ROYAL INN

今日同閨蜜嚟到銅鑼灣，high tea加打卡！呢間餐廳嘅裝潢好華麗，好似去咗皇宮咁，被安排坐梳化位置，位置闊落而且餐廳下午唔算好嘈，係傾偈談心嘅好選擇！我哋坐低，我哋嚟之前已經睇中呢個tea set，打卡一流！味道方面，最底層的蟹肉魚子鬆餅，龍蝦西多士真係好正，海鮮好新鮮鮮味！香煎北海道刺身帶子，夾住蕃茄碎好夾好鮮味！而鵝肝慕絲配無花果，酸酸地同鵝肝好夾！而巴馬火腿配蜜瓜，蜜瓜好甜，好好食！甜點方面，巴斯克蛋糕配自家製嘅藍莓醬，馬卡龍，馬卡龍口味是隨機的，我哋食咗熱情果味，有熱情果嘅酸味，完全唔會過甜！而馬德連貝殼蛋糕入邊係有一啲橘子果皮，食落好夾，唔似傳統只食到蛋糕味！仲包兩杯$28以下嘅飲品，半價嘅價錢就可以升級特飲！我揀咗牛油果smoothie，閨蜜揀咗西柚梳打，我嘅smoothie 好滑，唔會甜好有牛油果嘅香氣，好正！總括嚟講，呢個價錢食到咁好味新鮮嘅食物，又可以打卡同傾偈，而且服務都唔錯，下次會再同閨蜜返嚟試吓其他菜式！

《Royal Inn》銅鑼灣皇室堡華麗宮廷風西餐廳香草牛油焗田螺 ($118) - 喱個香草焗田螺真係要俾個like佢，完全超出驚喜。首先賣相一流，二黎蒜香味爆發。田螺肉彈牙，超香香草蒜蓉牛油味，薯蓉綿密又creamy，可以用烤多士薄片沾上薯蓉或蒜油一齊食，倍感美味。香煎北海道帶子番紅花意大利飯 ($208) - 帶子大大粒，中間嫩滑鮮甜。加入了番紅花的意大利飯creamy可口，另外仲有酸味味的車厘茄乾和巴馬臣芝士，兩者中和唔會太膩。招牌威靈頓羊架 ($328) - 第一次見威靈頓羊架，酥皮包住一層厚厚的菇蓉及鹹香的巴馬臣芝士，羊架肉粉嫩，肉質嫩滑，點上帶點酸味的醬汁更好食。

📍銅鑼灣 Royal Inn其實之前行過皇室堡，都見到呢間餐廳嘅裝飾非常之出色。今日終於成功約咗朋友，試吓佢嘅食物係咪都咁出色。店員知我哋要打卡，仲特登安排咗個打卡位，圓枱位置可以見到個噴水池，周圍仲要有好多橄欖同花做裝飾，打卡真心一流。見到佢晚市方面有套餐可以選擇，但係因為我同朋友都唔算肚餓，所以就選擇咗散叫。٩(˃̶͈̀௰˂̶͈́)و白松露薯條 $78黑松露薯條有啲地方都有得食，但係白松露薯條真係第一次聽。我對薯條嘅評價好簡單，就係好食或者唔好食，而佢呢一個薯條炸得好香脆，而且調味有用香草等等，所以係好食嘅薯條。而佢嘅白松露醬都好Creamy，作為餐前小食係一個幾唔錯嘅選擇。法式大蒜蘑菇烤雞 $238主菜方面，個人認為呢一個烤雞嘅性價比都幾高，份量好大碟，而且雞肉好嫩滑，加埋薯仔同蘑菇做材料一齊煮，口感好豐富，又可以食到唔同嘅食材。店員仲提供埋多士俾我哋點汁食，食完真係大滿足。煙三文魚香草忌廉手工戒指意粉 $188本身諗咗好耐究竟乜嘢係手工戒指意粉，原來就係類似通心粉嘅意粉，加埋青醬，仲有青瓜粒等等嘅配料，味道相當之唔錯。而佢嘅三文魚係無骨嘅，加埋佢自製嘅芒果果醬做配料，酸酸甜甜咁味道好特別。

餐廳：Royal INN地點：銅鑼灣皇室堡菜式：法國菜餐牌：午市餐牌有5款主菜揀，價錢由$158至$218不等，另加一。包前菜4選1同$28或以下飲品，可加錢叫甜品。凱撒沙律 （跟餐）凱撒沙律用碟上，主要係新鮮生菜加芝士片，煙肉片同法包粒，個沙律醬好夠味，滑溜沙律醬加爽脆生菜，口感同味道都好好。香煎三文魚伴三文魚籽忌廉汁 $178 另加一香煎三文魚伴三文魚籽忌廉汁用左隻大貝殼碟上枱，擺盤不俗，中間一大塊香煎三文魚，塊皮好脆，而唔係全熟，肉質嫩口，伴有三文魚籽加添口感味道，下底有少少滑溜薯蓉，伴有鬼佬西蘭花兩束，最後加上忌廉汁，同食用花瓣。呢道菜味道好好。香草牛油焗帶子番茄意粉 $168 另加一香草牛油焗帶子番茄意粉碟邊有兩大隻連殼上帶子，加滿香草，味道好香，口感算嫩，啖啖肉。意粉係幼身spaghetti，加有番茄醬同芝士片加菜苗，口感al dente，味道酸酸甜甜好開胃。餐飲包$28或以下飲品。凍檸水 （跟餐）凍檸水有三片檸檬，我叫左走甜。食物質素的確唔錯，而且擺盤精緻。餐廳裝修非常之靚，周圍都有鏡同水晶燈，用雲石枱同木藤椅，枱面有鮮花。一入門口就有個白色噴泉，聽住流水聲食飯，好有歐洲

前幾日同朋友去銅鑼灣皇室堡行街，行到攰攰地想搵間餐廳食tea，行到3樓見到有間餐廳裝潢帶羅馬式宮廷風，門口仲有個小型噴水池，吸引仲咗我地入去，裡面仲有落地大玻璃，採光度十足，眺望維園，景色怡人。Royal Tea Set甜點巴斯克芝士蛋糕迷你鮮果撻柑橘瑪德蓮貝殼蛋糕七彩馬卡龍鹹點巴馬火腿蜜瓜摩洛哥芝士餅乾鴨肝慕絲配無花果海鮮龍蝦多士蟹肉三文魚子鬆餅墨魚子煙三文魚西米薄脆香煎北海道刺身帶子凍檸檬茶三層架擺盆精美，賣相精緻，細細件一啖一口，份量剛好，唔會食到太飽，仲有海鮮配搭，感覺份外高級，整體味道唔錯，好適合同朋友黎傾計同打卡。

「Royal Inn」位於銅鑼灣皇室堡三樓，站在餐廳門前望入店內，會有「嘩」一聲的感覺，因有一個美輪美奐的噴水池和水晶吊燈在店舖中間，極致華麗。店內一排的落地玻璃， 客人坐在舒適的梳化以上，能把窗外的景色進入眼簾。餐廳裝修華麗之餘，感覺還很乾淨整齊，枱椅擺放不會擠迫，服務員也招呼殷勤。《法式大蒜蘑菇忌廉烤雞》$258potatoes, leek, mushroom, creamy mustard sauce  一整隻法式春雞切開四件，雞肉嫩滑，加入薯仔，香菇，灑上炸洋蔥絲，混合特製的芥末醬汁，非常好美味可口，再配埋蒜蓉湯種麵包，簡直一絕。《西班牙黑毛豬鞍架》$268sautéed potato, Kale, olive, broccolini黑毛豬肉質比較結實無羶，很有口感，最喜歡是不油膩，而且份量足夠，伴菜有薯仔和矜貴的羽衣甘藍，豐富美味。《自家製藍莓醬士多啤梨班戟》$88再飽肚都要留點位置給甜品，餐廳的招牌甜品班戟怎能不試呢！大大塊班戟散上酸甜的藍莓醬、花生杏仁碎，還有士多啤梨，又漂亮又美味。

Royal INN（銅鑼灣）華麗天花鏡面各式水晶灯和复古装饰品.还有各类植物花艺做点缀，环境优雅，色調以米白和深藍色為主，搭配黑白地磚非常适合与朋友聚餐和休闲交流.菜品：🌟24個月西班牙黑毛豬火腿配蜜瓜黑毛猪火腿经过风干发酵了24个月，肉质纹路像大理石一样富有美感和质感，有一种诱人的玫瑰色泽，🌟地中海風味藍青口每一只蓝青口都饱满肥嫩，壳微微张开，仔細看能看到露出鲜嫩多汁的贝肉。它们浸润在浓郁的地中海特色酱汁中，🌟招牌龙虾浓汤入口香浓的龙虾汤，用了好多龙虾打成的汤，轻轻抿上一口，那细腻绵滑的口感瞬间在舌尖上绽放，鲜味十足还会回甘。搭配脆薄多士，🌟法式麵包Q蟹肉蟹膏意大利飯每一口蟹肉蟹膏的意大利饭，粒粒饱满，浸润在金黄色的蟹膏汤汁中，散发着淡淡的海鲜香气。🌟芥末籽蜜汁西班牙豬肋骨猪肋骨份量很足，第一次尝试以芥末籽蜜汁作配搭，吃下去先尝到蜜汁的甜，随后芥末籽的微辣与香气散开，中和甜腻。蘸汁真的是完美搭配🌟法式戰戟第一眼看去真是精致的如同法式宫廷的杰作，开心果苹果玉桂班戟，每一口都充满惊喜和满足，Royal INN（銅鑼灣）地址：銅鑼灣告士打道311號皇室堡3樓313-314號舖

在搜索新餐廳時看到這間餐廳有落地大玻璃窗，裝修以華麗歐陸式為主的餐廳，就決定book枱慶祝紀念日。🧀法式芝士焗生蠔聽侍應講呢期焗生蠔做promotion，決定小嚐兩隻😆生蠔海水味濃郁，鮮味十足，口感偏爽口。芝士味並沒有蓋過生蠔的鮮味，還令生蠔更加惹味。因為實在太好食，我地最後追加多四隻🤣🦀手工牛油香煎蟹餅呢個蟹餅必食！淡淡都有蟹肉，多汁軟嫩。蟹餅上面放了一些蕃茄芒果沙律，十分refreshing 又可以中和油膩感！🐟燒三文魚香草忌廉手工戒指意粉平時多數喺西餐廳都係食普通嘅傳統意粉/闊條麵，一見到有戒指型的意粉就決定試一試。戒指意粉形狀有趣，軟硬度剛好！發現呢款意粉掛汁一流，每一粒意粉都掛滿香草忌廉汁。三文魚火候控制不錯，新鮮還有肉汁😆🍨Tiramisu最後當然不少得甜品環節，作為Tiramisu愛好者，點可以放過機會呢？首先外觀可愛，可以從玻璃杯看到一層一層的食材。味道方面100分！甜度剛好，lady’s fingers有濃郁的咖啡香味，濕度剛好。

嚟到皇室堡的Royal Inn。必定不能錯過人氣嘅噴水池打卡。餐廳地方寬敞座位舒適，就算傾偈都唔怕嘈到隔籬枱。晚飯時間來到Royal Inn，雖然店員都很忙，但仍然記得每一台食客的要求，值得一讚。今次我哋叫咗個二人餐，追加咗生蠔同埋揀咗海膽意粉。食物水準整體來說相當出色，擺盤出眾而且味道相當出色。法國精選生蠔（+58）生蠔非常新鮮，共有四隻，配有檸檬，醬汁等。就算打完卡再食依然新鮮。招牌龍蝦湯用料亦相當充足，龍蝦湯底濃厚，一點都沒有水的感覺。餐包亦同樣出色，配搭龍蝦湯令人相當滿足！地中海風味藍青口以蕃茄作為底料煮成的藍青口，屬於常見的地中海菜。青口的份量足，蕃茄味濃，每一口都充滿地中海風情。海膽意粉伴魚子醬（+88）海膽相當肥美，同魚子醬夾得天衣無縫，值得推薦！芥末籽蜜汁西班牙豬肋骨燒烤過的豬肋骨外層酥脆，配搭芥末籽蜜汁，香甜得嚟帶有一點芥末的刺激，味道出眾。Mixedberry Crepe甜品只有一份，份量足夠二人食！賣相出眾，打卡一流。

終於和妹妹忙完手頭上的工作，一定要搵間靚靚餐廳好好享受一番，今次我地決定去想去好耐,位於銅鑼灣皇室堡三樓的ROYAL INN餐廳。這間餐廳主打多國菜,食物款式選擇多。全店以純白色為主調，法國風格，擁有超大落地玻璃，可以觀賞到維多利亞公園的綠林美景。餐桌之間的間隔寬敞，令人非常放鬆舒適。正門處設有一座法式許願池，天花板上懸掛著許多古典水晶燈，每張枱面有小花點綴，整體環境非常高雅。來這裡用餐，絕對要穿得漂亮，才不辜負這間餐廳的氣質。這次我和妹妹選擇了他們的下午茶套餐。Royal Tea Set Menu ：甜點 💓朱古力歌劇蛋糕（限時）迷你鮮果撻柑橘瑪德蓮貝殼蛋糕七彩馬卡龍鹹點 💓巴馬火腿蜜瓜摩洛哥芝士餅乾鴨肝慕絲配無花果龍蝦多士蟹肉三文魚子鬆餅黑魚子煙三文魚西米薄脆香煎北海道刺身帶子我個人非常喜歡鹹點多於甜點的下午茶，所以這次的選擇非常合我心意。在這個下午茶套餐中，我特別喜歡的甜點是七彩馬卡龍，外脆內軟，甜度適中。迷你鮮果撻內含新鮮的草莓、藍莓和紅莓，口味清新。鹹點中，我最愛鴨肝慕斯配無花果，鴨肝鹹香又濃郁，配上無花果的酸甜，口感絕佳。黑魚子煙三文魚薄脆的造型獨特，有黑色和白色兩塊，賣相

Royal Inn有兩間分店，一早已經book mark咗！因為比餐廳嘅環境吸引，一去到門口，已經覺得呢間餐廳裝修得超級靚！門口就有大大個噴水池🤩有高貴華麗嘅感覺及法式情調，真係好適合約埋朋友Girls talk!!! 如果坐入邊嘅話，仲會有日光照入嚟，超級舒服✨今次叫咗個set dinner同朋友試吓😋Set Dinner $788 for 2 ppl ✨▪️ 24個月西班牙黑毛豬火腿配蜜瓜必食開胃菜！同一般嘅Parma Ham有啲唔同，餐廳嘅比較乾硬點點，食落更加有口感，帶點鹹香，而蜜瓜切成半圓狀，更適合被黑毛豬火腿包住一齊食😋兩者嘅配搭依舊超級夾，食完超開胃嘅開胃菜！▪️地中海風味藍青口地中海風味，有蕃茄配搭肉粒醬料✨青口份量都算多，佈滿濃郁嘅蕃茄醬😋食落超開胃！青口食落完全冇腥味，反而帶點蕃茄香，蕃茄嘅味道，亦都冇蓋過青口嘅鮮味！菜式仲配搭咗四片薄脆多士，將蕃茄醬汁搽上麵包一齊食，更滋味！▪️ 招牌龍蝦濃湯龍蝦湯入邊雖然冇蝦肉，但係飲得出濃郁嘅龍蝦味😋將忌廉攪勻一齊飲，龍蝦嘅鮮味更突出，飲落有更綿滑嘅感覺✨✨✨可以配搭附送已經焗過既麵包，蘸上龍蝦湯一齊食，好滋味！▪️ 香煎北海道帶子

.‼️❤️ 記得CLICK我PROFILE關注我呀 ❤️‼️.🍽 𝕱𝖊𝖆𝖘𝖙𝖎𝖓𝖌 𝖎𝖓 𝕽𝖔𝖞𝖆𝖑 𝕾𝖙𝖞𝖑𝖊 @ 🌟 Royal INN 🌟.💁‍♀️ 圖片展示美食為：Lobster Bisque + HKD 38Smoked Salmon SaladAlmond Crusted Barramundi Fillet HKD 178Provencal Lamb Rack HKD 188Long Black.👽 呢間餐廳超級吸睛，裝修到好似身處宮廷一樣，空間感十足，採光一流，絕對係打卡最佳選擇。見到幾乎每一檯客人都係用餐之餘不停影相，氣氛超活潑。剛好呢個時間有午市套餐，價錢好划算，會有頭盤、主菜、飲品。.🦞 頭盤我地要「法式龍蝦濃湯」，湯身幾濃郁，有微微嘅奶油味，飲落去好暖胃。.🥗 另外係「煙燻三文魚沙律」，幾件三文魚，配埋新鮮蔬菜，好清爽開胃。.🐟 主菜呢就揀左「脆焗杏仁盲曹魚柳」，調味以香辣甜椒汁為主，灑上杏仁，魚柳煮得幾嫩，底層有配薯蓉、花椰菜，味道層次豐富。.🍖 另外就揀左「法式寶雲酥羊架」，烤得恰到好處，外脆內嫩，肉質嫩滑，配埋烤大蒜、蘆筍、熟蕃茄，同無花果香醋醬，好味。.☕️ 最後一路

今日喺銅鑼灣皇室堡食晚飯，經過呢間Royal INN，被佢餐廳入面嘅噴水池吸引， 呢間餐廳有著華麗嘅裝横，好有格調，成間餐廳都比花花草草包圍，置身於大自然之中而不失優雅，坐喺度食飯畀我感覺好舒適，好高級😚店入面亦有唔少打卡位，超適合鍾意打卡嘅朋友🫶🏻主食香煎北海道帶子番紅花意大利飯汁調得好好，意大利飯粒粒有咬口，帶子好大粒😂👍🏻整體唔錯！白松露薯條幾大份，即叫即做，上枱又香又熱🤣配搭附上嘅白松露醬一流～呢間咁靚嘅餐廳除咗主菜好食，佢嘅甜品都做得好出色😻，大推焗蘋果金寶配雲呢拿醬， 呢個做得好好食， 即叫即整熱辣辣， 外皮鬆脆內餡包住微酸嘅蘋果及提子干， 加上雲呢拿醬令整體味道更上一層次！另外精選甜品拼盤我都好鍾意， 拼盤裏面包括：鮮果撻，馬卡龍，芝士蛋糕，焦糖脆脆， 芝士蛋糕有香濃嘅芝士味幼滑鬆軟 ，馬卡龍甜而不膩，每一件甜品都好精緻各有特色，擺盤好靚👍

到訪貴族感餐廳，提供創新法國菜和西式料班。店子美美的，裝潢以歐陸宮廷風格為主，巴黎凱旋門浮雕圓拱門，法式許願池，古典水晶吊燈，異國世界。落地玻璃，景觀開揚，朋友望著美景靚，滿足打卡的心情！大蝦意粉醬汁香濃，啖啖蝦肉，鮮味滿滿。意粉掛汁，口感程度好香煎北海道帶子番紅花意大利飯北海道帶子大粒，味道新鮮又甘甜，配上番紅花和巴馬臣芝士，氣氛很好，吃著彈口意大利，飯煮得好，軟硬度適中。擺盤有心思，吸引藍莓士多啤梨班戟法式感滿滿，一上枱朋友很喜愛。大碟，份量很多，滿滿甜味，加上藍莓醬鮮甜

哩嗰一個西式童話環境之中，出現中式童話既故事。特登為左哩個美輪美奐既噴水池同裝修而黎，簡直就係宮廷式設計。由於喺午餐到下午茶時段，竟然全場都坐滿女仕，有高貴既靚太，有年輕嘅閨蜜，喺哩個女兒國，攪到我都即時想講也呢也呢。 以為環境靚，點知食物仲有心思。 🍖鱸魚配合大蝦，伴以海鮮濃湯，全海鮮已經好吸引，重點喺底層加左薏米。冇澱粉質之餘，又做到飯嘅飽肚感。而且薏米索咗海鮮濃湯，加上佢本身有一層衣，感覺好似食爆珠，口感好好。鱸魚都煎得恰到好處，外面好脆，入面嘅肉質夠結實，蝦肉夠爽，而且調味做得好好。 🍖蜜糖芥末煎豬柳，充分發揮慢煮嘅功效，唔係把刀夠利，係豬柳既纖維因為呢種烹調方法而產生變化，把刀頓然變成削鐵如泥，但係肉質又變得爽脆，連埋脂肪部份都變成完全唔覺得油膩，再加上大量南瓜蓉，翠玉瓜等等，成碟變得輕盈又健康。 🍖連埋前菜嘅蘆筍湯，同埋大蝦沙律，全部都食得好舒服。 ✨️各位姐妹得閒就約我再黎啦！