Reactors Coffee

营业中

休息中

每次放假都會訓到好晏起身都會落樓下食個brunch嘆下見到好多人都會叫呢到既salad我都叫左呢三文魚沙律有成半個牛油果 正😍另外，焗薯皮都係我地最愛食既因為焗得好香 個芥末醬都好好食呢個無乜特別叫左個甜品個香蕉好正 但個面包還好🙊

10月15 秋意洋溢的大晴天被咖啡香矇騙的感覺，令人失望的午餐。黑松露蘆筍意粉：意粉煮得過熟，黑椒味太重，整體太乾身，濃味到要飲幾杯水解渴套餐加配羽衣甘藍雜菜沙律：敗筆在甜甜的野莓果醬，完全蓋過菜本身的鮮甜味Mocha & Flat White：採用店內拼豆，欠豆香，略有堅果味，但無dark chocolate味，令少甜的mocha 變成「災難性」的飲品，但Flat White 味淡，但過得去，奶泡未夠綿密，影響口感，不過拉花靚Scone：不是新鮮製，內部結構欠層次，口感似食一個微熱麵糰紐約芝士餅：繼咖啡後，全日最令人失望的甜品，屬硬身芝士餅質地，都有芝士味，但入口有沙沙地感覺，味道難以言喻希望我第三次再來時會有驚喜

沙田第一城，是一個充滿慢活感覺的小社，許多富有特色的食肆，許多悠閒感爆登的地方，都出現在這兒。早已經看中了屋苑商場內的各大小咖啡店。而這一次來到，我選擇了一間細細的《Reactors Coffee》來品味一下。我是一個喜歡拜訪小店的人，我選中這《Reactors Coffee》的原因，當然就是因為這一家 coffee shop 夠細，若果他們不是可以使用商場的空間來增加座位，店子就只是得窗邊的這一列高凳。他們自稱 "Reactors"的原因，就是期待發揮他們的的小宇宙，將咖啡發熱發亮，用心沖煮每杯咖啡給所有的顧客。來時已經是下午茶時間了，我輕輕地 order 了一份三文治。芝士火腿三文治，加上了大大片的生菜，也環保地保留了麵包邊。這一個即叫即製的腿蛋治，很香口的味道源自熱溶了的芝士同火腿，一咬開，芝士一絲一絲地被拉出，口感同味道都滿分。咖啡是一杯簡單的 Latte，味道香口怡人，濃郁度同奶味很平衡，喝一口，奶味同咖啡味是各半的，就算是喝到底，咖啡味同奶味都是各半的。這咖啡，令我感到有少少的滿足。食物同咖啡都能夠給予我一定的滿足感，而這地方又帶給予我一個慢活的品味空間，兩者夾起來，就是舒

假期早上搞到十一點先落街食早餐，連麥記早餐都收左啦！好在呢間早餐仲未收，雖然有點貴，但顧念它是打正牌做義式咖啡，比多少少錢都可接受。👆🏻我叫左個黑松露什菌奄列配一杯冰Americano。先講講個奄列先，個蛋係算滑既，無乜「鞋」口的感覺，可惜欠缺蛋香味。不過係香港食蛋，要有味？係奢侈的要求。裡面的什菌就幾好，無比黑松露遮蓋左佢自己的香味，而黑松露又無難聞的「媒氣」味，不俗。而我飲咖啡的新丁來說，杯咖啡就中上啦。不過有感動位係佢早餐都有得你揀咖啡的口味。正所謂：「有得揀，你先係老闆」。可以揀strong 啲，定係fruit 啲。小弟口味比較偏，鍾意果味重啲，而係一般連鎖咖啡店好難飲到。總結，這個近六十元的早餐，三十蚊係比左杯咖啡，十蚊係左個環境，廿蚊先係個早餐。同場加映：太太叫的Sunshine Bagels

兩個人食 去到好多位 嗌野食唔洗排隊 返位等左冇耐個意粉同咖啡就到 食完個牛油果捲就啱啱好到嗌左個牛油果捲同蘑菇菠菜意粉 半價加左cappuccino (nutty)牛油果捲：牛油果夠熟好creamy份量好夠 卷皮微熱少少脆 🥗菜夠乾身同爽口 啲蛋沙拉醬唔會太多蘑菇菠菜意粉：份量普通 唔會太油 啲菇都幾香Cappuccino: espresso有得揀nutty/fruity 揀左nutty 咖啡好醇香 啲奶幾creamy 半價$18幾抵飲

經常去呢間coffee shop食brunch. 雖然佢好似有賣多款咖啡，不過平時多食佢地嘅brunch. 佢地ge 舖位唔算大，所以假日都會幾full，所以唔好預坐好耐。好多時sandwich裏面嘅雞肉都會乾，但係佢呢道就唔會，仲好juicy 添。

係第一城食飯想嘆個西式輕食宜家多左一個選擇喇！以前經過以為佢只係賣咖啡同甜品，原來中午都有午市套餐食。中午Lunch set都有多款選擇，有意粉，意大利飯，亦都有沙律，任君選擇。今次食左「黑松露菌忌廉廣島蠔意大利飯」。黑松露味道唔夠濃，所以聞起來香味差啲啲，食落黑松露味道唔夠重，如果濃味多少少就會香好多啦。蠔好似有3-4隻，而且Size都幾大。另外，餐飲的Americano係用自家烘培的咖啡豆，味道唔錯啊！

第一城內幾間cafe，最終選了這間環境及格調都不錯的cafe。進去時，店內播著音樂，可惜有點與環境有點格格不入；點餐時，店內推薦自家品牌的咖啡豆，所以叫了一杯americano 的特濃版，同時點了英式鬆餅、蟹棒溫泉蛋義粉及黑松露忌廉蠔義大利餅。原以為cafe等餐需時，結果喜出望外，鬆餅、飲料及主食逐一送上。鬆餅品味不錯，略帶點硬，但可接受；咖啡味道不濃醇；義大利飯份量適中，硬度適中，黑松露相對較多；意粉硬度適中，醬汁濃厚，蟹棒有鮮味，整體食品評價不俗。

經常黎呢間咖啡店，早餐，午餐，下午茶都幫襯過，最抵食既應該係午餐。正價叫意粉，配american ，加$6可轉latte/cappucino/flat white/dirty。今日叫左煙三文魚意粉$69，意粉煮得硬身，爽口小小既，我鐘意呢個硬度。煙三文魚有三片，都幾抵。呢個意粉真心好食咖啡先係我既至愛，今日叫左flat white。咖啡味濃，奶夠滑。呢個既食物咖啡都好，但座位環境就一般。因為佢既位喺商場里面，不停會有人行黎行去。又對住條扶手電梯。所以好多嘈雜既聲音。唔能夠安靜地一邊睇書一邊嘆咖啡，無左cafe嗰種慢活避世既感覺

Such a nice place to enjoy a quality coffee. There’s not a lot of café out there that offer such a variety of coffees measuring up to this level. Of course I’m expecting more British from a café like the BLT, Benedicts Egg and NYC, of which none is served here. I can’t comment more on food except it’s a bit overpriced given there’s not many comparable alternatives in your proximity. Overall it’s a nice place to chill and chit chat for a Sunday morning slacker.

臨時為左等人 而搵既coffee 一個人都好自在感覺好鍾意落地玻璃窗+木材枱面又可以偽文青冷壓果汁加蔬菜🥬 都之前有hit過下我就叫佢推介左呢款容易入口既之前都有試過bxxxx個d我覺得都唔錯幾易入口 唔會苦澀 唔會甘甘地亦唔會水果味比蔬菜冚左陣味主菜係低溫慢煮雞肉配牛油果🥑真係好健康 d雞肉完全冇醃漬過所以保留左雞肉味 個人喜好外表烤到焦香入面係嫩滑但佢呢間係超級無敵健康另外 佢調左個醬汁 我個覺得唔夾似點生蠔個類醬不過環境同埋服務都夠水準又可以盡情hea 推薦比注重健康人士完 多謝收看

Happily, I would like to say that this is a quite unforgetabble memory because Reactor’s coffee is very wonderful fascinating fabulous amazing......Let me tell you 3 reasons first.First those pasta and ingredients are sepical and delicious. The spaghetti is amazingly different with usual. The ingredients he used is quite delicious. Salmon, para ham, truffles etc. Second there are some desserts and those desserts are as yummy as some stores which sell desserts. Crème brûlée is delicious especiall

第一城裏面算係咁靚靚地，唔頹既地方。坐既地方就一般，都係商場中間，四方八面都有人行過。位置唔多，週末難搵位，但平日日間ok。野食幾好，咖啡幾好，甜品最好我覺得。

估唔到我自稱係咖啡控但呢間咖啡小店係第一城開左咁耐我一次都未嚟過🙄😅。今日終於下定決心要嚟幫趁，嘆個早餐，順便試下佢地嘅咖啡。佢地嘅早餐唔算平但望落應該是骨緻野，所以我就點左份燒牛肉egg benedict, 另外加錢轉杯latte。份早餐賣相唔錯，不過份量就較少，但早餐我一般唔敢食太多，唔係個腦會function唔到，所以我覺得還可以，最緊要係食物質素高。成間店我睇見只有兩個人負責，所以份餐都等左一陣，不過味道好好，蛋唔夠生但都有漏蛋汁，我諗可能係差左十零廿秒咁，燒牛肉夠味塾底塊包都新鮮有微微熱過，伴碟沙律菜夠新鮮，所以整體我覺得滿意。Latte反而比食物早上，呢度嘅咖啡佢都會有兩款豆比你揀，因為有人鍾意果香，但有人喜愛朱朱力味重啲嘅，我今次就揀左fruty & nutty啲嘅☕😊。可能因為加左錢，所以杯latte都幾大杯，呢款咖啡豆味唔錯，有陣陣果香，奶泡幼滑細緻👍。個人僻好，次次飲有奶咖啡都要影番張見底相😁😜🤭。另外有個小貼士，如果朝早嚟食早餐又得一至二人，建議坐店舖望窗bar枱位，事關商場冷氣係過十點先有，夏天即使坐室內商場open area嘅位都會好熱架😝。

難得放假, 去附近商場食午餐。發現了一間看起來環境及品不錯的咖啡店, 決定試下。這咖啡店係先落單後找座位, 再由服務員為您送上食物。而主要座位是在咖啡店對出的商場裡, 全部以木製裝飾及傢俱為主, 感覺都很優閒舒服!我地叫左溫泉蛋拿卡邦尼意粉及香辣蜆肉意粉。這裡的意粉份量相比一般咖啡店來說都算大份,另外, 意粉的軟硬適中，特別是香辣蜆肉意粉, 辣度適中, 值得推介!而飲品方面, Green Tea Latte更值一讚, 又大杯, 又有心思的拉花, 味道亦剛好, 不太甜, 值得一試!