，比起外邊餐廳自稱稻庭或甚麼手打烏冬有誠意得多！雖然只是罐裝飲料，但下午茶時段，不用＄40 ，包括一主食再加小食，還有罐裝飲料，確是抵食夾大件。

星期日天黑黑都唔敢出街，但又食樓下嘅餐廳食到悶，所以決定叫返屋企食，於是叫左呢間。火灸芝士包：開頭老公叫呢樣野食時我地以為係真係一個包咁嘅野，點知送到黎一打開見到係芝士丸....真係令人呆哂....22蚊食5粒丸.....十分唔抵...海鮮芝士炒年糕：估唔到咁足料，有魚糕有蝦，魷魚同魚板，芝士都幾多，辣味剛好唔會太辣或冇味，仲有半隻溏心蛋。份量都唔少，一流。蜜糖芥末炸雞：冇諗到係咁平，28蚊一份，雖然係雞塊唔係一隻/半隻雞同傳統炸雞唔同，但味道唔錯。韓式牛肉炒飯：有一隻煎蛋係面，炒飯入面有好多肥牛片，仲有洋蔥，椰菜，味道幾好，唔會太濃味，但又好足料。唔錯。牛肋骨湯飯：湯底偏淡，但有好多牛肋骨，大約有6塊，所以算抵食。午餐肉紫菜包飯：呢個就差左少少。因為飯團包唔實 底部已經散開，所以好難夾黎食，入面有午餐肉，蘿蔔絲，雞蛋，魚糕，醃蘿蔔，但同出面紫菜包飯唔同係冇麻油味。芝士炸雞：呢個比起蜜糖芥末炸雞貴幾蚊，但芝士比較少。韓國菜係香港黎講不嬲價錢算係較貴，但呢間黎講真係平民價，間唔中想過下口癮又唔太揀擇的話都不失為一個好選擇。

石頭鍋飯夠熱夠香，牛肉很多，醬汁有點辛辣，但食得有點刺激。食石頭鍋飯最喜歡吃他飯焦，脆脆飯焦，有不同口感.韓國拌飯是友人點的，她讚泡菜好味道，煎蛋偏凍，幸好珍珠飯夠熱，不過不失。

因上次經過店舖位於嘅商場時，覺得其店舖裝修有點特色，所以再前來嘗試其美食。今次品嚐美食有 ：牛肋骨湯粉絲跟飯，金脆炸粉絲 韓式辣豬肉飯。 因為去到嘅時候係下午茶時間，所以未能夠嘗試一下石頭鍋飯。美食味道是可以的，食物亦夠熱，份量十足；但職員遺忘附上餐前韓式的特色小吃（無緣品嚐，因正餐已經好飽啦），希望下次再去既時候可以補返啦

起身落樓落搵食，就想長發商場有間韓國野食，就入去坐底，見店內放住韓國歌曲，好舒服食左個下午茶餐，味道幾好，喜歡個麵質係吾同一般公仔麵下次會再幫襯架！個環境舒服令我都想坐多陣呀！

平時少食韓國野，今日走黎青衣捉小精靈之後搵野食，見到呢間就入左黎什錦拌飯味道相當有趣，多種食材混合一齊有泡菜嘅味道又有紫菜嘅味道拌混後即刻百味交雜，但仍然好味炸雞醬汁同炸雞嘅味道相當夾加上熱辣新而且咬落仲有汁嘅炸雞正仲有叫左個飯卷普普通通冇咩特別🤔 有得食會食，有得揀其他就唔會揀佢咁🤓

朕今日一早就同隨從去左青衣城睇戲，睇完啱啱好食Lunch，眼見青衣城真係超多人，隨從就提議不如過去長發，應該無咁多人，同埋都有幾間新野未試過，於是我地就由青衣城過長發揾食喇！黎到商場，見到呢間Running Korea個Set Lunch好似幾吸引，咁朕同隨從就試一試佢！！！朕同隨從都係叫什錦拌飯，一個配牛肉，一個配雞肉，個Set就有牛骨海帶湯或者飲品，另外跟餐再加小食（韓式粉絲，柚子雞翼）。先黎左個牛骨海帶湯，大熱天時飲番個清清地既牛骨海帶湯，都可以消消暑氣！跟住係小食韓式粉絲，柚子雞翼，韓式炒粉絲有好多配料，仲要加埋好多芝蔴，食落好香口，而韓式粉絲都好彈牙，開胃小食！柚子雞翼，店小二放低個陣，朕仲以為係一般炸雞翼，又無醬汁，但係一口咬落，雞翼外皮香脆，雞肉鮮嫩，而入面仲食到淡淡既柚子味，不會太濃，亦唔需要另加醬汁！跟住到主角什錦拌飯（牛肉），拌飯配料十足，有芽菜，泡菜，青菜，翠肉瓜，菇同埋主角牛肉，仲喺上面加多隻太陽蛋同紫菜，夠哂豐富！食拌飯就緊係要攪混啲料先好食架啦，仲要加埋韓式拌飯醬，甜甜地辣辣地，特別開胃，什錦拌飯有各式蔬菜加埋牛肉，食落大滿足！！！－－－－－完－－－－－

平時搵男朋友食飯，長發真係不外乎果幾間餐廳，今日行過搵食竟然見到新開既韓色餐廳細細間餐廳，有電視播放著韓國歌（有靚女睇），裝修幾新潮！價錢幾平，韓式牛肉炒飯$48 大大碟好足料，每口飯都食到牛肉但味道方面感覺似普通炒飯，無韓式味道，如果加入泡菜炒會更香更吸引！牛肉飯卷 $36非常抵食推介！飯卷卷得很扎實，非常香既麻油味，再配合埋煙韌的白飯包著牛肉、煎蛋、蘿蔔、醃菜等，豐富又美味青衣韓式小店，價錢便宜，食物質中上，值得支持！

星期三的晚上到長發用餐。。我們2人7點半到達 由於店內位不多 所以要等了一會兒才有位入到店內都好有特式 看到餐牌價錢好合理 而且常見既韓食呢度都有先來左客辣醬炸雞正呀 雞脆而多汁 熱熱的 辣汁甜甜地帶少少辣 超級可口。。愈食愈想食呢個係芝士卡邦尼年糕汁是ok..芝士汁同白汁都濃不過我覺得年糕比較硬點。。要咬好耐先咬完 如果煮得耐少少就perfect我地仲點左個海鮮湯烏冬正呀 好香海鮮味。。烏冬又彈牙。。熱辣辣是次用餐好滿意 其實餐牌上好多野食都想試 可惜胃有限 下次再黎些過