影片
早两晚咁啱行过筲箕湾，唔熟地头自然走入出名多好野食既东大街。同行朋友话想食西餐，我都担心地道既东大街有无西餐食，不过好彩行到中段揾到呢间叫Rico既餐厅。 望入去光灯充足，装潢简约，感觉都清新，可能今日系平日，所以人唔算太多。打开menu，都有齐标准既西餐种类，我叫左个法式羊扒，朋友就叫左纽西兰西冷牛扒：餐汤餐包正常发挥羊扒都唔错，唔太膻，又大件之后见有个小食叫黑松露鲜杂菌酥盒几意，叫埋黎试下 反而呢个有啲惊喜，新鲜即制又够足料，黑松露味香到泻，配埋个爽口酥皮，一流 今餐总括黎讲我都满意，无意间喺度揾到间西餐，价钱每位都系百几，有呢个质素都唔算贵。见个menu仲有即焗pizza，下次可以再黎试下！喺openrice见呢间Rico未有食评，唔通呢间野系新开无耐？不过点都好，我都觉得唔错，值得再试！
继续阅读