Route 83 (廣福道)

营业中

休息中

朋友帶我去大埔食好西呀 廣福街巴士🚌站門口，十分方便。店仔細細，但職員都好有禮貌呀叫左2 個lunch set , + 1 個honey mustard chips 😛黑松露雜菌炒意粉好香，好多菇 菇🍄都炒得好好食😋 正仲有牛肉菠蘿burger ,我地share, 叫職員幫我地cut 開一半 🤤加埋菠蘿好fresh ,牛肉好厚係有少少乾，但都好ok ae Honey 🍯 mustard chips ,正呀 甜甜地加埋熱辣辣焗薯條正又唔貴 ！ 想encore

是咁的 肺炎有所回落於是終於可以同女朋友仔拍下拖出去食下好西喇今次黎到大埔就決定支持一下好耐之前食過嘅同路人小店，由於節目緊逼所以我地12點鬆d就到左，餐廳開12點所以可以直入，不過都已經爆左8成，好開心可以有唔少人支持佢地太耐冇拍拖就決定豪食叫左一個set lunch扒餐，一份小食白酒煮青口同一份意粉Set lunch肉眼扒率先登場，跟餐叫左薯條，薯條即叫即炸非常脆口 薯味未至於好重薯味但都係好食主角肉眼扒水準不變，依然係咁好食，肉質淋得黎係自然嘅，唔係用鬆肉粉整淋果種，食落好有肉香，加埋有條肥膏喺頂真係好香口而且呢到煎扒嘅火喉都控制得好好，牛扒厚薄適中煎嘅時候亦唔會過熟導致柴口，啱啱好keep到肉汁肉味另一個主菜就叫左煙三文魚黑松露意粉，賣相非常好而且份量都好足夠，聞落都好重黑松露味初步睇的確吸引嘅不過可惜嘅係食落黑松露味唔強，望落其實都好少松露粉相信炒意粉嘅時候應該係用黑松露油，但應該因為落嘅份量同時間太遲嘅關係，黑松露味未夠時間逼出黎 有形冇實，可惜另外印象中嘅意粉都係比起以前差左，今次食落有好幾啖都係有種漿住好糊狀嘅口感，雖然睇落賣相冇問題但食落出現呢個都幾嚴重嘅失誤，意粉烹

疫情之下，決定少食茶記，搵間似樣啲嘅餐廳食晏。十二點入座，已經有半數座位有客，餐廳不大，但只得兩個待應，原本以為慢吞吞，點知服務又幾迅速同伴點了啤酒，本來餐牌內的啤酒都是＄28～，點知佢係都要呢個牌子＄48，有錢就是任性跟手叫咗個辣雞薯條＄55，賣相有點醜陋，不過真是有啲辣，醃得幾入味。我點了豬扒意粉＄55，餐牌有寫可以指定少意粉，不過份量都好多，而且有兩塊豬扒，要好努力至食得哂。伴碟的椰菜可以熱啲就好啦。加＄5可以飲cafe latte.

Route 83香煎豬扒配燒汁意粉菠蘿牛肉漢堡配薯條價錢💲: $55/ $68好味程度😋: 4.2/5服務🍴: 3.6/5環境🗾: 3.8/5性價比🥢: 4.4/5回頭率😚: 3.8/5-大埔的route83係廣福道小店💛，原來都幾多人食。lunchtime經過發現幾抵就入去試下，點知又幾驚喜😬-我地叫左個香煎豬扒配燒汁意粉🍝呢個比想像中大碟好多，豬扒好大塊，又好腍😝 仲要係冇用鬆肉粉，真係好豬肉質感😂 仲要煎得好香😍 但驚喜係個意粉！一啲都唔hea!! 意粉啱啱好，用好多茄汁茄膏煮，好有味，唔係平時個啲汁！夠晒酸🤓🤓-另一個叫左菠蘿牛肉漢堡配薯條🍟 佢個包好大個，包都有烘得脆，有啲似豬仔包個隻😆 入面塊漢堡扒都幾juicy，生熟度啱啱好！但加埋菠蘿食，就有啲太濕，拎係手一路滴汁🤪入面仲有生菜蕃茄。佢地就用上千島醬，所以比較濃味，但因為我好中意醬，所以覺覺得可以多d🤨 隔離有一大堆薯條，但可惜唔係幾熱，新鮮啲就好。發覺呢間都幾多街坊食，lunch仲幾抵😚

閨蜜生日，我哋兩個攞咗一日假，整咗個大埔一天遊，反正今年都冇得去旅行，用一用啲假期，腦輕鬆一吓先～早上踏完單車，亂打亂撞見到呢間餐廳，入去試吓。走進餐廳，看到天花吊掛星星裝飾，感覺舒適，帶點別致的西餐廳。✨午餐選擇亦多，價錢亦大眾化由$55起，已經包括沙律或餐湯，主菜及飲品，亦可加錢轉特色飲品。哈哈，我哋兩個竟然不約而同點同一樣嘢，「香煎豬扒配洋蔥忌廉燒汁$55」我配薯條，閨蜜就配意粉。餐湯係南瓜湯，味道淡咗啲，但係夠熱，不過不失啦。個主菜一定要讚，兩塊豬扒，煎得好香亦都好Juice，成個餐份量好大，薯條亦都熱辣辣，炸得香脆。加$5我轉左飲咖啡，冇諗過會有個拉花咖啡，而且拉得幾靚。

Route 66非常有名，背後有好多歷史同故事；Route 83喺香港比較冇咁多人識，其實係貫穿美國南北嘅一條公路；呢間餐廳用Route 83來做名字，可能同佢位於83號有關🤔今日一早去咗大埔，到差不多中午嘅時候肚仔開始餓，上Google睇吓就見到呢間名字特別嘅餐廳，評語唔錯，咁就行過去試吓。叫咗佢哋嘅午市套餐，香煎豬扒配意粉。意大利粉撈咗蕃茄醬，味道唔錯；豬扒有兩塊，份量都唔細，豬扒調味得幾好，煎得幾香，肉質有咬頭，質素完全可以接受👍。呢個豬扒意粉將港式西餐發揮得非常之好！如果再加啲醬油就更加地道😁個南瓜餐湯就味道麻麻。杯奶茶就非常香非常滑。呢個午市套餐盛惠55大元，味道唔錯，超級抵食。

今日又黎食下好野咁喇，去大埔街市買嘢順便諗下食咩，聽講話呢間豬手好味所以咪嚟試下去，當然叫叫就試試個德國咸豬手$138，豬手個外皮好香，內面食質好冧好易咬口好好味，旁邊都有酸菜 好味😋做到呢道菜式好好，想食豬手嘅我會推介呢間，另外仲叫左個漢堡都好香好好味個漢堡仲好有牛味👍🏻不過今次我post住張豬手先喇下次再post多啲

一直都知道呢間餐廳嘅存在但就從來都冇試過今次就同埋屋企人一齊去試吓😛.💡脆皮德國鹹豬手($158)鹹豬手味道相當濃郁唔會太鹹 恰到好處呢個份量作為前菜share唔錯不過個皮就爭少少 唔係太脆.💡焗芝士龍蝦配黑松露意粉($118)意粉份量相當大碟男士來講啱啱好芝士龍蝦非常惹味可惜黑松露味道唔係太出.💡墨汁大蝦藍青口意大利飯 ($68)墨汁意大利飯相當驚喜味道出奇地濃郁 唔會太膩青口亦非常新鮮.💡黑松露雜菌忌廉意大利飯($68)意大利飯好重黑松露味雜菌分量非常多 唯獨芝士份量相對少但整體味道唔錯.總括而言 呢間餐廳嘅菜式都比較大份建議細胃人士可以嗌少飯或少意粉 咁就唔使浪費食物😆📍 Route 83 (大埔)大埔廣福道83號地舖

星期六梗係懶懶散散咁過，放假梗係咁架啦 🤭🤭行過多人等位嘅餐廳我哋都走人，嚟到呢度少人啲就等陣啦，等位有嚟亂，無人指示要入餐廳攞飛，好彩問吓等緊位嘅朋友啫。等咗陣有位，睇定咗食乜所以好快落單，我叫咗個三色椒雞肉炒意粉，另一位就叫咗煎豬扒跟意粉。先上南瓜湯，南瓜味唔重，湯夠厚身。三色椒雞肉意粉比較一般，椒嘅份量較少而雞肉又無乜味，反而意粉又 ok wor，煎豬扒夠香口，跟個意粉用茄醬炒，都幾開胃。餐茶叫咗杯咖啡，比我想像好味。

非常喜歡在街道找美食的小妹，自從對出街食飯加多一重意義後，除了OpenRice app外,也得閒開下其他fat check 下附近同路人的餐廳去開發下，唔係淨係去開一兩間，我亦相信不少人都改變緊佢既習慣，Support 小黃人 Economy as a Whole 一人既力量雖然微小，但累積齊心既力量可以一定可以令大家最後走到烏托邦🤗 所以臨近五一🖐🏼☝🏼咁大件事，梗係去支持本土經濟啦，Route 83 這間餐廳🍴聽聞前身是酒吧，轉手經營餐廳，門口放著一些手足/教友的寄賣的小手作，老實說小妹經過這門口應該都有十幾廿次但都無察覺過間餐廳的存在。不過人善人欺，app不欺，只要你存在過（app有定位）一定能找到你, 其實佢個位係車水馬龍位，小妹平時無留意實在太大意了。進來後發現又中又西又星星燈的裝飾，感覺很不搭，但無損吃好西的心情兩口子點左招牌豬手同凱撒沙律🥗，飲品是芒果冰沙, 豬手份量剛好，配上不同種類的酸菜，小妹十分欣賞， 平時只配椰菜嘛，分量亦很多， 豬手皮很脆又不太肥， 吃得很爽。伴上洋蔥汁及薯蓉好味道，喜歡它是真薯蓉，不是粉沖的那種，有淡淡的薯味，這個細節位加分凱撒沙律友人不太喜歡

南瓜忌廉湯係人生飲過最難飲嘅，水溝咁好彩之後換翻個沙律。。。洋蔥煙肉焗大菇牛肉漢堡-個牛肉唔知食緊乜又乾又無味龍蝦黑松露忌廉意粉-算正常，但絕對稱唔上好食。最後，凍檸茶，以為飲緊水點解會咁樣。。。

呢間餐廳價錢都唔貴 午餐當中可揀餐湯或沙律包埋飲品 網上睇介紹🍔係用美式做法 份量亦有返咁上下！漢堡包夠大個同薯條亦幾多吓 食極都仲有既感覺！至於🍟鹽既比例調味唔錯！-如果食量細既人想食🍔可以兩人Share 再唔係揀下午茶$38個迷你漢堡 會啱份量 我見隔離枱既Order個迷你🍔只係M記包size既細少少-好耐之前網上睇過人介紹佢既🍔係純牛肉手打漢堡 但呢日食落口感似用機打🤔不過係食得出漢堡扒 唔同其他🍔店有用溝豬肉方法 因為咬落去塊扒同其他店比係韌口啲(牛肉韌度)之前食過既其他店 溝左豬肉落去塊扒係滑口好多！-兩個漢堡塊扒有啲實 唔夠鬆化所以會覺得似用機打 雖然漢堡扒好夠厚 不過睇相都可以見 我揀既8oz牛肉菠蘿漢堡 塊扒Overcook口感即刻扣左分！而🐮既傳統純牛肉芝士漢堡塊扒就煎得唔錯！但兩者食落都冇網上所講到話Juicy、爆汁 我嫌佢燶咗就有🙊刮咗啲黑焦-但食落可惜既係兩塊扒調味差左啲 唔夠均勻😢一部份過鹹一部份冇味！食完係咁飲水！個包變咗唔OK希望佢日後有改善！總結漢堡係一般！

同老公去左大埔舊墟嗰邊行到攰攰地有啲肚餓就走去穩野食，我好鍾意同老公去試新野，今次係OpenRice見到好多人推介嘅一間西餐廳膽粗粗就入咗去試吓， 估唔到都幾驚喜。我哋嗌左個黑松露龍蝦意粉同埋啱用芝士牛肉漢堡扒都好好味㗎，而且價錢都唔貴非常之值得推介！

呢間西餐廳真係好低調， 如果行得快啲真係可能會睇佢唔到， 鋪仔細細原來入到去呢都別有洞天， 職員都好有禮貌。 今日我去食咗個下午茶都只係32蚊， 有四塊好靚嘅芝士夾餅， 雖然我都唔知墨西哥嘅夾餅係唔係咁嘅， 但佢啲芝士好夠多， 而且用得好均勻， 真係啱啱焗好， 再加少少調味。 然後隔離仲有啲西生菜， 三十幾蚊嚟講真係一啲都唔頹， 好見到餐廳老闆係有誠意做， 上碟嘅時候隔離枱都眼望望， 食完成個晏晝都開心曬啦。 你加啲外面仲有啲小手工品買， 都幾得意

之前行過見到呢間舖，一直都好想試下，呢日就同朋友一齊黎食。提醒返大家，佢哋既野食份量都幾多，如果有需要可以叫少飯/少麵，佢哋dinner set menu上面都會有提醒大家惜食。去到既時候大概7點半，入面坐左5-6成。店員好有禮貌，都幾主動幫客人拎走食完既碗碟。座位有個鐘可以禁，有咩要搵店員可以禁。我同朋友叫左巴里烤雞配芝士煙肉焗薯、秘製BBQ汁燒豬仔骨配炸薯條、焦糖朱古力、洛神甜莓茶。Dinner set menu食物menu飲品menu飲品menu焦糖朱古力、洛神甜莓茶焦糖朱古力︰焦糖味突出，但係唔會蓋過朱古力味，幾好飲。洛神甜莓茶︰喺外面比較少見既味，ok好飲。巴里烤雞配芝士煙肉焗薯、秘製BBQ汁燒豬仔骨配炸薯條巴里烤雞配芝士煙肉焗薯︰佢係全隻春雞，雞肉鮮嫩多汁，可惜唔算太入味；芝士煙肉焗薯好足料，熱食有拉絲。秘製BBQ汁燒豬仔骨配炸薯條︰豬仔骨唔會韌、有肉汁，BBQ汁甜甜地，好正。薯條超脆。總結一下，環境唔錯幾好坐，店員好有禮貌，野食唔駛等好耐，而且好高質。非常好既一間小店。