Route 83 (廣福道)

营业中

休息中

已經吃了很多次了，這家店漢堡的忠實粉絲，每次來都一定會點漢堡。無論是最普通的漢堡還是芝士那個都很好吃。漢堡的麵包表面都是有脆脆的很有口感，不是那種完全軟的。最喜歡的還是裡面的牛肉超多汁，還很厚，整個漢堡的份量很大，完全可以兩個女生吃一個漢堡。另外也有吃過薄餅還有意大利飯，也是很推薦的。

難得今日老闆請午餐，當然唔食米粉車仔麵，走去食西餐。胃口都特別好的。。叫左個包之外，仲叫左個意粉，睇落好似唔大份，但食落其實都好多。。同我鍾意比較乾身的意粉。。

呢間餐廳最出名嘅就係熔岩芝士漢堡，所以一坐低就即刻order左一個熔岩芝士牛肉漢堡。除咗漢堡之外，仲叫多咗個晚餐 - 焗龍蝦黑忌廉意粉。晚餐可以選擇餐湯或沙律，同埋包一杯野飲。我哋選擇左沙律。飲品方面因為唔想夜晚飲咖啡，就加錢叫咗桂圓紅棗茶。熔岩芝士賣相好吸引，包好鬆軟，牛肉漢堡份量足。可惜牛肉比較乾。薯條係粗身嗰種，外面又夠脆！沙律就冇乜特別。桂圓紅棗茶味道比較淡。最正係焗龍蝦黑忌廉意粉。有半隻龍蝦，而黑忌廉既黑係指黑松露。每條意粉都掛到好香既黑忌廉，同埋意粉煮到岩岩好，好al dente! I love it! 最後想提提foodie們，溶岩芝士同黑忌廉意粉都比較漏。多人share就冇問題啦，但少人既話order前可能要考慮下會唔會兩樣一山齊order喇～

平時經常行過依間小店，因為位置問題對正巴士站人流好多，🚶🏻‍♀️🚶🏻‍♂️但係好少人駐足上網見到原來係良心小店，以後大埔又多一個選擇🥰 食過兩次晚市，平日7-8點仍然有吉台，星期六日等十分鐘左右就有台，希望大家多多懲罰以大埔西餐黎講算中間偏平價位款式除左有平時常見嘅意粉，意大利飯🍝🥘仲有德國豬手，青口等等叫左一份套餐嘅德國豬手🐷配酸菜薯蓉Set嘅價錢比起散叫貴左$10，但包左一個沙律, 飲品同主菜平時唔中意食薯蓉，但依個應該加左芝士係🧀入面好香而且仲有薯仔粒🥔，口感唔似KFC果啲一pat野豬手皮好脆，🍖份量好大，可以兩三人share食白酒煮青口好香酒味，🥂都有12隻左右反而好中意個辣香腸pizza🍕好薄好脆，但成個面都鋪滿左芝士雖則依啲小店多數都係入凍貨pizza，但又整得幾好食！另外叫左個雞翼不過不失整體黎講，唔計佢係良心小店，價錢公道，份量大，野食唔錯計埋佢係良心小店，仲等咩？懲罰佢啦😠😠#黃色經濟圈 #良心小店 #大埔黃店

落咗小巴，熱到死就是但搵咗間餐廳，些次同朋友lunch都試過。今次同朋友食，味道都中規中矩，可能入面坐位唔多，要平衡所以要收貴D。我地叫咗個豬扒，個汁同豬扒可以接受，另叫一個漢堡飽，個飽脆卜卜，食材都新鮮，但個漢堡整到個生菜暖暖地，令菜有水，底個埋包就唔脆同好濕。佢包一個湯或沙律同飲品，沙律新鮮，但份量少D，湯就好稀，忌廉湯應該濃稠D較好，太水了。後黎見到佢轉埋下午茶，順便影埋。坐位方面有點窄，大隻D有時側身都會整到旁邊枱如有選擇，我未必會再黎。

成日經過大埔都好想試吓呢間野，今晚就一於去試吓！知道呢間野個鹹豬手好出色，一於就叫黎試吓佢首先嚟咗個湯，不過不失冇乜驚喜之後都主菜鹹豬手登場，其實之前一路食鹹豬手都好怕太鹹，但呢間唔算好鹹，仲好多肉，配埋個薯蓉真係一流！跟住驚唔夠飽，男朋友就話叫多個意粉仲有叫左個大啡菇芝士漢堡，好多汁好好味

Route 83 (大埔).BBQ汁燒豬仔骨🐷.豬仔骨份量非常之大，放上枱果時已經比佢嘅bbq汁味吸引住，但今次肉質未夠上次咁嫩，伴碟有炸薯條🍟 .溫泉♨️蛋黑松露卡邦尼意粉.呢到所有野份量都好大份，勁多菇，配上忌廉汁意粉，不錯！.Route 83 (大埔)📍大埔廣福道83號地舖.

聽聞呢間餐廳既豬手幾好食，今日特意約朋友黎試試~入到餐廳，幾乎每枱都有點德國咸豬手，見啲burger都好吸引，所以就叫左個傳統牛肉芝士漢堡~$68，每個burger都會配一份薯條。burger既包係焗過所以好脆牛肉都好juicy但有啲咸，而且肉質熟左少少，啲肉有啲鬆散。薯條就炸得岩岩好，外脆內軟。脆皮德國咸豬手配薯蓉set~$168好有份量既豬手，皮好脆，豬味好濃烈，我唔係咁接受到，配返個sauce會易入口啲。

一直好想係大埔搵間性價比高既burger！跟住好多普通都推介route 83，所以決定同男朋友黎試試我地叫左一個洋蔥煙肉焗大菇牛肉芝士漢堡套餐，貪佢可以一次過有幾種食材又唔係好貴，同埋一個炸魚薯條！我地一見到個burger已經哇左一聲，因為真係好大個！我諗有一個手掌咁大！而且塊肉好厚，就咁係外面睇都feel到肉汁已經好多！薯條份量亦都好多，仲要係粗薯！終於可以餵飽大食既男朋友🤣🤣我地一咬落去發現d芝士溶得岩岩好！而且牛肉無煎過火而搞到好韌！至於炸魚薯條又有驚喜，原本以為係得一塊！點知原來有三塊！一食落去就知道係深海魚柳，而且無雪藏味，粉都炸得岩岩好！仲有配埋沙律同塔塔醬！令到我地又唔會食得好濟之餘又可以食唔同味道既醬😛😛而且價錢好便！咁大個burger加埋薯條只係$78，炸魚薯條就$68！真係低啊！

見好多人話呢間係忍世小店，就揾日放工嚟開餐，初初以為呢間係 pub，但入到去好光猛，雞尾酒都無，其實係有嚟酒賣嘅餐廳 🤣🤣好多人都讚話呢度啲豬手正，咁梗係要試一試啦，本身又喜歡食豬仔骨，但又唔可以食太多肉，唯有留返下次再嚟過啦 🤭🤭 咸豬手的確好香口，皮又夠脆，送啤酒一流，跟餐可以加錢將餐飲變啤酒，但只限一杯，梗係咯，餐飲得一杯咋，有人好失望 🤣🤣🤣忘記一提，份餐有個忌廉南瓜湯，南瓜味唔算突出，普通咗啲!另外叫多份意粉，意粉好香黑松露，亦有足夠嘅菇，但份豬手都好頂肚，所以打包第二日午餐，叮完食晒發覺好多油 🙈呢個餐就叫咗杯雜莓沙冰，但呢杯飲品唔係好夠莓味，下次都係唔好叫囉。 總括嚟講呢間餐廳都係會再幫襯嘅 💝

🔹香脆包糠蕃茄汁焗豬鞍扒配芝士煙肉薯 $148▲ 豬鞍扒一切就切得開，肉質一啲都唔老身👍🏽麵包糠灑滿豬鞍上面，咬落脆脆地，質感好有層次但同蕃茄汁有啲唔襯 怪怪地🙈 見到有焗薯蓉好吸引😻薯仔好大舊，芝士溶曬係薯仔上面，如果忌廉多啲就好啦....🔹德國鹹豬手伴酸菜薯蓉($168)▲豬手既份量多到不得了啦.... 大大隻，食肉獸必定喜歡💕 豬手外皮炸得好香脆又唔會炸到好乾身咁，肉質還是很粉嫩喔Menu 💕

大埔隱世邪惡西餐。Route 83#大埔美食#樂食人生#route83taipo.1.脆皮德國鹹豬手配薯蓉 ($168 跟餐)-筆者曾於德國居住半年以上，可謂半個德國燒豬手(Schweinshaxe)食評家。此小店烹調的豬手絕不馬虎，豬皮烤得非常香脆，皮下脂肪燒至半溶效果，混合漲力十足的骨膠，齒頰留香。-食豬手易生油膩感，配上德國傳統酸菜(Sauerkraut)獨得酸味馬上成天作之合，即使不愛酸菜之人亦難以抗拒。-更值得留意是，此店更配上紅菜頭酸菜及香甜酸瓜，令筆者享受多層酸味衝擊。整份豬手份量十足，晚餐而言明顯有點罪惡感。2.熔溶芝士醬牛肉漢堡 配 即炸薯條 $88-容許我刻意用「隱世邪惡」形容店家，皆因這道「拉絲」漢堡正是某知名《X假期》所力捧的名菜之一-芝士醬份量確實驚人，惟芝士質素令我相當保留，味道正是超市賣的廉價片裝芝士，不過牛肉倒是挻Juicy-薯條有半點失望，口感類似英式偏軟身的炸薯，薯條內仍然保留大量水份，而非像比利時極之鬆脆的薯條口感，或許正是各花入各眼.小結：以一間西餐小店而言，食物質素確實完全超水準，環境尚算整潔，適合與親朋好友，渡過一個消閑晚上.推介指數😍：4/

今日難得入到黎大埔係我to try list 一直有一間我好想試既餐廳😊😊😊就係呢間route 83啦 今日一於試試佢先😊鋪頭就甘望入去有啲細 但其實行入去仲有一個幾大既地方 坐滿都應該可以坐到30－40人😊😊平日六點黎到晤需要排隊 直接入得我叫左網上最多人推介既熔岩芝士醬牛肉漢堡😍😍要等大概十五分鐘一黎到已經嗅到好香好香 一揭開個包 嘩多芝士到滿瀉😍😍😍😍😍真係芝士迷既天堂牛肉好厚身 亦都好重牛味 medium rare 晤食生既可能要留意番粗薯條炸到岩岩口 芝士醬多到可以自制芝士薯條 今餐真係幾滿足❣️

●德國鹹豬手伴酸菜薯蓉($168)●TGIF! 💖💖 大家終於撐到星期五喇!!!!又係時候食下好西慶祝一下😆😆係呢間唔太起眼嘅大埔小店發掘到意想不到嘅美食! 有好多朋友仔inbox問我呢度邊度嚟嘅 等我拿拿林出post先😂一見到個menu我已經認定咗脆皮德國鹹豬手配酸菜薯蓉😆 雖然製作需時 但絕對必試 豬手份量多到傻咗 成碟滿滿都係肉 滿足曬食肉獸😋外皮炸得好香脆但又唔會炸到啲肉太乾身 反而可以保持到豬肉本身軟淋淋嘅質感外皮鬆脆的口感配上入面柔軟嘅肉同埋薄薄嘅一層脂肪 外脆內軟 恰到好處👅👅點埋特製嘅燒汁 冇咁死咸之餘仲多咗一份香草嘅味道 非常順口😍😍怕漏嘅話 貼心嘅餐廳仲特登喺配菜花左心思 加咗酸菜 分量毫不吝嗇 畀大家食肉嘅時候伴住酸菜 就可以消除膩感 唔會覺得太濟💭💭💭好味(⑨/⑩)抵食 (⑧/⑩)💭💭💭

Route 83係我很喜欢的restaurant，还曾经在这里为好友庆祝生日，今晚又与友人来开餐，回味一下啦！12oz安格斯肉眼配焗薯一上枱就真係幾震驚，因為塊肉眼真係好大塊，煎得剛剛好，咬落仲啖啖肉，食落去好入味，岩晒D食肉獸啦﹗榛子朱古力 $34好濃郁既朱古力味加淡淡既榛子味，上面有好多cream賣相唔錯大大杯幾抵飲脆皮德國鹹豬手配薯蓉 $168賣相精緻，豬手皮脆扑扑還大大舊肉夠晒鹹香同濕潤，保留到原汁原味，再配上薯蓉，酸黃瓜絲，椰菜絲同酸菜絲，好正宗德國豬手做法。 味道真的不錯。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。