Running 燒 (已結業)

將軍澳黎講，大家都知一向都無乜高質既韓燒店，而咁岩係康城新開商場之後，tko都新開左間running燒，平時要出旺角先食到，依家就係落下就有喇，幾咁方便，不出所料，第一日已經排都乜咁，雖然只係岩岩放寬左晚市，但d人仲多過無疫情果陣，等入座都要等9個字，想食既朋友就早d去排隊喇。環境方面，擺出面既野食就好少，只有d菜呀，前菜呀放係出面，拎一兩轉就算數，主食都係透過qr code去落單，既衛生又方便d，所本人都prefer呢個方法多d，唔洗行出行入拎黎拎去咁。肉類方面，各式各樣都有喇，因為韓燒既關係，所以佢d肉係本身醃左d韓式調味，唔似得打邊爐果d好raw咁拎出黎，而佢d肉都醃得幾入味，所以大可以唔點醬料，都幾好食。

好耐冇任飲任食大放肆喇!呢個weekend終於忍唔住去食任食燒肉放題!呢間餐廳新開，係佢裝修緊既時候已經諗住一定要試，岩岩試業左幾日，估唔到咁多人同我一樣諗法，趁weekend黎瘋狂食食食!大家齊齊等12點開門~因疫情關係都係要探左熱先入座，點菜係用QR code，另外出面有自助區拎蔬菜類同熟食，飲品亦係自助形式自己出去拎，好多韓國飲品都有，唔駛怕食到口乾乾冇野飲!不過要注意出去拎食物飲品都要戴番個口罩~保護自己保障他人~出面熟食區選擇都好豐富，有辣炒年糕、泡菜煎餅、炒飯、雞湯等等，韓迷一定滿意!第一輪我就懶健康咁拎D蔬菜番去燒，有南瓜、蕃薯、茄子等等，可以享受韓燒之餘減低罪惡感!QR code點餐方面主要係肉類同海鮮，亦有其他出面冇得拎既熟食，只講炸雞都有幾款口味選擇，我揀左個噴火辣雞俾老公，食到佢真係噴火~嗜辣既朋友可以挑戰一下!要讚一讚呢度既些菜速度都幾快，亦唔會好似平時放題咁甩單漏單，服務態度亦唔錯!最後可以去甜品區拎雪糕雪條同蛋糕仔~除左雀巢仲有韓國雪條，作為甜品甜一甜都很不錯!午市放題都係200蚊度，平日再平d，食到晚餐都唔駛食!正!

等左好耐將軍澳終於有間好食既韓燒啦!而家仲有promo星期六日午市每位188，真係幾抵食既!首先成場有好多熟食同埋前菜俾你任夾，個人幾鍾意泡菜腩肉同埋韓式粉絲，味道岩岩好又唔會太咸太辣。加上好似放題咁有兩大個雪櫃放飲品，同時又有冰櫃放雪糕同雪條，就咁睇都好豐富同抵食。醬料方面有好多唔同既韓式醬可以依個人喜好任加，款式仲多過去火鍋店!最後當然要食燒肉啦，佢既各款肉類調味都十足，爽口又唔會霉，食落口感一流!個人好鍾意食僭既醬燒豬五花，調味適中，油脂比例亦都岩岩好，食落唔會好油而係有豬既鮮味!另外扇貝都唔可以錯過，好鮮甜!

是晚開放番晚市堂食到9點, 黎到將軍澳新開既running 燒試試佢~ 落單形式係用電話scan qr code再落, 成個過程都好簡易, 仲好方便, 慳番唔少紙~ 環保D! 不過要提既係如果你係4個人既話, 你D 肉記住要點番4件, 因為你數量填1佢真係只會黎1件, 我地第一次落完先知, 第二次加番就冇咩問題~ 佢出面有個自助區, 主要係拎D熱食, 蔬菜, 醬汁,飲品同埋甜品, 當然有D 熱食都係透過qr code去落單~~ 而肉個方面就全面都係qr code 落~ 一開個qr code就見到有好多款肉同埋海鮮, 我地就叫左好好多款唔同既肉試試佢~ 牛就叫左唔同部位, 豬就主要試五花肉,因為想用生菜夾黎食! D 牛都好有牛味, 豬既五花腩位就夠哂油脂,食落都好滿足! 海鮮方面我地都叫左好多帶子扇貝同海蝦,仲有芝士蒜茸蠔, 因為食唔到太多既關係我地都冇每樣海鮮試哂, 熟食就更加少叫, 因為都想主力食番牛! 食到咁上下我地就食甜品啦! 估唔到出面仲有低KCAL既乳酪雪條拎, 我拎左個芒果熱情果味, 中意食酸野既人一定唔可以錯過! 勁正呀! 食完又好似開胃番再戰一下輪!

疫情已持續一段時間，最近終於可以晚市堂食，所以決定食餐勁既。知道將軍澳開左間新韓燒，唔洗再去旺角燒，一定要試下先！一入內已見到好多熟食，有炒豬腩肉、炒牛肉、辣炒年糕、泡菜煎餅等。。仲有不同種類既蔬菜同菇類，連大菇都有得燒。另外前菜及甜品都係任拎架，好吸引。飲品櫃都有兩大個，有一些韓式飲品、汽水同清熱飲品。雪糕櫃更落重本，有dryers 新出的雪芭雪條！每款共享熟食都有蓋蓋著，客人亦會戴回罩拎食物，所以食得放心。不過黎到食韓燒，重點當然要放在燒肉上。這裡有齊豬、牛、雞、羊同海鮮可以任點。個人極力推介牛柳片、牛五花肉及豬腩肉，好有肉味，而且油脂分布剛好，不會太肥。雞翼亦比想像中好食😋。另多，這裏有芝士生蠔同帶子可以燒呢，我食左好多粒帶子呀，哈哈，真的值回票價。

依家終於有得晚市堂食，梗係要同屋企人出街食下飯！住咗喺將軍澳咁耐，竟然宜家先知道原來popfood有成幢食嘢嘅地方！一入到餐廳好彩唔使排隊，但係所有嘅防疫措施都做足晒！而且除咗肉類之外，其他蔬菜或者腸仔都可以喺出面任拎！而且啲甜品同雪糕類都好多，竟然仲有Dryers!!而且仲可以任攞呢一啲唔同嘅醬料，食韓燒梗係要不斷點醬啦！！呢度嘅韓燒竟然仲有任食海鮮！！而且燒完之後竟然覺得佢嘅鯖魚係最好食！啲肉質好滑而且骨又唔多，而且竟然仲有芝士生蠔！！啲侍應仲會好有禮貌咁樣幫我哋換啲網，又會幫我哋睇吓啲火夠唔夠大，成個食飯嘅過程都幾開心🥳

將軍澳雖然多嘢食，但係想搵間韓燒都真係冇乜邊幾間，但竟然比我搵到一個神秘嘅角落，開咗呢一間旺角都有分店嘅韓燒！！未嗌嘢食之前，出面已經擺到成個自助餐咁，除咗有啲熟食同沙律之外，仲有好靚嘅甜品同埋雪糕、飲品等等。尤其係佢嘅雪條，竟然可以任食Dreyer's！！我自己一口氣都食咗兩條！而飲品方面雖然佢嘅飲品款式唔多，但係佢竟然有一個好聰明嘅自助熱飲機！過程好方便，而且一啲都唔會熱親隻手。之後職員俾咗個QR code我地scan，電話上嘅款式都幾多，竟然仲有海鮮類同埋熟食，有炸雞同一啲飯同麵。肉類我同朋友都嗌得幾多，因為想試晒佢哋唔同嘅口味，個人覺得最好食當然係佢嘅豬頸肉同埋五花腩，將佢包埋啲韓式辣醬放喺生菜食，完全覺得自己去咗韓國咁！佢嘅海鮮仲有生蠔同埋扇貝等等！真係食到我同朋友兩個好飽！

試業中的Running 燒，有讚有彈。將軍澳區燒肉放題已經小知有少，之前Grill & More 舊址重開韓式燒肉店，真係可喜可賀。但入面格局一樣無變。Running 燒可以略過裝修費。先讚揚一下先，價錢方面，有2個時段收費，早鳥5-7，就算星期日連加一，也是2佰幾蚊到，也可接受，食物也好過之前的grill & more 啊，員工算是有禮貌。海鮮種類也ok, 有帶子，蝦等等。又可以用WhatsApp book 位同用Apps 落單，算方便的。還有，D肉切得好薄，師父好刀工。至於要彈的一定是送食物的時間，超超超慢，5點正到，連第一輪落單足足等了半個鍾，才送食物來。每次落完單，都要等一段時間先有食物到。又有漏單，等好耐都未到，問待應，佢話幫我check 但轉頭無左回事，結果落左2，3次單。又突然一次過送哂上來。oh 熟食同甜點選擇少也不吸引。有待改善。始終是試業中，值得原諒，下次再幫襯希望好D啦。

原價218蚊的韓燒自助午餐，7折後每人只是佰零蚊，有海鮮，有湯，有肉，有泡菜，有韓式粉式，有菜，有飲品，有雪糕，真係好超值。點解來到呢度，事關朋友啱搬新家來到天晉，而知道Popcorn的PopFood專屬層新開了呢間『Running 燒』，之前食過旺角店，印象幾深刻，感覺唔錯，而PopCorn呢間新店更加寬敞，裝修勁骨子，座位坐得舒服，待應亦都好好招呼，唔錯。海鮮點咗大蝦，扇貝，生蠔，芝士生蠔，多春魚，够晒新鮮，蠔最最好味，有海水味，蠔味十足，嗌多2碟吃吖。肉類就嗌咗柚子味炸雞，香脆的雞塊配埋柚子的清香亦係好吸引，仲有雞腎，豬大腸，五花腩，黑豚腩肉亦好好味，我哋完全唔加調味料亦已够味，點少啲醬汁也健康啲。飲品亦都有唔少選擇，總之好足够，甜品種類就唔算太多，但有『馬卡龍』是一個驚喜。

今日同朋友去左一間新開既韓燒店到食lunch，呢間店好大間，坐卡位好舒服，唔洗同人逼。出面仲有自助吧檯，提供唔同既野食比人任食，包括湯、前菜、熟食、蔬菜、甜品等，好豐富！呢度既韓燒都幾抵食，午市仲有7折！呢度落單好方便，係用QR code落單，有唔唔既燒肉、海鮮、炸雞、年糕湯、水冷麵等，好吸引！啲燒肉未到之前我就去左自助吧檯都拎野食先，我揀左燉雞湯，雞湯都幾清甜，唔錯！等左好短時間，燒肉就黎了！我地有點到豬、牛、雞，每個唔同部位既肉都試下！豬肉方面，啲五花腩好正，燒完出黎好香，點醬汁黎食一流啊！另外，當然唔少得海鮮啦，呢度都幾豪，咁抵既價錢都包埋海鮮，我地當然就唔客氣啦，點左扇貝、元貝、蠔、蝦、多春魚等，食到舔舔脷！食埋水冷麵就perfect!

行過見到第一日新開張有唔少座位(係以前間酒樓同韓燒夾埋咁大間)放題做緊七折 兩個人埋單都唔洗$400抱住試下既心態去左食。佢係用手機scan QR code自己落單既, 一口牛, 辛辣雞肉醃得唔錯。 但重點都係海鮮選擇幾多生蠔都有分芝士, 原味同辣味! 新鮮鮮甜。仲有帶子, 蝦之類既海鮮。 小食方面, 炸魷魚鬚好味仲有柚子味炸雞!! 出面有甜品,湯呀, 其他野食同飲品拎。不過我懶, 坐係度手機落單已經夠哂😎依個放題好滿足! 一得閒去食個大餐都唔錯!!