Real Yogurt (已結業)

某天在團購網見到好像很抵的優惠, $35 有熱狗, 有yogurt和有飲品... 未有事前做調查就草草買下..團體有一隻6吋長法蘭克福腸豬仔包熱狗, 加一杯飲品和一杯乳酪...去到既時候店員妹妹說送的乳酪是不包任何toppings的!! 明明照片上係有架....:(最後我厚住面皮問... 店員妹妹才願意給我一點點燕麥...6吋法蘭克福腸十分乾, 皺皮和硬... 好像翻叮再翻叮了好幾次似的..豬仔包都一樣皺皮..似放了很欠... 店員妹妹在我order後便打開一個透明放納膠箱..從中取出一個麵包和一條腸..放爐波爐叮....:(之後隨便潵上生菜和醬料...食落個包軟腍腍的.. 又叮得不夠熱...又完全沒有外脆內軟豬仔包的口感.. 真的很失望...更加失望既係...條腸仔係縮架..真係好難食呀..real yogurt的yogurt是偏酸的, 這個還好, 算合我的口味.. 而飲品方面.. 我點了紅棗茶...店員妹妹用白紙杯裝飲品真的好核突呀...好像人地水機啲杯咁...內裡有一粒紅棗...和一杯茶...真的是「紅棗茶」哩...食材唔鮮, 食品質素差... 賣相亦整得唔靚... 令人無意欲食添丫...:(:(:(差差差...不會再來幫襯了!!!!!我去的時候一個客人也沒有...但等餐等了近15分鐘...真的.. 真係超級失望丫...…查看更多

食過幾間原味yogurt,始終揾唔到真正酸ge yogrut,而且大部分yogurt都開設系旺角等人來人往ge地方,冇得放鬆甘食,而且唔太就腳,所以要等出外辦事先去食呢間就真系誇啦啦,設置於商場內,唔會攞出去唔夠3分鐘就融曬,慢慢食都唔怕;人流唔多,可以靜靜地咁享用,店內都有數張臺,不過小妹我都係中意邊行邊食,店鋪非常貼心,張yogurt ge卡路里表post左係當眼處,唔怕食過量la^_^終於到yogurt la!!!!!店內分兩種方式購買一就係自助形式,另外就係由店員幫你整特定yogurt咁我一選要前者,吃得痛快D嘛店內只有4種口味,而我每次只會要原味加生果做配料,好似係16/7 100g同坊間差唔多但味道就冇得比!!第一啖食落去真係有酸到我隻門牙,連我自己都冇諗過會咁酸,所以配生果可以抵消d酸味,呢個時候d奶味就開始滲出黎,真係good!goodgood!!!…查看更多

星期六都要o係公司OT, 收工都2點, 約左3點半打波, 食飯又太飽, 於是就近去食杯yogurt啦.一去到聞到好香, 原來有人食緊熱狗, 被引誘order一隻試下.靚靚員工介紹有幾款腸, 有種9吋長香辣豬肉腸, 出面未食過, 於是order隻試下啦, $23. 司華力或法蘭克福熱狗就$18, 4吋香草豬肉或雞肉腸熱狗就$12. 心思思又試下淨食香草豬肉腸, $10/2條淨腸, 白色的, 好好食.講返隻狗, 一order就即整, 麵包同條腸都焗到又香又脆, 加埋生菜, 仲有靚靚員工推介酸瓜熱狗醬混埋茄汁同千島醬汁一齊食, 新鮮感爆晒燈, 條香辣豬肉腸好好味, 口感質素似足德國餐廳食雜腸併盤那種 (例如我舊日至愛尖咀假日美食屋).隔離球場打完波, 沖埋個靚涼, 去MTR途中食返杯yogurt, 健康又滿足!…查看更多

Real Yogurt 係一間位於荔枝角o既乳酪雪糕店,開左大半年,OpenRice 咁耐以黎都冇劣評:),除左供應乳酪雪糕外,仲有得賣自家製熱狗及預先包裝o既健康食品佢地o既乳酪雪糕就如店名一樣係 Real Yogurt,有別於坊間標榜全脂奶同理 creamy o既乳酪粉製成品呢o的乳酪係選用美國進口乳漿,唔溝味粉色粉,營養與真正乳酪差唔多,佢地供應o既乳酪同香港迪士尼及日航酒店都黎自同一個美國農場,獲得美國乳酪協會認證,全部零脂肪,糖尿病患者亦都可以食用!乳酪o係出廠時每g更含多過1000萬益生菌,令人食得健康我地兩個多月前去過碧海藍天吉之島o既 Yoppi 乳酪雪糕店,當時仲話區內冇其他乳酪雪糕店,原來附近o既宇晴匯商場 Real Yogurt 仲早開過 Yoppi 添!呢個宇晴匯商場商場之前都有其他商戶做過團購優惠,就好似蛋撻王同埋魚米,我地四月中去完魚米享用團購優惠後,o係呢個商場見到間疑似新開o既乳酪雪糕店,當時有諗過打算向團購達人推介,點知唔夠一個月就見佢地與呢間乳酪雪糕店做優惠Real Yogurt 有十二款乳酪合味,採用自助形式,顧客從每日提供o既四款唔同乳酪口味唧到紙杯,然後加上唔同o既配料及果醬或調味粉,呢間乳酪雪糕店o既配料多達36款,大部份都係新鮮生果及健康食品,佢地有好多市面乳酪雪糕店較少提供o既健康配料,例如高纖o既亞麻籽、葵花籽、阿爾卑斯山燕麥,不過我地唔識得欣賞當晚我地去完剛榮獲煲仔粥天王o既心粥館享用團購優惠後,就由昇悅居行過去宇晴匯商場食乳酪雪糕,我地入到店後,店員親切有禮地介紹乳酪雪糕款式,我地通知店員享用團購優惠,店員話而家同緊多間團購網站合作,要先了解我地拎住問野 coupon 先知道我地係乜野優惠早前o係網站用每張$20 o既價錢買左兩張乳酪雪糕 coupon,每張 coupon 可以當$40 用,店員表示一般客人平時係買價值大約$20 杯乳酪,建議我地今次用住一張 coupon 買兩杯先,留返另一張 coupon o係未來一個半月內用,我地覺得佢o既建議有o的奇怪,因為平時用親 coupon 買乳酪雪糕都係三,四十蚊一杯,若果二十蚊o既份量應該唔夠食,另外有誠意o既 BabyBamboo 支持者睇返自己個 schedule,手頭上都冇其他荔枝角區內o既餐廳 coupon 遲o的要用:(,唔諗住七月中之前再返黎 Real Yogurt,所以當晚都係一次過用晒兩張 coupon不過後來店員見到 coupon 條款細則,原來每次交易只可以用一張 coupon,又同我地講唔可以用一張 coupon 買兩杯喔!無論如何,我地兩個人要分開兩張單俾錢Real Yogurt 乳酪雪糕係按每 100g $16收費,價錢係會貴過市面上大部份乳酪雪糕店每100g 收 $15:(當日提供o既味道有意式乳酸,田園蜜桃,藍莓乳酸及黑朱古力四款,由於按重量收費,我地每款味道都想試下,結果兩杯都要晒四款味道我地唧乳酪唧得比較重手,冇乜加配料已經接近$40一杯配料要左o的 M&M 朱古力,原本要$43,用左 coupon 後只需補$3另一杯冇加任何配料,原本要$41,用左 coupon 後只需補$1意式乳酸味道夠酸,似益力多味,唔甜,比較似雪葩田園蜜桃夠香甜,四款中我最鍾意:)藍莓乳酸味道普通,不過不失黑朱古力非常濃,食落有o的似軟雪糕之前睇過團購優惠介紹及 OpenRice 食評,留意到呢間乳酪雪糕店有款配料係紅辣椒,真係令人意想不到,另外睇到特別推介蜜瓜脆餅及念慈菴呢兩款配料,但係我睇黎睇去都搵唔到呢o的款式,於是我問店員邊款係紅辣椒及蜜瓜脆餅,店員話冇呢o的配料,有o的覺得我o既問題奇怪:(,忽然奇想,究竟我係唔係去左麥當勞問有冇得賣义燒包呢o的傻仔問題呢?點解我諗住想試o的配料都冇呢? 係唔係商戶及團購網站誤導大家? 記得團購達人話過網站優惠o既相片係有機會與實物有出入,只可以俾大家購買優惠時參考:(正當我地食緊乳酪雪糕時,留意到紅辣椒出現o係我地眼前,原來紅辣椒係一樽西式超市有得賣o既 McCormick 紅辣椒,放左o係糖醬及調味料隔離,另外,亦都見到之前話冇o既念慈菴,原來o係一款枇杷膏糖漿,睇黎店員雖然親切有禮,不過產品知識確實有不足之處:(Real Yogurt 環境休閒舒適,地方都唔算細,有張長型吧枱及大約十個坐位供客人o係店內慢慢享用乳酪雪糕,店內亦有多本雜誌俾大家睇:)我地食食下乳酪雪糕時,見到店員拎部相機出黎想同坐o係我地隔離張枱o既人影相,或者希望令班客人有個難忘回憶,另一方面老闆可以放張相o係店內告示板作宣傳之用,不過見到隔離張枱客人婉拒呢番好意,可能我地忙於自己影相,店員冇搵我地做生招牌喔!Real Yogurt 好重視環保,佢地o既乳酪雪糕紙碗係由可持續樹林紙張製造,油墨亦都由植物提煉,另外枱上o既紙巾盒係用乳漿膠桶改裝而成,真係物盡其用今次o既乳酪雪糕算係價錢合理,每人平均$22就食到真正o既乳酪雪糕Real Yogurt o既乳酪雪糕及配料係有o的賣點,不過佢地o係商場內唔太顯眼o既舖位,若果缺乏宣傳真係唔多人知道佢地o既存在,近日除左與多間團購網站合作外,本人o係長沙灣廣場對開行人路見到 Real Yogurt o既宣傳易拉架,希望多o的上班一族留意到附近商場有得賣乳酪雪糕:)…查看更多

今晚食完和亭,行過見到有間新開既乳酪店,入去睇睇,店員好親切咁介紹可自選材料配搭,我地就試咗個常餐$28(200g)係朱古力味配粟米片及mochi,但美中不足的mochi售罄,店員就話可任揀一款其他材料代替咁我就揀咗士多啤利,呢款乳酪食落去好似雪糕,好creamy,其實可以講係乳酪雪糕,好香朱古力味,不過粟米片比較硬,士多啤利ok,乳酪好滑,聽店員介紹時內含4種低脂朱古力,脂肪只得0.03-4,太太就好鍾意食…查看更多

友人介紹話最近新開同埋好好味, 是日專程過海試新嘢, 店舖位於港鐵上蓋之商埸十分方便. 是日揀咗黑朱古力口味, 朱古力味非常濃, 食落有d似雪糕, 之後加咗提子, 菠蘿(個人最愛, 因為佢地係用新鮮生果, 最驚果d比糖水浸過嘅生果), 朱古力粉同脆脆, 值得一讚嘅就係糯米糍, 非常煙韌又唔太甜(聽講係店主親手做, 唔係買現盛), 比咗先發現可以一杯試晒所有味到, 唉, 蠢咗, 下次一定要試埋其他味道.…查看更多

今日去友人屋苑會所打波, 想食少少野又唔想太飽, 友人有$5 coupon, 於是一試.店子標榜 Real Yogurt, (似是)老闆介紹話係美國乳酪廠急凍之後運到, 唔溝味粉色粉, 營養與真正乳酪差不多, 0g脂肪, 勁多益生菌... (忘了)自助形式$16/100g, 平過旺區, 一杯試晒4種味:- 意式乳酸, 夠酸夠凍, 口感較似雪葩, 似益力多味, 但唔甜- 芒果乳酸, 都係乳酸味加清香芒果味, 雪葩口感- Espresso, 好香咖啡味, 但唔太濃, 甜甜地, 口感較似軟雪榚- 黑朱古力, 濃滑朱古力味, 口感最似軟雪榚, 最滑Topping有幾十款, 大部份係生果同健康野, 我都只係食返至愛的OREO+燕麥同花生. 至愛吃辣的我, 竟然發現有... (睇相)食完唔口乾, 唔似以前食開的勁似軟雪榚, 食完仲要買野飲咁.電視報導過高脂肪高糖froyo原來係乳酪粉加全脂奶加味粉溝成, 好開心遇到呢間真正的froyo!…查看更多