Ruby Tuesday (MegaBox)

营业中

休息中

又是開心星期五，吃好一點，到Ruby Tuesday 午餐。一行十人被安排到店外位置就坐，雖在商場內，但稍熱了一點，冷氣不足。午市套餐選擇不少，另跟餐湯或沙律二選一及一杯飲品。一向愛吃沙律，但今天選了湯，因為只有叫湯才會附上蒜蓉芝士鬆餅! 鬆餅很香，帶有淡淡芝士味，很值得吃(題外，另外追加是$18/3件)。是日湯是粟米忌廉湯，粟米粒不少，味道正常。主菜選了意式茴香腸寬條麵，寬條麵口感不錯，腸很大方的下了不少，也喜歡這種汁，不會過膩。份量女生是足夠的，男士可能差一點。特別想一讚店員相當親切有禮，知道飲品未能上，主動問是否需要水，見有人未有食物，主動詢問及追單，盡快將食物送上，實在難得。會再來的!

翻工係附近，中午經理提議食Ruby Tuesday，因為佢有會員卡叫Lunch set就無5折咁多，得主餐牌先有5折優惠。不過唔用會員卡既話，lunch set有買二送一優惠，其實都唔錯。我哋叫咗四個lunch set，同一份全份既豬肋骨，仲有一份牛扒。我自己就食咗一個漢堡包lunch set，正正常常，包一個湯/沙律同一杯飲品。最可惜係份牛排，叫咗五成熟，但岀到嚟都係過熟唯有叫咗廚房再整過一份。叫咗牛排啲汁要分開上，上咗兩次都無分開到其實食物上都不過不失，食lunch既話試得過

早排男朋友join左Ruby Tuesday 既會員， 所有野食野飲都有半價!!!😆😆 瞬間覺得好抵食🤤🤤今次叫左個regular size既小食拼盤: 揀左 炸蝦 炸洋蔥圈 薯皮 雞翼 有3款醬比我地選擇 食物樣樣都好好食 特別讚個雞翼👍🏻👍🏻個汁好好食好夾🤤之後仲嗌左個龍蝦牛排， 初初一見到個龍蝦有小小失望 因為比我地想像中細份🤔 但食落真係有驚喜!! 好香既龍蝦味 肉質又唔會係好實好難咬👍🏻👍🏻👍🏻👍🏻牛排就不過不失 冇咩特別😚

今日屋企人生日 一齊出街食飯 決定食好啲🤤🤤所以揀左ruby tuesday我地叫左西冷扒配薯蓉（5成熟）佢煎出黎幾靚 而且唔會話太熟 口感唔會話太乾同埋硬 咬落去仲有汁流出黎👍🏻👍🏻👍🏻另外仲嗌左半份ribs 好易咬得開啲骨同埋啲肉 啲肉好鬆軟 加上啲汁 超好味 轉個頭就食晒 之後再上既野食就冇再影 因為隻手太忙 掛住食冇影到相😥Overall黎講（可能因為有會員卡既關係）個人認為性價比超高 有樣又好味！❤️

今日黎食午餐，有得預約，所以可以唔使等位，服務員可能唔多夠，要等一陣先有人落單，但上菜速度快，好快就上左個湯，個湯同個餅都好好食，又大碗，飲完都有d飽飽地，之後主菜同飲品都上左豬扒外面煎得好“翠”薯條炸得剛剛好，配菜唔太硬又唔太軟，所以呢餐食得好飽，好滿足

要慶祝同事生日，很多時間都是食西餐，今天就來了Ruby Tuesday午餐餐牌總是最經濟實惠的餐廳環境舒適又寧靜，比一般西餐廳更方便談天，因此是開生日派對的好地方突然想食漢堡，所以點了露比經典漢堡餐，先上的是跟餐汽水、忌廉湯及鬆餅忌廉湯濃厚及幼滑，比其他西餐廳好味而鬆餅更是驚喜，既香亦鬆化主菜的漢堡非常有質感，芝士香濃、煙肉香脆，牛肉更是厚而多汁，薯條同樣出色另外點了拼盤對對碰一起分享，魷魚圈、雞翼、芝士條及炸蝦球均一分惹味，一盤絕不夠分

放假去了MegaBox RubyTuesday 🍽🥩本身我係會員,收到通知新出慢煮和牛西冷急不及待試🤤真的沒有令我失望慢煮烹調好好味,好有肉汁又濃濃牛味,油花分布均勻,件和牛🥩靚,大大件絕對足夠兩人食牛魔王的你一定要去試

今日約埋成班同事一齊食收爐飯，慶祝暑假嘅來臨同埋歡送其中一位同事離開，於是就揸車去遠啲食返餐好嘅去到發現有午市套餐，仲可以加錢要小食，我哋就決定每人叫一個套餐再加小食share嚟食首先嚟嘅係餐湯同麵包，麵包啱啱焗起咁熱辣辣，仲有食落去唔係硬梆梆，有好濃郁嘅牛油味。而餐湯方面係忌廉薯仔湯，飲落去每一啖都有薯仔蓉，而且個湯一啲都唔稀之後我哋叫既ruby mini burger同雞翼就到，細細個不過好足料，每個burger可以分兩份，我落去中間嘅漢堡已經流晒啲肉汁出嚟，好juicy。反而側邊嘅雞翼就一般，冇乜特別。另外我哋仲有叫炸雞柳，只得三舊，不過炸得幾香口主菜部份我哋叫咗炸魚薯條，薯條有好多，不過炸魚就都係得三舊，唔夠四個人分，炸衣比較厚，有少少失望，不過薯條炸得好香脆呢個係雞肉意大利飯，比較濕潤，但裏面配料比較少，唔多見有雞肉喺裏面最後係辣肉腸闊條麵，正正常常，用咗番茄醬去煮，上面仲有少少香草嘅味道比較驚喜嘅係飲品，我叫咗杯朱古力，嚟到嘅時候發現上面有忌廉，心諗飲落應該算唔錯，點知飲落去嘅時候發現有香蕉味，分數即刻大打折扣，因為我唔太鍾意香蕉嘅味道，希望下次可以飲杯簡簡單單嘅朱古力

farewell lunch,加埋有人有會員卡，所以黎咗食叫咗午市套餐，先上湯連包。個湯勁足料，個包有啲似蛋糕，食咗都三分一飽叫餐有得addon,貪心嘅我地決定全部share,加咗四個addon,先係雞件，正常味再黎雞翼，都係正常味迷你露比漢堡，堅好味！足料之餘，啲肉勁juicy,整體勁夾食完addon已經三分二飽正餐，唔記得咗咩肉了淨係記得啲汁好夾，薯菜比想像中多蕃茄海鮮闊條麵，好在呢個係微酸，開胃啲可以食落去（佢啲前菜加addon真係好夠份量，攪到主菜失色）炸魚薯條，未算好正，可能我地放耐咗，已經唔夠熱南瓜意大利飯，幾好味，啲飯唔會過硬，整體夾得幾好上述係四人食，我地真係叫多咗下次真係應該四人食三餐，加三個addon

早排join左Ruby Tuesday既會員，用左1000蚊入會，之後每次黎食野、飲野都有半價，個會員仲可以有成2年咁長添！其實食2餐已經抵番晒個1000蚊，所以之後個d餐，只係半價就可以食到，抵到爛！咁岩有朋友生日，緊係要出動我呢個會員，同朋友開心share半價啦！講下d野飲先！(都係半價架)呢杯係sangria，不過我叫左係無酒精既zero-proof。呢杯係regular size，對於女仔黎講已經好夠飲，仲飲唔晒添！入面有d蘋果、檸檬，味道係偏向清甜，底度仲有d士多啤梨果蓉，所以飲落去個下有啲果肉咬下，口感都幾好架！見到個杯就知呢杯係mega size。呢杯係Rose lychee punch。一聽個名就知係有瑰玫同荔枝味。一入口個玫瑰味好出好重，可以話係蓋過左個荔枝味。但慢慢飲落就會有淡淡既荔枝味。總括個味道好清，唔太甜。講下d食物啦！叫左個regular size既小食拼盤，可以揀4款小食。我揀左洋蔥圈、雞翼、炸蝦、芝士條。呢幾款除左個雞翼有d細之外，其他炸野都好好味！炸粉唔會太厚，亦都唔會食到成口油。個黃色既honey mustard醬就係我至愛，點咩都咁好味叫左半份既r

小妹家姐自從做左Ruby Tuesday 會員，就成日假期帶我地去食，做左我家御用飯堂。一坐低首先做左指家動作，掃描左個member apps先。然後就問侍應有冇今個月贈送嘅野。會員6月免費贈送，一碟有三塊煙三文魚配檸檬汁。水牛城雞翼都幾辣，好似一座雞翼山咁，配菜係西芹條同蘿蔔條，好新鮮。呢款係新嘅沙律，而家最興嘅羽衣甘藍配上混合熱帶乾果，合桃，以及特製醬汁。但就好勁青味，唔係人人接受到。6月special 會員價，豬鞍好厚身，但肉質又唔老，幾淋。配菜有薯條，蕃茄仔，沙律菜。呢個芝士西蘭花超好味，西蘭花爽口得黎勁多芝士汁，雞肉好嫩好滑，今晚驚喜。今次冇叫chocolate tall cake，因為太飽。叫左呢個士多啤梨puff加雪糕，感覺幾清新，唔膩。都係果句啦，半價真係幾抵食。

假期比較喜歡到MegaBox 🏢RubyTuesday 🥩🍽地方大,食物水準高🤤1)西冷牛排🥩👍肉汁豐富有口感同肉眼🥩相比,我喜歡西冷多2)意粉🍝中規中矩啦3)紐約芝士餅🍰大件不太甜芝士味又不太濃,我就好喜歡

家姐join左Ruby Tuesday member，老實講食物質素係高，但小妹俾錢嘅時候都好肉赤。而家有張member card仲唔食盡去咩，相信黎緊會成為我屋企嘅飯堂。我地都係揀番d拼盤，貪可以樣樣都試下，仲可以食埋甜品呀。海薩沙律配香蒜蝦 $198 典型嘅Caesar salad，沙律菜都幾新鮮，今次我地揀左加配蒜蝦，感覺冇咁dry，下次會試羽衣甘藍沙律。煙肉芝士薯條 $118 基乎每次必點嘅食物，芝士加埋煙肉碎，薯條香脆，要趁熱食。拼盤對對碰 $218 我地揀左焗薯皮，烤洋蔥圈，炸雞塊，cheese poppers。cheese poppers 比想像中冇咁膩，焗薯皮上加上一層芝士同煙肉碎，味道其實同個薯條差不多。燒排骨雞翼拼盤 $338 呢個set有半份Ribs，呢半份ribs都叫比平時多肉，燒得唔錯，仲有薯蓉雜菜。另外，有2款雞翼分開上，係照燒雞翼同水牛城雞翼，buffalo wings惹味得黎幾辣，食埋伴碟嘅西芹都幾fresh。最後點少得我最愛嘅Chocolate tall cake，食Ruby Tuesday 有一半都為左呢樣。

好耐都無食Ruby Tuesday，今次就去食Ruby’s Slow-cooked Rib-eye，配兩杯Carlsberg🍻同埋叫多份公司三文治～Ruby’s Slow-cooked Rib-eye🥩仲大過我手掌😂佢肉質好嫩，帶有肉汁，唔韌，仲附上一把大刀可以鋸得順啲。Ms Kiki特別鍾意食佢地啲配菜，啲洋蔥，蕃茄好甜，薯仔點茄汁食最正😋公司三文治🥪好足料，配埋粗身嘅薯條🍟就perfect😝

今天同太太第一次試九龍灣這間餐廳食西餐，叫了一個牛肉漢堡及12安士的西冷扒，感覺實在太差了。 200多元的漢堡包，其中牛肉跟麥當勞的差不多，那個西冷扒就更差，原本是叫medium well的，點知送上來的那個已變成well done，有如食橡膠，餐廳也很嘈，兩個人的晚餐最後900多元結帳，食完經理還要過來問我這一餐感覺如何，好不好吃？嗰一刻我都唔知點答佢，苦笑一下，盡快埋單就算了，性價比一點也不高，完全不值