Rimi Cafe (已結業)

平日想搵間坐得耐嘅cafe邊飲下食下野邊zoom上堂，咁啱上網搵到尼間就決定黎試下！卡邦尼意粉$79 ★★★★★賣相好吸引🤤煙肉比較少但汁好入味，仲有一大舊芝士係面頭，好正👍意式鮮茄辣肉腸燴意大利粉$75 ★★★★★有淡淡嘅番茄酸味同辣肉腸嘅辣味，賣相同樣好吸引，唔錯👍香蕉咖啡 原價$45 ★★有淡淡香蕉味但飲落好似溝左好多水咁，唔太推薦。青蘋果沙冰 原價$55 ★★★★好大杯！真係成杯都係沙冰，但青蘋果味有小小唔夠，有d化學甜味，但口感一流，可以一試！原本以為唔夠食但食完都幾飽～價錢小貴但黃店會再幫襯！上次zoom上完堂就走無時間玩下board game，平時想同朋友玩下game食下野可以黎尼間，最重要係坐幾耐都唔會俾人趕走🙈

朋友仔做完產檢，想搵個坐得舒服嘅地方食個午餐，就揀左佢啦！晏晝人流唔算多，唔會有擠迫感。Menu食物選擇多，但是就無set lunch,可以加錢再叫飲品，有多款茶同飲品可以選擇，如果有選擇困難症嘅話就要用多啲時間啦！食物嘅價位就同晚餐都係相約。朋友揀左個carbonara,而我就揀左個芝士焗香檳芥末汁牛肉飯。食物嘅賣相算係有心機，兩款食物都被佢嘅香味吸引到，而落嘅時候，芥末味都幾香幾易入口，重點係份量啱啱好，唔會有浪費食物嘅狀況，呢個都係值得一讚！

估唔到鬧市中有間清靜嘅cafe💛 地點方便環境舒適😍 一邊係普通cafe 設計 有好多sofa 卡位可以好舒服咁坐😛 而一邊係榻榻米設計 有大玻璃窗 適合影下相😙 晏晝時間去有lunch set 都唔錯😋 叫左個angel hair with smoked salmon and mushroom in cream sauce ($88)🤤 就係忌廉意粉 都幾好食好夠汁😍 跟餐叫左個caramel coffee (+$6)🤣 杯咖啡比想像中冇咁甜但都ok🙈

純粹係因為黃店先支持，見到咁多好評諗住應該幾好食...wow個carbonara真係極品，未試過食啲咁難食嘅，佢落多cream到呢，膩到不得了，食一啖就要飲一啖水，價錢同味道唔能夠相題並論。然後叫咗一杯碳培烏龍，茶味唔夠，糖就最多，居然成間餐廳最好味係杯水😀總結如果大家想食，記得叫其他嘢，奉勸各位點都唔好叫carbonara。朋友嗌咗個香辣蒜香天使麵，整體比起個carbonara好好多，但係偏咸又好油，應該落咗好多牛油同埋油，食完之後要飲好多水。我發現原來嗌嘢食都好講運氣，祝大家嗌嘅唔難食good luck！

雖然聖誕新年長假期，但因為二人限聚令，想約多幾個姊妹下午茶都好難。今日就搵個靚媽姐妹Tea一Tea、吹下水。佢選咗呢間有豬黃店，大家都未食過，即管試吓，仲發現可以openrice online reserve，正，方便。餐廳係樓上舖，唔太大，門口及餐廳內牆壁都有好多特式設計及擺設，值得細看。一入去就充滿芝士味，可能有人order左pizza。始終舊樓樓上舖通風系統真係麻麻，加埋Open Kitchen, 油煙味就要啲時間適應。食物方面就好好味，抵食夾大件。我哋order左個二人餐，有麵包、南瓜湯、一款小食、兩個主菜及飲品，都唔使$300。小食：蜜糖雞翼：香甜美味主菜：燒豬肋骨：好好味既豬肋骨，入味又唔會韌，好味過好多美式連鎖餐廳。主菜：香辣蝦炒天使麵：正常，唔會好辣，麵質同蝦都爽口。總括嚟講，食物味道好，價錢抵，係環境清潔一般，梳化椅因為係布料，都有啲食物漬，洗手間就太污糟，好扣分。

今日得閒同朋友去旺角行街，就決定好朋友一齊去試吓樓上Cafe。呢間樓上Cafe嘅好處真係好多，佢提供叉電器俾你叉電，又有好多boardgame俾你玩,我仲見到有啲人坐喺度做功課都可以。咁我哋去到就嗌左一個二人套餐，個套餐入面包括兩杯嘢飲，餐湯，蒜蓉包，小食，兩個主菜或者一個主菜一個小食。總之總共有三樣嘢食😂😂。首先，講吓佢個餐湯先。佢今日個餐湯係南瓜湯個湯都好creamy好好飲。跟住我哋嗌左個蜜糖雞翼，個蜜糖雞翼真係好好食佢有好多蜜糖喺上面🥰🥰🥰食落去嘅感覺真係好幸福。跟住講吓佢個意粉，我哋叫咗鮮蝦蒜辣炒天使麵。呢個天使麵真係辣，因為我平時係食開BB辣但係我都有少少頂唔順😂😂。係我自己能力問題但係如果鍾意食辣嘅人應該都會鍾意食呢個。建議大家如果食呢個意粉嘅時候可以撈起先。因為佢d汁多數都係底，所以撈勻會比較好食。最後，我哋叫咗個巴馬火腿薄餅。我想講個薄餅有十吋咁大，剩係得兩個人食真係食唔晒。但係我覺得佢巴馬火腿同個Pizza好夾，巴馬火腿鹹鹹地再加埋個Pizza餡有少少蕃茄底真係正！而且佢係薄餅嘅底係麵包底，所以都算脆🤭。最後一個溫馨提示：如果淨係兩個女仔去食一個二人套餐嘅話我建議大家

很累的時候，只要補充大量脂肪和澱粉質🐷，就能收穫滿滿的幸福感❤️🥔芝士焗風琴薯仔$59焗薯切成風琴狀，面層鋪滿酸忌廉和煙肉碎🥓，夾埋底層的芝士脆片一起吃，極致美味🤤🥗經典凱撒沙律$83不是為了減肥才點沙律，只是因為美味😂沙律菜🥗+麵包粒🍞+芝士🧀是經典美味的組合，加上這裡的芝士份量爆炸多💥好正🤩🥨焗蘑菇雞肉酥$68外皮焗得香脆鬆化，蘑菇和雞肉味道很夾👍🏻🥛芝士奶蓋珍珠奶茶+15🍠芝士奶蓋紫薯牛奶加珍珠+16芝士奶蓋口感非常濃厚😍😍😍奶味香醇，珍珠彈牙，一邊喝著一邊覺得被治癒☺️食物都在水準以上，而且佈置簡約，一些擺設更會令人會心微笑。Openrice訂座還有95折優惠呢。

環境舒適, 有卡位, 有地毯位選擇, 有兩個單位, 但通常都只開一個, 另一個好似只見過一次有人, 唔知係客人唔夠定只供多人或party食物有水準既, 一定唔會難食, 試過好幾款食物, 煙三文魚配忌廉菌天使麵, 卡邦尼意粉, 兩個都好味, 賣相好 , 麵和意粉都軟硬適中, 汁唔係一般茶記hea汁, 另外仲有食芝士西蘭花, 呢個就一般, 無乜特別, 要推既係炸雞軟骨, 好香, 好脆, 唔好炸到得粒乾, 同完全收縮, 讚!!飲品, 好鐘意佢個烏龍茶春茶系列, 其他就飲過.

有塌塌米既黃店cafe首先一打開lift門，已經見到有一堆人係到等外賣。店員幫我地量過體溫後，就安排入座。由於著裙既關係，都係坐卡位算啦。下次來真係要著反條褲坐下塌塌米。一入到去，成間舖已經充滿著聖誕氣氛同埋加上各種各樣文宣既擺設，佈置同環境都令人覺得舒服。下午茶時間唔想食得太飽，所以叫左個午餐加幾樣小食。卡邦尼意粉連凍烏龍茶卡邦尼意粉有好濃厚既芝士味配合各種香料，味道方面好出色。藍天白雲另外我認我係衝住呢杯特飲而來的😝，呢杯係一杯荔枝味既梳打配上一球雲尼拿味既雪糕再加cream。就咁睇個外觀以為得個靚字咁簡單，點知飲落係意外地好飲， 荔枝角同雲尼拿估唔到意外地夾。好味之餘又有得影下相打下卡咁。蜜糖芥末雞翼/蒜香雞翼由於係雞翼既愛好者，望到呢個餐牌有成4種口味真係令人花多眼亂，最後就揀左呢兩隻味，每樣有3隻。我個人比較鍾意蜜糖芥末雞翼，食落外面夠脆同入味之餘，入面既雞肉都保持到嫩滑既口感。呢個味食落好香口令人好開胃，仲係新鮮熱辣辣咁。蒜片牛柳粒呢個好香蒜味，蒜片同牛柳粒都炒得好香好惹味，牛柳岩岩好夠熟又唔會係過熟既感覺，個味同質感都控制得好好。如果大家都想食好味既黃店不防試下呢間樓上c

餐廳位置極方便，在登打士街女人街交界嘅登打士廣場，而且位處20樓景色幾開揚，餐廳用簡約設計，乾淨又舒服分左兩個用餐區，一邊是正常餐桌，另一邊是榻榻米形式鮮茄辣肉腸燴意粉意粉軟硬度適中，微微帶點乾身，鮮茄醬配合新鮮蕃茄，茄味濃郁，配埋炸香辣肉腸，味道好豐富雞肉串燒(五串)雞肉表皮烤得焦香，肉質夠厚實，配埋惹味照燒汁，值得推介炸雞翼配薯條雞翼和薯條雖是普通食物，但即叫即整，熱辣辣上枱已經超美味荔枝烏龍茶荔枝味沒有掩蓋茶味，有水準桂花蜂蜜綠茶桂花配蜂蜜，冬天飲，暖意綿綿整體十分滿意，位置方便而環境夠relax,食物質素亦很好，用openrice app訂埋位，仲可以有九五折，都幾抵

最近同朋友行開旺角有啲攰就上咗登打士街廣場Rimi Cafe坐下 因為我之前都幫襯過覺得好食所以就帶埋我朋友去試 食完我朋友都話高質！所以就推介俾大家 btw如果可以記得OpenRice訂枱 因為有九五折 我記得限時之內在房好似仲有八五折添 Cafe來講都幾抵食 當然啦除咗抵食之外 食物亦都好好味 我平時最鍾意就係飲呢度嘅Oreo milkshake 就咁單叫一杯嘢飲係貴啲㗎 所以我多數都會叫set 我就叫咗雞翼拼薯條set 佢本身係包一杯$39嘅嘢飲 其他就要補返差額 首先我想講佢呢度嘅薯條好香口好脆 睇得出係新鮮炸 至於小食 我哋叫咗芝士煙肉焗薯蓉同炸燒賣 因為我平時真係好鍾意食薯蓉 我見到嘅薯蓉可以比一百分 佢同KFC真係冇得比 薯蓉再加埋啲芝士簡直一流 一食落去落芝士可以拉絲 仲可以拉到好高 不過嗰陣掛住食唔記得影俾大家睇吓哈哈 炸燒賣係我今次第一次係呢間Cafe叫 諗住試吓新野 點知同其他食物一樣咁有水準 燒賣炸到金黃色 唔單只係外貌靚 佢咬落外面聲音都好清脆 裏面就啖啖肉 好味

今天去了Rimi Cafe食午餐...這間樓上cafe比相像中大，最多應該容納到40-50人。入到去當然照舊睇menu先啦（抱歉 又忘了影相）...聖誕將近，Rimi cafe都有聖誕裝飾應下節今次我嗌了一個香辣蒜香炒蝦天使麵、蜜糖雞翼同百香果四季春...咁主菜黎之前有麵包同餐湯（南瓜湯）...味道正正常常主菜既辣適中（我平時不太敢吃辣的），不會被辣味蓋哂天使麵同蝦既味道；天使麵偏硬，幾啱我鐘意既口感...份量ok，不多不少，賣相也有心思我係雞翼控，嗌了三隻蜜糖雞翼，味道不會太甜，也香口（有時食其他店舖既蜜糖雞翼，會甜到好似真係食蜜糖咁）最後埋單大概$125左右，不錯不錯

登打士廣場大家都去得多，而我地今次就揀左係20樓既Rimi Cafe。一入門口已經見到各種文宣，環境都算安靜同乾淨，又可以坐得耐，適合大家約埋一齊reu傾計。Rimi Cafe仲好貼心，準備左紙袋比我地放口罩。我地係晏晝時間去，人流都唔算太多，我地叫左兩個snack，分別係芝士焗西蘭花同蜜糖芥末雞翼。西蘭花比較清淡，適合食到一半有d濟既時候食返啖，上面既芝士都好有份量，做到邪惡拉絲既效果。雞翼就比較重口味，而且係新鮮出爐，雞皮仲係又熱又脆。至於主食我地就叫左煙三文魚配忌廉雜菌天使麵同卡邦尼意粉。天使麵醬汁非常多，配埋雜菌味道好夾。而卡邦尼都好creamy。我地叫既lunch set都係包左野飲，野飲既選擇都非常多，又可以加錢轉其他特飲，總括黎講都唔錯。

登打士街廣場出名最多Cafe，今次同朋友試下從未食過嘅rimi cafe 咁我地就透過喺OpenRice Book位就有九五折門口已經即刻就見到米豬蓮咁其實佢有好多唔同既遊戲可以玩但我主要都係同朋友傾偈咁就冇玩到佢地既環境完全可以打卡佈置都係非常小清新嘅感覺店員都非常細心俾咗兩個口罩袋，咁就唔使搵紙巾包住係野食方面 叫左一個小食拼盤佢嘅份量係極足料 足夠三人食用但我地得兩個人所以食唔曬雞翼烤得啱啱好 薯條又唔會好似麥當勞嗰啲軟晒第二樣就叫左卡邦尼意粉 卡幫尼意粉我最睇重嘅就係佢嘅醬汁夠唔夠咁呢度個答案係超多醬汁 意粉又可以完全吸晒所有醬 係呢度我會比100分靜靜地同朋友可以慢慢傾偈。

成4個月無黎，好掛住個雞翼拼盤，就約左朋友黎呢度食飯啦。環境：今次安排左我地坐右邊間房，呢度全部都係卡位，唔會有人係格離，3個人進入忘我境界服務：由於係你房仔，所以要禁鐘仔先會有人黎order/收野食物：我地叫左2個主食套餐（有蒜蓉包、忌簾沙、沙律、飲品）同埋一個雞翼拼盤share，主食就係影相啦，淨係影左呢個我最難忘的🤭雞翼拼盤係呢度我最中意既食物，有薯條，有雞翼雞搥各8隻，配上蜜糖芥末醬，超正