Ristorante Pizzeria Da Vincenzo

营业中

休息中

羊奶硬芝士黑胡椒馬鈴薯粉團 $138作為經典嘅Caco E Pepe，相比起意粉佢選擇用gnocchi🤣馬鈴薯粉團本身質地偏腍，但又唔會一咬即爛，個人接受到呢款口感，但同行友人就覺得一般😌不過唔關間餐廳事，只係個人口味嘅問題🙂‍↕️整體醬汁稠結度都適中，不過唔重黑椒味，味道較單一特大長通粉配意大利豬肉腸，茄子及芝士$138比起gnocchi，個人鍾意呢款長通粉多啲，長通粉做到al dente，而且好掛汁，呢款醬比起上面嗰款更加香，因為佢加咗意大利豬肉腸，令到呢碟意粉更加惹味🤤意大利風乾火腿薄餅 $178比我想像中大好多😂薄餅呈長方形，有八大塊，餅底夠薄身，薄餅邊都好脆，材料好簡單，只有Parma Ham, Mozzarella同蕃茄，簡簡單單已經好好食😋

一坐低就有一份麵包仔招呼，可以點黑醋同橄欖油，係非常之意大利嘅食法。因為好鬼熱好鬼口渴所以要咗支冰凍嘅sparkling water。佢嘅set lunch係有前菜嘅，可以揀湯或者沙律，我哋每人揀一樣，個湯都幾好飲，不過似乎個沙律比較精彩。我哋嗌咗一個意大利粉同一個pizza share，個意大利粉嘅size係ok嘅，不過個pizza就超級大個，我覺得咁嘅陣細三個人先至勉強食得曬，真係超級抵食。跟住仲包埋一杯餐飲。呢間餐廳真係性價比極高，而且食物嘅味道真係好正宗，係一間值得encore嘅意大利餐廳。

位於大角咀嘅一間隱世意大利餐廳，主打高質素但價錢親民嘅意式料理。餐廳用料講究，環境溫馨，係區內隱藏版美食之選。🫒一坐低就會送上餐包，配上意大利黑醋同橄欖油，簡單但充滿地道風味，開胃一流。🍕 意大利野豬辣肉腸雜菌薄餅，份量大，餅底焗得香口，芝士拉絲效果豐富，每啖都好足料。🍝 蒜香辣椒橄欖油海鮮意粉，海鮮新鮮，意粉煙韌有咬口，配上蒜香辣椒橄欖油，香氣撲鼻。🧀 黑松露芝士焗意大利腸仔，腸仔外脆內嫩，配上香濃黑松露醬同芝士焗製，香氣十足。🍰 Tiramisu，口感綿密，唔會太甜，係經典之選。巴斯克芝士蛋糕，外層微焦內裡滑溜，芝士香濃而不膩，完美收尾。

邊個話食親意大利菜都一定係食到飽飽滯滯嘅呢？今日lunch time嚟到大角咀博文街嘅呢一間意大利餐廳，我冇選擇到pizza或者意大利粉嗰啲set lunch，反而揀咗個火箭菜沙律卷同埋飲sparkling water，來一個好flash好清新嘅lunch time，難得健康一下。我揀嘅呢一個火箭菜沙律卷其實唔係素菜嚟嘅，因為佢外面係有肉卷住嘅，食材好新鮮，加上個意大利黑醋酸酸地幾開胃，唔好睇少呢份咁嘅沙律菜卷，我食曬成份都幾飽。飲品就揀咗sparkling water，過咗一個好chill嘅下午。

大角咀曾是發展商收購的兵家必爭之地，但近期市道低迷，舊樓重建無期，遊走小區不難發現竹棚或馬騮架，而Da Vincenzo門面正正長期被竹棚遮擋不見天日。靈活變通的小店反利用竹棚，用Led燈帶取代光管，用盡創意去吸引客人。—————————————————————$𝟏𝟏𝟖 ✨𝕋𝕠𝕣𝕥𝕖𝕝𝕝𝕚𝕟𝕚 ℂ𝕠𝕟 𝔾𝕠𝕣𝕘𝕠𝕟𝕫𝕠𝕝𝕒✨每次回訪必點，小雲吞的菠菜Ricotta内餡軟滑，配上奶香濃鬱的藍芝士汁和核桃碎絕對會令芝士控一口接一口。$𝟏𝟎𝟖 ✨ℙ𝕚𝕫𝕫𝕒 𝔽𝕦𝕟𝕘𝕙𝕚 𝔼 𝕊𝕒𝕝𝕤𝕚𝕔𝕔𝕚𝕒 ✨8大片絕不欺場，CP值超高，加上餐廳對芝士用量毫無保留，撕碎的肉腸添加了鹹香和咬口，薄餅批邊焦脆是合格有餘的Pizza。$𝟏𝟒𝟖 ✨𝕃𝕒𝕞𝕓 ℝ𝕒𝕔𝕜 𝕨𝕚𝕥𝕙 𝕊𝕒𝕝𝕒𝕕 ✨羊架個頭較少，但處理上誠意十足，裹上香草和麵粉烘烤，外表鬆脆內裡粉嫩不會過膻。但相對意粉和薄餅表現更出色。$𝟏𝟎𝟖 ✨ℙ𝕒𝕔𝕔𝕙𝕖𝕣𝕚 𝕊𝕒𝕝𝕤𝕚𝕔𝕔𝕚𝕒 𝕄𝕖𝕝𝕒𝕟𝕫𝕒𝕟𝕔𝕖 𝔼 ℙ𝕣𝕠𝕧𝕠𝕝𝕒 ✨Al Dente大通粉裹滿芝士，中通的特性剛好被絞肉填滿，一口下去可以品嘗到豐富的口感層次，明顯餐廳是有針對不同造型的Pasta

今次揀咗呢一間意大利餐廳Happy Hour，侍應姐姐先送上車厘茄小麵包，可以點黑醋同橄欖油，好有意大利風情。呢度嘅happy hour係free flow House Wine，隻酒味道都唔錯，所以飲得好開心，結果飲咗5、6杯。我哋另外仲叫咗d小食餸紅酒，首先係焗煙燻芝士配意大利豬肉腸。呢隻豬肉腸都幾香，同個煙燻芝士嘅濃味道好夾，雖然佢話係落咗黑松露汁，不過又唔係好覺有太濃嘅黑松露味。另一款就係意大利風乾火腿黑醋火箭菜沙律卷，食落非常清新。

因為無book位所以差啲無得食，好彩7:30pm前交枱就ok，我哋梗係ok啦。一坐低就有一份麵包仔，可以點橄欖油同黑醋，我就鍾意點橄欖油多啲。因為得兩個人食所以叫咗兩款意粉同一個小食，小食就試咗個青口，青口都幾大隻，而且都幾新鮮，面頭有幾片多士，用嚟點吓啲汁都幾好食。呢個長通粉啲粉嘅質地唔錯，不過最正係佢綠色嗰個羅勒醬，真係好香，配埋碟邊嘅芝士，好味。芝士千層麵又係唔錯，芝士好香。食完正餐梗係要食甜品啦，叫咗兩件cake，兩件都好食。

呢間意大利餐廳的cheese platter真係好精彩，所以影咗多d相，又靚又好味。佢有4款唔同嘅芝士，都係意大利芝士黎嘅，個侍應姐姐有講過d名，不過已經唔記得邊款打邊款，只係知道款款都好好食，佢仲有埋幾塊厚切硬身嘅麵包比你搽芝士。Cold Cut方面有2款，分別係Salami莎樂美辣肉腸同Parma Ham，個Parma Ham唔係好鹹，個莎樂美腸都好味。另外叫咗支sparkling water ，飲有汽水會無咁滯。

這間意大利小店座位不多，每次都會預先訂位。想不到今次星期一幫襯，也是全場爆滿，很有氣氛！喜歡這裡的長方形pizza，款式多、味道好，由於太多選擇，於是我們問經理推介哪種款式，他介紹了餐牌以外的Pizza Special—意大利野豬辣肉腸什菌薄餅，這種沙樂美腸是不辣的，但很香口，薄底香脆，水準一貫的高！Pasta選了特大長通粉配意大利豬肉腸、茄子及芝士，令人喜出望外。Homemade特大長通粉非常al dente，比一般長通粉好吃，而材料亦配合得宜，希望下次再來也有機會試。

流心水牛芝士火箭菜Pizza（$178），雖然Pizza都大個，但係因為好多火箭菜，所以食落去好清新，一啲都唔滯。意大利風乾火腿黑醋火箭菜沙律卷（$98），佢個風乾火腿同埋黑醋配得好好味。意大利雲吞配黑松露雜菌汁（$158），雲吞皮煙靭，入面個餡香濃，不過最精彩係佢個黑松露雜菌汁，黑松露都幾香，唔會有一陣煤氣味，No撈埋旁邊啲芝士粉一齊食就最好啦。Tiramisu係出色嘅。免費的餐前小麵包，點黑醋加埋橄欖油據說係正宗嘅意大利食法。扮吓嘢都要叫支意大利sparkling water飲吓。

一坐低就有斷人頭計嘅車厘茄小麵包，可以點橄欖油或者黑醋嚟食。意粉就揀咗意大利薯仔粉團，佢有幾個汁揀嘅，問waitress姐姐邊款最好味，佢就推薦我哋試下羅勒香蒜汁，佢話因為呢個汁係佢哋自家製嘅，又真係冇介紹錯，個汁好清新好香羅勒味，反而又冇乜蒜蓉味。佢個薯仔粉團煙煙韌韌幾好食。pizza我哋就揀咗最傳統嘅意大利辣肉腸pizza，呢度嘅pizza係長方形嘅，我估主要係要就個pizza焗爐，味道唔錯，唔好睇佢細細個其實食落就知都幾飽。我哋仲叫咗個羊架，肉質都幾嫩，好食。最後食埋甜品就非常滿足，佢個tiramisu好好食，另外嗰個唔記得咗叫乜嘢名嘅蛋糕味道都唔錯。

呢間意大利菜味道正宗，而且食材非常新鮮，我哋今晚四個人叫咗一個前菜一個Pizza同埋一碟意粉再加兩個甜品share，食到非常滿足，每人都唔使$200 ，簡直係超值。前菜揀咗意大利風乾火腿黑醋火箭菜沙律卷，火箭菜好新鮮，用風乾火腿包住配合得好好，佢個呷醋汁調返個鮮味出嚟。 pizza就揀咗留心水喉芝士火箭菜Pizza，唔小心又叫咗火箭菜添，pizza個餅底做得好好食，火箭菜同埋水牛芝士都正，個Pizza幾好，唔會好滯，食得出好新鮮嘅味道。 pasta就揀咗意大利雲吞配黑松露雜菌汁，佢個汁做得好好，好Creamy，個意大利雲吞都好好食，雲吞皮有彈性，另外邊嘅芝士粉好香。仲有佢免費送嘅小麵包味道都好好，點黑醋加橄欖油超正。

因為我哋得三個人，但係好多款pizza都想試，最後發現原來啲pizza係可以雙拼嘅，於是我哋就揀咗意大利辣肉腸pizza拼卡邦尼pizza，唔好睇佢咁薄，其實三個人要食曬都幾飽下。辣肉腸pizza就唔使多講啦，佢啲辣肉腸係幾好味嘅，至於個卡邦尼pizza我都係孤陋寡聞第一次見。有大大隻蛋喺上面個感覺就好似印尼炒飯咁樣，入面嘅配料主要就係煙肉同芝士，即係好似卡邦尼意粉咁樣不過就做咗pizza。另外仲叫咗一份芝士焗矮瓜，啲芝士好香，呢個小食都幾滯，如果多人叫嘅話值得一試。

今天來一趟高級的happy hour，唔飲啤酒要飲吓紅酒，仲要配埋好正嘅cheese platter同cold cut，過一個非常relax嘅下午。佢呢度嘅cheese platter一共有4款芝士，除咗隻blue cheese之外，其他嗰三款我都唔係好識分辨係乜嘢芝士，總之就係飲住紅酒食芝士好正啦。佢個blue cheese幾好食，個味道唔會太濃。cold cut就有意大利風乾火腿同埋辣肉腸，兩款都幾好食，又唔會好鹹。 happy hour紅酒白酒同意大利起泡酒free flow都幾正。

農曆新年吃了很多頓中菜之後要吃些其他東西，所以今天晚上便選了這一家大角咀的常滿西餐廳，點了一份烤羊架和喝了一杯Mojito。這份烤羊架物超所值，才$198竟然有4年件羊架，而伴在一旁的沙律菜亦新鮮精彩。羊架size大而且偏向厚身，肥瘦度適中，如太肥便讓人吃不消，但如果太瘦則會偏向韌，很難咬開。羊架內仍保留肉汁，煮得不錯。沙律菜是用新鮮菜自家製，入面的火箭菜和車厘茄都很新鮮。唯一挑剔是羊架配了芥辣而不是薄荷醬。這裡有非酒精的Mojito，點了一杯，味道不錯，薄荷葉很香。