Running 燒 (已結業)

今晚約左個好耐冇見既朋友試下呢間韓燒放題，入面既裝修同環境都好韓風！野食方面都有好多選擇，最特別既係有扇貝，帶子同生蠔，食多兩舊就回本！燒既爐都幾好，隔離會有一塊白蘿蔔俾你清下個盤，雖然我同朋友都唔係好識用唔使成日換盤都環保好多！其他前菜都會無限添加。肉類方面既選擇都好多，而且牛同豬都有好多部位可以揀，但我同朋友都係主攻海鮮，因為真係幾新鮮幾好食埋單之後係門口仲有噴霧俾你去左個浸燒烤味，十分貼心總括黎講呢間韓燒食物質素幾高，下次黎食宵夜時段仲有特價wor！會再返黎試多D野

韓燒真係會食上癮，最近同朋友都不斷食，每次都食得好滿足，今次又比我地發掘到一間幾好味既韓燒喇Order紙，都多選擇架，起碼有得燒海鮮，仲有梗係唔少得雞牛豬肉啦，另外除左蔬菜之外，都有好多韓式野食架，唔會淨係燒燒燒咁單調韓燒例牌配既前菜，泡菜都幾好味根據過往經驗，我地都會首先每樣叫兩件試下好唔好味先，結果各樣肉類都唔錯海鮮都唔錯，都算新鮮，有生蠔、扇貝、帶子、魚，魷魚冬菇好易燒，而且點汁好好味，其他係再order既肉類仲有韓式炸雞，煎餃子，同埋魷魚鬚，味道都唔錯架，唔使淨係食燒肉咁寡食開韓式小食，就想試埋冷麵，冷麵用沙冰浸住，好夠凍，而且味道清新，唔會好漏朋友話想要啖湯落下肚，結果就叫左呢個辛辣麵，好夠辣，麵唔會煮得太淋，唔錯最後每台每人都會送一樣甜品，我地就揀左韓國大熱蜜瓜同香蕉味雪條，好味到冇得輸晚飯時間最後埋單每人250蚊，韓燒黎講呢個價錢都算公道，而且場內會有大電視播放住韓國至hit至潮既歌，真係好韓架

平時食燒肉都係偏貴係呢間二百幾蚊就可以任食燒肉同埋海鮮一口牛好入味 豬頸肉好快就燒熟～肉質都幾鮮嫩 吾會好肥雞肉略欠質素⋯好大舊但咬落去偏硬燒肥牛好薄片五花肉算爽口彈牙 但好似有少少'鞋'🤔海鮮真係幾多選擇 啲蝦好大隻 絕對吾厄秤蠔吾知做咩食落都幾苦吾推薦食食得辣嘅朋友仔可以試吓佢個中辣炸雞 友人食完之後辣到標眼水 lol吾辣版都幾好食啖啖肉又吾會太多炸粉P.s.2 餐廳出面有除味噴霧 好貼心 走既時候可以噴一噴去下味

今次係Mong Kok搵野食，Nathan Road兩旁實在有太多唔同既選擇，但經過就俾RUNNING燒既seafood poster吸引，決定試下佢既韓燒！今晚除左肉之外，當然重點就係試佢既海鮮！非常專業既韓燒爐，有埋抽煙，唔會覺得好大煙好油肉食太多都應該食番dd菜，大大碗既沙津韓式炒粉絲今晚重點海鮮：生蠔、扇貝、帶子、大蝦、魷魚，個人特別推介蝦，非常彈牙，雖然係任食，但都相當有水準同新鮮！韓燒唔少得既肉：西施雪花牛都好好食！最後甜品有雪條或者紫米露揀左解菜野飲，十分貼心既選擇，幫助下消化！總括非常滿意今次韓燒既質素，尤其是海鮮既選擇唔少，加上地點方便，絕對值得一試！

好評 Running燒 Jumbo豬今日同事結婚，一早出尖沙咀觀禮，出席埋個雞尾酒會，下午兩點左右就鬆人。難得幾個女同事聚頭，時間又尚早，又適逢轉季，最佳餘興節目就緊係瘋狂濕平啦。

由尖沙咀買買買，再轉戰旺角，望一望錶原來已經7點，個個都又餓又累，係時候搵個地方醫醫肚，歇歇腳。

有同事想食海鮮，有同事想食放題，我就偏愛韓食，綜合意見，彌敦道有間韓燒放題就最適合。之前見網上食評個個大讚，已經想朝聖好耐。餐廳裝修格局好有韓國味道，座位空間足夠，望落舒服企理食物種類多元化，最難得連海鮮都有，實屬驚喜。

一座低就有前菜奉上，泡菜芽菜蘿蔔都好有水準，鍾意食既可以隨便叫，因為都係任食架。我地都叫左幾碟泡菜，用黎配燒肉食飲品雪櫃自取，有多款選擇。士多啤梨梳打同冬瓜茶都好好飲，冰凍解渴，同韓燒好夾炸魷魚，又香又惹味，外脆內軟，忍唔住叫左3轉。

同事係炸雞控，試左幾款炸雞，都非常滿意五花腩，韓燒必食，肥瘦適中，燒到少少焦焦地食就最惹味，可以點配韓國辣醬，又另一番風味。

豬耳，醃料夠入味，入口爽爽爽，又好食又可以補充骨膠原。

大蝦扇貝帶子生蠔...差不多全部海鮮都俾個海鮮控同事食均晒

星期日同約咗朋友出旺角行街 ，咁喺行之前當然去食番個lunch啦， 見到running燒呢度嘅lunch放題百零蚊 有得任食，非常抵食 呢度地方都幾乾淨企理而且每個爐上面都有之抽煙機， 所以食完都唔覺得個新友太勁嘅油煙味 二話不說當然先嚟擦番一餐勁嘅，補充體力先再去行街街啦，到時候就可以慢慢消化啦哈哈 點咗少量五花腩牛舌 豚肉 同不同部位嘅牛肉， 都幾多款式畀你揀 雞翼大腸乜都有啲，由於係lunch時間啦對於我嚟講都仲係一日嘅第一餐 食咗兩碟肉已經覺得飽飽哋啦，哈哈 如果想冇咁飽滯嘅可以跟啲韓國人咁樣用一塊生菜包住 燒完嘅肉類，再加啲韓式辣醬落去食，惹味得呢 又唔會太滯 最後再點咗個韓式烏冬一齊食 ，就已經飽曬啦。 另外晚上來還會有海鮮可以燒

因為朋友都好鐘意韓國文化，所以一齊嚟左running燒食野。一入到去即刻感到一股韓味！門口出面擺左d等個時可以坐既凳，好為客人著想。而且，店內一直播放最新最Hit既韓文歌，好吸引我地呢d韓粉去嫁。食物方面，無論係肉類定韓式小食都有好多款揀，朋友今次就叫左炒年糕、水冷麵同辛辣麵。以前以為炒年糕同辛辣麵一定超級辣，唔岩我呢d唔食辣既人，但係running燒既野食真係令人好surprised,個種辣係我都可以接受而且好好食。另外，店員好貼心咁俾左一塊蘿蔔俾我地，佢唔係俾人食嫁，係用嚟清潔個爐上既燶，咁樣都係第一次試，幾得意。飲品方面，有好多選擇，一定有一款岩我地。總括嚟講，呢間店好值得一試👍🏻👍🏻

環境同氣氛都好好 個裝潢同出面個境都好舒服 啲位都幾鬆動唔會好逼 同朋友都食得好開心。食物方面都有好多款選擇 基本有嘅豬牛雞羊肉 全部都醃得好入味 肉質大致都不錯 仲有海鮮又有熟食 水冷麵 烏冬等等 仲有甜品。值得一讚嘅就系佢嘅雞腎同韓式炒粉絲 雞腎醃得好入味 炒粉絲有QQ口感 又彈牙。伴菜都好好食 一般韓燒餐廳提供嘅泡菜都比較偏酸 但running燒嘅泡菜無果種酸味 又爽口 夠辣 伴著烤肉食 真是一流～飲品方面除了有汽水 最值得一提佢有提供茶 因為食韓燒比較油膩 茶就可以中和果種油膩感。員工態度都好好 好快就會幫我地落order同送過黎。走嘅時候仲好貼心有提供除味噴霧 等件衫無左陣燒烤味👍🏻👍🏻👍🏻👍🏻👍🏻

今天下午同友人黎到以running man 做主題既 餐廳👐🏻☺️由於我們一開店就來，暫時不太多客人。好有韓劇特色既凳😍😍入到去又播住韓文歌，成個佈置令人置身於韓國食市咁。職員首先為我們奉上一些韓式小菜，十分開胃！ 而且舊白蘿蔔原來很有用，可以圍爐吸油同除去爐上的燶東西。👍🏻👍🏻肉類種類好多，有牛羊豬雞！好正！而且又唔會醃得太咸，味道剛剛好😚😚haha佢仲提供左生菜籃 比我地可以用生菜包肉食😜😜係韓國著名食物炒年糕😍不過就太辣 唔岩我食唔到辣既人。但同行既友人話啲年糕好煙un😝呢個水冷面好好食😳😳好有味道 唔會話比冰覆蓋著佢既蕎麥麵味道💕最後走果陣仲可以用門口果支除臭噴霧！等自己唔會成大陣燒肉味！ 真係好細心！😤😤

今日難得放假午市唔想同人逼茶餐廳 就食左個韓燒放題 上到九樓見到環境裝修得好靚呀😍飲品方面都有好多選擇👍🏻好似平時啲日式放題咁 我就揀咗解茶因為佢可以消脂有三個前菜泡菜好好味職員仲好細心咁講解夠蘿蔔點用我都係第一次咁樣用佢來整走爐上既燶💙年糕熱辣辣又唔太辣啱晒我呢啲食唔到辣嘅人呀嘛肉類款式都好多 我覺得牛肉好好食 仲有啲醃製左嘅肉味道啱啱好唔會太咸我仲叫咗個辛辣麵唔會煮得泰林配埋韓兆嘅肉真係絕配但係一個人食一個面就太多啦 建議幾個人夾一個麵黎食咁就可以試多幾款又唔會太飽😽😽😍總括嚟講午市食真係又唔洗等位又抵

好想食韓燒， 非自助餐嘅韓燒實在太貴啦！所以都係任食抵啲。今日食午餐 雖然 海鮮只係晚餐先供應，但其餘午餐有既肉類其實都好有水準。 特別推介羊西冷同埋厚切豬腩肉！ 真係堅好食一定要叫蔬菜， 包住啲肉食冇得頂。 無限量供應嘅飲品係道地牌子呀， 唔係啲九唔搭八嘅嘢飲。仲有啲熟食小食， 一定要食炒粉絲！整體嚟講真係超抵！

Run for a reason! 已經唔再係跑步的名言，都係為食嘅因由 跑去邊？咪就係MK，潮人潮食嘅聚腳點Running 燒咪就係跑去韓燒囉！一出lift全層都係佢，唔洗多講，價錢自己睇，重點係夜d去就著數d，有折好好彩小妹是最後一位能夠霸到枱，幾旺場韓燒飲品當然係任飲，但湯都有得揀，韓式海帶湯，點可以唔飲碗打定底，無甘熱氣啊！黎到有海鮮揀，當然先上海鮮啦魚柳新鮮大塊，食落唔止厚身，仲一d都唔腥肉類唔洗多講，豬、牛、羊、雞樣樣有齊，腸仔，雞腎都有，肉類佢好在預先醃定，調定味，悉心處理食材，燒完上黎食上去會更入味，肉質會較滑，唔同街外嘅索性解凍就俾您燒肥牛睇落都已經好靚，唔會太肥，食落肉味都濃郁，又夠香海鮮睇到都知新鮮、大份啦！蝦、帶子、蠔通通大隻新鮮，帶子、蠔 肥又夠膏，燒完仲好大隻，入口都夠滿足，不但無沙，夠乾淨，仲要有水份蝦食落爽口彈牙，成晚任食，認真抵！餐廳細心到準備埋蘿蔔俾我地不時清理烤盤上的漬，等我地食得舒適除左晚市，仲做埋午市套餐，around 60蚊，今次甘滿意，下次可以黎食埋。。。睇下有無甘出色

今日再約友人吃韓燒，佢愛呢間，今次點左好多牛肉，燒到7成熟，加D韓式辣醬食好好味，單吃牛肉Enore 左好多次。腸仔又係今次另一愛將，燒到個皮帶D燶，咁就鎖到肉汁啦，好香口惹味！豬肋骨、豬腩肉，肥膏烤到滴晒油，入口豬油香，加上軟腍肉味，咬下去共融口中，加番D生菜食，加埋辣醬，又Encore 好多次。次次來食，海鮮不是最好味，都係D肉，全部烤到好好味，食肉獸架到，呢餐蛋白質夠晒豐富啦！配菜D豆芽、泡菜呀，食完肉食最清新，又飲又食二百幾都值啦！(肉叫左好多盤，值番本錢，佢送食材好快手，要讚！)

朋友生日，所以就揀左間韓式BBQ放題試食一下可能食較早時間而我又BOOK左枱一去到唔洗等就有禮貌既妹妹帶左我地入去地方都算寬敞，一貫韓風椅子，櫈下可以放袋，仲有我最愛的BIGBANG歌聽下一坐低就即刻逼不及待揀食物肉類都算都多款或挑選，單單是牛豬都有好多種，仲有好多款海鮮揀揀完食物就去睇飲品，都係免費自取 唔鐘意飲凍飲都有服務員貼心準備左熱茶，唔夠仲可以出去自己添飲 鼓油都是在水位自取之後有服務員開爐，少不免有韓國小菜白色一塊是什麼呢? 原來是白蘿蔔，是用來煎食物很油時圍著爐打圈吸油的食物來了!!!熟食: 韓式粉絲 (味道不錯)、韓式辣炸雞、仲有沙律菜之後就係海鮮類: 都很鮮很好味，偏愛吃魷魚的我再ENCORE!!之後就係肉類加蔬菜豬肉和牛肉我們都試了好幾款，已經忘了名字，但都很好味，由其是雞肉很滑之後再有ENCORE 豬肩肉同五花腩當日仲有推廣免費試吃嘩~ 紫薯炸雞雖然紫薯味不是很濃，但新鮮炸的很熱呼呼，超好吃的~!!最後，當然一定要吃我最愛的雪條總括CP值很高，會下次再帶男朋友來吃!!!

想食燒烤好耐，想食好多好多肉…於是book左呢間韓燒，彌敦道上，旺角站B出好易揾。因為超級肚餓，所以坐低之後水都未飲就order食物先。因為openrice度話有海鮮，所以當然首選，睇落來，有海蝦、帶子、扇貝、魷魚圈、生蠔、多春魚…都算豐富架啦，比起廊豪坊果間乜乜只有蝦，三文魚，魷魚圈同油甘魚四樣都好意思話海鮮餐，真系天堂與地獄啊。我地先點左中意食既帶子四粒(其實系一粒切開三到四分)，雖然如此，但系都十分新鮮同甜美，烤過火果粒仲好有幹瑤柱味，哈哈…海蝦大細正常，肉好實同彈，唔會梅梅甘，證明都幾新鮮，可以點醬(有韓式辣醬，豆瓣醬，淨蒜蓉，豉油四種)，我就系咁食都已經好香——唔知系咪因為烤焦左，哈哈。生蠔同扇貝好正常，但系都算新鮮。朋友系肉食動物，各種牛的部位都order最少四件，我自己覺得雪花肥年同牛柳最正，用生菜包住食，十分韓，又唔使甘肥膩，生菜要order。另外仲有一樣好正既我個人最中意的蔬菜沙律，用韓式泡菜汁撈既，微酸微辣微鹹，女仔至愛，啲菜新鮮到一嚼有汁咁，好中意。最後仲要左傳說中必食的韓國炸雞，由唔辣到微辣到噴火…噴火辣真的hold唔住，一食落還好，食完一粒之後我成個人呆左坐系